Jóhanna hvatti Kínverja til að láta af dauðarefsingum

Jóhanna Sigurðardóttir hvatti Kínverja til þess að láta af dauðarefsingum þegar hún ræddi við Wen Jiabao, forsætisráðherra Kína, í opinberri heimsókn hans hér á dögunum. Þetta segist hún hafa rætt við forsætisráðherrann á fundi þeirra tveggja en hún geti ekki farið ítarlega út í það sem fram kom á fundinum. Þór Saari, þingmaður Hreyfingarinnar, spurði Jóhönnu út í málið á Alþingi í dag.

„Ég tók upp dauðarefsingar á þessum fundi en ég get ekki farið í tarlega í það," sagði Jóhanna, sem segist einnig hafa tekið upp mannréttindamál sem hafi verið rædd hér á Alþingi. „Ég ræddi það sem við leggjum áherslu á í mannrettiindamálum. Ég lagði áherslu á það sem við viljum fá breytt í mannréttindamálum í Kína," segir Jóhanna.

Þór Saari þakkaði Jóhönnu fyrir allgóð svör en sagði að þau væru ekki nægilega nákvæm. „Dauðarefsingar og aftökur eru með því viðurstyggilegasta sem stjórnvöld í hverju landi geta tekið sér fyrir hendur," segir Þór.