Glæfraakstur afbrigðileg hegðun

Ökumenn sem stunda glæfraakstur úti á Granda senda sms-skeyti sín á milli til að láta vita ef lögreglan nálgast. Samgöngustjóri Reykjavíkur segir það hingað til ekki hafa komið til tals að borgin setji upp eftirlitsmyndavélar á svæðinu.

Segir skattgreiðendur niðurgreiða útflutt lambakjöt fyrir milljónir

Íslenskir skattgreiðendur niðurgreiða lambakjöt til útlanda fyrir mörg hundruð milljónir á hverju ári. Þetta segir prófessor í Hagfræði. Útflutningur á lambakjöti hefur nærri tvöfaldast frá bankahruni.

Segir forsetaframboð úr smiðju 365 miðla og RÚV

Ástþór Magnússon, forsetaframbjóðandi og athafnamaður, skoraði á fjölmiðla að veita nú öllum forsetaframboðum jafnan aðgang til að kynna sín stefnumál á blaðamannafundi sem hann hélt á heimili sínu í dag. Þar gagnrýndi hann fjölmiðla harðlega fyrir ójafna umfjöllun um forsetaframbjóðendur. Nefnir hann Fréttablaðið sérstaklega í þessum samhengi.

Þóttist vera starfsmaður Microsoft

Karlmaður hringdi í hjón hér á landi í gærkvöld og kynnti sig sem starfsmann Microsoft í Bretlandi. Hann sagði að einhver villa hefði komið upp sem þau þyrftu að bregðast við og bað fólkið um að setjast við tölvu sína og kveikja á henni. Fólkinu fannst maðurinn eitthvað grunsamlegur og svo reyndist vera.

Flugstjóri í stríði við kerfið

Þórir Brynjúlfsson er hvorki barnmargur fjölskyldufaðir né á flæðiskeri staddur. Hann er vel stæður flugstjóri hjá Icelandair. Fjárfesti í ýmsu fyrir hrun. Flýgur Boeing 757 í vinnunni en í frítímanum keyrir hann um á dýrindis Range Rover sport jeppa. Sem hann keypti að hluta á bílaláni.

Virðast ráðast á hvaða hunda sem er

Husky hundarnir virðast ráðast á hvaða hunda sem er, óháð tegund eða kyni, segir Sigrún Guðlaugardóttir, eigandi labradors sem varð fyrir árás hundanna fyrir um ári síðan. Vinkona Sigrúnar var með labradorinn á göngu á Geirsnefi þegar husky hundarnir réðust á hann. Hann slapp án varanlegra meiðsla, þótt það hafi blætt úr honum á tveimur stöðum. "Hann hefur aldrei verið árásargjarn og aldrei tekið á móti og það var honum til happs,“ segir Sigrún.

Þóra stofnar kosningasjóð

Stofnaður hefur verið kosningasjóður fyrir framboð Þóru Arnórsdóttur til embættis forseta Íslands. Í færslu á Facebook segir Þóra að farið verði eftir öllum lögum og reglum um söfnun af þessu tagi.

Íslenskt lambakjöt ódýrara í Noregi en hér á landi

Íslenskt lambakjöt er ódýrara í verslunum í Noregi en hér á landi. Þetta segir íslendingur búsettur í Noregi sem þakkar íslenskum skattgreiðendum sérstaklega fyrir að niðurgreiða kjötið.

Árni Páll: Gjaldeyrishöft eru hörmuleg

Gjaldeyrishöft eru hörmuleg, það sést skýrar með hverjum degi sem líður. Enginn stjórnmálaflokkur hefur sérstaka skýra sýn um lausn á þeim vanda sem gjaldeyrishöftin skapa. Þetta segir fyrrverandi efnahags- og viðskiptaráðherra.

Kynferðisbrot kært á Ísafirði

Kona hefur kært kynferðisbrot til lögreglunnar á Ísafirði, en tónlistarhátíðin Aldrei fór ég suður fór fram þar í bæ núna um páskana. Lögreglan staðfestir að brotið hafi verið kært að morgni páskadags. Málið mun nú vera í rannsókn. Töluverður fjöldi var samankominn á hátíðinni um helgina og var mikill fjöldi fólks sem streymdi frá Ísafirði í gær og í morgun.

Kate Winslet kom við á Íslandi

Stórleikkonan Kate Winslet var á Íslandi í nokkra daga í síðustu viku, samkvæmt heimildum Vísis. Winslet hefur verið í miklum samskiptum við Friðrik Þór Friðriksson kvikmyndagerðamann og Margréti Dagmar Ericsdóttur eftir að leikkonan var fengin til þess að tala inn á myndina Sólskinsdrengur sem fjallar um Kela, dreng með einhverfu.

Nítján undir áhrifum fíkniefna

Um páskana voru nítján ökumenn teknir á höfuðborgarsvæðinu fyrir að aka undir áhrifum fíkniefna. Sextán þeirra voru stöðvaðir í Reykjavík og einn í Kópavogi, Hafnarfirði og Garðabæ.

Sextán stútar teknir um páskana

Sextán ökumenn voru teknir fyrir ölvunarakstur á höfuðborgarsvæðinu um páskana samkvæmt upplýsingum frá lögreglunni.

Vilja útskýringar á útreikningunum

Fulltrúar Sjálfstæðisflokksins í atvinnuveganefnd vilja að útreikningar sjávarútvegs- og landbúnaðarráðuneytisins á áhrifum fyrirhugaðs veiðigjalds verði lagðir fram í nefndinni og útskýrðir. Þá vilja þeir einnig að Huginn Þorsteinsson, aðstoðarmaður ráðherra, verði kallaður á fund nefndarinnar til að útskýra ummæli sem hann viðhafði í aðsendri grein í Fréttablaðinu um niðurstöður endurskoðunarfyrirtækisins Deolitte á áhrifum veiðigjaldsins.

Vilja að neytendur fái auglýstan nethraða

Nýjar reglur Evrópusambandsins (ESB) um gæði internetþjónustu, sem til stendur að setja í haust, munu koma í veg fyrir að íslensk fjarskiptafyrirtæki geti auglýst að neytendur fái tengihraða allt að ákveðnu hámarki nema fyrirtækin uppfylli ströng skilyrði um að þjónustan standist þau loforð.

Nota neftóbak í vör: Æ fleiri drengir með illa farið tannhold

„Ungu strákarnir eru margir að nota íslenskt neftóbak í vörina. Það er efni sem við vitum ekki neitt um, en til að mynda hefur sænska munntóbakið verið rannsakað í þaula. Áhrif þessa íslenska tóbaks eru hins vegar alveg óskrifað blað,“ segir Gunnlaugur Rósarsson tannholdssérfræðingur. Hann telur það afar varhugaverða þróun að aukning á sölu tóbaks skuli vera mikil á meðal ungra karlmanna sem taki neftóbak í vörina.

Þróa ætti miðstöð doktorsnáms í HÍ

Þróa ætti miðstöð doktorsnáms hér á landi þar sem allir háskólar, rannsóknarstofnanir og rannsóknafyrirtæki gætu sameinað krafta sína. Hægt væri að byggja slíka miðstöð á grunni miðstöðvar framhaldsnáms sem nú þegar er fyrir hendi í Háskóla Íslands.

Fréttaskýring: Margslungið ferli í aðildarviðræðunum

Á ríkjaráðstefnu Íslands og Evrópusambandsins (ESB) síðastliðinn föstudag voru fjórir samningskaflar í aðildarviðræðunum opnaðir og tveimur þeirra lokað umsvifalaust. Þannig hafa fimmtán kaflar verið opnaðir og tíu þegar verið lokað. Hvert er hins vegar ferlið á bak við opnun og lokun kaflanna og hvað ræður því hvenær og í hvaða röð þeir eru opnaðir?

Kattardráp í Grafarvogi: Eigandi læðunnar gagnrýnir yfirvöld

Eigandi læðunnar sem Husky hundar drápu í Grafarvogi fyrir páska gagnrýnir það sem hann kallar sinnuleysi yfirvalda í málinu og segir hann óeðlilegt að eigandi hundanna skuli hafa fengið þá aftur í sína umsjá eftir atvikið. Þetta kemur fram í yfirlýsingu sem Vilhelm Jónsson, eigandi læðunnar, sem hét Lóló, sendir frá sér í dag.

Söfnun UNICEF til handa börnum á Sahel-svæðinu í Mið- og Vestur-Afríku fer vel af stað: Íslendingar hafa brugðist vel við neyðarkalli

„Söfnunin gengur vonum framar. Íslendingar hafa brugðist mjög vel við ákalli okkar og við erum mjög þakklát fyrir það,” segir Sigríður Víðis Jónsdóttir, upplýsingafulltrúi UNICEF á Íslandi, um viðbrögð við neyðarkalli samtakanna. UNICEF hófu söfnun um allan heim 3. apríl síðastliðinn og verður söfnunarfénu varið til að hjálpa börnum í Vestur- og Mið-Afríku.

Ruiz fótbrotinn | Tímabilið búið

Bryan Ruiz, sóknarmaður Fulham, spilar ekki meira með liðinu á tímabilinu þar sem hann fótbrotnaði í 3-0 sigri liðsins á Bolton.

Skipstjórinn segist ekki hafa vitað af banninu

Skipstjórinn á norska línubátnum, sem staðinn var að meintum ólöglegum veiðum suður af landinu í gærmorgun og kom til hafnar í Vestmannaeyjum um miðnætti, að skipun Landhelgisgæslunnar, segist ekki hafa vitað að hann væri að veiða í hólfi, þar sem bannað væri að veiða með línu.

Nýtt ráðuneyti í ár og kvótamál kláruð

Öll eða velflest stóru málin sem ríkisstjórnin ætlar sér að koma í framkvæmd á kjörtímabilinu eru komin fram á Alþingi. Þetta segir Steingrímur J. Sigfússon sem segir næsta þing munu litast af því að kosningar verði í nánd.

Lögregla getur borið refsiábyrgð

Persónuvernd beinir þeim tilmælum til Lögreglunnar á höfuðborgarsvæðinu að gæta varúðar við meðferð persónuupplýsinga eftir að myndir og nafn fórnarlambs árásar voru birt á í sjónvarpsþætti á fréttavefnum mbl.is. Stofnunin minnir lögreglu á að refsiábyrgð geti legið við brotum á lögum um persónuvernd.

Norska línuveiðiskipið komið til Eyja

Lögreglumenn og tollvörður biðu á bryggjunni í Vestmannaeyjum um miðnætti, þegar norska línuveiðiskipið, sem staðið var að meintum ólöglegum veiðum í Skeiðarárdýpi í gærmorgun, lagðist þar að bryggju að skipan áhafnar þyrlunnar, sem stóð skipð að verki.

Herjólfur í Landeyjahöfn

Herjólfur siglir þrjár ferðir á milli Eyja og Landeyjahafnar í dag, annan daginn í röð. Þó eru sgilingarnar háðar sjávarföllum þar sem ekki er enn nægilegt dýpi í og við höfnina til að fara þar um á fjöru, en unnið er að dýpkun, en upplýsingar um það má sjá á heimasíðu Herjólfs.

Aukaferðir til Ísafjarðar í dag

Hátt í 200 manns bíða enn flugfars frá Ísafirði til Reykjavíkur, eftir að Flugfélag Íslands gat ekki farið nema þrjár ferðir af sjö fyfirhuguðum í gær vegna óveðurs vestra.

Kappaksturbraut í íbúðahverfi

Íbúar við Ánanaust hafa fengið sér þrefalt gler til að einangra hávaða frá hraðakstri á nóttunni. Íbúi tók upp myndband þar sem ískur og vélahljóð heyrast greinilega.

Reyndi að stinga lögregluna af - faldi sig bak við gám

Við hefðbundundið umferðareftirlit í gær veitti lögreglan á Suðurnesjum athygli ökumanni sem grunaður var um akstur undir áhrifum fíkniefna. Maðurinn ók inn á bifreiðastæði fyrirtækis í Reykjanesbæ og fylgdi lögreglubíll á eftir. Á bílastæðinu stöðvaði ökumaðurinn bifreiðina, stökk út úr henni og tók til fótanna að gámi aftan við húsnæði fyrirtækisins. Hann faldi sig bak við gáminn en var handtekinn og færður á lögreglustöð, þar sem akstur undir áhrifum fíkniefna fékkst staðfestur.

Vill hitta fólk í eigin persónu og heyra þeirra sögu

Lítið hefur farið fyrir Hannesi Bjarnasyni forsetaframbjóðanda fram að þessu. Hann segir það með ráðum gert, enda hefjist hans kosningabarátta ekki fyrr en í lok mánaðarins.

Leita að Ester

Lögreglan á höfuðborgarsvæðinu lýsir eftir Ester Björg Ragnarsdóttur, sem fór frá heimili sínu í Breiðholti á skírdag. Ekkert er vitað um hvar hún er nú niðurkomin. Ester er um 170 cm á hæð, um 55-58 kg. á þyngd, grannvaxin með dökkt stutt hár og með blá augu. Hún var klædd í hvíta dúnúlpu og galla stuttbuxur en ekki er vitað með frekari klæðnað. Þeir sem hafa orðið varir við eða vita um ferðir Esterar B. Ragnarsdóttur frá 05.04.2012 s.l. , eru vinsamlegast beðnir um að hafa samband við lögregluna á höfuðborgarsvæðinu í síma 444 1000.

Lögreglan handtók reykingarkonu

Óskað var eftir aðstoð lögreglunnar á Suðurnesjum á föstudaginn síðastliðinn vegna flugfarþega sem hafði orðið uppvís að því að reykja inni á salerni flugvélar Icelandair. Lögregla var mætt á staðinn þegar flugvélin lenti. Farþeginn reyndist vera rúmlega fertug erlend kona, sem færð var til varðstofu Flugstöðvardeildar til nánari upplýsingatöku. Hún kvaðst hafa reykt inni á salerni flugvélarinnar þar sem hún hefði verið á svo löngu ferðalagi. Konan var frjáls ferða sinna að svo búnu, en málið er í höndum lögreglunnar á Suðurnesjum.

Börn að leik með notaða sprautunál

Vegfarandi hafði samband við lögregluna á Suðurnesjum nú um páskahelgina og vísaði á sprautunál sem lá í moldarbeði við hús í Reykjanesbæ. Hann hafði verið á gangi fram hjá húsinu, þegar hann heyrði tal nokkurra barna, um það bil fimm ára gamalla, sem voru að tala um að fara í læknisleik með sprautunál. Hann spurði börnin hvað þau væru að gera en þá hlupu þau í burtu. Nálin var fjarlægð og eytt á lögreglustöð.

"Hafði ekki hugmyndaflug í að þetta gæti orðið jafn slæmt"

"Ég hafði ekki hugmyndaflug í að þetta frumvarp gæti orðið jafn slæmt og það lítur út fyrir að vera fyrir útgerð, fiskvinnslu og sölustarfsemi og þar með atvinnustarfsemi í landinu,“ segir Þorsteinn Már Baldvinsson, forstjóri og aðaleigandi Samherja um frumvörp sjávarútvegsráðherra til nýrra heildarlaga um stjórn fiskveiða annars vegar og veiðigjalds hins vegar.

Björgunarsveitamenn aðstoða í ófærð

Björgunarsveitin Dagrenning frá Hólmavík er nú á Steingrímsfjarðarheiði að aðstoða ökumenn sem hafa lent í vandræðum. Þegar hafa tveir bílar farið út af og ökumönnum tveggja annarra þurftu aðstoð við að koma bílnum sínum niður af heiðinni. Ekki er mikill snjór á veginum en skyggni er afar slæmt.

Sex innbrot um helgina

Sex innbrot hafa verið tilkynnt til lögreglunnar á höfuðborgarsvæðinu nú um helgina. Fjöldi fólks leggur vanalega í ferðalög yfir páska og ekki er útilokað að tilkynningar um fleiri innbrot muni berast þegar fólk snýr heim úr ferðum sínum. Þá hafa tuttuguogfjórir ökumenn verið teknir fyrir að aka undir áhrifum áfengis og fíkniefna.

Gætum þurft að semja tvisvar um sjávarútveginn

Hugsanlega þurfa Íslendingar að semja tvisvar um sjávarútvegsmál fari svo að Evrópusambandið breyti löggjöf sinni eftir að búið er að semja um málaflokkinn, en kafli um sjávarútveg í viðræðum við sambandið verður opnaður á síðari hluta þessa árs.

Eldur í Lundi

Slökkviliðið var kallað að veislusalnum Lundi í Kópavogi nú um tvöleytið. Þar hafði eldur læst sig í millivegg, en talið er að eldurinn hafi kveiknað út frá kerti eða kertaskreytingu. Einn slökkviliðsbíll var sendur á staðinn og greiðlega gekk að slökkva hann.

Elín býður sig ekki fram

Elín Hirst fjölmiðlakona hefur ákveðið að bjóða sig ekki fram til forseta Íslands. Þetta kemur fram í yfirlýsingu sem Elín sendi fjölmiðlum fyrir stundu. Þar segir að hún hafi á undanförnum vikum hugleitt framboð og margir hafi hvatt hana til slíks.

Allt snævi þakið á Ísafirði

Allt er snævi þakið á Ísafirði, þar sem þessi mynd var tekin í morgun. Snjókoman hófst seinnipartinn í gær og snjóaði í alla nótt samkvæmt upplýsingum Vísis. Vegir á Vestfjörðum eru illfærir. Snjóþekja eða krapi er víða á Vestfjörðum. Hálka og óveður er á Gemlufallsheiði og slæmt ferðaveður. Beðið er með mokstur á Klettshálsi vegna veðurs. Dynjandisheiði og Hrafnseyrarheiði eru enn ófærar.

Norðmenn grunaðir um ólöglegar veiðar við Ísland

Áhöfn TFGNÁ, þyrlu Landhelgisgæslunnar stóð norskt línuveiðiskip að meintum ólöglegum veiðum í reglugerðarhólfi í Skeiðarárdýpi um klukkan ellefu í morgun.

Tafir á flugi

Ekkert hefur verið flogið á milli Reykjavíkur og Ísafjarðar í dag en hátíðin Aldrei fór ég suður fór fram þar um helgina og er þar víst staddur fjöldi fólks sem vill komast til síns heima. Samkvæmt upplýsingum frá Flugfélagi Íslands er flug til Akureyrar og Egilsstaða hins vegar á áætlun.

Of feitar konur virðast líklegri til að eignast einhverf börn

Konur sem eru of feitar, sykursjúkar eða með of háan blóðþrýsting á meðgöngu geta verið um 60% líklegri til þess að eignast börn með einhverfu, samkvæmt niðurstöðum nýrrar rannsóknar sem verður birt í maíhefti læknatímaritsins Pediatrics. Paula Krakowiak, doktorsnemi í faraldsfræði við Kalíforníuháskóla, vinnur rannsóknina. Hún segir að þótt sýnt hafi verið fram á einhver tengsl á milli heilsu móður á meðgöngu og einhverfu sé enn ekkert hægt að fullyrða um að heilsubrestir móður geti beinlínis orsakað einhverfu.

Skíðasvæði víða opin

Opið er í Hlíðarfjalli, Bláfjöllum og Skálafelli í dag. Í Hlíðarfjalli er opið til klukkan fjögur en í Bláfjöllum og Skálafelli til klukkan fimm. Gott skíðaveður er á öllum svæðunum, heiðskýrt og hitastig í kringum mínus tvær nema í Skálafelli þar sem er rétt undir frostmarki. Þeir sem eiga eftir að fara í messu yfir páskana geta slegið tvær flugur í einu höggi því hin árlega páskamessa verður haldin við Bláfjallaskála klukkan eitt þar sem séra Pálmi Matthíasson messar.

Tveir gistu fangageymslur á Akureyri

Tveir menn gistu fangageymslur lögreglunnar á Akureyri eftir nóttina. Annar var tekinn fyrir rúðubrot en hinn fyrir minniháttar líkamsárás. Lögreglan á Akureyri segir að skemmtanahald næturinnar hafi að öðru leyti farið vel fram.