Phil Neville framlengir hjá Everton

Phil Neville, fyrirliði Everton, hefur skrifað undir nýjan fjögurra ára samning við félagið. Neville verður því á Goodison Park til 2012 en hann vill ljúka ferlinum þar.

„Ég hef verið hérna í þrjú tímabil og hef notið hverrar mínútu," sagði hinn 31. árs Neville. „Samheldnin hjá liðinu er frábær."

Neville lék aðallega sem bakvörður þegar hann var hjá Manchester United en hefur mestmegnis leikið sem djúpur miðjumaður hjá Everton. Hann hjálpaði liðinu að ná fimmta sæti á síðasta tímabili.