Óttast frekari náttúruhamfarir í New York

Hætta er á að náttúruhamfarir skelli enn og aftur á austurströnd Bandaríkjanna í dag og á morgun, en veðurspáin gerir ráð fyrir mikilli rigningu, sjó og hvössu veðri. Þetta gæti orsakað ný flóð og áframhaldandi rafmagnsleysi og þar með tefja fyrir björgunarstarfi sem unnið hefur verið frá því að fellibylurinn Sandy reið yfir austurströndina í síðustu viku. Stormurinn verður mun minni en hann var í síðustu viku en vegna þess hversu mikil eyðilegging varð þá er ljóst að margir Bandaríkjamenn eru berskjaldaðir fyrir óveðrinu sem búist er við.

Mögulegt að barnaníðingurinn sé þingmaður

Þingmaður breska Verkamannaflokksins segir að ef íhaldsmaðurinn sem sakaður er um að hafa misnotað börn á barnaheimili í Wales á áttunda og níunda áratug síðustu aldar er þingmaður, þá eigi hann samstundis að víkja af þingi.

Rauðvínsdrykkja eykur lífslíkur kvenna með brjóstakrabbamein

Konur sem hafa greinst með brjóstakrabbamein geta aukið lífslíkur sínar með því að drekka eitt vínglas á dag, samkvæmt niðurstöðum nýrrar rannsóknar sem unnin var við Háskólann í Cambridge. Paul Pharoah, doktor í lýðheilsufræði við skólann, sagði í samtali við Times að niðurstöður þeirra bendi til þess að konur ættu ekki að neita sér um vín, en það þyrfti að drekka það í hófi. Við vinnslu rannsóknarinnar var meira en þrettán þúsund konum fylgt eftir í allt að fimmtán ár.

Fagnar sigri Obama með teboði

Leikarinn kunni, Steve Martin, ætlar að halda tepartý til þess að fagna sigri Baracks Obama í kosningunum. Þetta sagði Martin á Twitter strax eftir að úrslitin urðu ljós. Með þessu er Martin að gera grín að öfgafyllsta armi Repúblikanaflokksins, sannkristna frjálshyggjumenn sem kallaður eru Teboðshreyfingin.

Leo DiCaprio vill þrjá milljarða fyrir húsið sitt

Stórleikarinn Leonardo DiCaprio setti nýlega húsið sitt á Malibu í Kaliforníu á sölu. Hann vill fá 2,9 milljarða íslenskra króna fyrir húsið, sem er sjö svefnherbergja og með jafnmörg baðherbergi. Það er vefútgáfa blaðsins Los Angeles Times sem segir frá þessu, en ekki kemur fram hversu stórt húsið er í fermetrum talið. DiCaprio hafði auglýst húsið til leigu í sumar og átti langtímaleigjandi þá að geta leigt það á 9,5 milljónir íslenskra króna á mánuði, en leigjandi sem hugðist vera skemur en í sex mánuði átti að greiða tvöfalt hærra verð.

Krókódíll gómaður eftir tveggja ára leit

Krókódíll sem slapp úr dýragarði í bænum Beit Lahia á Gaza ströndinni fyrir tveimur árum var gómaður aftur í gær. Lögreglan biðlaði til óbreyttra borgara um að þeir hjálpuðu þeim að þurrka upp holræsið og veiða krókódílinn með hákarlanetum. Dýrið hefur verið sent aftur í dýragarðinn. Um var að ræða 180 sentimetra langan krókódíl. Hann er sagður hafa verið mjög orkumikill þegar hann náðist. Vegna styrks síns og ákveðins skaps var krókódíllinn kallaður Steinninn eða "The Rock".

Óvissa um stuðning þingsins

Tveggja sólarhringa allsherjarverkfall hófst í Grikklandi í gær til að mótmæla nýju niðurskurðarfrumvarpi, sem greidd verða atkvæði um á þingi í dag.

Obama endurkjörinn

Barack Obama hefur verið endurkjörinn forseti Bandaríkjanna.

Obama sigurstranglegur í Ohio, Flórída og N-Karólínu

Útgönguspár gefa til kynna að Barack Obama, Bandaríkjaforseti, hafi sigrað í lykilríkjunum Ohio og Flórída.

Obama spilaði körfubolta við Scottie Pippen

Barack Obama var mun afslappaðri en Mitt Romney áður en fyrstu tölur úr kosningunum voru lesnar upp í dag. Hann spilaði körfubolta með félögum sínum. Og það voru engir smá mótherjar sem hann fékk að spreyta sig á. Þar fór fremstur í flokki Scottie Pippen, sem lék með Chicago Bulls körfuboltaliðinu þegar Michael Jordan var upp á sitt besta. og Randy Brown sem einnig lék með Chicago Bulls. Aðrir sem fengu að spila með voru Arne Duncan, menntamálaráðherra Bandaríkjanna, og Giannoulias, fyrrverandi fjármálaráðherra í Illinois.

Spenna í Flórída í upphafi talningar

Barack Obama er með 51% fylgi í Flórída, þegar búið er að telja um þrjátíu og fimm prósent atkvæða. Flórída er eitt af tíu lykilríkjunum sem gefur 29 kjörmenn. Fyrirfram var talið að Mitt Romney hefði yfirburði í ríkinu. Mitt Romney er með 48% atkvæða.

Romney með sigurræðuna tilbúna

Mitt Romney, forsetaefni Repúblikanaflokksins, er sigurviss svo um munar. Von er á fyrstu tölum von bráðar en frambjóðandinn hefur nú þegar ritað sigurræðu sína.

Kosningasjónvarp CNN - bein útsending

Vísir verður með beina útsendingu í allt kvöld og í nótt frá forsetakosningunum í Bandaríkjunum. Kosningasjónvarpi CNN verður streymt þar til niðurstöður verða skýrar undir morgun. Þá má einnig nálgast CNN á fjölvarpinu.

Galli í kosningavélum - Velja Romney í stað Obama

Kjörstjórn Pennsylvaníuríkis hefur neyðst til að aftengja nokkrar kosningavélar eftir að kjósendur áttu í erfiðleikum með að greiða atkvæði.

Romney enn á fullu - Obama spilar körfubolta

Forsetaframbjóðendurnir tveir, Barack Obama og Mitt Romney, eru nú að setja sig í stellingar fyrir kvöldið enda má búast við fyrstu tölum á miðnætti - á sama tíma og kjörstaðir loka.

Greiddi atkvæði á leiðinni á fæðingardeildina

Hin 21 ára gamla Galicia Malone var staðráðin í að greiða atkvæði í forsetakosningunum í dag. Svo ákveðin var hún að barnsburður aftraði henni ekki frá því að koma við á kjörstað.

Fyrstu tölur á miðnætti - allt í beinni á Vísi

Forsetakosningar fara nú fram í Bandaríkjunum þar sem þeir Barack Obama sitjandi forseti og Mitt Romney berjast um eitt valdamesta embætti heims. Þrátt fyrir harða keppni eru flestir sérfræðingar á því að Obama fari með sigur af hólmi.

Sjúkradeildum lokað vegna rottugangs

Sýklafræðingar hafa verið kallaðir inn á Mansfield King´s Mill spítalann eftir að rottur fundust á spítalanum. Málið hefur orðið til þess að fresta þurfti nokkrum aðgerðum á spítalanum. Karen Thorlinson, yfirmaður á spítalanum, segir í samtali við Daily Mail að spítalinn sé stoltur af þjónustunni sem hann veitir og taki því málið grafalvarlega.

Kosning hafin í Bandaríkjunum.

Búist er við því að 120 milljónir Bandaríkjamanna gangi að kjörborðinu í dag. Þar taka þeir afstöðu til þess hvort þeir vilji hafa Barack Obama, núverandi forseta Bandaríkjanna, í forystu næstu fjögur árin eða fá Romney í staðinn. Skoðanakannanir sýna að staðan er jöfn. Fyrstu kjörstaðir opnuðu á austurhluta Bandaríkjanna og í miðvesturríkjunum um klukkan ellefu.

Systkinum verði ekki bannað að sofa saman

Einingarlistinn í Danmörku vill afnema bann við kynlífi milli systkina. Málið hefur vakið gríðarlega athygli í Danmörku og hafa nær allir stærstu fjölmiðlar fjallað um það. Samkvæmt löggjöfinni núna er kynlíf systkina ólöglegt og getur varðað tveggja ára fangelsi.

Putin rak varnarmálaráðherrann vegna spillingarmála

Vladimir Putin, forseti Rússlands, rak varnarmálaráðherrann sinn í morgun eftir að ráðuneyti hans flæktist inn í svikama´l. Sergei Shoigu, fyrrverandi orkumálaráðherra, tekur við varnarmálaráðuneytinu. Verið er að rannsaka hvort ráðuneytið hafi selt eignir sínar undir markaðsverði til valinkunnra einstaklinga. Putin segist hafa rekið ráðherrann til þess að hægt sé að láta fara fram hlutlausa rannsókn á málinu.

Búist við hörðum mótmælum í Aþenu

Fjörtíu og átta klukkustunda allsherjarverkfall hefst í Grikklandi í dag, en þá verður nýjum niðurskurðarhugmyndum ríkisstjórnarinnar mótmælt. Mótmælagöngur verða farnar um miðborg Aþenu en hingað til hafa þær endað með átökum milli almennings og lögreglumanna. Niðurskurðartillögurnar snúast um að skerða heilbrigðisþjónustu, lækka opinber laun og eftirlaun og hækka eftirlaunaaldur. Þingið mun greiða atkvæði um tillögurnar á morgun.

Kynferðisbrotamál teygir anga sína til Íhaldsflokksins

David Cameron hefur fyrirskipað rannsókn á því hvernig staðið var að meðferð kynferðisbrotamála sem komu upp á barnaheimili í Wales fyrir nokkrum áratugum síðan.

Bítill styður Obama

Það er gömul hefð að þegar kosið er birta þekktir leikarar, íþróttamenn, söngvarar og aðrir Bandaríkjamenn opinberlega skilaboð um stuðning sinn við einhvern tiltekinn frambjóðenda. Nú í ár hafa til dæmis leikararnir Samuel L. Jackson og Crish Rock sett myndskeið á YouTube þar sem þeir hvetja almenning til að kjósa Barack Obama. Það er óalgengara að útlendingar hvetji almenning til að kjósa á einn eða annan hátt. Það gerði aftur á móti breski Bítillinn Paul McCartney í gær þegar hann hvatti Bandaríkjamenn til að kjósa Obama.

Obama mun sigurstranglegri

Komið er að úrslitastund í forsetakosningunum í Bandaríkjunum. Barack Obama þykir líklegri til að hrósa sigri, en Mitt Romney heldur enn í vonina. Stjórnmálafræðingur spáir hörðum deilum á komandi árum.

Kína býður fé í námuverkefni

Grænlenska landsstjórnin á nú í samningaviðræðum við stærsta ríkisbanka Kína um fjármögnun námuverkefnis fyrir utan Nuuk sem mun veita Kínverjum aðgang að eftirsóttum náttúruauðlindum.

Stóra stundin að renna upp

Frambjóðendurnir í bandarísku forsetakosningunum gerðu víðreist í gær, á lokadegi formlegrar kosningabaráttu þeirra. Skoðanakannanir benda til þess að Obama forseti hafi naumt forskot á Romney.

Obama talar spænsku í nýju myndbandi

Það má með sanni segja að forsetaframbjóðendurnir reyni að gera allt til að ná í atkvæði. Barack Obama hefur nú gefið út myndbanda þar sem hann talar spænsku en með því vill hann höfða til spænskumælandi íbúa í landinu. Myndbandið, sem má sjá hér að ofan, er mjög týpískt - með öllum frösunum sem einkenna kosningabaráttur sem þessar.

Will Ferrell ætlar að borða rusl ef fólk kýs Obama

Myndbandið hefur fengið gríðarlega mikla athygli vestanhafs og hafa yfir 850 þúsund manns horft á það.

Michael Jackson í fangelsi fyrir kynferðisbrot

Barnaníðingur að nafni Michael Jackson er vistaður í fangelsi um óákveðinn tíma fyrir að hafa misnotað tíu ára gamlan dreng. Maðurinn heitir í rauninni Albert English en lét breyta nafninu sínu í Michael Jackson af því að fyrrverandi konan hans var svo mikill aðdáandi söngvarans sáluga, að því er fram kemur í frétt Daily Mail. Jackson gekkst við því að hafa beitt drenginn kynferðisofbeldi og haldið honum í þrjá klukkutíma gegn vilja hans.

Chris Rock styður Obama: Segir forsetann hvítari en Romney

Hollywoodleikarinn Chris Rock styður Barack Obama í baráttunni um forsetaembættið. Á myndskeiði sem birtist á YouTube myndbandavefnum lýsir Rock yfir stuðningi sínum með sinni margrómuðu kímnigáfu og segist vera að höfða til hvítra Bandaríkjamanna. Hann segir meðal annars að Barack Obama sé hvítari en Romney. Máli sínu til stuðnings bendir hann á að nafn Baracks sé dregið af nafninu Barry sem sé þriðja vinsælasta nafnið yfir hvíta menn. Þetta segir Rock að sjálfsögðu fyrst og fremst í gríni til þess að vekja athygli á stuðningi sínum við forsetann.

Frakkar ætla að verða fordómalausasta ríki í heimi

Börn í Frakklandi fá sérstaka kennslu um lesbíur, homma, tvíkynhneigða og transfólk samvkæmt nýjum lögum sem franska ríkisstjórnin er með á teikniborðinu. Franska ríkisstjórnin er líka nýlega búin að kynna frumvarp til laga um að heimila giftingar samkynhneigðra. Atkvæði verða greidd um það frumvarp strax í byrjun næsta árs.

Hitler skráður kjósandi í Bandaríkjunum

Í Bandaríkjunum þurfa menn að skrá sig hjá hinu opinbera til þess að mega kjósa. Alls kyns stofnanir og félagasamtök hafa tekið að sér að keyra um með skráningarlista til þess að fjölga kjósendum en nokkuð bar á því um helgina að furðunöfn væru skráð inn. Þannig var til dæmis einn Hitler skráður í Ohio núna um helgina.

Gríðarlegur húsnæðisskortur í New York

Gríðarlegur húsnæðisskortur blasir við íbúum í norðausturhluta Bandaríkjanna vegna óveðursins sem geysaði þar í síðustu viku. Tugþúsundir manna hafa hvorki rafmagn né hita og búa í húsnæði sem er stórskemmt eftir óveðrið. Andrew Cuomo ríkisstjóri í New York og Michael Bloomberg borgarstjóri sögðu á blaðamannafundi í gær að hætta væri á ferðum nú þegar það færi að kólna í veðri. Þá fyrst kæmi í ljós að mjög mörg hús væru ónýt.

Endaspretturinn framundan

Lokadagur kosningabaráttunnar í Bandaríkjunum er í dag og á morgun verður kjörfundur. Skoðanakannanir á landsvísu sýna jafna stöðu Obama og Romneys, en þær segja aftur á móti ekki alla söguna.

Ráðherra í ástarsambandi við átta karlmenn

Rachida Dati, fyrrverandi dómsmálaráðherra Frakklands, átti í sambandi við átta karlmenn, umþaðbil sem hún varð þunguð af barni, sem hún ól fyrir þremur árum. Frá þessu var greint nýlega þegar leit hennar að föðurnum hófst.

Enn einn kveikir í sér í Tíbet

Tíbetskur listamaður lést eftir að hafa kveikt í sér í bænum Tongren í vesturhluta Kína í gærmorgun. Maðurinn, sem hét Dorje Lungdup og var málari, vildi með þessu þrýsta á um endurkomu Dalaí Lama til Tíbets og að kínversk stjórnvöld létu af yfirráðum þar.

Getur gengið, talað og lesið

Pakistanska stúlkan, Malala Yousufzai, sem skotin var í höfuðið í síðasta mánuði, er á góðum batavegi. Sendiherra Pakistans í Sameinuðu arabísku furstadæmunum fullyrti þetta á stúdentafundi sem haldin var til heiðurs Yousufzai í Dubai í gær.

Vísa árlega frá milljón gestum

Upplýsingastjóri veitingastaðarins Noma í Kaupmannahöfn telur að frá hafi þurft að vísa yfir milljón manns sem reynt höfðu að panta borð á staðnum á liðnu ári. Staðurinn getur tekið á móti 20 þúsundum gesta.

Barið í bresti stjórnarandstöðu Sýrlands

Fimm daga ráðstefna Sýrlenska þjóðarráðsins hófst í Katar í gær. Kosin verður ný forysta. Þá verður tekin fyrir áætlun sem efla á samstarf ólíkra andófshópa innan Sýrlands. Án umbóta gætu andófsmenn misst aðstoð erlendra ríkja.

Hvað varð um geimverurnar?

Breskir áhugamenn um fljúgandi furðuhluti hafa boðað til krísufundar. Svo virðist sem geimverur hafi misst allan áhuga á Bretlandseyjum. Verulega hefur dregið úr tilkynningum um framandi gesti.

Vetrarkuldi og ný lægð

Hátt í 40 þúsund New York búar glötuðu heimilum sínum þegar stormurinn Sandy reið yfir austurströnd Bandaríkjanna í síðustu viku.

Fóstra ákærð fyrir morð tveimur börnum

Yfirvöld í New York hafa ákært barnfóstruna Yoselyn Ortega fyrir að hafa orðið tveimur börnum að bana í íbúð í Manhattan í síðasta mánuði.

Ræningjar í New York birta ránsfenginn á Twitter

Tugir manna hafa verið handteknir í New York fyrir að hafa ránshendi um verslanir frá því fellibylurinn Sandý reið yfir austurströnd Bandaríkjanna fyrr í þessari viku.

Rangt að fangelsa stúlkurnar í Pussy Riot

"Stúlkurnar í Pussy Riot ættu ekki að vera bak við lás og slá." Þetta sagði Dmitry Medvedev, forsætisráðherra Rússlands þegar hann ræddi við stúdenta í Moskvu í dag.