Diouf á leið til Sunderland

El-Hadji Diouf er á leið frá Bolton til Sunderland fyrir 2,5 milljónir punda. Þessi 27 ára senegalski landsliðsmaður vildi fara frá Bolton þar sem hann hefur verið síðustu fjögur tímabil.

Barton fær annað tækifæri

Kevin Keegan, knattspyrnustjóri Newcastle, segir að miðjumaðurinn Joey Barton eigi enn framtíð hjá félaginu. Barton mun losna úr fangelsi í næstu viku eftir hálfs árs vist fyrir líkamsárás.

Cristiano Ronaldo er enginn fyllibytta

Sir Alex Ferguson knattspyrnustjóri Manchester United segir það vera tóma þvælu að gulldrengur félagsins, Cristiano Ronaldo, hafi verið á stanslausu djammi í endurhæfingunni. Ronaldo fór í uppskurð ekki alls fyrir löngu en myndir af honum á hækjum á hinum ýmsu skemmtistöðum hafa birst í blöðunum undanfarið.

Bouma meiddist illa

Hollenski varnarmaðurinn Wilfred Bouma hjá Aston Villa verður líklega lengi frá vegna meiðsla sem hann hlaut í dag. Hann hlaut alvarleg meiðsli á hné í leik Villa gegn Odense í Intertoto-keppninni.

Olofinjana til Stoke

Stoke City hefur staðfest að félagið sé búið að ganga frá kaupum á nígeríska landsliðsmanninum Seyi Olofinjana frá Wolves. Kaupverðið er í kringum þrjár milljónir punda.

Oleguer til liðs við Ajax

Ajax hefur fengið spænska varnarmanninn Oleguer frá Barcelona. Samningur Oleguer er til ársins 2011. Þessi 28 ára leikmaður átti ekki fast sæti hjá Börsungum á síðasta tímabili.

Fredrikstad í efsta sætið

Fredrikstad vann Brann 1-0 í norska boltanum í kvöld. Með sigrinum komst Fredrikstad í efsta sæti deildarinnar, hefur eins stigs forskot á Stabæk sem á leik til góða.

Eiður lék fyrri hálfleikinn með Barcelona

Eiður Smári Guðjohnsen lék fyrri hálfleikinn með Barcelona sem vann Dundee United 5-1 í æfingaleik í Skotlandi. Dundee komst yfir í leiknum en Börsungar tóku þá völdin.

Friedel kominn í Aston Villa

Bandaríski markvörðurinn Brad Friedel er genginn til Aston Villa frá Blackburn. Kaupverðið er talið vera 2 milljónir punda en Friedel er 37 ára gamall.

United vann Vodacom bikarinn

Manchester United vann 4-0 sigur á Kaizer Chiefs í úrslitaleik Vodacom æfingamótsins í dag. Leikurinn fór fram í Jóhannesarborg og var sigur United öruggur eins og tölurnar gefa til kynna.

Bosingwa tæpur fyrir fyrsta leik

Jose Bosingwa, hægri bakvörður Chelsea, gæti misst af byrjun tímabilsins á Englandi. Þessi portúgalski landsliðsmaður meiddist í æfingaleik með Chelsea í Asíu fyrr í vikunni.

United að greiða metfé fyrir Tevez?

The Sun heldur því fram að Manchester United hafi samþykkt að greiða 32 milljónir punda fyrir argentínska sóknarmanninn Carlos Tevez. Leikmaðurinn hefur verið á lánssamningi síðan í ágúst í fyrra.

Gravesen á leið frá Celtic

Gordon Strachan, knattspyrnustjóri Glasgow Celtic, segist ekki ætla að nota hinn danska Thomas Gravesen þar sem leikmaðurinn henti ekki leikkerfinu sem liðið spilar.

Karel Brückner tekinn við Austurríki

Tékkinn Karel Brückner var í gær ráðinn landsliðsþjálfari Austurríkis. Brückner er 68 ára en hann var þjálfari Tékklands frá 2001 og þar til Evrópumótinu lauk í sumar.

Manchester United í beinni á Stöð 2 Sport 2

Klukkan 13:30 verður flautað til leiks í úrslitaleik Vodacom æfingamótsins í Suður-Afríku. Heimamenn í Kaizer Chiefs munu þá mæta Englands- og Evrópumeisturum Manchester United.

Þór/KA lagði Stjörnuna

Einn leikur fór fram í Landsbankadeild kvenna í knattspyrnu í kvöld. Þór/KA vann góðan 2-0 sigur á Stjörnunni fyrir norðan 2-0. Það voru þær Ivana Ivanovic og Rakel Hönnudóttir sem skoruðu mörk norðanliðsins í síðari hálfleik.

Paul Robinson semur við Blackburn

Enski landsliðsmarkvörðurinn Paul Robinson gekk í kvöld formlega í raðir Blackburn Rovers í ensku úrvalsdeildinni fyrir 3,5 milljónir punda. Hann skrifaði undir fimm ára samning við félagið.

Scolari ætlar að spila sóknarknattspyrnu

Enska úrvalsdeildarliðið Chelsea mun væntanlega bjóða stuðningsmönnum sínum upp á talsvert breytta leikaðferð þegar liðið hefur leik í deildinni í næsta mánuði.

Indriði framlengdi við Lyn

Indriði Sigurðsson framlengdi í dag samning sinn við norska úrvalsdeildarfélagið Lyn út leiktíðina 2011. Indriði hefur verið hjá Lyn síðan árið 2005 og í samtali við Aftenposten í dag sagði Indriði aldrei hafa komið til greina að fara annað, en sagt var að nokkur dönsk félög hefðu verið að spyrjast fyrir um hann.

Roma gefst upp á að fá Mutu

Luciano Spalletti, þjálfari Roma, hefur gefið upp alla von um að fá Adrian Mutu frá Fiorentina.

Garðar besti Íslendingurinn í Svíþjóð

Þó svo að Norrköping sé á botni sænsku úrvalsdeildarinnar er Garðar Gunnlaugsson, leikmaður liðsins, besti íslenski leikmaður deildarinnar að mati Aftonbladet.

Dóttur Mexes var rænt

Vopnaðir menn rændu bíl Philippe Mexes meðan ung dóttir hans svaf í aftursætinu. Franski landsliðsmaðurinn var kominn fyrir utan heima hjá sér eftir að hafa farið út að borða með fjölskyldunni.

Robinson færist nær Blackburn

Blackburn vonast til að ganga frá kaupum á markverðinum Paul Robinson frá Tottenham á næstu klukkustundum. Talið er að félögin hafi komið sér saman um kaupverðið sem nemur 3,5 milljónum punda.

Arnar: Kominn tími til að Blikar taki bikar

Breiðabliksliðið hefur verið mikið í umræðunni síðustu vikur. Liðið hefur þótt spila skemmtilegan fótbolta og þá hafa nokkrir kornungir og efnilegir leikmenn vakið mikla athygli.

Stoor á leið til Fulham

Fulham er að ganga frá kaupum á sænska landsliðsmanninum Fredrik Stoor frá Rosenborg í Noregi. Þessi 24 ára varnarmaður lék með Svíum á Evrópumótinu í sumar.

Ásmundur: Ætlum að gera betur en í fyrra

„Það er endurtekin viðureign frá því í fyrra og það verður spennandi að mæta Fylkismönnum aftur," sagði Ásmundur Arnarsson, þjálfari Fjölnis, eftir bikardráttinn í dag.

Breiðablik og KR drógust saman

Búið er að draga í undanúrslit VISA-bikarsins en það var gert í höfuðstöðvum KSÍ í hádeginu.

Capello ætlar að hætta eftir HM

Fabio Capello ætlar að hætta þjálfun eftir heimsmeistaramótið 2010. Capello er þjálfari enska landsliðsins en hann hefur enn ekki stýrt liðinu í mótsleik eftir að hafa tekið við því í desember.

Martins gæti misst af byrjun tímabilsins

Obafemi Martins, sóknarmaður Newcastle, gæti misst af byrjun tímabilsins vegna dauða móður hans. Hann er floginn út til Nígeríu í faðm fjölskyldunnar og ekki er vitað hvenær hann snýr aftur.

Phil Neville framlengir hjá Everton

Phil Neville, fyrirliði Everton, hefur skrifað undir nýjan fjögurra ára samning við félagið. Neville verður því á Goodison Park til 2012 en hann vill ljúka ferlinum þar.

Beckham og félagar unnu West Ham

Stjörnulið MLS-deildarinnar vann enska úrvalsdeildarliðið West Ham í sýningarleik í Toronto í Kanada í gær. David Beckham, leikmaður LA Galaxy, var meðal leikmanna í stjörnuliðinu.

Chelsea enn á eftir Robinho

Chelsea hefur staðfest að félagið sé ekki búið að gefast upp á því að reyna að krækja í Robinho frá Real Madrid. Viðræður milli félagana standa yfir.

Meiðsli hrjá Stewart Downing

Vængmaðurinn Stewart Downing hjá Middlesbrough virðist ætla að missa af leikjum liðsins á æfingamótinu Algarve Cup í Portúgal eftir að hann meiddist á æfingu á mánudag.

KR, Breiðablik, Fylkir og Fjölnir í undanúrslit

KR, Breiðablik, Fylkir og Fjölnir tryggðu sér í kvöld sæti í undanúrslitum í Visa-bikar karla í knattspyrnu.

Eiður skoraði tvívegis í stórsigri Barcelona

Eiður Smári Guðjohnsen var í byrjunarliði Barcelona í kvöld þegar liðið vann 6-0 stórsigur á skoska liðinu Hibernian í æfingaleik. Eiður skoraði fyrsta og þriðja mark Barcelona á 5. og 17. mínútu leiksins.

Sigur í fyrsta leik hjá Mourinho

Inter Milan sýndi engin glæsitilþrif í kvöld þegar liðið vann 1-0 sigur á Al-Hilal í fyrsta æfingaleiknum undir stjórn Jose Mourinho. Það var Nicolas Burdisso sem skoraði sigurmark Inter í leiknum.

Haukar komnir á Laugardalsvöll

Átta liða úrslit VISA-bikars karla fara fram í kvöld. Tvö lið úr 1. deild eiga möguleika á því að komast í undanúrslit keppninnar. Haukar taka á móti Fylki og þá heimsækir Víkingur Reykjavík lið Fjölnis.

Eiður Smári er túlkur fyrir Hleb

Alexander Hleb er fullur tilhlökkunar fyrir komandi tímabil á Spáni en hann gekk til liðs við Barcelona frá Arsenal á dögunum. Eiður Smári Guðjohnsen og Thierry Henry eru túlkar fyrir Hleb á æfingum.

Ræðst í dag hvort Bjarni fari í Val

„Á einn eða annan hátt mun þetta skýrast í dag," sagði Bjarni Guðjónsson, leikmaður ÍA, þegar Vísir náði tali af honum fyrir skömmu. Bjarni er sterklega orðaður við Valsmenn sem vilja ólmir fá hann í sínar raðir.

Anthony Gardner til Hull

Hull City, nýliðarnir í ensku úrvalsdeildinni, eru að fá varnarmanninn Anthony Gardner lánaðan frá Tottenham. Þessi 27 ára leikmaður fer í læknisskoðun á morgun.

Viðræður um Bjarna standa yfir

Valsmenn ætla að gera allt sem í þeirra valdi stendur til að klófesta Bjarna Guðjónsson frá ÍA. Þetta sagði Börkur Edvardsson, formaður Vals, í viðtali í fréttum Ríkissjónvarpsins í gær.

Pálmi og Kári Steinn æfa með Skagamönnum

Pálmi Haraldsson og Kári Steinn Reynisson eru farnir að æfa með Skagamönnum. Báðir höfðu þeir lagt skóna á hilluna en eru til í að hjálpa liðinu í þeirri erfiðu fallbaráttu sem liðið er í.

David Ngog til Liverpool

Rafael Benítez hefur gengið frá kaupum á franska sóknarmanninum David Ngog frá Paris St Germain. Þessi efnilegi nítján ára leikmaður hefur skrifað undir fjögurra ára samning við Liverpool.

Auðun spáir óvæntum úrslitum að Ásvöllum í kvöld

Átta liða úrslit VISA-bikars karla fara fram í kvöld. Allir leikirnir hefjast klukkan 19:15 en Vísir fékk Auðun Helgason, varnarmann Fram, til að spá í spilin fyrir leikina. Auðun spáir að heimavöllurinn muni vega þungt í kvöld.

Arnar og Bjarki fá að stýra Skagamönnum gegn FH

Arnar og Bjarki Gunnlaugssynir munu stýra liði Skagamanna gegn FH á sunnudagskvöld. Þeir fá hinsvegar ekki að leika í leiknum. Þetta kemur fram á vefsíðunni Fótbolti.net.