25 látnir í lestarslysi

Að minnsta kosti 25 létust og 250 eru slasaðir eftir að tvær lestar skullu saman í Punjab-héraði á Norður-Indlandi í morgun. Björgunarsveitir eru á staðnum og vinna að því að koma hinum slösuðu til hjálpar. <font size="2"></font></font />

Pinochet verður ekki handtekinn

Augusto Pinochet, fyrrverandi einræðisherra Chile, verður ekki handtekinn á næstunni þó að dómari hafi skipað fyrir um handtöku í gær. Pinochet er gefið að sök að hafa skipað fyrir um handtöku níu andspyrnumanna og að bera ábyrgð á að einn þeirra var drepinn.

Rússi dæmdur fyrir njósnir

Rússi, sem áður starfaði fyrir öryggisþjónustu Rússlands, var í morgun dæmdur í tíu ára fangelsi fyrir að njósna fyrir Eistland. Maðurinn mun hafa verið landamæravörður en landamæragæsla var áður hlutverk öryggisþjónustunnar. Á þeim tíma mun hann hafa gefið eistneskum leyniþjónustumanni upplýsingar um þrjá rússneska njósnara.

Kínverjar fá ekki matvæli

Matvælaaðstoð Sameinuðu þjóðana hættir fyrir lok næsta árs að veita Kínverjum matvælaaðstoð. Kína hefur notið aðstoðar í aldarfjórðung en nú þykir velmegun vera það almenn í Kína að Kínverjum væri nær að veita aðstoð en þiggja. Því verður matvælaaðstoð hætt.

Háttsettur talíbani handsamaður

Afganskar öryggissveitir hafa handsamað háttsettan talíbana sem meðal annars var yfirmaður öryggismála hjá talíbanaleiðtoganum Mullah Omar. Maðurinn, Toor Mullah Naqibullah Khan að nafni, var handtekinn í sendibíl á leið til borgarinnar Kandahar í suðurhluta Afganistans og hafði meðal annars mikilvæg skjöl í fórum sínum að sögn stjórnvalda í landinu.

Hæsta brú heims vígð

Hæsta brú heims var vígð í dag í Frakklandi. Hún er engin smásmíði: er lengri en Champs Elysees og hærri en Eiffel-turninn. Breski arkitektinn Norman Foster hannaði brúna, sem liggur yfir Tarn-dalinn í Suðvestur-Frakklandi.

Stafræn bókasöfn að verða til

Öllum bókum nokkurra stærstu háskólabókasafna heims verður á næstunni komið á stafrænt form í samvinnu við leitarvélina Google sem ætlar að bjóða aðgang að efninu á Netinu. Það hefur löngum verið draumur frumherja í nethugsun að koma bókum á stafrænt form og veita ókeypis aðgang að þeim en hingað til hefur það hljómað eins og framtíðardraumar.

Flestir deyja á jóladag

Fleiri Bandaríkjamenn deyja á jóladag hvert ár en nokkurn annan dag ársins. Þetta er niðurstaða rannsókna hóps vísindamanna, sem komust að því að 12,4 prósentum fleiri andist þann dag en aðra. Svipaða sögu er reyndar að segja af öðrum jóladögum og algengt er að fólk fái banvæn hjartaáföll á jóladag, annan í jólum og á nýársdag.

79 listar í kosningunum í Írak

Sjálfsmorðsárás var gerð á græna svæðið í Bagdad í morgun, annan daginn í röð. Árásin var nákvæmlega eins og gerð á sama stað. Sjötíu og níu listar hafa verið lagðir fram fyrir fyrstu frjálsu kosningarnar í Írak sem haldnar verða í næsta mánuði.

Handsprengjuárásir á Indlandi

Að minnsta kosti einn lést og tugir eru særðir eftir að uppreisnarmenn gerðu handsprengjuárásir á nokkrum stöðum í héraðinu Assam í norðausturhluta Indlands í dag, þ.á m. í höfuðborginni Guwahati. Samskonar árásir voru gerðar í Guwahati í gær þar sem einn lést og sex lágu sárir eftir.

Samstarfsmaður Zarqawis drepinn

Náinn samstarfsmaður hryðjuverkamannsins alræmda Abu Musabs al-Zarqawis hefur verið drepinn af írökskum öryggissveitum að sögn Iyads Alllawis, forsætisráðherra bráðbirgðastjórnarinnar í Írak. Maðurinn, Hassan Ibrahim Farhan að nafni, er meðlimur al-Kaída hryðjuverkasamtakanna og er sagður hafa staðið fyrir fjölda mannnrána og aftaka í Írak að undanförnu.

Kosningasvindl í Bandaríkjunum?

Víðtækt samsæri var um að breyta kosninganiðurstöðum í Ohio-ríki í forsetakosningunum í Bandaríkjunum og var öllum ráðum beitt til að tryggja sigur Bush forseta þar. Þessu heldur hópur sem Jesse Jackson fer fyrir fram og hefur krafist rannsóknar. 

Nýjar sannanir um vatn

Spirit, könnunarfar NASA á Mars, hefur fundið steinefni sem teljast til öruggasta sönnunin hingað til fyrir því að vatn hafi einhvern tíman fundist á plánetunni. Þetta kom fram hjá vísindamönnum NASA á mánudag.

Kvenmannskjöltukoddi á markaðinn

Hvað er mjúkt og hlýtt, hefur ávalar línur og er gott að kúra sig upp við? Svarið er einfalt: koddi. Reyndar er koddinn sem hér um ræðir enginn venjulegur koddi heldur kjöltukoddi, þ.e.a.s. koddi sem er eins og kvenmannskjölta í laginu.

Hinir staðföstu halda heim

Uppreisnarmenn í Írak halda áfram árásum sínum og er lögregla vinsælt skotmark. Fyrir vikið fækkar í röðum írakskra sveita og hinir staðföstu halda heim á leið.

Réttað yfir samherjum Saddams

Nokkrir af nánustu samstarfsmönnum Saddams Hussein, fyrrum einræðisherra Íraks, verða dregnir fyrir rétt í næstu viku, sagði Iyad Allawi, forsætisráðherra Íraks í gær.

Treystir Rumsfeld ekki

John McCain, einn áhrifamesti öldungadeildarþingmaður repúblikana, segist ekki bera neitt traust til Donalds Rumsfeld, varnarmálaráðherra Bandaríkjanna, þegar kemur að því að ákveða hvernig haga eigi stríðsrekstri í Írak.

Mistök að grípa til vopna

Það voru mistök hjá Palestínumönnum að grípa til vopna gegn Ísraelum, sagði Mahmoud Abbas, leiðtogi Frelsissamtaka Palestínu, í viðtali við blaðið Asharq al-Awsat, sem gefið er út á arabísku í London. Hann sagði að Palestínumenn ættu að beita sér gegn hernámi Ísraela án þess að grípa til ofbeldis.

Átján tíma í köldum sjó

Áttræðum veiðimanni var bjargað úr sjávarháska eftir að hafa verið átján klukkustundir í sjónum undan Flórída.

Nær fjörutíu létu lífið

38 manns létu lífið þegar tvær indverskar farþegalestir rákust saman í Punjab-héraði í norðurhluta Indlands. Lestirnar voru fyrir mistök á sama járnbrautarspori en hvor á leið í sína áttina og lentu því framan á hvorri annarri.

Sagður hafa viljað beita hernum

Forsætisráðherra Úkraínu þvertekur fyrir að hafa viljað senda herinn til að tvístra mótmælendum í höfuðborginni. Financial Times hefur eftir heimildarmönnum að hann hafi þrýst á forsetann um þetta. </font /></b />

Enn stríðshrjáð tveimur árum eftir lok bardaga

Dag hvern deyja um þúsund íbúar Kongó af ástæðum sem rekja má til stríðsins sem geisaði í landinu á árunum 1998 til 2002. Það hefur kostað 3,8 milljónir manna lífið og nú óttast margir frekari átök. </font /></b />

Gagnrýnir Berlusconi hástöfum

Romano Prodi, sem nýlega lét af embætti forseta framkvæmdastjórnar Evrópusambandsins, stimplar sig á ný inn í stjórnmálalífið á Ítalíu með kraftmikilli gagnrýni á Silvio Berlusconi forsætisráðherra.

Blaðamaður lagði línurnar

Bandarískur blaðamaður fékk tvo hermenn til að spyrja Donald Rumsfeld varnarmálaráðherra út í það hvers vegna farartæki þeirra væru ekki nægilega vel brynvarin. Hann sá líka til þess að spurningum þeirra yrði svarað með því að ræða fyrirfram við liðþjálfa sem valdi þá úr sem fengu að spyrja ráðherrann út úr.

Þrjú ár fyrir morð

Þrítugur bandarískur hermaður, Johnny M. Horne, var í gær dæmdur af bandarískum herdómstól til þriggja ára fangelsisvistar fyrir að myrða alvarlega særðan sextán ára gamlan Íraka í ágúst síðastliðnum.

Barghouthi hættir við framboðið

Marwan Barghouthi, vinsæll en herskár leiðtogi úr röðum Palestínumanna, hefur ákveðið að hætta við framboð sitt til forseta Palestínu og styðja þess í stað framboð Mahmouds Abbas sem er mun hófsamari. Barghouthi situr í fangelsi í Ísrael fyrir morð og því var með öllu óljóst hvað gerðist, bæri hann sigur úr býtum í kosningunum.

Basescu lýstur sigurvegari

Traian Basescu, fulltrúi stjórnarandstöðunnar í Rúmeníu, hefur verið lýstur sigurvegari í forsetakosningunum í landinu, sem fram fóru í gær, af yfirkjörstjórninnni. Þegar búið var að telja 92% atkvæða nú á tíunda tímanum var hann með 51,75% atkvæða en andstæðingur hans, forsætisráðherrann Adrian Nastase, var með 48,25%.</font /></font />

Ísraelsmenn með hefndarárásir

Ísraelskar herþyrlur skutu í það minnsta sex flugskeytum á skotmörk í Gasa-borg í nótt í hefndarskyni fyrir árás palestínskra hryðjuverkamanna á landamærastöð Ísraelsmanna á mörkum Egyptalands og Gasa-strandarinnar. Fjórir hermenn fórust og tíu særðust í þeirri árás sem er sú mannskæðasta frá því að Jasser Arafat lést.

Lýtaaðgerðadrottningar í Kína

Kínverskar fegurðardrottningar spókuðu sig í almenningsgarði í Peking í morgun að þeirra tíma. Þetta eru þó ekki venjulegar fegurðardrottningar heldur var meginskilyrðið í keppninni að hafa gengist undir lýtaaðgerð.

Framboð til framkvæmdastjóra WTO

Frakkar hafa tilkynnt um framboð Pascals Lamy til framkvæmdastjóra heimsviðskiptastofnunarinnar WTO. Lamy var um hríð viðskiptastjóri Evrópusambandsins og fékk mikið lof fyrir að hafa dregið úr niðurgreiðslustefnu sambandsins.

Olíuverð hækkar í Asíu

Olíuverð hefur hækkað lítillega á mörkuðum í Asíu og morgun í kjölfar þess að Sádi-Arabar ákváðu að minnka það magn sem þeir hyggjast flytja þangað í janúar. Það er í takt við ákvörðun OPEC, samtaka olíuframleiðsluríkja, frá því á föstudag en þá var ákveðið að draga úr olíuframleiðslu á næsta ári til að koma í veg fyrir frekari lækkun olíuverðs.

Írakskur Hitler að fæðast?

Írakskur Hitler gæti fæðst haldi óöldin í Írak áfram með niðurlægingu og örvilnun írakskra borgara. Þetta sagði forseti Íraks, Ghazi Yawar, í viðtali við arabískt dagblað í morgun. Hann sagði ástandið sambærilegt við það sem var í Þýskalandi eftir fyrri heimsstyrjöldina, og minnti á að að hefði reynst frjór jarðvegur fyrir Adold Hitler og nasisma.

13 óbreyttir borgarar fórust

Í það minnsta þrettán fórust og töluverður fjöldi særðist í sjálfsmorðssprengjuárás í Bagdad í morgun, allt óbreyttir borgarar. Bíl ku hafa verið ekið upp að eftirlitsstöð hersins nærri græna svæðinu, þar sem Bandaríkjaher og bráðabirgðastjórn Íraks hafa aðsetur, og hann sprengdur í loft upp.

Eyddi gögnum um sprengjuárásina

Ríkisstjórn Jose Maria Aznars eyddi mikilvægum gögnum um atburðina kringum 11. mars þegar hryðjuverkamenn gerðu árásir á lestir í Madríd. Þessu heldur Jose Luis Rodriguez Zapatero, forsætisráðherra Spánar, fram.

Júsjenko heppinn að vera á lífi

Viktor Júsjenko, forsetaframbjóðandi stjórnarandstöðunnar í Úkraínu, kveðst vera heppinn að vera á lífi og krefst rannsóknar á því hvernig hann varð fyrir díoxíneitrun. Saksóknari hefur á ný hafið rannsókn á því hvernig Júsjenko veiktist og afmyndaðist í andliti.

Stirt á milli Bush og Giulianis

Samskipti George Bush Bandaríkjaforseta og Rudys Giulianis, fyrrverandi borgarstjóra í New York, eru sögð hafa borið skaða af vandræðum í tengslum við skipan nýs heimavarnaráðherra. Bernard Kerik dró sig fyrir helgi í hlé og afþakkaði tilnefningu í embættið í kjölfar þess að upp komst um vandræðamál í fortíð hans en Giuliani er sagður hafa mælt með honum.

Friðarvonir dofna í kjölfar árása

Vonir um frið í Miðausturlöndum dofnuðu í nótt eftir að palestínskir hryðjuverkamenn gerðu árás á eftirlitsstöð Ísraelshers og herinn svaraði með loftárásum á Gasa-borg.

Fylgni mígrenis og heilablóðfalls

Þeir sem þjást af mígreni eru helmingi líklegri en aðrir til að fá heilablóðfall. Þetta er niðurstaða rannsókna breskra og bandarískra vísindamanna. Átta sinnum meiri líkur eru á að konur sem þjást af mígreni og taka pilluna fái heilablóðfall en aðrir.

Rúmenía í ESB árið 2007

Traian Baseskú, sem tilkynnt var í morgun að hefði borið sigur úr býtum í forsetakosningunum í Rúmeníu sem fram fóru í gær, hefur boðið öðrum stjórnmálaflokkum í landinu til stjórnarmyndunarviðræðna en Baseskú er leiðtogi miðflokksins. Hann segir að aðaláherslan verði lögð á að mynda stjórn sem siglt geti Rúmeníu farsællega inn í Evrópusambandið árið 2007.

70 uppreisnarmenn handteknir

Rúmlega 70 írakskir uppreisnarmenn voru handteknir í Bagdad í dag þegar þeir gerðu tilraun til að ráðast að inn á lögreglustöð í borginni. Ekkert mannfall virðist hafa orðið í átökunum en árásir á írakskar lögreglustöðvar hafa verið tíðar undanfarið þar sem tugir lögreglumanna hafa fallið.

Bush tilnefnir nýjan ráðherra

George Bush Bandaríkjaforseti hefur tilnefnt Michael Leavitt sem nýjan heilbrigðisráðherra í ríkisstjórn sinni. Leavitt hefur gegnt stöðu formanns umhverfisverndarmála í Bandaríkjunum undanfarin misseri en var þar áður ríkisstjóri Utah. Fráfarandi heilbrigðisráðherra, Tommy Thompson, sagði af sér á dögunum.

Boðað til kosninga í Danmörku

Búist er við að boðað verði til kosninga í Danmörku í næsta mánuði en að öllu eðlilegu ættu þær ekki að fara fram fyrr en eftir tæpt ár, eða í nóvember á næsta ári. Forsætisráðherra Danmerkur, Anders Fogh Rasmussen, leiðtogi frjálslyndra, hefur rétt á að boða til kosninga fyrir þann tíma og mun að líkindum gera það vegna góðrar útkomu í könnunum undanfarið.

Sjö lágu í valnum

Fimm ísraelskir hermenn lágu í valnum eftir árás palestínskra vígamanna á ísraelska herstöð í fyrrinótt. Vígamennirnir grófu göng undir herstöðina, sprengdu öfluga sprengju og réðust síðan á hermennina vopnaðir hríðskotarifflum. Fimm ísraelskir hermenn særðust til viðbótar þeim sem létust og tveir vígamenn létu lífið í árásinni.

Abbus næsta öruggur um sigur

Mahmoud Abbas, leiðtogi Frelsissamtaka Palestínu (PLO) og fyrrum forsætisráðherra heimastjórnar Palestínu, þykir næsta öruggur með sigur í forsetakosningum Palestínu eftir tæpan mánuð.

Kennir stjórnvöldum um eitrunina

"Þetta er verk ríkisstjórnarinnar," sagði Viktor Júsjenkó, forsetaframbjóðandi í Úkraínu, þegar hann sakaði keppinauta sína um að hafa eitrað fyrir sér. Orð sín lét hann falla þegar hann sneri heim til Kiev eftir að hafa fengið staðfest hjá austurrískum læknum að eitrað hefði verið fyrir honum.