Hvað myndir þú segja í fyrsta skipti?

„Ég er raunverulegur," voru fyrstu orð Kela Þorsteinssonar. Keli, sem er einhverfur, er orðinn kunnur víða um heim eftir að mynd Friðriks Þórs Friðrikssonar leikstjóra og Margrétar Dagmar Ericsdóttur kom út fyrir fáeinum árum. Síðar var hún gefin út með ensku tali, en þá var Kate Winslet sögumaður.

Nú er komin út bókin The Goden Hat sem fjallar um Kela, Margréti Dagmar móður hans og Kate Winslet vinkonu þeirra. Í bókinni spyr Kate nokkra fræga einstaklinga þeirrar spurningar hvað þeir myndu segja ef þeir væru að tjá sig í fyrsta skipti í dag. Á meðal þeirra sem svara spurningunni eru Leonardo DiCaprio, Meryl Streep og fleiri heimsfrægir einstaklingar. Í bókinni eru myndir af þeim með „gullna hattinn" eins og þær stöllur Margrét Dagmar og Kate kalla hann.

Með bókinni er athygli vakin á því að það er öllum mikilvægt að hafa rödd og að geta tjáð sig. Hins vegar er áætlað að um helmingur fólks með einhverfu geti ekki talað.

Bókin fæst í verslunum Hagkaupa en þú getur kynnt þér Kela og málefni einhverfra betur með því að fara inn á þessa vefsíðu.