"Niðurstöðurnar koma ekki á óvart"

Hannes Bjarnason, forsetaframbjóðandi, segir að niðurstöður skoðanakönnunarinnar sem Vísir stóð fyrir um helgina komi honum ekki á óvart.

Greiðir 140 þúsund í hraðasekt

Lögreglan á Suðurnesjum tók á dögunum pilt um tvítugt þegar bíll hans mældist á 154 kílómetra hraða þar sem hámarkshraði er 90 kílómetrar. Hann þarf að borga um 140 þúsund krónur í sekt og á yfir höfði sér ökuleyfissviptingu. Lögreglan hefur verið með umferðarátak og stöðvað allmarga ökumenn fyrir of hraðan akstur. Auk unga piltsins mældust aðrir brotlegir ökumenn frá 116 kílómetra hraða og allt upp í 143 km. á

Þóra og Ari þakklát fyrir stuðninginn

"Ég er afskaplega þakklát," sagði Þóra Arnórsdóttir, forsetaframbjóðandi en hún nýtur mest stuðnings hjá þeim sem tóku þátt í skoðanakönnun Vísis um helgina.

"Ég mun ekki gefast upp"

"Það er augljóst að lýðræðið er ekki virkt á Íslandi,“ segir Jón Lárusson, forsetaframbjóðandi, aðspurður um nýlega skoðanakönnun Vísi. Jón mældist þar með minna en eitt prósent atkvæða.

Önnur tekjuhæsta íslenska kvikmynd allra tíma

Velgengni kvikmyndarinnar Svartur á leik ætlar engan endi að taka. Um síðustu helgi náð hún þeim merka áfanga að verða önnur tekjuhæsta íslenska kvikmynd allra tíma þegar gestur númer 60 þúsund sá hana.

Þóra með átta prósentustiga forskot á Ólaf Ragnar

Þóra Arnórsdóttir nýtur mests stuðnings hjá þeim sem tóku þátt í könnun Vísis á fylgi þeirra sem lýst hafa yfir framboði til forseta. Könnunin stóð frá föstudegi og fram á mánudag og var þáttakan gríðarlega góð.

Rafmagn komið á í Melasveit

Vinnuflokkur Rarik í Borgarnesi lauk viðgerð á háspennustreng í Melasveit kl. 19:29, en strengurinn skaðaðist í sinubruna eftir að álft flaug á strenginn.

Rafmagn fór af Melasveitalínu frá Skorholti

Rafmagn fór af Melasveitalínu frá Skorholti um kl 14:30 í dag, búið er að staðsetja bilun í háspennustreng samkvæmt tilkynningu frá Rarik.

Jóhanna hvatti Kínverja til að láta af dauðarefsingum

Jóhanna Sigurðardóttir hvatti Kínverja til þess að láta af dauðarefsingum þegar hún ræddi við Wen Jiabao, forsætisráðherra Kína, í opinberri heimsókn hans hér á dögunum. Þetta segist hún hafa rætt við forsætisráðherrann á fundi þeirra tveggja en hún geti ekki farið ítarlega út í það sem fram kom á fundinum. Þór Saari, þingmaður Hreyfingarinnar, spurði Jóhönnu út í málið á Alþingi í dag.

Opnun Hlíðarfjalls framlengd til sunnudags

Góð snjóalög eru nú á skíðasvæðinu í Hlíðarfjalli og gott skíðafæri. Gert er ráð fyrir björtu en svölu veðri á næstunni og því hefur verið ákveðið að framlengja opnun skíðasvæðisins í Hlíðarfjalli til sunnudagsins 29. apríl.

Alþingi fari ekki með ákæruvald

Jóhanna Sigurðardóttir forsætisráðherra áréttaði þá skoðun sína í dag að breyta þyrfti lögum um Landsdóm og ráðherraábyrgð sem fyrst. Þetta sagði hún þegar Bjarni Benediktsson, formaður Sjálfstæðisflokksins, spurði hana út í málið á Alþingi í dag. "Ég tel að ekki sé heppilegt að ákæruvaldiið sé í höndum Alþingis,“ sagði Jóhanna á Alþingi í dag. En hún sagði að þau lög sem unnið var eftir í málinu gegn Geir hafi verið þau lög sem voru í gildi þegar ákvörðun um ákæruna gegn honum hafi verið tekin. Nú þegar það mál sé frá sé tækifæri til þess að breyta lögunum.

Lögreglumenn fá ekki að bera vitni í Vítisenglamáli

Tveir lögreglumenn, fulltrúi hjá Europol aðstoðaryfirlögregluþjónn hjá lögreglustjóranum á höfuðborgarsvæðinu, fá ekki að vera vitni í máli gegn Vítisenglum og fólki tengdum þeim, sem nú er rekið fyrir héraðsdómi. Þetta er niðurstaða Hæstaréttar sem með úrskurði sínum sneri ákvörðun héraðsdómara við. Mennirnir höfðu starfað í rannsóknarhópi lögreglunnar um starfsemi Vítisengla og vildi saksóknari leiða mennina sem vitni fyrir dóminn.

Geir fundar með grasrótinni

Geir H. Haarde, fyrrverandi formaður Sjálfstæðisflokksins, mætir á fund Varðar - fulltrúaráðsins í Reykjavík á sjötta tímanum í kvöld. Boðað var til fundarins fyrir hádegi í dag.

Sprengjutilræðið í Osló sett á svið

Öryggisvörður sem var í stjórnarbyggingu í Osló þegar bílasprengja fjöldamorðingjans Anders Breiviks sprakk segist hafa verið að kanna númeraplötu bílsins þegar hörmungarnar dundu yfir.

Hvað myndir þú segja í fyrsta skipti?

Ég er raunverulegur, voru fyrstu orð Kela Þorsteinssonar. Keli, sem er einhverfur, er orðinn kunnur víða um heim eftir að mynd Friðriks Þórs Friðrikssonar leikstjóra og Margrétar Dagmar Ericsdóttur kom út fyrir fáeinum árum. Síðar var hún gefin út með ensku tali, en þá var Kate Winslet sögumaður.

Sveitungar Steingríms óttast pólitíska spillingu með kvótafrumvörpum

Sveitarstjórn Langanesbyggðar telur að kvótafrumvörp ríkisstjórnarinnar vegi ekki aðeins að heilu byggðarlögunum heldur leiði einnig til pólitískrar spillingar. Þetta segir í umsögn sem send hefur verið atvinnuveganefnd Alþingis um stjórnarfrumvörp Steingríms J. Sigfússonar sjávarútvegs- og landbúnaðarráðherra til laga um stjórn fiskveiða og um veiðigjöld.

Sakfelling kom ekki á óvart

Andri Árnason, verjandi Geirs Haarde, segir að hann hafi alltaf gert ráð fyrir að það gæti myndast meirihluti í Landsdómi sem ekki myndi vilja sýkna alveg í málinu. Geir var í gær sakfelldur fyrir brot gegn 17. grein stjórnarskrárinnar um að hafa látið farast fyrir að halda ráðherrafundi um mikilvæg málefni. Geir var sýknaður í þremur liðum ákærunnar

Fjölskylduhjálpin heiðrar sjálfboðaliða

Þau Ásgeir Örn Þórðarson og Inga Björk Auðardóttir voru heiðruð síðastliðinn sunnudag fyrir störf sín hjá Fjölskylduhjálp Íslands og útnefnd Sjálfboðaliðar ársins 2011. Ásgeir Örn og Inga Björk fengu fallegar viðurkenningarstyttur og glæsilegar ávaxtakörfur sem Bananar hf. gáfu.

Vilja minningardag um þá sem látist hafa í umferðinni

Starfshópur sem Ögmundur Jónasson innanríkisráðherra skipaði fyrir ári í verkefni er snúa að áratug umferðaröryggis 2011 til 2020 hefur skilað ráðherra áfangaskýrslu.

Framkvæmdastjórn ESB fær aðild að Icesave-málinu

EFTA-dómstóllinn í Lúxemborg hefur orðið við beiðni Framkvæmdastjórnar Evrópusambandsins um að fá að ganga inn í mál ESA, eftirlitsstofnunar EFTA, gegn Íslandi vegna Icesave reikninga Landsbankans.

Sjálfboðaliðar óskast við gerð Mæðrablóma

Nýstofnaður Menntunarsjóður Mæðrastyrksnefndar Reykjavíkur óskar eftir sjálfboðaliðum í Ráðhús Reykjavíkur í dag klukkan 17 til 21 til að aðstoða við að búa til Mæðrablómið 2012.

Fjórðungur útgjalda ákveðinn fyrirfram

Meirihluti fjárlaganefndar Alþingis telur að of stór hluti útgjalda ríkisins hvert ár sé fastur í mörkuðum tekjustofnum. Nú lætur nærri að um fjórðungur útgjalda sé fyrirfram ákveðinn og telur nefndin það allt of hátt hlutfall.

Bannið innan ramma laganna

„Þetta er að mínu mati hálfslöpp gestrisni og ekki í takt við það sem Íslendingar hafa hingað til sýnt og við viljum vera þekkt fyrir,“ segir Erna Hauksdóttir, framkvæmdastjóri Samtaka ferðaþjónustunnar, um ákvörðun Kerfélagsins að meina kínverskum og íslenskum ráðamönnum að skoða náttúruperluna um síðustu helgi. Þeir voru á ferð um svæðið á hópferðabíl um helgina.

Var sakfelldur fyrir alvarlegasta liðinn

"Ég taldi alltaf að þessi liður væri sá skýrasti og jafnframt alvarlegasti liður ákærunnar. Stjórnarskránni var einfaldlega ekki fylgt og afleiðingin var sú að mikilvægum upplýsingum var haldið frá ríkisstjórninni sem ógnaði efnahagnum, stjórnskipuninni og lýðræðinu í landinu. Undir það tel ég að Landsdómur sé að taka,“ segir Eygló Harðardóttir, þingkona Framsóknarflokksins, um þann ákærulið sem Geir var sakfelldur fyrir.

Allir helstu fjölmiðlar heims fjalla um Landsdómsmálið

Allir helstu fjölmiðlar heimsins fjalla um dóm Landsdóms yfir Geir Haarde fyrrum forsætisráðherra sem kveðinn var upp í gær.

Þörf á endurskoðun

Nú þegar Landsdómur hefur lokið störfum sínum í fyrsta skipti, með úrskurði í máli Geirs Haarde, telur Róbert Spanó, lagaprófessor og forseti lagadeildar Háskóla Íslands, tilefni til að endurskoða fyrirkomulag málshöfðunar til Landsdóms.

Höfum þegar brugðist við gagnrýninni

"Það er mjög gott að komin sé niðurstaða í þetta erfiða mál. Hún kom mér aðeins á óvart, en ég hafði ekki séð ástæðu til þess að ákæra Geir. Hann er sýknaður í þremur af fjórum atriðum og það má kannski segja að það sem hann er sakfelldur fyrir sé það sem kom fram í skýrslu rannsóknarnefndar Alþingis. Þar var verulegur áfellisdómur á stjórnsýsluna og skort á formfestu,“ segir Jóhanna Sigurðardóttir forsætisráðherra.

Hefði verið erfiðara að meina Færeyingum að skoða Kerið

"Ég viðurkenni að ef þetta hefðu verið vinir okkar frá Færeyjum, þá hefði verið erfiðara að taka þessa ákvörðun,“ sagði Óskar Magnússon í viðtali í Reykjavík síðdegis þar sem rætt var um ákvörðun félags hans auk annarra, sem á Kerið, um að meina forsætisráðherra Kína og föruneyti að skoða Kerið um helgina ásamt íslenskum ráðherrum.

Vill kláf upp Esjuna

"Það er bráðnauðsynlegt að eiga drauma,“ svarar Sigurður Jónsson framkvæmdastjóri í viðtal í Reykjavík síðdegis í dag en þar ræddi hann grein sem hann ritaði í Morgunblaðið í dag þar sem hann viðraði nýstárlegar hugmyndir um notkun fjalla nærri höfuðborginni.

Grásleppubátur strandaði við Kjalarnes

Grásleppubátur með tvo menn um borð strandaði á boða í Hofsvík við Kjalarnes eftir hádegi í dag.

Sneri aftur og hannar barnaleikföng

Íslensk börn geta brátt farið að hanna sín eigin viðarleikföng, mála þau og setja saman. Iðnhönnuður sem hefur stofnað fyrirtækið Geislar sem sérhæfir sig í geislaskurði, segir börnin tengjast leikföngunum mun betur á þennan hátt.

Geir H. Haarde: Dómurinn pólitísk málamiðlun

"Dómararnir vildu ná pólitískri málamiðlun gagnvart fólkinu á Alþingi sem stóðu fyrir þessu gönuhlaupi,“ sagði Geir H. Haarde í viðtali við Þorbjörn Þórðarson í Íslandi í dag. Geir segir málið há-pólitískt, hann sé eldri en tvævetur í pólitík, "og ég finn lyktina af pólitík þar sem hana er að finna,“ sagði Geir.

Friðun Eldvarpa núna í efsta sæti hjá Ómari

Ómar Ragnarsson hefur nú sett Eldvörp á Reykjanesi í efsta sæti yfir þau svæði sem hann vill friðlýsa. Eldvörp eru í nýtingarflokki í drögum að rammaáætlun og áformar HS-orka þar allt að fimmtíu megavatta jarðhitavirkjun.

Segir niðurstöðuna stórsigur fyrir Geir

"Ég held að þetta sé stórsigur fyrir Geir,“ segir Árni M. Mathiesen, fyrrverandi fjármálaráðherra, um niðurstöðu Landsdóms í máli gegn Geir H. Haarde. Til stóð einnig að ákæra Árna auk tveggja annarra ráðherra, vegna sama máls, en niðurstaðan á Alþingi var sú að Geir einn skyldi verða ákærður.

Jóhanna: Allir fegnir því að málinu sé lokið

Jóhanna Sigurðardóttir forsætisráðherra segist telja, aðspurð um viðbrögð sín við dómi Landsdóms frá því í dag, að allir séu fegnir því að málinu sé lokið enda hafi það reynst öllum erfitt. "Þessi niðurstaða kom mér á óvart. Ég var í hópi þeirra sem taldi ekki ástæðu til að ákæra Geir H. Haarde.“

Bjarni: Nær algjör fullnaðarsigur hjá Geir

Bjarni Benediktsson, formaður Sjálfstæðisflokksins, segir meginniðustöðu dómsins yfir Geir Haarde í dag vera þá að þeir ákæruliðir sem báru uppi umræðuna á Alþingi í aðdraganda málsins og eiga rætur að rekja til rannsóknarskýrslunar, séu þeir liðir sem Geir er sýknaður af. "Þetta eru liðirnir sem voru taldir hafa átt með fall bankakerfisins að gera.“

Einn lést í bílveltu

Banaslys varð á Suðurlandsvegi við Skaftártunguveg, austan Kúðafljóts í morgun. Þrjú erlend ungmenni voru í bíl sem valt.

Ekki bara brot á formreglu

Sú háttsemi Geirs að láta farast fyrir að hlíta fyrirmælum 17. greinar stjórnarskrárinnar um að halda ráðherrafundi um þau mikilvægu stjórnarmálefni varð ekki eingöngu til þess að brotin væri formregla, heldur stuðlaði hún að því að ekki var á vettvangi ríkisstjórnarinnar mörkuð pólitísk stefna til að takast á við þann mikla vanda, sem ákærða hlaut að vera ljós í febrúar 2008.

Könnun: Flestir vilja gera Laugaveg að göngugötu í sumar

Meirihluti Reykvíkinga, eða 63,3%, er hlynntur því að hluta Laugavegs verði breytt í göngugötu í sumar ef marka má netkönnun sem Capacent Gallup gerði fyrir umhverfis- og samgöngusvið Reykjavíkurborgar.

Geir átti að bregðast við fundi með bankastjórum Seðlabankans

Á meðal þess sem Landsdómur telur að Geir H. Haarde, þáverandi forsætisráðherra, hefði átt að gera ríkisstjórninni grein fyrir á fundi er fundur sem hann, Ingibjörg Sólrún Gísladóttir, þáverandi utanríkisráðherra, og Árni M. Mathiesen, þáverandi fjármálaráðherra, áttu með bankastjórum Landsbankans. Landsdómur telur að það mat Davíðs Oddssonar, þáverandi formanns bankastjórnar Seðlabankans, sem kom fram á umræddum fundi að íslensku bankarnir þrír væru í mikilli hættu og þar með íslenskt efnahagslíf hafi verið rétt.

Inga Jóna ánægð með sýknu í þremur ákæruliðum

"Ég ætla ekki að tjá mig við fjölmiðla um þetta," segir Inga Jóna Þórðardóttir, eiginkona Geirs H. Haarde, í samtali við Vísi. Geir var sakfelldur í einum ákærulið af fjórum, en sá liður snýr að því að hafa ekki haldið ráðherrafundi um mikilvæg málefni.

Björn Valur: Dómurinn sýnir að ástæða var til að fara í málarekstur

"Ég held að dómurinn hafi sýnt fram á það, að það var full ástæða af hálfu Alþingis að fara í þennan málarekstur í samræmi við niðurstöðu rannsóknarnefndar Alþingis og síðan þingmannanefndarinnar undir stjórn Atla Gíslasonar,“ segir Björn Valur Gíslason, þingflokksformaður VG, í samtali við Vísi.

Stal 200 þúsund krónum frá gömlum manni á Selfossi

Ungur maður stal tvöhundruð þúsund krónum af gömlum manni við Arion banka á Selfossi í síðustu viku. Í tilkynningu frá lögreglu segir að gamli maðurinn hafi tekið út peningana hjá gjaldkera og að í röðinni fyrir aftan hafi ungi maðurinn staðið. Hann hafi greinilega heyrt til gamla mannsins þegar hann nefndi upphæðina við gjaldkerann.

Alvarlegt bílslys fyrir austan

Einn er alvarlega slasaður eftir bílslys sem varð rétt hjá Skaftártungu, um þrjátíu kílómetrum vestan við Kirkjubæjarklaustur, rétt fyrir hádegi. Þrír voru í bílnum, sem var smábíll. Samkvæmt upplýsingum frá lögreglu hafnaði bíllinn úti í hrauni. Lögreglumenn eru enn að vinna á vettvangi og við segjum nánari fréttir af þessu á Vísi í dag.

Fleiri vilja kjósa í lok kjörtímabilsins

Tæplega 54% landsmanna telja að kjósa eigi áður en kjörtimabilið rennur út en 45% telja að kjósa eigi í lok núverandi kjörtímabils, samkvæmt niðurstöðum skoðanakönnunar MMR. Þetta er töluverð breyting frá könnun MMR sama efnis frá í október í hitteðfyrra þegar einungis 30,7% þeirra sem tóku afstöðu töldu að þingið ætti að sitja út kjörtímabilið.