United kaupir framherja

Sir Alex Ferguson segir Manchester United hafa klófest framtíðarstjörnu í dag þegar félagið gekk frá samningi við ungan framherja frá Angóla. Hann heitir Anucho hefur verið á reynslu hjá félaginu síðustu vikur. Það voru útsendarar Carlos Queiros aðstoðarstjóra sem bentu á framherjann.

Bellamy þarf ekki í aðra aðgerð

Framherjinn Craig Bellamy hjá West Ham þarf ekki að vara í aðra kviðslitsaðgerð í röð eins og óttast var heldur hefur hann verið settur í stífa sjúkraþjálfun. Bellamy hefur verið frá keppni í sjö vikur vikur og fór í aðgerð í Þýskalandi í október.

Abramovich að nálgast 100 milljarða markið

Roman Abramovich er sagður hafa borgað upp rúmlega 4,5 milljarða af skuldum félagsins sem fengnar voru að láni í stjórnartíð Ken Bates. Lánið tók Bates á sínum tíma til að kaupa Stamford Bridge, en Abramovich borgaði upp helminginn af láninu þegar hann keypti Chelsea á sínum tíma.

Mourinho í léttum dúr (myndband)

Jose Mourinho ákvað að gefa ekki kost á sér í starf landsliðsþjálfara Englendinga á dögunum og margir hafa eflaust óskað eftir því að Portúgalinn útskýrði ákvörðun sína betur.

Verðandi kona Hleb er ekki spéhrædd

Miðjumaðurinn Alexander Hleb hjá Arsenal ætlar að feta í fótspor félaga síns Ashley Cole með því að giftast poppstjörnu. Sú kallar sig Nastyu og er í stúlknahljómsveitinni Topless frá Hvíta-Rússlandi.

Evans heldur fram sakleysi sínu

Jonathan Evans, leikmaður Manchester United, segist alfarið saklaus af ásökunum um að hafa nauðgað stúlku í jólateiti Manchester United á dögunum.

Hópkynlíf í jólateiti United?

Breska blaðið Sun hefur nú birt nýja safaríka sögu úr dramatísku jólateiti Manchester United á hóteli þar í borg á dögunum. Vitni hefur komið fram og segir þrjá leikmenn United - ásamt þremur mönnum til viðbótar - hafa átt kynferðislegt samneyti við unga stúlku.

Ramos reynir við Grýlu á morgun

Juande Ramos hefur aðeins tapað einum leik síðan hann tók við Tottenham en á morgun reynir hann að gera nokkuð sem forvera hans Martin Jol tókst aldrei að gera í sinni stjórnartíð - að vinna sigur í grannaslagnum við Arsenal.

Butt framlengir við Newcastle

Reynsluboltinn Nicky Butt hefur framlengt samning sinn við Newcastle um eitt ár og verður því hjá félaginu út leiktíðina 2009. Hann er 32 ára gamall og spilaði lengst af hjá Manchester United, en gekk í raðir Newcastle árið 2004 fyrir 2,5 milljónir punda. Hann á að baki 93 leiki með þeim svarthvítu.

Lofar Eriksson æviráðningu

Thaksin Shinawatra, eigandi Manchester City, hefur gefið það út að Sven-Göran Eriksson megi starfa sem knattspyrnustjóri félagsins eins lengi og hann vill.

Lawrie Sanchez rekinn frá Fulham

Enska úrvalsdeildarfélagið Fulham var rétt í þessu að tilkynna að knattspyrnustjórinn Lawrie Sanchez væri hættur störfum hjá félaginu. Fulham hefur byrjað leiktíðina illa og er í 18. og þriðja neðstað sæti deildarinnar.

Heiðar klár eftir áramót

Heiðar Helguson mun sennilega verða klár í slaginn á nýjan leik snemma í næsta mánuði að sögn Gary Megson, stjóra Bolton.

Erikson valdi Joe Hart

Sven-Göran Eriksson, stjóri Manchester City, hefur tilkynnt að Joe Hart verði aðalmarkvörður Manchester City undir hans stjórn. Það gæti orðið til þess að Andreas Isaksson fari frá félaginu í næsta mánuði.

Lampard nálægt 100. markinu

Frank Lampard skoraði sitt 99. mark fyrir Chelsea gegn Liverpool í gær og stefnir nú að því að ná sínu 100. marki fyrir félagið.

Redknapp tekur undir með Campbell

Harry Redknapp, stjóri Portsmouth, hefur tekið undir með Sol Campbell, leikmanni liðsins, sem á dögunum sagði að munnsöfnuður áhorfenda knattspyrnuleikja væri fyrir neðan allar hellur.

Varnarkrísa hjá Tottenham um jólin

Áfrýjun Tottenham á brottvísun Didier Zokora í leiknum við Manchester City í bikarnum í fyrrakvöld hefur verið vísað frá af aganefnd enska knattspyrnusambandsins.

Benitez klár í nýjan samning

Rafa Benitez, knattspyrnustjóri Liverpool, segist vera til í að framlengja samning sinn við félagið í kjölfar fundar með eigendunum á dögunum.

Keane er ósammála Campbell

Robbie Keane, fyrirliði Tottenham, er ekki sammála fullyrðingum varnarmannsins Sol Campbell um að munnsöfnuður áhorfenda í ensku úrvalsdeildinni sé genginn fram úr hófi.

Berbatov verður ekki seldur í janúar

Juande Ramos, stjóri Tottenham, hefur nú enn á ný ítrekað að búlgarski framherjinn Dimitar Berbatov sé ekki til sölu. Breskir fjölmiðlar hafa orðað hann við stórliðin á Englandi reglulega síðan hann sló í gegn með Tottenham í fyrra.

Undirbúa heiðursleik fyrir Solskjær

Sky fréttastofan greindi frá því í morgun að Manchester United sé að skoða að spila sérstakan heiðursleik fyrir norska framherjann Ole Gunnar Solskjær næsta sumar.

Vieira: Guttarnir eru betri en við

Patrick Vieira, fyrrum fyrirliði Arsenal, segir að unglingaher Arsene Wenger í dag sé að spila betri knattspyrnu í dag en liðið gerði þegar hann var sjálfur hluti af því á sínum tíma.

Benitez ver Peter Crouch

Rafa Benitez, knattspyrnustjóri Liverpool, hefur komið framherja sínum Peter Crouch til varnar eftir að hann var rekinn af velli með rautt spjald í bikarleiknum við Chelsea í gærkvöld.

Birmingham slítur viðræðum við Yeung

Forráðamenn enska úrvalsdeildarfélagsins Birmingham hafa slitið viðræðum við fjárfestingafyrirtæki Carson Yeung frá Hong Kong um fyrirhugaða yfirtöku í félaginu.

Villa komið í hóp aðdáenda Eiðs Smára

Breska blaðið Daily Star fullyrðir að Aston Villa sé nýjasta félagið á Englandi sem ætli sér að reyna að klófesta Eið Smára Guðjohnsen frá Barcelona í janúar. Blaðið segir að Villa sé tilbúið að splæsa 10 milljónum punda í Eið og Justin Hoyte í janúar.

Unglingarnir fengu Lundúnarslag

Unglingarnir í Arsenal mæta Tottenham í undanúrslitum ensku deildabikarkeppninnar en dregið var í kvöld. Í hinum leiknum mætast Chelsea og Everton.

Chelsea sló út Liverpool

Liverpool er úr leik í ensku deildabikarkeppninni eftir 2-0 tap fyrir Chelsea á Stamford Bridge í kvöld.

Jonathan Evans laus gegn tryggingu

Jonathan Evans, leikmanni Manchester United, hefur verið sleppt úr haldi lögreglu gegn tryggingargjaldi. Hann gaf sig fram við lögregluna í gærkvöldi.

Wayne kvænist Coleen í sumar

Wayne Rooney ætlar að nýta sér tækifærið fyrst England komst ekki í úrslitakeppni EM til að kvænast sinni heittelskuðu Coleen McLoughlin í júní á næsta ári.

Brottvísun Bangura frestað

Knattspyrnumaðurinn Al Bangura hjá Watford verður ekki rekinn úr landi á Englandi strax eins og fyrirhugað var eftir að máli hans var áfrýjað til innanríkisráðuneytisins.

Sanchez til sölu á eBay fyrir þúsund krónur

Stuðningsmenn Fulham virðast vera orðnir leiðir á knattspyrnustjóranum Lawrie Sanchez og vilja fá nýjan stjóra í jólagjöf ef marka má verkleg mótmæli eins þeirra. Hann hefur auglýst Lawrie Sanchez til sölu á uppboðsvefnum eBay.

Prosinecki hraunar yfir enska landsliðið

Enska landsliðið er svo lélegt að aðeins tveir leikmenn þess kæmust í króatíska landsliðið - og það aðeins á varamannabekkinn. Þetta fullyrðir Robert Prosinecki, fyrrum landsliðsmaður og leikmaður Porsmouth.

Eiður Smári verður ekki keyptur til West Ham

Vísir hefur heimildir fyrir því að engin sérstök kaup séu fyrirhuguð hjá enska úrvalsdeildarfélaginu West Ham í janúarglugganum og því sé Eiður Smári Guðjohnsen ekki á óskalista félagsins eins og talað er um í bresku blöðunum.

Jonathan Evans sá handtekni

Breska blaðið Sun segir að það hafi verið norður-írski landsliðsmaðurinn Jonathan Evans hjá Manchester United sem hafi verið handtekinn í tengslum við nauðgunarmálið sem kom upp í jólateiti liðsins á dögunum.

Gerrard verður ekki með í kvöld

Fyrirliðinn Steven Gerrard verður ekki með Liverpool í kvöld þegar liðið sækir Chelsea heim í stórleiknum í 8 liða úrslitum enska deildarbikarsins. Gerrard er með magapest og því gæti Spánverjinn Xabi Alonso hugsanlega fengið sitt fyrsta tækifæri síðan hann meiddist í október.

Lögregla yfirheyrir grunaðan nauðgara

Lögreglan í Manchester hefur nú til yfirheyrslu 19 ára gamlan pilt sem grunaður er um að hafa nauðgað stúlku í jólateiti leikmanna Manchester United á hóteli í borginni á dögunum. Ekki hefur fengist staðfest hvort maðurinn tengist liðinu.

Drogba: Ég gæti misst af Afríkukeppninni

Framherjinn öflugi Didier Drogba hjá Chelsea viðurkennir að svo gæti farið að hann missti af Afríkukeppninni á næsta ári eftir hnéaðgerðina á dögunum.

Riise vill ekki fara frá Liverpool

Norski landsliðsmaðurinn John Arne Riise segist ekki vilja fara frá Liverpool þrátt fyrir orðróm um að spænska félagið Valencia hafi áhuga á að fá hann til sín í janúar.

Carragher stendur fastur á sínu

Varnarjaxlinn Jamie Carragher hjá Liverpool segist ekki ætla að endurskoða ákvörðun sína um að hætta með enska landsliðinu þó nú sé kominn nýr landsliðsþjálfari.

Castillo lánaður til Manchester City

Nery Castillo, landsliðsmaður frá Mexíkó, hefur verið lánaður til enska úrvalsdeildarliðsins Manchester City frá úkraínska liðinu Shaktar Donetsk.

Unglingarnir í Arsenal áfram

Arsenal vann sér í kvöld sæti í undanúrslitum ensku deildabikarkeppninnar eftir 3-2 sigur á Blackburn í framlengdum leik á Ewood Park í kvöld.

Tottenham lagði Manchester City

Manchester City tapaði fyrsta leik sínum á heimavelli á tímabilinu er liðið tapaði fyrir Tottenham í kvöld, 2-0, í ensku deildabikarkeppninni.

Alonso gæti spilað með Liverpool á morgun

Xabi Alonso gæti spilað með Liverpool á morgun þegar liðið mætir Chelsea í ensku deildarbikarkeppninni.

Grétar Rafn dreymir um ensku úrvalsdeildina

Grétar Rafn Steinsson sagði í samtali við hollenska sjónvarpsstöð að hann vilji gjarnan einhverntímann fá að spila í ensku úrvalsdeildinni.

Jóhannes Karl fékk fjögurra leikja bann

Jóhannes Karl Guðjónsson hefur verið dæmdur í fjögurra leikja bann af aganefnd enska knattspyrnusambandsins sem sagði áfrýjun Burnley á spjaldinu tilgangslausa.

Sörensen vill fara frá Aston Villa

Danski landsliðsmarkvörðurinn Thomas Sörensen sagði í dag að hann vilji fara frá Aston Villa enda lítur ekki út fyrir að honum verði boðinn nýr samningur hjá félaginu.