Úlpumaðurinn verður ákærður

Ekkert var í úlpunni sem maður reyndi að koma í hendur Barkar Birgissonar í Héraðsdómi Reykjavíkur í morgun. Maðurinn lenti að auki í minniháttar átökum við lögregluna þegar hann hlýddi ekki fyrirmælum.

Engin ákvörðun tekin um áfrýjun

Ríkissaksóknari hefur ekki tekið ákvörðun um það hvort málinu gegn Einari "Boom“ Marteinssyni og félögum hans verður áfrýjað. Einar var sýknaður af ákæru um aðild að líkamsárás í Hafnarfirði skömmu fyrir síðustu jól, en dómur var kveðinn upp í málinu fyrr í vikunni. Fjórir fengu þunga dóma vegna árásarinnar. Þyngsta dóminn fékk Andrea Unnarsdóttir, eða fjögurra og hálfs árs fangelsi. Auk Einars var einn annar sýknaður af aðild að málinu.

Fundu fimm notaðar sprautunálar

Fimm notaðar sprautunálar fundust við hafnarvigtina í Keflavík í vikunni þegar lögreglan fór að gá. Það var vegfarandi sem kom við á lögreglustöðinni á Hringbraut í Reykjanesbæ til að gera viðvart um sprauturnar. Þess eru dæmi að sprautunálar finnist á víðavangi og beinir lögregla þeim tilmælum til fólks að láta tafarlaust vita ef það rekst á slíka hluti, því þeir geta reynst hættulegir lendi þeir í höndum barna.

Borgarráð styrkir tónleika Of Monsters and men

Borgarráð hefur samþykkt að styrkja tónleika hljómsveitarinnar Of Monsters and Men sem haldnir verða í Hljómskálagarðinum við Tjörnina í Reykjavík 7. júlí næstkomandi.

Hundruð lítra af olíu teknir ófrjálsri hendi

220 lítrum af olíu var stolið úr tanki sem var við húsnæði fyrirtækis í Reykjanesbæ. Ekki er vitað hvenær þjófnaðurinn átti sér stað, en talið er að það hafi verið á síðustu dögum. Þjófnaðurinn var tilkynntur lögreglunnar á Suðurnesjum og biður hún þá sem kunna að búa yfir upplýsingum um málið að hafa samband í síma 420-1800.

Ólafur enn með yfirhöndina

Tæplega 45% ætla að kjósa Ólaf Ragnar Grímsson í forsetakosningunum og 37% ætla að kjósa Þóru Arnórsdóttur, samkvæmt niðurstöðum skoðanakönnunar MMR. Þá voru 10,1% þeirra sem tóku afstöðu sem lýstu yfir stuðningi við Ara Trausta Guðmundsson, 4,6% vildu kjósa Herdísi Þorgeirsdótur, 2,0% Andreu J. Ólafsdóttur og tæp 2% Hannes Bjarnason. Könnunin var gerð dagana 13.-19. júní og voru þátttakendur á aldrinum 18-67 ára. 1816 manns svöruðu könnuninni á Netinu.

Hjólamennirnir koma til Reykjavíkur í dag

Áætlað er að sex manna hópur hjólreiðamanna, sem hjólað hefur hringinn í kringum landið á innan við viku, komi til Reykjavíkur í dag eftir að hafa lagt 1400 kílómetra að baki. Hringferðin er samstarfsverkefni Slökkviliðsins á höfuðborgarsvæðinu, Rauða kross Íslands, Tryggingamiðstöðvarinnar og Landspítalans og tilgangurinn með henni er að minna fólk á mikilvægi þess að nota reiðhjólahjálma. Hópurinn lagði af stað síðastliðinn laugardag og hefur því hjólað hringinn í kringum landið á tæpri viku. Ferðin hefur gengið mjög vel þó menn séu eðlilega orðnir lúnir því þeir skiptast ekkert á heldur hjóla allir heildarvegalengdina. Hópurinn lýkur ferðinni við slökkvistöðina við Tunguháls

Krefst sex mánaða fangelsis yfir Berki

Sækjandi í málinu gegn Berki Birgissyni fer fram á sex mánaða fangelsi fyrir að hafa hrækt á dómara og kallað ókvæðisorðum. Aðalmeðferð í málinu fór fram í morgun.

Jóhanna biður Önnu Kristínu afsökunar

Jóhanna Sigurðardóttir forsætisráðherra biður Önnu Kristínu Ólafsdóttur afsökunar í grein sem birtist í Fréttablaðinu og hér á Vísi í dag. Forsætisráðuneytið hefur, sem kunnugt er, verið dæmt til að greiða Önnu Kristínu 500 þúsund krónur í miskabætur vegna yfirlýsingar sem birt var á vef forsætisráðuneytisins eftir að úrskurðarnefnd kærumála úrskurðaði að ráðuneytið hefði brotið gegn Önnu Kristínu með ráðningu í starf skrifstofustjóra.

Þrír nýir kaflar opnaðir

Í morgun voru þrír nýir kaflar opnaðir í viðræðum við Evrópusambandið um aðild Íslands á sérstakri ríkjaráðstefnu í Brussel. Kaflarnir sem opnaðir voru fjalla um flutningastarfsemi, félags- og vinnumál og um fjárhagslegt eftirlit. Alls er þá búið að opna 18 kafla af þeim 33 sem þarf að semja um og samningum um tíu þeirra er lokið. Því má segja að seinni hálfleikurinn í viðræðunum sé nú hafinn.

EM sýnt á risaskjá á Ibizatorgi

Ingólfstorg verður fóstrað af verslunum og veitingahúsum við torgið í sumar. Komið hefur verið fyrir risaskjá á vegg CenterHotel Plaza vestan við torgið þar sem sýndir verða Evrópumeistaramótsleikir í knattspyrnu. Yfir sumarmánuðina mun Miðborgin okkar, samstarfstarfsvettvangur hagsmunaaðila í miðborginni, standa fyrir alls kyns viðburðum á torginu.

Dómari segir Börk hafa verið ógnandi

"Hann var mjög ógnandi,“ sagði Sandra Baldvinsdóttir héraðsdómari við Héraðsdóm Reykjaness um Börk Birgisson. Aðalmeðferð fer fram í Héraðsdómi Reykjavíkur í dag yfir Berki, sem sakaður er um að hafa brotið gegn valdstjórninni þegar hann hrækti á Söndru í vor. Þá var verið að úrskurða að Börkur skyldi sitja af sér eldri dóm eftir að hann hafði, á reynslulausn, verið sakaður um fjölda ofbeldisbrota.

Börkur viðurkennir að hafa hrækt á dómara

Börkur Birgisson viðurkennir að hafa hrækt á skikkju dómara í Héraðsdómi Reykjaness á dögunum. Réttað er yfir Berki í Héraðsdómi Reykjavíkur í dag vegna þessa brots, sem flokkast undir brot gegn valdstjórninni. Dómarar í Reykjanesi lýstu sig vanhæfa til að dæma í málum hans eftir brotið og því var málið flutt til Reykjavíkur. Fréttavefur Morgunblaðsins segir að átök hafi orðið í réttinum í morgun þegar maður undir áhrifum reyndi að koma einhverskonar hlut að Berki þegar hann var í dómnum í fylgd fangavarða. Börkur er sakaður um fjölmörg ofbeldisbrot. Þar á meðal eru hann og Annþór Kristján Karlsson sakaðir um að hafa orðið samfanga sínum á Litla Hrauni að bana.

Frænka Þóru: Þegar Hlífar verður reiður brýtur hann hluti

"Ég veit að þegar Hlífar verður reiður þá brýtur hann hluti," sagði frænka Þóru Eyjalín Gísladóttur, sem Hlífar Vatnar myrti í byrjun febrúar, þegar hún lýsti persónu Hlífars og sambandi hans við Þóru Eyjalín fyrir Héraðsdómi Reykjaness.

Var hugsanlega látin í nokkra daga í íbúð Hlífars

"Þetta er ömurlegt, ég ætlaði aldrei að drepa þessa mannskju," sagði Hlífar Vatnar Stefánsson í Héraðsdómi Reykjaness í morgun þar sem réttað er yfir honum fyrir að hafa myrt Þóru Eyjalín Gísladóttur í Hafnarfirði í febrúar á þessu ári.

Hálendishópar taka til starfa

Fyrstu hópar sjálfboðaliða Slysavarnafélagsins Landsbjargar halda í dag á hálendið á svokallaða Hálendisvakt, en hún snýst um að aðstoða innlenda sem erlenda ferðamenn. Þetta er sjöunda sumarið sem Hálendisvaktin er starfrækt og telja björgunarsveitamenn að aldrei sé eins mikil þörf á henni og nú. Ferðamönnum hafi fjölgað um 20% það sem af er ári og það stefni í metsumar í ferðaþjónustu. Síðasta sumar bárust Hálendisvaktinni meira en 1200 beiðnir um aðstoð.

Egill krefst skýringa

Egill Einarsson, einnig kallaður Gillzenegger, ætlar að krefjast skýringa á því hvers vegna nauðgunarkæra gegn honum fór jafn langt og raun bar vitni. Þetta segir hann í yfirlýsingu sem hann sendi fréttastofu í nótt.

Vilja ekki lána sýni úr Davíð

Jakob Frímann Magnússon tónlistarmaður krafðist þess fyrir Héraðsdómi Reykjavíkur í gær að fá aðgang að lífsýni Davíðs Stefánssonar skálds frá Fagraskógi. Auk þess vill hann fá aðgang að lífsýnum móður sinnar og ömmu

Segja sorglegt að Jóhanna hafi brotið jafnréttislög

Það er sorglegur vitnisburður að Jóhanna Sigurðardóttir, fyrsta konan sem gegnir stöðu forsætisráðherra, hafi gerst brotleg við jafnréttislög landsins, segir í ályktun jafnréttisnefndar Framsóknarflokksins.

Fimm ökumenn teknir úr umferð

Fimm ökumenn voru teknir úr umferð á höfuðborgarsvæðinui í nótt, tveir fyrir ölvunarakstur og þrír fyrir fíkniefnaakstur.

Þrír strandveiðibátar staðnir að ólöglegum veiðum

Landhelgisgæslan stóð þrjá strandveiðibáta að meintum ólöglegum veiðum á Húnaflóa og var þeim vísað til hafnar.

Hver þremillinn! Ruslahaugur verður til í Árbæjarhverfi

Mikið af rusli hefur safnast fyrir í miðju íbúðahverfi í Árbænum. Bílhlöss af steypurusli, mótatimbur, fiskikar, þvottavél, bíldekk og bílþak eru í haugnum. Starfsmenn Reykjavíkurborgar voru mættir í Árbæinn í gær til að sinna hreinsunarstörfum, eftir að Fréttablaðið hringdi í borgina til að grennslast fyrir um rusl sem þar hefur safnast fyrir. Þeim varð þó lítið ágengt enda ljóst að verkefnið er stórt.

Ný stefna í íþróttamálum

Borgarstjórn hefur samþykkt nýja stefnu í íþróttamálum fram til ársins 2020. Stefnan var unnin undir forystu Íþróttabandalags Reykjavíkur og Íþrótta– og tómstundaráðs Reykjavíkur.

Landslagssamningur fullgiltur

Ísland hefur ákveðið að undirrita Landslagssamning Evrópu og verður það formlega gert síðar í júnímánuði.

Kröfuhafar taka yfir Glitni fyrir lok ársins

Stefnt er að því að klára nauðasamning Glitnis á þessu ári. Óreglulegur kröfuhafafundur verður haldinn í London í byrjun júlí til að kynna skilmála hans. Íslandsbanki yrði þá í eigu kröfuhafa. Langstærsti hluti þeirra er erlendir aðilar.

Kom með mörð og var kærður

Tollstjórinn á Seyðisfirði hafði 5. júní afskipti af manni sem hafði marðardýr meðferðis í bíl sínum þegar hann kom til landsins með ferjunni Norrænu.

Krossviður Jónasar rifinn af veggjunum

Endurbætur á innviðum Menntaskólans í Reykjavík halda áfram í sumar. Leitast er við að endurheimta upprunalegan frágang hússins. Til þess er fjarlægður krossviður af veggjum sem á sér rætur í endurbótum Jónasar frá Hriflu um 1930.

Hanna Birna nýtur mests trausts

Hanna Birna Kristjánsdóttir, oddviti Sjálfstæðisflokksins í borgarstjórn Reykjavíkur, nýtur mests stuðnings í embætti borgarstjóra að því er fram kemur í nýrri könnun sem Capacent Gallup vann fyrir borgarstjórnarflokk Sjálfstæðisflokksins.

Alþingi fundar óvenju lengi

Forseti Alþingis, Ásta Ragnheiður Jóhannesdóttir, hefur staðið í ströngu síðustu vikur. Lengi vel gekk hvorki né rak að semja um þinglok og ásakanir um málþóf voru háværar. Ásta Ragnheiður segir að Alþingi sé eina þjóðþingið á Norðurlöndunum þar sem hægt sé að tala endalaust í málum.

Gengur með fimmbura

Kona á þrítugsaldri, á Íslandi, gengur með fimmbura. Þetta er í fyrsta sinn sem slíkt gerist, að því er fram kemur í Fréttatímanum sem kemur út á morgun. Áður hefur kona á Íslandi þó eignast fjórbura. Konan og barnsfaðir hennar standa nú frammi fyrir þeirri erfiðu ákvörðun hvort þau eigi að fara að læknisráði og fækka fóstrunum niður í tvö eða taka áhættuna á erfiðri meðgöngu. Konan, sem ekki vill láta nafns síns getið, er gengið um þrjá mánuði á leið.

Ólafur og Þóra tapa fylgi

Ólafur Ragnar Grímsson og Þóra Arnórsdóttir tapa bæði fylgi í nýrri könnun Gallup sem gerð var fyrir RÚV. Þá bæta Ari Trausti Guðmundsson og Herdís Þorgeirsdóttir við sig fylgi.

Sigurjón fékk Blóðdropann

Sigurjón Pálsson hlaut Blóðdropann í ár fyrir bókina Klæki sem dómnefnd félagsins valdi sem bestu glæpasögu ársins 2011. Þetta er fyrsta bók Sigurjóns og var gefin út á kostnað höfundar. Blóðdropinn, sem eru glæpasagnaverðlaun Hins íslenska glæpafélags, var afhentur í dag í Grófarhúsinu.

"Ekkert nýtt að forsetakosningar verði persónulegar"

Stefanía Óskarsdóttir, stjórnmálafræðingur, var gestur í útvarpsþættinum Reykjavík síðdegis á Bylgjunni í dag. Hún ræddi þar við þáttastjórnendur um forsetakosningarnar og var spurð áleitinna spurninga um hvort að aukin harka hafi færst í kosningabaráttuna.

Guðni Bergsson hannar tölvuleik

Guðni Bergsson, fyrrum landsliðsmaður í knattspyrnu, kemur þessa dagana að þróun á nýjum knattspyrnuleik. Hlutverk Guðna í þróuninni felst einna helst í því að koma með sjónarhorn reynsluboltans svo leikurinn verði sem raunverulegastur. Um leikinn er fjallað í Viðskiptablaðinu í dag.

Sakaðir um að leyna samstarfi við WikiLeaks

Tölvuþjónustufyrirtækið DataCell getur enn ekki starfað með eðlilegum hætti eftir að Valitor lokaði á viðskipti við fyrirtækið í júlí árið 2011. Ástæðan var sú að fyrirtæki var með greiðslugátt til styrktar WikiLeaks.

Lýst eftir vitnum að árekstri

Óskað er eftir að vitni að árekstri sem varð um þrjú leytið í dag undir Arnarnesbrúnni gefi sig fram við lögreglu. Svartur smábíll ók í veg fyrir græna Kia Carnival bifreið. Svarta bílnum var strax ekið brott af vettvangi eftir að hann lenti á framhorni grænu bifreiðarinnar, sem í kjölfarið hafnaði á vegarhandriði.

Forstjóri Valitors segist ekki hafa neina skoðun á Wikileaks

Forstjóri Valitors á Íslandi, Viðar Þorkelsson, segir að það hafi verið uppi vísbendingar um að starfsemi Wikileaks samræmdust ekki reglum sem alþjóðlegu kortasamtökin setja, "en við höfum enga sérstaka skoðun á Wikileaks," bætti hann við spurður um álit sitt á Wikileaks.

Hlaut minniháttar meiðsl við fallið

Maðurinn sem féll fimm metra við Öxarárfoss á Þingvöllum á þriðja tímanum í dag hlaut minniháttar meiðsl. Þyrla Landhelgisgæslunnar, björgunarsveitamenn og fleiri aðilar voru kallaðir til aðstoðar manninum en þyrlan var afturkölluð.

Datt fimm metra niður við Öxarárfoss

Ferðamaður datt fimm metra niður í við Öxarárfoss á þriðja tímanum í dag. Björgunarsveitir og fleiri viðbragðsaðilar eru á leiðinni á staðinn til að koma viðkomandi til aðstoðar. Á þessari stundu er ekkert vitað um meiðsl hans.

Anna Kristín: Jóhanna sýndi engan sáttarvilja

Anna Kristín Ólafsdóttir, sem stefndi forsætisráðuneytinu fyrir brot á jafnréttislögum, segir það alrangt sem haldið er fram í yfirlýsingu frá forsætisráðuneytinu um að Jóhanna Sigurðardóttir hafi sýnt einhvern sáttavilja vegna úrskurðar kærunefndar jafnréttismála um að lög hafi verið brotin við ráðningu í skrifstofustjóra ráðuneytisins. "Hvorki fyrr né síðar hefur hún haft samband við mig vegna málsins eða komið til mín skilaboðum um vilja hennar til sátta," segir Anna Kristín í yfirlýsingu sem hún sendi frá sér eftir hádegi í dag.

Enn leitað að lottó-milljónamæringnum

Einstaklingurinn sem vann 73 milljónir í lottó fyrir tæpum tveimur vikum er enn ekki fundinn. Milljónirnar liggja því enn óhreyfðar.

Jarðskjálfti suðaustur af Kolbeinsey

Jarðskjálfti að stærð 3,7 með upptök um 30 kílómetrum suðaustur af Kolbeinsey varð laust eftir klukkan ellefu í dag. Fáir eftirskjálftar hafa fylgt í kjölfarið. Ekki er vitað til þess að fólk hafi fundið fyrir skjálftanum.

Vill að þeir sem græða á náttúrunni gefi meira

Þeir sem eru að græða peninga á íslenskri náttúru ættu að láta meira af hendi rakna til að hlúa að henni og halda henni við. Þetta segir Ólína Þorvarðardóttir, varaformaður umhverfisnefndar Alþingis.

Segir að Jóhanna hafi ekki ætlað sér að virða niðurstöðu kærunefndar

Lögmaður Önnu Kristínar Ólafsdóttur, sem í gær voru dæmdar miskabætur vegna brots forsætisráðuneytisins á jafnréttislögum gagnrýnir yfirlýsingu ráðuneytisins vegna málsins og segir hana líta framhjá mikilvægum þáttum dómsins.

Herdís segir ummæli röng

Herdís Þorgeirsdóttir forsetaframbjóðandi segir að ummæli hennar í Vísi árið 1977 séu ekki rétt eftir henni höfð. Svar hennar við því hver hennar fyrstu viðbrögð yrðu ef hingað til lands flyttust 10 þúsund svertingjar má sjá hér fyrir ofan.