Eggert Gunnþór og félagar úr leik í enska bikarnum

Eggert Gunnþór Jónsson og félagar í Wolves duttu út úr enska bikarnum í kvöld eftir 0-1 tap á heimavelli á móti b-deildarliði Birmingham. Eggert Gunnþór var í byrjunarliðinu en sigurmark Birmingham kom eftir að Eggerti hafði verið skipt útaf vellinum.

Henry gæti misst af Manchester United leiknum

Thierry Henry meiddist á æfingu með Arsenal í vikunni og er tæpur fyrir leikinn á móti Manchester United um næstu helgi. Henry hefur komið inn á sem varamaður í síðustu tveimur leikjum liðsins með misjöfnum árangri en Arsenal tapaði þeim síðari á móti Swansea á sunnudaginn.

Lionel Messi frumsýnir nýja takkaskó í El Clasico í kvöld

Lionel Messi hefur verið á skotskónum það sem af er þessu tímabili með Barcelona en argentínski snillingurinn er ekkert hræddur við að skipta um takkaskó. Messi ætlar nefnilega að frumsýna nýja skó í El Clasico á kvöld þar sem Barcelona mætir Real í fyrri leik liðanna í átta liða úrslitum spænska bikarsins.

Ísland áfram í 104. sæti á FIFA-listanum

Íslenska karlalandsliðið í knattspyrnu stendur í stað á nýjum styrkleikalista FIFA sem birtur var í dag. Liðið situr sem fastast í 104. sæti listans, sæti á eftir Makedóníu og sæti á undan Mósambík. Ísland er í 43. sæti af 53 Evrópuþjóðum.

Óskar Pétursson framlengir við Grindavík til 2015

Óskar Pétursson, markvörður knattspyrnuliðs Grindavíkur, hefur framlengt samning sinn við félagið til ársins 2015. Þetta kemur fram á heimasíðu Grindvíkinga.

Hallbera Guðný í atvinnumennsku - samdi við Piteå

Landsliðskonan Hallbera Guðný Gísladóttir hefur gengið frá samningi við sænska knattspyrnuliðið Piteå. Á heimasíðu félagsins kemur fram að Hallbera sé nýjasta púslið í lið Piteå sem ætlar sér stóra hluti á næsta ári eftir að hafa hafnað í 10. sæti af 12 liðum á síðustu leiktíð.

Chelsea kaupir þrjá bræður frá Luton

Chelsea hefur gengið frá kaupum á tvíburabræðrunum tólf ára Rio og Cole auk þrettán ára bróður þeirra Jay DaSilva frá Luton Town. Fari svo að leikmennirnir spili fyrir Chelsea nær kaupverðið um milljón pundum eða sem nemur um 192 milljónum íslenskra króna.

Michael Owen komið með sitt eigið App

Michael Owen er einn þekktasti knattspyrnumaður heims þó svo að hann hafi ekki mikið spilað með liði sínu, Manchester United, undanfarið vegna meiðsla. Hann hefur þó greinilega nýtt tímann vel því kappinn er kominn með glænýtt svokallað "App“ fyrir iPhone, iPod Touch og iPad.

Fyrsti bikarsigur QPR í 17 tilraunum - Bolton komst áfram

Heiðar Helguson kom inná sem varamaður í síðari hálfleik þegar QPR vann 1-0 sigur á MK Dons í 3. umferð enska bikarsins í kvöld. Grétar Rafn Steinsson var ekki í leikmannahópi Bolton sem vann 2-0 sigur á Macclesfield Town.

Ferguson segir Solskjær geta höndlað pressuna á Old Trafford

Sir Alex Ferguson, knattspyrnustjóri Manchester United, segir Ole Gunnar Solskjær, fyrrum framherja félagsins, kjörinn til þess að höndla þá pressu sem fylgi starfi knattspyrnustjóra Mancehster United. Solskjær leiddi Molde nýverið til sigurs í norsku deildinni á sínu fyrsta tímabili sem stjóri liðsins.

Brasilíumaðurinn Henrique á leið til QPR

Heiðar Helguson fær aukna samkeppni í framlínu QPR á næstunni en enska félagið hefur komist að samkomulagi við Sao Paulo í Brasilíu um félagaskipti framherjans Henrique. Óvíst er hvort Henrique komi til liðsins á láni eða verði keyptur til félagsins.

FIFA rekur á eftir Brasilíu vegna HM 2014

Forsvarsmenn Alþjóðaknattspyrnusambandsins, FIFA, eru ósáttir með hve langan tíma tekur að samþykkja HM-frumvarpið svonefnda úr smiðju FIFA í brasilíska þinginu. Meðal þess sem Brasilíumennirnir eru ósáttir við er að leyfa áfengissölu á leikjum keppninnar auk þess sem fólk eldra en 65 ára fær ekki ódýrari miða á leiki keppninnar samkvæmt reglunum.

Henry biðst afsökunar á óvönduðu orðavali

Thierry Henry, sóknarmaður Arsenal, hefur beðist afsökunar á að blóta stuðningsmanni að loknu 3-2 tapi gegn Swansea í ensku úrvalsdeildinni á sunnudag. Henry, sem gekk til liðs við Arsenal á tveggja mánaða lánssamningi fyrr í mánuðinum, viðurkenndi að hafa misst stjórn á skapi sínu þegar stuðningsmaður móðgaði hann.

Newcastle að kaupa framherja frá Freiburg

Samkvæmt enskum fjölmiðlum mun Newcastle vera að ganga frá kaupum á sóknarmaninnum Papiss Cisse sem hefur leikið með Freiburg í þýsku úrvalsdeildinni.

Blatter: Platini yrði flottur forseti FIFA

Svisslendingurinn Sepp Blatter, forseti Alþjóðaknattspyrnusambandsins. segir að Michel Platini yrði góður kostur sem eftirmaður sinn þegar hann lætur af embætti árið 2015. Platini gegnir nú stöðu forseta UEFA, Knattspyrnusambands Evrópu.

Giggs og Beckham vilja spila á Ólympíuleikunum

Ryan Giggs og David Beckham eru meðal þeirra leikmanna sem hafa staðfest við enska knattspyrnusambandið að þeir hafi áhuga á að spila á Ólympíuleikunum í Lundúnum á næsta ári.

Í beinni: QPR - MK Dons | Heiðar á bekknum

Boltavakt Vísis er með beina lýsingu frá viðureign QPR og MK Dons í 3. umferð ensku bikarkeppninnar.

Maradona skorinn upp vegna nýrnasteina

Diego Maradona hefur verið útskrifaður af sjúkrahúsi í Dubai eftir að hafa verið skorinn upp vegna nýrnasteina. Í yfirlýsingu frá Al Wasl, félaginu sem Maradona stýrir, kemur fram að hann hafi fengið að yfirgefa sjúkrahúsið og safna kröftum á heimili sínu.

Joe Hart: Þetta var ekki fallegt

Joe Hart, markvörður Manchester City hélt hreinu á móti Wigan í ensku úrvalsdeildinni í kvöld og sá til þess að mark Edin Dzeko í fyrri hálfleik nægði City-liðinu til þess að vinna leikinn og ná þriggja stiga forskoti á Manchester United á toppnum.

Dzeko tryggði Manchester City þriggja stiga forystu

Manchester City sýndi engan stórleik á móti botnliði Wigan í ensku úrvalsdeildinni í kvöld en Bosníumaðurinn Edin Dzeko sá til þess að City-liðið vann 1-0 sigur og er aftur komið með þriggja stiga forskot á Manchester United á toppi deildarinnar.

Granero hjá Real Madrid: Vill helst komast til Liverpool

José Mourinho, þjálfari Real Madrid, hefur ekki mikla trú á spænska miðjumanninum Esteban Granero og umboðsmaður leikmannsins er byrjaður að blaðra um það í fjölmiðlum að leikmaðurinn vilji komast í burtu frá Santiago Bernabéu.

Henry lenti í rifildi við stuðningsmann Arsenal eftir Swansea-leikinn

Hveitibrauðsdagarnir hjá Thierry Henry voru fljótir að líða ef marka má rifildið sem franski leikmaðurinn lenti í við stuðningsmann Swansea eftir tap Arsenal á móti Gylfa Þór Sigurðssyni og félögum í gær. Enskir fjölmiðlar birtu nokkrir fréttir af uppákomu eftir leikinn.

Gary Cahill orðinn leikmaður Chelsea

Enska úrvalsdeildarfélagið Chelsea hefur staðfest kaupin á enska varnarmanninum Gary Cahill frá Bolton Wanderers. Kaupverðið er talið vera um sjö milljónir punda eða sem nemur 1,3 milljörðum íslenskra króna.

Valur gæti fengið sæti í Evrópudeildinni

Svo gæti farið að karlalið Vals í knattspyrnu fengi sæti í undankeppni Evrópudeildar 2012-2013. Þrjár efstu þjóðirnar á Háttvísislista UEFA fá í sinn hlut aukasæti í deildinni. Ísland er sem stendur í fjórða sæti listans en miðað verður við stöðuna á listanum 30. apríl næstkomandi.

Coleman líklegur arftaki Speed

Allt útlit er fyrir að Chris Coleman verði næsti landsliðsþjálfari Wales í knattspyrnu. Walesverjar hafa verið án landsliðsþjálfara síðan Gary Speed tók eigið líf í lok nóvember. Coleman mun funda með forráðamönnum knattspyrnusambands Wales í vikunni en hann hefur áhuga á starfinu

Dean Windass reyndi að fyrirfara sér

Dean Windass, fyrrum sóknarmaður Hull City, hefur viðurkennt að hafa reynt að taka eigið líf eftir baráttu við áfengi og þunglyndi sem hófst þegar knattspyrnuskórnir fóru á hilluna fyrir tveimur árum.

Steven Kean ráðinn án samráðs við stjórn Blackburn

Í áður óbirtu bréfi frá þremur fyrrverandi stjórnarmeðlimum Blackburn Rovers lýsa þeir yfir áhyggjum sínum með nýja eigendur félagsins, Venkys. Meðal annars kemur fram að ekkert samráð hafi verið haft við stjórnina varðandi brottvikningu Sam Allardyce úr starfi frekar en við ráðninguna á Steve Kean sem eftirmann hans.

Inter búið að bjóða í Tevez

Marrimo Moratti, forseti Inter á Ítalíu, hefur staðfest að félagið hafi lagt fram 25 milljóna evra tilboð í Carlos Tevez, leikmann Manchester City.

Sir Bobby um endurkomu Scholes: Bestu fréttir sem ég hef heyrt lengi

Sir Bobby Charlton, goðsögn hjá Manchester United, var ánægður þegar hann frétti af því að Paul Scholes væri búinn að taka skóna af hillunni og ætlaði að klára tímabilið með United-liðinu. Paul Scholes skoraði eitt marka Manchester United í 3-0 sigri á Bolton í ensku úrvalsdeildinni um helgina.

Hughes vill Samba

Mark Hughes nýr knattspyrnustjóri QPR horfir til fyrrum lærisveina sinna í Blackburn Rovers í leit sinni að leikmönnum en hann hefur þegar boðið í Chris Samba.

Rodgers: Vorum stórkostlegir

"Ferðalag okkar síðustu 18 mánuði hefur verið ótrúlegt. Leikmennirnir voru stórkostlegir og ég er mjög stoltur. Við byrjuðum ekki vel og á köflum vorum við ekki eins og við eigum að okkur að vera varnarlega en það má ekki gleyma því að við vorum að leika gegn leikmönnum í hæsta gæðaflokki," sagði Brendan Rodgers þjálfari Swansea eftir ótrúlegan sigur liðsins á Arsenal í dag.

Inter vann borgarslaginn

Inter sigraði nágrana sína í Milan 1-0 á útivelli í kvöld og heldur því áfram að nálgast topplið deildarinnar en Milan missti af tækifærinu á að ná tveggja stiga forystu á Juventus á toppi ítölsku deildarinnar.

Barcelona heldur sínu striki

Barcelona marði Real Betis 4-2 á heimavelli sínum í kvöld. Þrátt fyrir óskabyrjun þar sem Barcelona var komið í 2-0 eftir 12. mínútna leik náði Betis að jafna metin en einum fleiri tókst Barcelona að knýgja fram sigur undir lokin.

Wenger ósáttur við vítaspyrnudóminn

Arsene Wenger knattspyrnustjóri Arsenal var allt annað en sáttur við vítaspyrnuna sem dómarinn Michael Oliver dæmdi á lið hans í 3-2 tapleiknum gegn Swansea í dag.

Redknapp: Ekki á eftir Torres

Harry Redknapp knattspyrnustjóri Tottenham segir ekkert hæft í þeim orðrómi að Tottenham sé reiðubúið að láta Luka Modric fara til Chelsea í skiptum fyrir framherjan Fernando Torres.

Berlusconi ákvað það að tengdasonurinn yrði áfram hjá AC Milan

Silvio Berlusconi, eigandi AC Milan segist sjálfur hafa tekið þá ákvörðun að halda brasilíska framherjanum Alexandre Pato hjá félaginu en Paris Saint-Germain bauð 35 milljónir evra í leikmanninn í síðustu viku.

Gylfi lagði upp sigurmarkið í sínum fyrsta deildarleik með Swansea

Gylfi Þór Sigurðsson átti frábæra innkomu í sínum fyrsta leik í ensku úrvalsdeildinni í dag þegar hann lagði upp sigurmark Swansea City í 3-2 sigri á Arsenal. Gylfi kom inn á sem varamaður í hálfleik og lagði upp sigurmarkið sem Danny Graham skoraði á 70. mínútu.

Birkir Bjarna: Stuðningsmennirnir hjá Standard Liege eru brjálaðir

Birkir Bjarnason, nýr leikmaður Standard Liege, var kynntur fyrir blaðamönnum fyrir leik Standard Liege á móti Beerschot í belgísku úrvalsdeildinni í gær. Það er síðan óhætt að segja að nýju liðsfélagarnir hans Birkis hafi sett á svið sýningu fyrir hann því þeir unnu leikinn 6-1.

Hermann: Búinn að vera æfingameistarinn í alltof langan tíma

Hermann Hreiðarsson er hættur hjá Portmouth eftir rúmlega fjögur og hálft ár hjá félaginu og er gengin til liðs við Coventry sem er á botni ensku b-deildarinnar eins og er. Hans Steinar Bjarnason talaði við Hermann í hádegisfréttum Bylgjunnar.

Newcastle spillti frumsýningu Mark Hughes og fór upp fyrir Liverpool

Leon Best tryggði Newcastle 1-0 sigur á Queens Park Rangers í ensku úrvalsdeildinni í dag en Newcastle fór þar með upp fyrir Liverpool og í sjötta sæti deildarinnar. Queens Park Rangers var að spila sinn fyrsta leik undir stjórn Mark Hughes sem varð að sætta sig við það að liðið fékk hvorki stig né skoraði í mark í frumsýningu hans.

Redknapp: Við erum enn með í titilbaráttunni

Harry Redknapp, stjóri Tottenham, hefur engar áhyggjur þótt að liðið hafi aðeins náð 1-1 jafntefli á móti Úlfunum í ensku úrvalsdeildinni í gær. Tottenham átti möguleika á því að komast upp að hlið Manchester-liðanna á toppnum með sigri í þessum leik en er nú tveimur stigum á eftir Manchester-liðunum.

Guardiola kemur á óvart: Busquets er besti miðjumaður heims

Það eru allir að tala um snillingana Xavi og Andreas Iniesta á miðjunni hjá Barcelona en þjálfarinn Pep Guardiola er samt ekki sammála því að þetta séu bestu miðjumenn liðsins.

Rivaldo er enn að spila - þrettánda félagið hans er í Angóla

Brasilíumaðurinn Rivaldo sem var á sínum tíma kosinn besti knattspyrnumaður í heimi er ekkert tilbúinn að setja skóna upp á hillu þótt að hann sé að verða fertugur í apríl.

Fowler: Ég sé það ekki gerast að ég fari aftur í Liverpool

Hinn 36 ára gamli Robbie Fowler hefur komið upp í huga margra í allri umræðunni um endurkomur Thierry Henry og Paul Scholes í ensku úrvalsdeildina en þeir Henry og Scholes hafa slegið í gegn eftir að þeir snéru aftur.

Paris Saint-Germain byrjar vel undir stjórn Ancelotti

Paris Saint-Germain vann 3-1 sigur á Toulouse í fyrsta leik sínum í frönsku deildinni undir stjórn Ítalans Carlo Ancelotti en Paris Saint-Germain er áfram með þriggja stiga forskot á Montpellier á toppnum.