Opnun Hlíðarfjalls framlengd til sunnudags

Góð snjóalög eru nú á skíðasvæðinu í Hlíðarfjalli og gott skíðafæri. Gert er ráð fyrir björtu en svölu veðri á næstunni og því hefur verið ákveðið að framlengja opnun skíðasvæðisins í Hlíðarfjalli til sunnudagsins 29. apríl.

Guðmundur Karl Jónsson, forstöðumaður skíðasvæðisins, segir að aðstæður séu nú með allra besta móti og hafi varla verið jafn góðar síðan í febrúar.

Skíðasvæðið verður opið frá kl. 14 til 19 á fimmtudag og föstudag en frá 9 til 15 á laugardag og sunnudag.