Forráðamenn City bálreiðir enskum fjölmiðlum

Forráðamenn Manchester City hafa bannað fulltrúum enskra dagblaða aðgang að æfingasvæði félagsins vegna viðbragða blaðanna við brottvikningu Mark Hughes úr starfi um helgina.

Blaðamannafundi nýja landsliðsþjálfarans frestað vegna ófærðar

Tilkynna átti í dag að Craig Levein hafi verið ráðinn nýr landsliðsþjálfari Skota en ekki var hægt að halda blaðamannafund vegna ófærðar.

Nasri verður ekki refsað

Samir Nasri verður ekki refsað fyrir að hafa traðkað á Richard Garcia í leik Arsenal og Hull í ensku úrvalsdeildinni um helgina.

Benfica hafnaði boði United í Di Maria

Samkvæmt portúgölskum fjölmiðlum mun Benfica hafa hafnað tilboði frá enska úrvalsdeildarfélaginu Manchester United í sóknarmanninn Angel Di Maria.

Anelka missir af jólaleikjunum

Nicolas Anelka verður ekki með Chelsea þegar liðið mætir Birmingham og Fulham á milli jóla og nýárs.

Dunga, þjálfari Brassa: Juventus að eyðileggja Felipe Melo og Diego

Carlos Dunga, þjálfari Brasilíumanna, hefur komið löndum sínum til varnar en þeir Felipe Melo og Diego hafa mátt þola harða gagnrýni á sínu fyrsta ári með Juventus. Dunga segir að Ciro Ferrara eigi sök á því þar sem hann lætur þá spila út úr sínum stöðum.

Fékk aukaleik í bann fyrir að eyða tíma aganefndar

Michael Turner, miðvörður Sunderland, fékk fjögurra leikja bann vegna rauða spjaldsins sem hann fékk í lok leiksins á móti Manchester City á laugardaginn. Turner átti þá að hafa farið viljandi með olnbogann í andlit Gareth Barry þegar þeir stukku saman upp í skallabolta.

Xabi Alonso: Gott að fá jólafrí á nýjan leik

Xabi Alonso, miðjumaður Real Madrid og fyrrum leikmaður Liverpool, fær nú að kynnast því að fá jólafrí frá fótboltanum eftir að hafa spilað í ensku úrvalsdeildinni síðustu fimm ár þar sem leikjaálagið er mikið yfir hátíðirnar.

Ancelotti ætlar að breyta um leikaðferð á meðan Drogba er í burtu

Carlo Ancelotti, stjóri Chelsea, hefur látið hafa það eftir sér að hann ætli að breyta um leikaðferð hjá Chelsea-liðinu á meðan Didier Drogba er í burtu að keppa með Fílabeinsströndinni í Afríkukeppninni.

The Guardian: Liverpool ætlar að skipta Benitez út fyrir Martin O'Neill

Enska blaðið The Guardian hefur heimildir fyrir því að Martin O'Neill, stjóri Aston Villa, muni taka við stjórastöðunni hjá Liverpool af Rafael Benitez. Það hefur lítið sem ekkert gengið hjá Liverpool á þessu tímabili og Spánverjinn er undir mikilli pressu.

Wenger býst ekki við Van Persie aftur á þessu tímabili

Arsene Wenger, stjóri Arsenal, er nánast búinn að afskrifa það að Hollendingurinn Robin van Persie spili aftur með enska liðinu á þessu tímabili. Robin van Persie meiddist illa á liðböndum í ökkla í landsleik á móti Ítalíu 14. nóvember og verður allavega frá fram í apríl.

Cruijff stýrði Katalóníu til sigurs á Argentínumönnum

Johan Cruijff stýrði landsliði Katalóníumanna til 4-2 sigurs á Argentínu í vináttulandsleik á Camp Nou í Barcelona í gær en þetta var í fyrsta sinn sem Hollendingurinn stýrir landsliði Katalóníu.

Fernando Torres: Það væri rangt að reka Rafael Benítez

Fernando Torres, framherji Liverpool, segir að slakt gengi liðsins sé sér og öðrum leikmönnum liðsins að kenna en liðið situr nú í áttunda sæti ensku úrvalsdeildarinnar eftir aðeins tvo deildarsigra í síðustu átta leikjum.

Mourinho er sama um álit fjölmiðla

Jose Mourinho, þjálfari Inter, er ekki hættur að skammast út í fjölmiðla þó svo hann segi að skrif þeirra bíti ekki á sig.

Ivanovic í stað Pepe?

Real Madrid hefur nú beint spjótum sínum að Branislav Ivanovic, leikmanni Chelsea, en spænska félagið leitar nú logandi ljósi að leikmanni í stað Portúgalans Pepe sem spilar ekki meira á tímabilinu vegna meiðsla.

Færri dýfur á Englandi og leikmenn Juve og Inter eru aumingjar

Hollendingurinn Clarence Seedorf, leikmaður AC Milan, er ekki hrifinn af því hversu mikill leikaraskapur er í ítalska boltanum. Hann telur að leikmenn á Ítalíu geti lært af leikmönnum í enska boltanum.

Eiður kominn í frystirinn

Eiður Smári Guðjohnsen er ekki lengur í kuldanum hjá Guy Lacombe, þjálfara Monaco, því hann er einfaldlega kominn í frystirinn.

Hjálmar framlengdi við Fram

Framarar fengu gleðitíðindi í dag þegar Hjálmar Þórarinsson skrifaði undir nýjan samning við félagið.

Neville: Chelsea á að hætta þessu væli um Afríkukeppnina

Gary Neville, varnarmaður Man. Utd, er ekki vanur að liggja á skoðunum sínum og hann er ekki hrifinn af sífelldu væli Chelsea-manna vegna Afríkukeppninnar.

Gerrard selur Audi-inn sinn

Ef einhverjir stuðningsmenn Liverpool eru ekki búnir að kaupa allar jólagjafirnar í ár þá má benda þeim á að Steven Gerrard, fyrirliði Liverpool, er að selja eitt stykki Audi-glæsibifreið.

Ronaldo hefur trú á Englendingum á HM

Portúgalinn Cristiano Ronaldo gerir ráð fyrir því að Englendingar mæti sterkir til leiks á HM næsta sumar og muni bíta frá sér.

Mancini vill halda Robinho

Hinn nýráðni þjálfari Man. City, Roberto Mancini, vill að Brasilíumaðurinn Robinho verði áfram hjá félaginu og hjálpi til við að skrifa sögu félagsins.

Craig Levein verður ráðinn þjálfari Skota í dag

Craig Levein verður í dag gerður að þjálfara skoska landsliðsins í fótbolta eftir fund hjá forseta og framkvæmdastjóra skosks knattspyrnusambandsins.

Carew: Gaf stráknum treyjuna sína eftir hornfána-óhappið

Aston Villa maðurinn John Carew fagnaði sigurmarki sínu á móti Stoke á Villa Park um helgina með því að sparka í hornfánann. Það endaði þó ekki vel því hornfáninn lenti í hinum sjö ára Sam Clements.

Alberto Aquilani er sá nýjasti til að fara í legkökunudd

Alberto Aquilani, ítalski miðjumaðurinn hjá Liverpool, er síðasta fótboltastjarnan til þess að fljúga suður til Serbíu til þess að fara í hið fræga legkökunudd, sem er óvenjuleg lækningaraðferð serbneskar konu sem hefur reynst mörgum vel.

Messi: Ég ætla að spila betur fyrir Argentínu á HM

Lionel Messi var auðmjúkur þegar hann tók við enn einum verðlaunum í gær nú sem besti knattspyrnumaður heims. Hann notaði tækifærið og reyndi að blíðka landa sinna í Argentínu sem hafa gagnrýnt hann mikið fyrir frammistöðuna með argentínska landsliðinu.

Stóri Sam vill fá James Beattie til Blackburn

Sam Allardyce, stjóri Blackburn, er að reyna að næla í James Beattie frá Stoke og hefur meðal annars boðið Jason Roberts í skiptum fyrir Beattie sem lenti eins og kunnugt er í útistöðum við Tony Pulis, stjóra Stoke, fyrr í þessum mánuði.

Ancelotti má eyða 55 milljónum punda í janúarglugganum

Roman Abramovich, eigandi Chelsea, er tilbúinn að láta stjórann Carlo Ancelotti fá 55 milljónir punda til þess að kaupa nýja leikmenn til félagsins þegar félagsskiptaglugginn opnar í janúar. Þetta kemur fram í frétt hjá Telegraph.

Abou Diaby hjá Arsenal: Ég þarf að vera grimmari

Abou Diaby, miðjumaður Arsenal, hefur staðið sig vel á tímabilinu og margir sjá glytta í Patrick Vieira takta þegar hann er upp á sitt besta. Diaby segir að Arsenal-liðið þurfi að herða sig upp ætli það sér að fara að vinna titla á nýjan leik.

Stjórar City á meðan Sir Alex Ferguson hefur verið hjá United

Roberto Mancini verður fjórtándi framkvæmdastjórinn sem sest í stjórastólinn hjá Manchester City síðan að Sir Alex Fergsuson kom til Manchester United. Fergsuson gerðist stjóri United í nóvember 1986 en hér fyrir neðan má sjá þá þrettán stjóra sem hafa komið og farið hjá City-liðinu.

Englendingar mæta Egyptum á Wembley í mars

Enska landsliðið ætlar að undirbúa sig fyrir leikinn við Alsír í riðlakeppni HM í Suður-Afríku með því að mæta Afríkumeisturum Egypta á Wembley í mars. Það voru einmitt Alsíringar sem skildu Egypta eftir í undankeppni eftir 1-0 sigur í sérstökum aukaleik.

Markmið Mancini: Topp 4 í vor og vinna titilinn á næsta ári

Roberto Mancini, stjóri Manchester City, kom í gær fram á blaðamannafundi og fór yfir markmið sín sem stjóri liðsins. Mancini tók við liðinu af Mark Hughes sem var rekinn á laugardagskvöldið.

Robbie Keane verður áfram fyrirliði Tottenham

Harry Redknapp, stjóri Tottenham, ætlar samkvæmt heimildum BBC ekki að taka fyrirliðabandið af Robbie Keane þrátt fyrir að Keane hafi verið einn af aðalmönnunum á bak við leyni-jólapartý Tottenham-manna í Dublin í næstu viku.

Benítez þarf að selja leikmenn til að geta keypt nýja

Rafael Benítez, stjóri Liverpool, hefur ekki alltof mikla möguleika til þess að styrkja leikmannahóp Liverpool þegar félagsskiptaglugginn opnar í janúar þar sem fjárhagsstaða félagsins gefur litla sem enga möguleika eins og staðan er í dag.

Yfirtökuskylda að myndast hjá Kroenke

Bandaríkjamaðurinn Stan Kroenke færðist skrefi nær því að eignast Arsenal í dag er hann keypti 25 hluti í félaginu á rúmlega 212 þúsund pund.

Gourcuff efstur á óskalista Inter

Frakkinn Yoann Gourcuff hjá Bordeaux er efstur á óskalista Jose Mourinho, þjálfara Inter, fyrir jólin en ólíklegt er talið að þessi 23 ára miðjumaður endi í pakkanum hjá Portúgalanum.

Fergie hrifinn af Frey

Ítalskir fjölmiðlar greina frá því í dag að Sir Alex Ferguson, stjóri Man. Utd, ætli að bjóða í Sebastien Frey í janúar þegar leikmannamarkaðurinn opnar í janúar.

Athyglisverðir atkvæðaseðlar - Diego og Puyol bestir í heimi?

Það eru landsliðsþjálfarar og landsliðsfyrirliðar sem velja besta knattspyrnumann heims hjá FIFA. Það er alltaf áhugavert að rýna í atkvæðaseðlana og á stundum er engu líkara en þeir sem kjósa hafi ekki séð fótbolta í mörg ár.

Ólafur og Hermann völdu báðir Messi

Lionel Messi var kjörinn besti knattspyrnumaður heims með miklum yfirburðum. Hann fékk meðal annars fullt hús á báðum atkvæðaseðlunum frá Íslandi.

Katrín kaus ekki Mörtu en Sigurður gerði það

Brasilíski knattspyrnukonan Marta var kosin besta knattspyrnukona heims fjórða árið í röð.

Carew bjartsýnn fyrir leikina gegn Liverpool og Arsenal

Það er mikið sjálfstraust í leikmannahópi Aston Villa eftir frábært gengi það sem af er leiktíð í ensku úrvalsdeildinni.

Beckham er einn af fimm bestu leikmönnum heims

Ítalski landsliðsmaðurinn Andrea Pirlo getur ekki beðið eftir því að David Beckham komi aftur til AC Milan. Pirlo segir að Becks styrki lið Milan mikið og verði mikil ógn gegn Man. Utd í Meistaradeildinni.

Messi og Marta bestu leikmenn heims

Það fór eins og spáð var að Argentínumaðurinn Lionel Messi og brasilíska konan Marta voru valin bestu knattspyrnumenn heims af FIFA í kvöld.

Messi: Ekki kalla mig kónginn í fótboltanum

Lionel Messi er væntanlega að fara að fá ein verðlaun til viðbótar í kvöld þegar FIFA tilkynnir um hvaða leikmaður var kosinn besti knattspyrnumaður heims fyrir þetta ár. Messi var aðalmaðurinn á bak við sex titla Barcelona-liðsins á árinu 2009.

Ranieri: Ég var rekinn fyrir minna í vor

Claudio Ranieri segir að Ciro Ferrara fá meiri þolinmæði sem þjálfari ítalska liðsins Juventus en hann hafi fengið fyrir ári síðan þegar hann var rekinn frá félaginu þegar tvær umferðir voru eftir af ítölsku deildinni.