Þúsundir Dana keyra drukknir hvern dag

Rúmlega 10.000 manns aka undir áhrifum áfengis á degi hverjum í Danmörku að því er fram kemur í nýrri könnun og danskir miðlar segja frá.

Prestur drekkti systur sinni í særingu

Prestur var handtekinn í Bólivíu eftir að særingarathöfn fór úr skorðum. Talið er að maðurinn hafi drekkt systur sinni þegar hann reyndi að særa út illan anda.

Fyrsta sýnishornið úr The Hobbit opinberað

Tolkien aðdáendur víða um fagna því fyrsta sýnishorn úr kvikmyndinni The Hobbit hefur verið opinberað. Kvikmyndinni er beðið með mikilli eftirvæntingu enda naut Hringadrottinssaga gríðarlega vinsælda.

Árið gert upp hjá Youtube

Það var margt sem gerðist á árinu 2011. Margt af því náðist á myndband og hefur nú ein Youtube.com, ein vinsælasta síða í heiminum tekið saman það helsta sem hlaðið var inn á síðuna á árinu.

Filipseyingar hefja enduruppbyggingu

Íbúar á hamfarasvæðunum í Filippseyjum hófu í dag að endurreisa heimili sín og innviði samfélags síns eftir að hitabeltisstormurinn Washi reið yfir landið um helgina. Tala látinna er nú kominn yfir 1.000 manns og enn er margra saknað.

Sonurinn sagður vera goðumlíkur leiðtogi

Kim Jong-un tekur við einu einangraðasta og fátækasta ríki heims af föður sínum. Her landsins er hins vegar fjölmennur og Norður-Kórea telst formlega vera kjarnorkuveldi, þótt lítið sé vitað um raunverulega getu landsins í hernaði.

Ekkert dregur úr heiðursmorðum á konum í Pakistan

Að minnsta kosti 675 stúlkur og konur í Pakistan hafa orðið fórnarlömb svokallaðra heiðursmorða á þessu ári. Margar þeirra voru undir 18 ára að aldri þegar þær voru myrtar.

Fundu plánetur sem eru jafnstórar og jörðin

Vísindamenn við NASA, geimferðamiðstöð Bandaríkjanna, hafa tilkynnt að þeir hafi fundið tvær plánetur sem eru nær nákvæmlega jafnstórar og jörðin.

Tugir milljóna manna glíma við alvarleg fíkniefnavandamál

Sameinuðu þjóðirnar áætla að á milli 15 og 39 milljónir manna í heiminum eigi við alvarleg vandamál að stríða vegna fíkniefnaneyslu. Milli þrjú og sex prósent af öllum jarðarbúum hafa neytt ólöglegra fíkniefna að minnst kosti einu sinni á þessu ári.

Danska lögreglan flutti mótmælemdur af Ráðhústorginu

Lögreglan í Kaupmannahöfn fjarlægði í morgun um 14 meðlimi Occupy hreyfingarinnar sem hafist hafa við á Ráðhústorginu i borginni undanfarnar vikur.

Kvennabúr Kim Jong-il taldi um 2.000 ungar stúlkur

Meðal þess sem kvisast hefur út um líf Kim Jong-il fyrrum einræðisherra Norður Kóreu er að hann hafði aðgang að viðamiklu kvennabúri sem einnig þjónaði þörfum æðstu embættismanna landsins.

Fuglaflensa aftur komin upp í Hong Kong

Fuglaflensan H5N1 hefur aftur skotið upp kollinum í Hong Kong. Dauður kjúklingur reyndist smitaður af flensunni og í framhaldinu verður um 17.000 kjúklingum slátrað í borginni í dag.

Tórínó-klæðin gætu verið ekta

Vísindamenn á Ítalíu hafa varpað nýju ljósi á ráðgátuna um líkklæði Krists sem jafnan eru kennd við borgina Tórínó þar sem þau eru til sýnis.

Pútín vart lengur öruggur í sessi

Stjórnarandstaðan í Rússlandi fékk byr undir báða vængi í kjölfar þingkosninganna, sem vafi leikur á hvort voru fullkomlega marktækar. Enginn öflugur mótframbjóðandi gegn Pútín virðist þó vera í sjónmáli enn sem komið er fyrir forsetakosningarnar í mars.

Mótmæltu framkomu hermanna

Um tíu þúsund egypskar konur mótmæltu á Frelsistorginu í Kaíró, höfuðborg Egyptalands, í gær. Þær mótmæltu framkomu og ofbeldi hermanna gagnvart þeim í mótmælum undanfarna daga, þar sem þeir drógu kvenkyns mótmælendur meðal annars um á hárinu, auk þess sem ein kona var afklædd og barin.

Líkkistur og formalín skortir

Yfirvöld á Filippseyjum sendu í gær yfir 400 líkkistur til tveggja borga sem verst urðu úti í flóðum í suðurhluta Filippseyja um helgina.

Málfrelsismenn flytji úr landi

Yfirmaður herafla Taílands hefur fengið nóg af gagnrýni á lög í landinu sem kveða á um þriggja til 15 ára fangelsi verði fólk uppvíst að því að móðga konungdæmið.

Bon Jovi ekki látinn

Söngvarinn Jon Bon Jovi neyddist til að færa sönnur á að hann væri í raun á lífi eftir að ljótur orðrómur spratt upp á internetinu. Sögusagnir voru um að rokkgoðið hefði gefið upp öndina á hótelherbergi í Asbury Park í New Jersey.

Á yfir höfði sér fangelsisdóm fyrir að gefa sæði

Yfirvöld í Kaliforníu í Bandaríkjunum hafa beðið 34 ára gamlan mann um að hætta að gefa sæði.

Árs fangelsi fyrir að deila X-Men mynd á internetinu

Bandarískur karlmaður hefur verið dæmdur í árs fangelsi fyrir að deila kvikmynd á internetinu heilum mánuði áður en myndin var frumsýnd.

Íbúar Liege minnast fórnarlamba

Vika er liðin síðan vígamaðurinn Nordine Amrani hóf skotárás á torginu Place Saint-Lambert í borginni Liege í Belgíu. Um 3.000 manns komu saman á torginu í dag til að minnast fórnarlamba árásarinnar.

Starfsmanna olíuborpallsins enn leitað

Yfirvöld í Rússlandi hafa fengið fleiri flugvélar til að aðstoða við leitina að starfsmönnum olíuborpalls sem féll í sjóinn á sunnudaginn. Borpallurinn var staðsettur í norðurhluta Kyrrahafs. Óvíst er um afdrif mannanna en sjórinn á þessum slóðum er afar kaldur.

Franskar konur beðnar um að láta fjarlægja brjóstaígræðslur

Nefnd á vegum frönsku ríkisstjórnarinnar ráðleggur nú rúmlega 30.000 konum að láta fjarlægja sílikon ígræðslur úr brjóstum sínum.

15 ára drengur skotinn á Tahrir torgi

Öryggissveitir herstjórnarinnar í Egyptalandi gerðu áhlaup á mótmælendur á Tahrir torgi í dag. Fregnir herma að 15 ára piltur sé í lífshættu eftir að hafa verið skotinn í bakið af meðlimum hersveitanna.

Myndir ársins að mati Stjörnufræðivefsins

Ár hvert eru milljónir ljósmynda teknar af undrum alheimsins, hvort sem það er af áhugafólki um stjörnufræði, vísindamönnum eða vélvæddum sendiherrum okkar í geimnum. Með vali sínu á þeim myndum sem þeir telja framúrskarandi fallegar eða merkilegar hafa aðstandendur Stjörnufræðivefsins náð að sannfæra okkur um að þeir horfi til himinsins með næmum huga.

Suður Kóreumenn votta nágrönnum sínum samúð

Rikisstjórnin í Suður Kóreu vottaði í dag íbúum Norður Kóreu samúð sína vegna andláts Kim Jong II einræðisherra landsins, en hann lést um helgina sem kunnugt er. Kim Jong Un, sonur og eftirlifandi, einræðisherrans mætti líka í morgun til að vitja jarðneskra leifa einræðisherrans. Miklar vangaveltur eru um hver tekur við af Kim Jong Il en flestir telja að það verði sonur hans.

Segjast geta sannað tengsl Mannings við Assange

Saksóknarar í máli Bradley Mannings, hermannsins bandaríska sem ásakaður er um að hafa lekið þúsundum leyniskjala til Wikileaks vefsíðunnar, lögðu fram gögn í réttarhöldunum í gær sem þeir segja að sanni tengsl Mannings við uppljóstrunarsíðuna WikiLeaks.

Mun hrapa til jarðar í janúar

Rússneska geimfarið Fóbos-Grunt, sem hefur verið fast á lágri jarðbraut síðan í nóvember eftir tæknileg mistök, mun sennilega hrapa til jarðar um miðjan næsta mánuð.

Enn tekur sonur við af föður sínum

Í september í fyrra lýsti Kim Jong-il því yfir að sonur hans, Kim Jong-un, yrði eftirmaður hans sem leiðtogi Norður-Kóreu. Jong-un er á þrítugsaldri og tók þegar við valdamiklum embættum í Norður-Kóreu.

Amager-maðurinn dæmdur sekur

Marcel Lychau Hansen, betur þekktur sem Amager-maðurinn, var í gær dæmdur sekur um tvö morð og sex nauðganir á rúmlega tuttugu ára millibili. Málið hefur vakið mikla athygli í Danmörku þar sem hann er virkasti raðafbrotamaður í sögu landsins. Hansen verður ákvörðuð refsing á fimmtudag.

Fjórtán fallnir á fjórum dögum

Hundruð hermanna réðust í gær til atlögu við mótmælendur á Frelsistorginu í Kaíró í Egyptalandi. Heilbrigðisyfirvöld staðfesta að þrír hafi verið skotnir til bana af hermönnum, og hafa þá alls fjórtán verið drepnir í átökum hers og almennings frá því á föstudag.

Þriðjungur ungra Bandaríkjamanna lent í handtöku

Nær þriðjungur Bandaríkjamanna sem orðnir eru 23 ára gamlir hafa lent í því að verða handteknir einu sinni eða oftar á ævinni en þá eru umferðarlagabrot ekki tekin með í dæmið.

Danadrottning fær uppreisn æru sem listmálari

Margrét Þórhildur Danadrottning hefur fengið nokkra uppreisn æru sem listmálari í upphafi vikunnar en í gær seldust tvær blýantsteikningar eftir hana á verði sem var töluvert yfir matsverði þeirra.

Yfir 900 létust á Filippseyjum

Tala látinna á Filippseyjum eftir hitabeltisstorminn Washi er komin yfir 900 manns og nokkur hundruða er enn saknað.

Japanir endurnýja orrustuþotur sínar með F-35

Japönsk stjórnvöld hafa ákveðið að endurnýja orrustuþotuflota sinn með F-35 þotum, einnig kallaðar Joint Strike Figthers.

Leiðtogafundur í kjölfar andláts Kim Jong-il

Leiðtogafundur Bandaríkjanna, Japans og Suður Kóreu er ein af afleiðingum andláts Kim Jong-il einræðisherra Norður Kóreu.

Fundu út nákvæmlega hvaðan steinarnir í Stonehenge komu

Vísindamönnum hefur tekist að staðsetja nákvæmlega úr hvaða grjótnámu steinarnir við Stonehenge komu upphaflega.

ESB rannsaki aðstæður í Tíbet

Kínversk stjórnvöld hafa þvertekið fyrir að hleypa eftirlitsfólki frá Evrópusambandinu til Tíbet til að kynna sér aðstæður þar.

Fjalla átti um tölvurannsókn

Áhorfendum og fjölmiðlum hefur verið vísað frá réttarhöldunum yfir bandaríska hermanninum Bradley Manning.

Áreynslulaust nám framtíðin?

Ný rannsókn, sem fjallað var um í tímaritinu Science í síðustu viku, bendir til þess að hægt sé að nýta heilaörvandi tækni til að auka færni eða þekkingu einstaklinga án áreynslu.

Arctic Trucks kynnir eyðimerkurjeppa

Íslenska fyrirtækið Arctic Trucks kynnir nú nýjan jeppa sem er sérhannaður fyrir sandauðnir Austurlanda nær. Á vefsíðu sjónvarpsþáttarins Top Gear má finna umfjöllun um þessa nýjustu afurð fyrirtækisins.

Mannát í hollenskum sjónvarpsþætti

Hollensku þáttastjórnendurnir Dennis Storm og Valerino Zeno ákváðu að bragða á holdi hvors annars. Hluti af kviði og rasskinn voru á boðstólunum.

Notaði trúlofunarhringinn til að sleppa úr gröf sem unnustinn gróf

Maður sem gróf unnustu sína lifandi í skóglendi í Englandi hefur verið fundinn sekur um tilraun til morðs. Marcin Kaspzrak skaut kærustu sína með rafbyssu, vafði utan um hana límbandi og stakk henni í pappakassa. Kassann gróf hann síðan í skóglendi nálægt Huddersfield í maí síðastliðnum. Konan slapp úr prísundinni með því að nota demants-trúlofunarhringinn sem Marcin hafði gefið henni. Með hringnum tókst henni að skera af sér límbandið og síðan gat hún grafið sig upp á yfirborðið og leitað hjálpar.

Mótmælin í Kaíró halda áfram

Að minnsta kosti einn hefur látið lífið Í Kaíró höfuðborg Egyptalands í dag í átökum á milli mótmælenda og stjórnarhersins í landinu. Aukin harka hefur færst í mótmælin síðustu daga og frá því á föstudag hafa tólf fallið í átökunum. Öryggissveitir stjórnvalda ruddust inn á Frelsistorgið í miðborginni fyrir dögun og ruddu torgið.

„Hinn mikli arftaki“ tekur við í N-Kóreu

Tæplega þrítugur huldumaður verður næsti leiðtogi Norður-Kóreu. Hann, Kim Jong Un mun taka við af föður sínum Kim Jong Il sem lést um helgina 69 ára að aldri.