Þyrla sótti sjómann

Þyrla Landhelgisgæslunnar sótti í gær slasaðan sjómann á íslensku rannsóknarskipi sem statt var um 95 sjómílur vestur af landinu.

Ósáttar við spurningarnar í þjóðaratkvæðagreiðslu

Þingkonurnar Lilja Mósesdóttir og Unnur Brá Konráðsdóttir vita hvorugar hvernig þær eiga að svara fyrstu spurningunni í ráðgefandi þjóðaratkvæðagreiðslu um tillögur stjórnlagaráðs. Þær hafa efasemdir um framsetningu spurningarinnar.

Samtök sjávarútvegssveitarfélaga í burðarliðnum

Stofnfundur samtaka sjávarútvegssveitarfélaga verður haldinn í næstu viku. Samtökin verða bandalag þeirra sveitarfélaga sem eiga mesta hagsmuna að gæta í sjávariðnaði.

Veittust að lögreglumönnum

Töluverður erill var hjá lögreglunni á höfuðborgarsvæðinu í nótt. Tveir menn voru handteknir í Pósthússtræti eftir að þeir veittust að lögreglumönnum. Mennirnir höfðu verið að slást hvor við annann og þegar lögreglan skarst í leikinn til að stilla til friðar snerust þeir báðir gegn lögreglumönnunum. Einn lögreglumaðurinn fékk högg í höfuðið og var sendur á slysadeild. Þegar búið var að koma mönnunum í járn bar þriðja aðilann að garði. Sá réðist að þeim handtekna sem var í tökum lögreglu. Þriðji maðurinn var því handtekinn líka, en mennirnir þekktust allir.

Bílvelta á Vatnsleysustrandarvegi

Bílvelta var á Vatnsleysustrandarvegi laust fyrir klukkan fimm í nótt. Tveir einstaklingar voru í bílnum og var annar sendur á slysadeild í Reykjavík til aðhlynningar. Líðan hans er stöðug eftir atvikum.

Skemmtistöðum lokað

Lögreglan lokaði tveimur skemmtistöðum í miðbænum um helgina. Auk þess voru allmargir staðir fengu kærur báðar nætur vegna ýmissa brota á lögum um veitingastaði og skemmtistaði.

Rjúpnaveiðimenn veiði hóflega

Skotveiðifélag Íslands (Skotvís) vill beina því til rjúpnaveiðimanna að veiða hóflega og bara fyrir sig og sína þegar rjúpnaveiðitímabilið hefst. Formaður Skotvís er sáttur við níu daga veiðitímabilið sem stjórnvöld heimila þó hann hefði vel getað hugsað sér að veiða meira.

Er að einangrast en þráir að vera meðal jafningja

Stefnan skóli án aðgreiningar hentar ekki öllum, segir faðir þroskaskerts drengs sem þarf að sækja skóla með krökkum sem glíma ekki verið sömu erfiðleika. Hann segir að syni sínum líði mjög illa í skólanum. Hann sé orðinn langt á eftir samnemendum í þroska og sé byrjaður að einangrast mjög alvarlega.

Stefnir á þúsund ilmvatnsglös

Lovísa Jónsdóttir á Selfossi hefur alltaf haft mikinn áhuga á ilmvötnum enda hefur hún safnað ilmvatnsglösum í gegnum árin. Hún á í dag sjöhundruð og tíu glös en setur stefnuna á eitt þúsund glös.

Samdi besta lagið við texta um ójöfnuð

Lokatónninn í átakinu Komum heiminum í lag verður slegin í kvöld. Fjöldi landsþekktra tónlistamanna kemur þar fram og syngur eigið lag við texta um ójöfnuð heimsins. Almenningur fékk einnig að spreyta sig við lagasmíð og hitti Karen Kjartnasdóttir 15 ára stúlku úr Vestmannaeyjum sem þótti hafa samið besta lagið við textann.

Flugslysaæfing í Vestmannaeyjum

Stór flugslysaæfing var haldin við Vestmannaeyjaflugvöll í dag. Nálægt 200 manns komu að björgunarstörfum

Enginn fékk fyrsta vinning

Fjórir unnu annan vinning í Lottoinu í kvöld. Hver þeirra fékk rúmar 100 þúsund krónur í sinn hlut. Enginn fékk allar fimm tölurnar réttar og því er fyrsti vinningurinn óhreyfður, en hann var rúmar 27 milljónir króna.

Skiptir sér milli Scala og Hörpu

Tómas Tómasson barítón er orðinn meðal fremstu óperusöngvara Íslands. Í haust fer hann með burðarhlutverk í Lohengrin eftir Wagner í Scala-óperunni í Mílanó, ásamt Jonasi Kaufman. Áður en að því kemur syngur hann í Zürich í Sviss og í Il Trovatore í Íslensku óperunni. Gunnþóra Gunnarsdóttir hringdi í kappann og forvitnaðist um sönglífið og frægðina.

Grunur um eitraða lifrarpylsu - hundasýningu frestað

Hundaræktunarfélagið Rex neyddist til að fresta hundasýningu sem átti að fara fram í reiðhöll Gusts í Kópavogi í morgun. Einhver hafði brotist inn í höllina og dreift lifrarpylsu um alla höllina og fyrir utan sömuleiðis. Vegna grunsemda um að lifrarpylsan væri eitruð var ákveðið að aflýsa sýningu í dag.

Ekki ráðið hvað tekur við hjá Birki

Birkir Jón Jónsson, varaformaður Framsóknarflokksins, segir enn ekki ráðið hvað tekur við hjá honum eftir að hann lætur af störfum sem varaformaður Framsóknarflokksins. Birkir tilkynnti í dag að eftir 15 ára starf í pólitík hyggðist hann róa á ný mið eftir líðandi kjörtímabil.

Syntu boðsund yfir Ermarsundið

Boðsundssveit frá Sundfélagi Hafnarfjarðar synti í gær yfir Ermarsundið. Sundið tók tæplega 13 klukkustundir.

Bjarni vill fella tillögur stjórnlagaráðs

Bjarni Benediktsson, formaður Sjálfstæðisflokksins, ætlar að taka þátt í ráðgefandi þjóðaratkvæðagreiðslu um tillögu stjórnlagaráðs að nýrri stjórnarskrá til að fella tillöguna.

Tvö þúsund ný nöfn á tuttugu árum

Guðrún Kvaran, prófessor við Stofnun Árna Magnússonar, hefur rannsakað siði og venjur í íslenskum nöfnum og segir ekkert einkennilegt þó Jón og Guðrún séu enn þá algengustu nöfnin hér á landi.

Sigurður Ingi sækist eftir varaformannsstólnum

Sigurður Ingi Jóhannsson, þingmaður Framsóknarflokksins í Suðurkjördæmi, mun gefa kost á sér sem varaformaður Framsóknarflokksins á næsta flokksþingi sem fram fer í febrúar á næsta ári.

Fær ekki að læra á trommur í Hveragerði

Jóhanna Rut Ingvarsdóttir, 25 ára Hvergerðingur er mjög ósátt við að Hveragerðisbær vilji ekki taka þátt í kostnaði við nám hennar á trommum við Tónlistarskóla Árnesinga. Jóhanna hefur spilað á trommur í þrjú ár en ætlaði sér í nám hjá Stefáni Þórhallssyni, trommara, sem er búsettur í Hveragerði.

Birkir Jón víkur fyrir Sigmundi

Birkir Jón Jónsson, varaformaður Framsóknarflokksins, ætlar ekki að gefa kost á sér til áframhaldandi þingsetu eftir líðandi kjörtímabil og mun ekki sækjast eftir endurkjöri sem varaformaður flokksins. Í stað hans hyggst Sigmundur Davíð Gunnlaugsson, formaður Framsóknarflokksins sækjast eftir að vera í framboði fyrir flokkinn í Norðausturkjördæmi.

Kjósa um sameiningu Garðabæjar og Álftaness

Skuldir og skuldbindingar Álftaness sem voru 7,2 milljarðar í árslok 2009 fara niður í 3,2 milljarða í lok þessa árs verði af sameiningu sveitarfélagsins við Garðabæ. Íbúar kjósa um málið í október.

Íslendingur vinsæll hjá CNN

Áhugaljósmyndarinn Finnur Andrésson hlaut í sumar viðurkenningu frá fréttamiðlinum CNN annað árið í röð fyrir eina af myndum sínum. Myndina tók Finnur af norðurljósunum yfir landinu og þykir hún ein af 6 fallegustu myndum af himingeiminum.

Of Monsters and Men í nýrri stiklu

Íslenska hljómsveitin Of Monsters and Men kemur víða við og nú síðast ómar lag sveitarinnar undir nýrri stiklu úr Hollywood myndinni Promised Land sem Matt Damon skrifar og leikur í og Gus Van Sant leikstýrir.

Hert öryggisgæsla vegna rándýrrar bókar

Stærsta og dýrasta bók sem nú er fáanleg á almennum bókamarkaði á Íslandi, hátíðarútgáfa Íslenskra fugla eftir Benedikt Gröndal, er nú í fyrsta sinn til sýnis fyrir almenning í Eymundsson í Smáralind. Af því tilefni hefur öryggisgæsla verið hert í versluninni og starfsmenn hafa á bókinni sérstakar gætur.

Bíllausi dagurinn í dag

Alþjóðlegi bíllausi dagurinn er í dag og af því tilefni hefur borgarstjórn ákveðið að loka aftur hinum svonefndu sumargötum fyrir bílaumferð í einn dag. Því verður ekki hægt að keyra Laugaveginn og Skólavörðustíginn frá Bergstaðastræti. Og ekki nóg með það, því Lækjargata verður sömuleiðis lokuð milli Vonarstrætis og Hverfisgötu. Bankastræti og Pósthússtræti verða einnig lokuð. Borgarstjórn hvetur gesti og gangandi til að heimsækja miðborgina í dag en alþjóðlegi bíllausi dagurinn bindur endahnút á svokallaða samgönguviku sem hefur staðið yfir síðustu daga hjá borginni.

Keppni í N1-deild kvenna í handbolta hófst í dag

Keppni í 1. og 2. deild karla í fótboltanum lauk í dag.

Manchester United og Liverpoool mætast á Anfield klukkan hálf eitt á morgun

Skemmtiferðaskipin brjóta land Viðeyjar

Viðeyingafélagið segir vélarafl sífellt fleiri og stærri skemmtiferðaskipa auk hafnarframkvæmda og dýpkunar Viðeyjarsunds stuðla að niðurbroti eyjunnar. Hafnarstjóri segir bæði land og minjar í hættu. Verkefnið sé að hefta landbrot.

Sami háttur á við Varmárósa

Svandís Svavarsdóttir umhverfisráðherra hefur staðfest samning milli Umhverfisstofnunar og Mosfellsbæjar um rekstur og umsjón sveitarfélagsins með friðlandinu við Varmárósa.

Rjúpnaveiðar með sama sniði

Svandís Svavarsdóttir, umhverfis- og auðlindaráðherra, hefur ákveðið að rjúpnaveiðar verði heimilar í níu daga líkt og haustið 2011 og dreifist veiðitímabilið á fjórar helgar líkt og þá.

Sjóðurinn dugir ekki fyrir bótum til bænda

Þeim 25 til 30 milljónum sem Bjargráðasjóður hefur yfir að ráða verður varið í að bæta bændum tjónið eftir óveður. Ljóst er að aukafjármagns er þörf. Engin leið að vita umfang tjónsins í dag. Ráðherra gefur grænt ljós á aukafjárveitingu.

Best ef ríkisstjórnin situr áfram

Jóhanna Sigurðardóttir forsætisráðherra segist ekki mega hugsa til þess að Sjálfstæðisflokkurinn komist til valda með sína óheftu frjálshyggju eftir næstu kosningar. Hún vill að núverandi ríkisstjórn sitji áfram og hvetur Framsóknarflokkinn til að standa

Rekstrarkostnaður Glitnis jókst milli ára

Kostnaður við rekstur þrotabús Glitnis var 3,9 milljarðar á fyrri helmingi ársins. Hann jókst um 35 prósent á milli ára, aðallega vegna aukins kostnaðar við gerð nauðasamnings. Stærsti kostnaðarliðurinn er vegna erlendrar ráðgjafar.

Kostir við tvöfalt lögheimili barna metnir

Börn sem búa til skiptis hjá foreldrum á tveimur heimilum gætu átt þess kost að skrá lögheimili sitt á báðum stöðum innan tveggja ára, ef þingsályktunartillaga tíu alþingismanna úr öllum flokkum nema Vinstri grænum verður samþykkt.

Stór rannsókn á teikniborðinu

Eitt viðamesta rannsóknaverkefni Matís á síðustu árum snýr að síldarstofnum í Norður-Atlantshafi. Rannsóknin snertir ekki síst áhuga vinnslufyrirtækja á eðli síldarstofnanna og hegðun þeirra þar sem vinnslueiginleikar þeirra geta verið mismunandi. Ætlunin er að rannsóknin leggi grunn að öðru og stærra Evrópuverkefni þar sem stofnar kolmunna, loðnu og makríls, og jafnvel fleiri, verða rannsakaðir.

Hjólaskálin til Fossvogsskóla

Fossvogsskóli fékk í gær Hjólaskálina, viðurkenningu fyrir eflingu hjólreiða. Það var Jón Gnarr borgarstjóri sem afhenti Óskari S. Einarssyni skólastjóra og fulltrúum nemenda og kennara viðurkenninguna við upphaf ráðstefnu um hjólreiðar.

Vel yfir 400 skjálftar skráðir

Á fimmta hundrað jarðskjálftar hafa mælst á mælum Veðurstofu Íslands síðan jarðskjálftahrina hófst úti fyrir Norðurlandi. Á síðustu dögum hafa mælst nokkrir jarðskjálftar af stærðinni 4 á Richter og yfir. Þessir jarðskjálftar hafa fundist víða á Norðurlandi; á Sauðárkróki, Siglufirði, Ólafsfirði, Dalvík, Akureyri og á Húsavík og nágrenni.

Gíslatökumaður uppfærði Facebook

Hinn tuttugu og tveggja ára gamli Michael Thaxton gekk inn í skrifstofubyggingu í Pittsburgh í Bandaríkjunum fyrr í dag og tók þar mann gíslingu. Á meðan hann ræddi kröfur sínar við lögreglu uppfærði hann fésbókarsíðu sína af miklum móð.

Ótrúleg velgengni Serrano

Íslenski skyndibitastaðurinn Serrano opnaði á dögunum nýtt útibú í Svíþjóð. Skipulagður rekstur og hollur mat eru ástæður velgengninnar að mati eigenda.

Hafnaði inni í blómabúð

Eldri maður ók bifreið sinni óvart inn í blómabúð á Akureyri í kvöld. Samkvæmt upplýsingum frá lögreglunni á Akureyri steig maðurinn fyrir mistök á bensíngjöf í stað kúplingar.

Forval vegna Norðfjarðarganga kynnt

Vegagerðin birti kvöld forval til verktaka vegna Norðfjarðarganga. Þar kemur fram að göngin verði sjö og hálfur kílómetri en gert er ráð fyrir að um 420 þúsund rúmmetrar af sprengdu bergi muni falla til við jarðgangagerðina.

Framtíðin er í tölvunum

Gríðarleg aukning hefur orðið á nemendum í tölvunar- og hugbúnaðarverkfræði. Ríflega tvöfalt fleiri nýnemar eru í haust en fyrir þremur árum. Nemendurnir eru sjálfir sannfærðir um að framtíðin sé í tölvunum.

Tölvurnar hafa slæm áhrif á svefn

Tölvunotkun rétt fyrir háttatíma getur haft slæm áhrif á svefn barna. Þetta segir læknir á barna- og unglingageðdeild Landspítalans en mörg börn leita árlega á deildina vegna svefnvandamála.