Meiðsli hrjá Stewart Downing

Vængmaðurinn Stewart Downing hjá Middlesbrough virðist ætla að missa af leikjum liðsins á æfingamótinu Algarve Cup í Portúgal eftir að hann meiddist á æfingu á mánudag.

Downing verður ekki með liði sínu gegn Vitoria Guimaraes í kvöld vegna þessa og reikna forráðamenn félagsins ekki með því að hann verði klár alveg strax vegna þessa.

Hinn 24 ára gamli Downing hefur annars verið orðaður nokkuð við Liverpool og Tottenham í sumar, en flest bendir til þess að hann verði áfram í herbúðum Middlesbrough. Hann er uppalinn hjá félaginu.