Viðræður hafnar

Viðræður eru þegar hafnar um hugsanlegar aðgerðir gegn Írönum vegna kjarnorkuþróunar þeirra. Fulltrúar fimm landa sem eiga fast sæti í öryggisráði Sameinuðu Þjóðanna hittust í gærkvöldi til að fjalla um mögulegar leiðir til að stöðva Írana.

Þrír færeyskir drengir dóu í bruna

Færeyingar eru harmi slegnir eftir að þrír piltar á aldrinum sex til tíu ára létust í eldsvoða í gærkvöldi. Eldsupptök eru ennþá ókunn en danskir sérfræðingar vinna að rannsókn málsins.

Öryggisráðið fjallar um mál Írana

Stjórn Alþjóðakjarnorkumálastofnunarinnar ákvað á fundi sínum í dag að vísa máli Írana til öryggisráðs Sameinuðu þjóðanna.

Aftökur í Írak

Ekkert lát er á ofbeldinu í Írak því að í morgun fundust í Bagdad lík átján manna sem teknir höfðu verið af lífi.

Gíslar teknir í höfuðstöðvum öryggisfyrirtækis

Vopnaðir menn í lögreglubúningum höfðu á brott með sér starfsfólk úr höfuðstöðvum öryggisgæslufyrirtækis í Bagdad í dag eftir að hafa ruðst inn í fyrirtækið. Talið er að allt að 50 starfsmenn hafi verið teknir í gíslingu.

Íranar gefa ekkert eftir

Íranar gefa ekkert eftir á fundi Alþjóðakjarnorkumálastofnunarinnar sem nú fer fram í Vín í Austurríki. Bandaríkin og Evrópusambandið hafa þrýst mjög á Írana um að láta af áformum sínum um auðgun úrans.

Fuglaflensan meiri ógn en alnæmi

Banvænn stofn fuglaflensunnar er meiri ógn við mannkynið en alnæmi og allir aðrir smitsjúkdómar sem komið hafa upp. Þetta er mat sérfræðinga við Alþjóðaheilbrigðismálastofnunina.

3 drengir létust í eldsvoða í Færeyjum

Þrír drengir, 6, 9 og 10 ára, fórust í eldsvoða í Þórshöfn í Færeyjum í gærkvöldi. Eldur kviknaði í parhúsi við Hrafnseyrarveg í bænum en þegar slökkvilið kom á vettvang voru drengirnir allir látnir úr reykeitrun. Tveir þeirra voru bræður en sá þriðji var gestur hjá þeim. Húsráðendur höfðu brugðið sér í kvöldkaffi hjá nágrönnum þegar eldurinn kom upp.

11 ára stúlku nauðgað í Bretlandi

Bretar eru slegnir óhug eftir að 11 ára stúlku var naugað inni á salerni í matvöruverslun í Lemington Spa í Warwickshire í Bretlandi. Stúlkan var með móður sinni í innkaupaleiðangri fyrir helgi og brá sér á klósettið en þar réðst á hana maður um tvítugt og nauðgaði henni.

Íranar verða að hætta öllum kjarnorkurannsóknum

Íranar verða að hætta öllum rannsóknum á kjarnorku þegar í stað, eða sæta refsiaðgerðum ella. Þetta kemur fram í yfirlýsingu frá Evrópusambandinu, sem lögð verður fyrir alþjóða kjarnorkumála stofnunina.

Árás á bílalest

Einn maður lést í árás á bílalest innanríkisráðherra Íraks nú í morgunsárið. Ráðherrann sjálfur var ekki á staðnum þegar árásin átti sér stað. 18 lík fundust í sendibifreið í vesturhluta Baghdad í nótt. Búið var að binda fyrir augu mannanna 18 og bendir flest til að fjölda aftaka hafi átt sér stað.

Moussaoui hefði geta komið í veg fyrir hryðjuverk

Zacarias Moussaoui vissi um hryðjuverkaárásirnar 11. september 2001 í smáatriðum og hefði því getað komið í veg fyrir dauða tæplega 3000 manna. Þetta segja saksóknarar í máli hans, sem fara fram á að hann verði tekinn af lífi.

Írak ekki á barmi borgarastyrjaldar

Írak er ekki á barmi borgarastyrjaldar að mati Donalds Rumsfeld, varnarmálaráðherra Bandaríkjanna. Rumsfeld tjáði sig í gær í fyrsta sinn um ástandið í Írak eftir sprengjuárásina á al-Askari moskuna, sem hratt af stað atburðarrás sem ekki sér fyrir endann á.

10 Kínverjinn látinn úr fuglaflensu

Tíundi Kínverjinn hefur látist af völdum fuglaflensu. Athuganir á níu ára stúlku sem lést á mánudaginn í austuhluta Kína, hafa leitt í ljós að hún var smituð af H5N1.

Bandaríkjamenn og Rússar ósammála

Vaxandi ágreiningur Bandaríkjamanna og Rússa kom berlega kom í ljós á fundi utanríkisráðherra landanna í gær. Condoleeza Rice og Sergei Lavrov hikuðu ekki við að vera ósammála á blaðamannafundi í Washington í gær, sem er afar óvenjulegt eftir fundi sem þessa. Rice sagðist hafa áhyggjur af lýðræðisþróuninni í Rússlandi, en því svaraði Lavrov með því að Rússar hefðu líka áhyggjur af yfirgangi Bandaríkjamanna í hinum ýmsu málum.

Ellefu ára stúlku nauðgað

Bretar eru slegnir óhug eftir að ellefu ára stúlku var nauðgað inni á salerni í matvöruverslun í Lemington Spa í Warwickshire í Bretlandi. Stúlkan var með móður sinni í innkaupaleiðangri fyrir helgi og brá sér á klósettið en þar réðst á hana maður um tvítugt og nauðgaði henni.

Óttast var að ræningjarnir hefðu skilið eftir sprengju

Lögreglan í Svíþjóð tók til þess ráðs í dag að rýma stóran hluta annars stærsta flugvallar Svíþjóðar eftir að grunsamlegur pakki fannst eftir vopnað rán á flugvellinum.

Segir Bandaríkjamenn fylgja Satan

Einn æðsti klerkur Írana óskaði í dag eftir skynsamlegri lausn á kjarnorkudeilunni en sagði um leið Bandaríkjamenn fylgja hinum mikla Satan. Hann sagði ekki koma til greina að Íranar hættu við kjarnorkuáætlanir sínar.

Hamas ekkert annað en hryðjuverkasamtök

Ehud Olmert, starfandi forsætisráðherra Ísraels, segir árásir verða gerðar á forystumenn Hamas-samtakanna ef samtökin hefja árásir á Ísrael á ný. Hann segir Hamas ekkert annað en hryðjuverkasamtök.

Fær ekki að nota egg sín

Bresk kona fær ekki að nota egg, frjóvguð með sæði úr þáverandi kærasta hennar, til að verða ófrísk nema hann gefi leyfi fyrir því. Þetta er niðurstaða Mannréttindadómstóls Evrópu sem hafnaði beiðni konunnar um að úrskurði bresks dómstóls í þessa veru yrði hnekkt.

Sex létust í sprengingum

Sex manns hið minnsta létu lífið þegar sprengingar skóku hof hindúa og lestarstöð í hinnu helgu borg Varanasi á Indlandi í dag. Fjörutíu til viðbótar særðust í sprengingunum þar af um tuttugu alvarlega.

Mótmæltu skerðingu réttinda

Þúsundir manna gengu um götur Parísar í dag til að mótmæla nýjum lögum sem gera vinnuveitendum auðveldara en áður að segja ungu fólki upp störfum. Efri deild franska þingsins samþykkti lögin í gær og þau eiga að taka gildi á fimmtudag.

Myndband frá mannræningjum

Arabíska sjónvarpsstöðin Al-Jazeera sýndi í gær stutt myndband sem sýnir þrjá af fjórum gíslum áður óþekktra hryðjuverkasamtaka í Írak. Mennirnir eru allir starfsmenn kristilegra hjálparsamtaka og eru sagðir hafa beðið ríkisstjórnir landa sinna um að tryggja lausn sína.

Fatah leitar til hæstaréttar

Fatah-samtök Mahmous Abbas, forseta Palestínumanna, hafa farið þess á leit við hæstarétt Palestínumanna að hann felli úr gildi þá ákvörðun Hamas-liða á þingi í gær að fella úr gildi ný lög sem auka vald forseta. Hamas-liðar eru í meirihluta á þingi heimastjórnarinnar og voru lögin sem um ræðir sett á síðasta þingfundi fyrra þings þar sem Fatah-liðar voru í forystu.

Dregið úr styrkjum til landtökumanna

Ehud Olmert, starfandi forsætisráðherra Ísraels, lýsti því yfir í dag að Kadima-flokkur hans og Sharons, forsætisráðherra, ætli að draga stórlega úr styrkjum til landtökumanna Gyðinga á Vesturbakkanum. Stutt er til þingkosninga í Ísrael og má búast við að þessi yfirlýsing komi sem sprengja í baráttuna.

Sprenging í hofi á Indlandi

Að minnsta kosti 4 féllu og hátt í 20 særðust í minnst tveimur sprengingum í ferðamannabænum Varanasi á Norður-Indlandi í dag. Önnur sprengingin varð í hofi Hindúa þar í borg en mikið fjölmenni var þar. Hin sprengingin var á lestarstöð.

Flugvöllur rýmdur í Svíþjóð

Rýma þurfti Landvetter-flugvöll rétt fyrir utan Gautaborg í Svíþjóð í dag þar sem dularfullur pakki fannst þar eftir að vopnað rán var framið í banka á vellinum skömmu áður.

Alþjóðabankinn styrkir Palestínustjórn

Alþjóðabankinn samþykkti í dag að veita palestínsku heimastjórninni fjárstyrk að andvirði 2,8 milljarða króna. Með þessu vill bankinn hlaupa undir bagga með heimastjórninni sem á í miklum fjárhagsvandræðum.

Offita barna mun tvöfaldast á næstu fimm árum

Einn gosdrykkur á dag getur valdið sjö kílóa þyngdaraukningu á einu ári hjá börnum. Offita barna mun tvöfaldast í Evrópu á næstu fimm árum ef ekki verður gripið til róttækra aðgerða.

NATO tekið við í Afganistan í árslok

Atlantshafsbnadalagið verður búið að taka við aðgerðum í Afghanistan í árslok. Þetta sagði yfirmaður Evrópuherdeildar bandalagsins í gær. Þetta þyrfti þó ekki endilega að þýða að bandarískum hermönnum í landinu yrði fækkað.

Vilja að Moussaoui verði tekinn af lífi

Saksóknarar í máli Zacarias Moussaoui, eina mannsins sem hefur verið ákærður fyrir aðild að hryðjuverkaárásunum 11. september 2001, fara fram á að hann verði tekinn af lífi. Við réttarhöldin yfir honum í gær fóru verjendurnir hins vegar fram á að Moussaoui yrði ekki tekinn af lífi, því að slíkt myndi gera hann að píslarvætti.

Logar allt í óeirðum

Meira en hundrað uppreisnarmenn úr röðum Talibana og al-Qaeda hafa fallið í átökum við hersveitir í Pakistan undanfarna þrjá daga. Þúsundir íbúa í Wasiristan hafa neyðst til að flýja heimili sín vegna átakanna og algjört útgöngubann hefur nú tekið þar gildi.

4 sprengjuárásir í Hilla

Allt lék á reiðiskjálfi í borginni Hilla í Írak nú fyrir stundu. Svo virðist sem fjórar sprengjuárásir hafi verið gerðar í borginni með skömmu millibili.

Fangar enn pyntaðir í Írak

Fangar í Írak hafa ítrekað verið pyntaðir með raflosti og bareflum eftir að Abu Ghraib hneykslið komst í hámæli og Bandaríkjastjórn lofaði bót og betrum í fangelsum í Írak. Þetta kemur fram í nýrri skýrslu frá Amnesty International, sem byggir á viðtölum við fanga.

Eykur vantraust Serba

Serbnesk stjórnvöld telja að dauði Milan Babic muni auka vantraust flestra Serba í garð Stríðsglæpadómsstólsins í Haag.

Ný lög í Rússlandi

Vladimír Pútín, forseti Rússlands, undirritaði í dag lög sem heimila hernum að skjóta niður farþegaflugvélar og ráðast á skip sem eru á valdi ræningja. Árásir hersins á flugvélar eða skip verða leyfðar jafnvel þótt gíslar séu um borð. Báðar deildir rússneska þingsins höfðu samþykkt frumvarp til laganna. Lögin eru sett í kjölfar sífellt fjölgandi hryðjuverka í Rússlandi á undanförnum árum.

Niðurstaðna að vænta í vikunni

Íranar hafa aukið framleiðslu á eldflaugum sem geta borið kjarnaodda. Íransstjórn lofar að leggja meiri áherslu á auðgun úrans en áður, ákveði Öryggisráð Sameinuðu þjóðanna að beita refsiaðgerðum gegn Íran.

Fuglaflensa í Póllandi

Grunur leikur á að hið hættulega H5N1 afbrigði fuglaflensu hefur greinst í Póllandi í fyrsta sinn. Milljónum fugla hefur verið slátrað í Írak til að hefta útbreiðslu veirunnar.

Fatah-liðar gengu á dyr

Þingmenn Fatah-hreyfingar Mahmouds Abbas, forseta Palestínumanna, gengu útaf fyrsta þingfundi nýrrar heimastjórnar Palestínumanna í dag. Þingið er nú undir stjórn Hamas-samtakanna og á fundinum ætluðu Hamas-liðar að breyta nýrri löggjöf sem sett var síðasta dag fyrra þings þar sem völd forsetans voru aukin.

Íraksþing kemur saman síðar í mánuðinum

Nýkjörið þing Íraks verður kallað saman til síns fyrsta fundar þann 12. mars næstkomandi. Illa hefur gengið að mynda þjóðstjórn í landinu og hafa átök sjía- og súnní-múslima síðustu vikur ekki hjálpað til í þeim efnum. Að minnsta kosti níu féllu í röð sprengjuárása í Bagdad og næsta nágrenni í morgun.

Babic svipti sig lífi

Milan Babic, fyrrverandi leiðtogi Króatíu-Serba, svipti sig lífi í morgun. Babic var í fangelsi í Haag í Hollandi en stríðsglæpadómstóllinn þar í borg hafði sakfellt hann fyrir glæpi gegn mannkyninu og dæmt hann í 13 ára fangelsi.

Ákveðið í dag hvort Öryggisráð SÞ tekur á málinu

Alþjóða kjarnorkumálastofnunin ákveður í dag hvort kjarnorkuþróun Írana verður vísað fyrir Öryggisráð Sameinuðu þjóðanna. Ríkisstjórn Írans hótar enn frekari auðgun úrans ef ákveðið verður að vísa málinu fyrir ráðið. Mohamed El Baradei, yfirmaður stofnunarinnar, segist gera sér vonir um að hægt verði að semja við Írana um kjarnorkuáætlun þeirra áður en vikan er úti.

Amnesty segir fanga í Írak ekki fá rétta meðferð

Mörg þúsund föngum í haldi alþjóðaherliðsins í Írak er enn neitað um grundvallar réttindi að sögn mannréttindasamtakanna Amnesty International. Þetta kemur fram í nýrri skýrslu samtakanna þar sem segir að þúsundir Íraka séu í haldi herliðsins án þess að þeim sé birt ákæra. Amensty byggir niðurstöður sínar á viðtölum við fanga sem hafa verið látnir lausir.

Enga lifandi fugla frá meginlandi Kína til Hong Kong

Kínverjar hafa hætt sölu á lifandi fuglum til Hong Kong í þrjár vikur. Þetta var gert eftir að kínverska heilbrigðisráðuneytið greindi frá því að maður hefði látist af völdum H5N1 afbrigðis fuglaflensu í Guangdong-héraði í Kína. Þar með hafa níu látist þar í landi af völdum flensunnar en fimmtán sýkst.

H5N1 í Póllandi

Tveir dauðir svanir sem fundust í Norður-Póllandi á dögunum voru sýktir af hinu hættulega H5N1 afbrigði fuglaflensu. Pólskir fjölmiðlar greindu frá þessu í morgun og hefur eftir starfsmönnum rannsóknarstofu sem greindu sýni úr fuglunum.