Frænka Þóru: Þegar Hlífar verður reiður brýtur hann hluti

„Ég veit að þegar Hlífar verður reiður þá brýtur hann hluti," sagði frænka Þóru Eyjalín Gísladóttur, sem Hlífar Vatnar myrti í byrjun febrúar, þegar hún lýsti persónu Hlífars og sambandi hans við Þóru Eyjalín fyrir Héraðsdómi Reykjaness.

Hún sagðist sjálf óttast Hlífar, hann hafi verið mjög óstöðugur einstaklingur, og lýsir hún því meðal annars þegar Hlífar stal af henni hníf.

„Ég fjarlægði hann af honum en þá varð hann brjálaður því hann sagðist sofa með hann sér til varnar," sagði frænka Þóru.

Hún sagði samband Hlífars og Þóru afar stormasamt. Hún segist hafa vita til þess að Hlífar beitti hana ofbeldi þó hún hafi ekki séð áverka á henni nema einu sinni.

Hlífar, sem er 23 ára gamall, var í mikilli neyslu þegar hann varð Þóru, sem var nokkuð eldri en Hlífar, að bana.

Blóðferlafræðingur sem bar vitni sagði að Hlífar hefði að minnsta kosti stungið Þóru hátt í 30 sinnum. Þar af allnokkrum sinnum eftir að hún var látin.