Dudek á eftirminnilegasta augnablikið í sögu Meistaradeildarinnar

Jerzy Dudek, þáverandi markvörður Liverpool, átti stóran þátt í því að liðið varð Evrópumeistari árið 2005. Þá varði hann tvívegis á ótrúlegan máta í frægum úrslitaleik gegn AC Milan í Istanbul.

Umfjöllun og viðtöl: Haukar - HK 22-21

Haukar unnu nauman 22-21 sigur á HK á Ásvöllum í dag. Haukar lyfta sér með sigrinum í toppsæti N1-deildarinnar með jafn mörg stig og Fram en leik til góða. Aron Rafn Eðvarðsson, markvörður Hauka, var besti maður vallarins með 21 skot varið.

Johnson tryggði Liverpool sigur á Chelsea

Glen Johnson var hetja Liverpool er hann tryggði liðinu 2-1 sigur á Chelsea í stórleik helgarinnar í ensku úrvalsdeildinni.

Sorg í Liverpool - Fimm ára sonur Brad Jones látinn

Mikil sorg ríkir nú í herbúðum enska knattspyrnufélagsins Liverpool vegna andláts hins fimm ára gamla Luca Jones, sonar markvarðarins Brad Jones, sem hafði glímt við hvítblæði í tæpt eitt og hálft ár.

Norður-Írar gerðu Íslandi frábæran greiða og unnu Norðmenn

Sigurður Ragnar Eyjólfsson, landsliðsþjálfari kvenna, hugsar sjálfsagt afar hlýtt til Norður-Írlands í kvöld en liðið vann þá glæsilegan 3-1 sigur á Noregi í undankeppni EM 2013.

Birgir Leifur úr leik í úrtökumótaröð PGA

Birgir Leifur Hafþórsson féll í dag úr leik á úrtökumótaröðinni fyrir bandarísku atvinnumótaröðina í golfi, PGA.

Enn eitt áfallið hjá Ajax - gerði jafntefli við NAC

Ekkert gengur hjá hollenska stórliðinu Ajax þessa stundina en í kvöld missti liðið unnin leik úr höndunum með því að fá tvö mörk á sig á síðustu fimm mínútum leiksins gegn NAC.

Slæmt tap Rhein-Neckar Löwen fyrir Lübbecke

Guðmundur Guðmundsson og lærisveinar hans í Rhein-Neckar Löwen töpuðu í kvöld dýrmætum stigum í toppbaráttu þýsku úrvalsdeildarinnar er liðið tapaði fyrir Lübbecke, 32-31.

Heiðar hélt áfram þrátt fyrir meiðsli í andliti og skoraði tvö

Neil Warnock, stjóri QPR, lofaði Heiðar Helguson í hástert eftir að hann skoraði tvö mörk í 3-2 sigri á Stoke í ensku úrvalsdeildinni í dag. Heiðar spilaði þrátt fyrir að fengið högg í andlitið snemma leiks.

Leik frestað í Þýskalandi vegna sjálfsvígstilraunar dómara

Köln og Mainz áttu að mætast nú síðdegis í þýsku úrvalsdeildinni en ákveðið var að fresta leiknum þar sem að dómari leiksins, hinn 31 árs gamli Babak Rafati, reyndi að fyrirfara sér skömmu fyrir leikinn.

Undrabarnið Götze tryggði Dortmund sigur á Bayern

Hinn nítján ára Mario Götze tryggði í dag sínum mönnum í Dortmund 1-0 sigur á Bayern München í toppslag þýsku úrvalsdeildarinnar.

Real vann Valencia í hörkuleik

Real Madrid er aftur með þriggja stiga forystu á toppi spænsku úrvalsdeildarinnar eftir 3-2 sigur á Valencia í spænsku úrvalsdeildinni í kvöld.

Börsungar skoruðu fjögur gegn Zaragoza

Barcelona gaf ekkert eftir í toppbaráttu spænsku úrvalsdeildarinnar með 4-0 sigri á Real Zaragoza í kvöld. Liðið er þar með jafnt Real Madrid að stigum en Madrídingar eiga leik til góða.

AG tapaði fyrir Ademar Leon í Meistaradeildinni

AG missti í dag topsætið í D-riðli Meistaradeildar Evrópu er liðið tapaði fyrir Ademar Leon á Spáni í dag, 28-26.

Inter vann langþráðan sigur

Inter vann í dag 2-1 sigur á Cagliari í ítölsku úrvalsdeildinni og fékk þar með dýrmæt stig í botnbaráttunni. Með sigrinum komst Inter upp í ellefu stig.

Rúrik spilaði allan leikinn í sigri

Rúrik Gíslason var í byrjunarliði OB og spilaði allan leikinn þegar að liðið vann 1-0 útisigur á Horsens í dönsku úrvalsdeildinni í dag.

Huddersfield bætti metið

Huddersfield, lið Jóhannesar Karls Guðjónssonar, bætti í dag 33 ára gamalt met Nottingham Forest er liðið vann 2-1 sigur á Notts County á heimavelli. Var þetta 43. deildarleikur liðsins í röð án taps.

Keflavík kom fram hefndum

Keflavík er enn á sigurbraut í Iceland Express-deild kvenna en liðið vann í dag sigur á nýliðum Fjölnis á heimavelli, 82-74. Þrír leikir fóru fram í deildinni í dag.

Stórsigur ÍBV á KA/Þór

Einn leikur fór fram í N1-deild kvenna í dag en í honum unnu Eyjastúlkur sextán marka sigur á KA/Þór á heimavelli.

Martinez æfur út í dómarana - Yakubu kom ekki við boltann

Roberto Martinez, knattspyrnustjóri Wigan, var allt annað en sáttur við dómara leiks sinna manna gegn Blackburn í dag vegna umdeilds marks sem síðarnefnda liðið skoraði í leiknum.

Aron og félagar unnu

Aron Einar Gunnarsson spilaði allan leikinn þegar að lið hans, Cardiff, vann 2-1 sigur á Reading í ensku B-deildinni í dag.

Enn skorar Emil á Ítalíu - fimmti sigurinn í röð

Emil Hallfreðsson skoraði eitt mark þegar að lið hans, Hellas Verona, vann 3-1 útisigur á Empoli í ítölsku B-deildinni í dag. Smellið á myndbandið til þess að sjá markið sem er skorað eftir 3:30 mínútur.

Magdeburg vann með fimmtán mörkum

Magdeburg vann í dag fimmtán marka sigur á Hannover-Burgdorf í Íslendingaslag í þýsku úrvalsdeildinni í dag, 41-26.

Van Persie: Hefðum getað skorað meira

Robin Van Persie sagði eftir sigur sinna manna í Arsenal á Norwich í dag að þeir hefðu jafnvel átt að skora meira en bara þessi tvö mörk.

Snodgrass tryggði Leeds góðan sigur

Robert Snodgrass skoraði tvívegis á síðasta stundarfjórðungnum og tryggði þar með Leeds 2-1 sigur á Burnley í ensku B-deildinni í dag.

Heiðar byrjar en Grétar Rafn ekki í hóp

Heiðar Helguson er á sínum stað í byrjunarliði QPR sem mætir Stoke á útivelli í ensku úrvalsdeildinni í dag. Grétar Rafn Steinsson er hins vegar enn í kuldanum hjá Bolton.

Höness búinn að missa þolinmæðina

Uli Höness, forseti Bayern München, er búinn að fá sig fullsaddann af þeim hópi stuðningsmanna liðsins sem gagnrýna markvörðinn Manuel Neuer við hvert tækifæri.

McLeish vill að Bannan breyti um lífsstíl

Alex McLeish, stjóri Aston Villa, segir að Barry Bannan verði að breyta um lífsstíl ef ekki á illa að fara. Skotinn ungi var nýverið kærður fyrir ölvunarakstur.

Bandaríkin enn í forystu og Tiger fékk loksins stig

Tiger Woods náði loksins stigi fyrir bandaríska liðið í Forsetabikarnum í golfi en að loknum þriðja keppnisdeginum hefur Bandaríkin fjögurra stiga forystum, 13-9.

Kean: Ekki séns að við föllum

Steve Kean, knattspyrnustjóri Blackburn, hefur engar áhyggjur af slæmri stöðu liðsins í ensku úrvalsdeildinni og segir engan möguleika á því að liðið falli úr deildinni í vor.

Wenger: Sjáum til hvort ég verði stjóri Arsenal á næsta tímabili

Arsene Wenger segir óvíst að hann verði stjóri Arsenal á næsta tímabili og ætlar að skoða sín mál í sumar. Þetta sagði hann í viðtali við franska blaðið L'Equipe.

Gunnar Einarsson aftur til Leiknis

Varnarmaðurinn Gunnar Einarsson verður aftur spilandi aðstoðarþjálfari Leiknis í 1. deildinni, eftir stutt stop hjá Víkingi í sumar.

Ferguson óánægður með Liverpool og ummæli Poyet

Alex Ferguson vildi lítið segja um kynþáttaníðsdeiluna á milli Luis Suarez og Patrice Evra en sagði þó að Liverpool hafa ekki farið eftir fyrirmælum enska knattspyrnusambandsins í málinu. Hann var einnig ósáttur við ummæli Gus Poyet.

Rakel með slitið krossband og missir af HM

Rakel Dögg Bragadóttir, fyrirliði íslenska landsliðsins í handbolta, verður ekki með Íslandi á HM í Brasilíu sem hefst eftir tvær vikur þar sem hún er með slitið krossband í hné.

Þórir Ólafsson: Ekki bara Lödur á götunni hérna

Hornamaðurinn Þórir Ólafsson ákvað að söðla um í sumar. Eftir sex góð ár í Þýskalandi ákvað hann að reyna fyrir sér í Póllandi, fyrstur allra Íslendinga. Fleiri Íslendingar hafa fengið boð um að fara þangað en ekki verið til í að taka slaginn.

Kolbeinn er enn í göngugifsi og á hækjum

Kolbeinn Sigþórsson var búinn að stimpla sig inn í Ajax-liðið í haust, hafði skorað fimm mörk í fyrstu sjö leikjunum og fram undan var mikið ævintýratímabil með toppbaráttu í Hollandi og leikjum í Meistaradeildinni. Í millitíðinni kom hann heim og tryggði íslenska karlalandsliðinu langþráðan sigur í undankeppni með sínu fjórða A-landsliðsmarki í aðeins átta leikjum.

Guðmundur æfir mögulega með MLS-liðinu New England

„Það verður ekkert af því að ég fari í atvinnumennsku að þessu sinni. Þá er bara að skella sér til Harvard og mér finnst það alls ekkert verra,“ sagði Guðmundur Reynir Gunnarsson kátur, en hann fer í skiptinám í hinn heimsfræga Harvard-háskóla eftir áramótin.

Huddersfield hefur spilað 42 leiki í röð án þess að tapa

Harðjaxlinn Lee Clark hefur náð frábærum árangri með Huddersfield, en liðið hefur undir stjórn hans ekki enn tapað deildarleik á árinu 2011. Ef liðið tapar ekki fyrir Notts County í ensku C-deildinni um helgina slær það 33 ára gamalt met Nottingham Forest, sem lék 42 leiki í röð án taps undir stjórn hins goðsagnakennda Brians Clough.

Jón Arnór og Haukur Helgi mætast á morgun

Það verður söguleg stund fyrir íslenskan körfubolta í hádeginu á morgun þegar Assignia Manresa tekur á móti CAI Zaragoza í spænsku úrvalsdeildinni í körfubolta. Með þessum liðum spila nefnilega íslenskir landsliðsmenn og verður þetta í fyrsta sinn sem Íslendingar mætast í bestu körfuboltadeild í Evrópu.

Tap Man. City nam 36,3 milljörðum

Enska úrvalsdeildarfélagið Manchester City gaf það út í gær að tap félagsins á rekstrarárinu 2010-2011 hefði alls numið 194,9 milljónum punda, eða tæplega 36,3 milljörðum króna.

Kjarnorkuvetur í NBA: Við búum bara til nýja deild

Billy Hunter, framkvæmdastjóri NBA-leikmannasamtakanna sem voru leyst upp í byrjun síðustu viku, hefur talað um þann möguleika að NBA-leikmennirnir taki sig saman og stofni bara nýja deild. Kjarnorkuveturinn er hafinn í NBA-deildinni eftir að leikmennirnir ákváðu að fara með deiluna í réttarsalinn og samningarviðræður við eigendur NBA-liðanna fóru í algjört frost.

Heiðar skoraði tvö - ótrúlegt jafntefli botnliðanna | öll úrslit dagsins

Fjölmargir leikir fara fram í ensku úrvalsdeildinni í dag og býður íþróttavefur Vísis lesendum sínum upp á að fylgjast með þeim öllum samtímis.

City virðist óstöðvandi - fyrst til að vinna Newcastle

Manchester City vann í dag enn einn sigurinn í ensku úrvalsdeildinni, í þetta sinn gegn Newcastle í toppslag deildarinnar. Newcastle tapaði þar með sínum fyrsta deildarleik á tímabilinu en City trónir á topppi deildarinnar með væna forystu.

United vann nauman sigur á Swansea

Manchester United náði að halda í við Manchester City í toppbaráttu ensku úrvalsdeildarinnar með naumum 1-0 útisigri á Swansea í lokaleik dagsins í enska boltanum.

Van Persie hetjan í sigri Arsenal á Norwich

Robin van Persie var enn og aftur á skotskónum og skoraði bæði mörkin í 2-1 sigri Arsenal á Norwich í fyrsta leik dagsins í ensku úrvalsdeildinni.