Hagar stefnir Arion banka - vilja 824 milljónir

Stjórn Haga hefur ákveðið að krefja Arion banka um rúmar áttahundruð og tuttugu milljónir króna vegna endurútreiknings á gengistryggðum lánum. Félagið telur að eftir dóm hæstaréttar í síðasta mánuði þurfi að endurreikna lánin aftur og hefur því ákveðið að höfða dómsmál til að fá skorið úr um réttmæti kröfunnar. Bankinn álítur hins vegar að dómurinn hafi takmarkað fordæmisgildi og eigi ekki við um lán Haga.

Tveir í gæsluvarðhald - sá þriðji eftirlýstur

Tveir karlmenn voru úrskurðaðir í gæsluvarðhald í Héraðsdómi Reykjavíkur í dag á grundvelli rannsóknarhagsmuna. Mennirnir, sem eru báðir innan við tvítugt, voru handteknir í gær í tengslum við rannsókn lögreglunnar á sprengju sem sprakk á rúðu skartgripaverslunar við Bankastræti 12 í miðborg Reykjavíkur og ráni í matvöruverslun í austurborginni.

Banaslysið varð við þrif á togaranum

Banaslysið um borð í íslenskum togara út af Straumsnesi á Ísafjarðardjúpi snemma í morgun varð þegar skipsverjar unnu við þrif á hreinsiborði, samkvæmt upplýsingum frá lögreglunni á Ísafirði. Tekin var skýrsla af áhafnarmeðlimum þegar togarinn kom um borð en presturinn á Ísafirði fór einnig um borð og ræddi við skipsverja. Rannsóknarnefnd sjóslysa tekur við málinu þegar rannsókn lögreglu er lokið. Þyrla Landhelgisgæslunnar var send með lækni, sem seig um borð í togarann snemma í morgun og úrskurðaði manninn látinn. Ekki er hægt að greina frá nafni hans að svo stöddu.

Hertar kröfur vegna mengunar

Með breytingu á reglugerð fellir umhverfisráðuneytið úr gildi sérákvæði starfandi sorpbrennslustöðva um brennslu úrgangs. Reglugerðin, sem nýlega var undirrituð, hefur í för með sér að allar íslenskar sorpbrennslustöðvar eiga nú að uppfylla sömu kröfur og gerðar eru til sambærilegrar starfsemi á Evrópska efnahagssvæðinu.

Heildarskuldir skólans nema 739 milljónum

Uppsafnaður halli Landbúnaðarháskóla Íslands nam 307 milljónum króna í lok síðasta árs. Heildarskuldir skólans nema 739 milljónum og hafa fimmfaldast frá árinu 2005. Í nýrri úttekt Ríkisendurskoðunar eru stjórnendur skólans og yfirvöld menntamála hvött til að taka á vanda skólans.

Gæsluvarðhald yfir Annþóri og Berki að renna út

Gæsluvarðhald yfir hópi manna sem handteknir voru í umfangsmikilli lögreglurassíu í síðustu viku rennur út í dag. Lögmenn sumra þeirra, sem Fréttablaðið ræddi við í gær, gerðu fastlega ráð fyrir því að krafist yrði framlengingar á varðhaldinu yfir að minnsta kosti einhverjum mannanna.

Fyrsta skrofan á árinu sást við Eyjar

Fyrsta skrofan sást við Vestmannaeyjar í gær, heldur fyrr en í fyrra.

Hámarks miskabætur verði fimmfaldaðar

Hámarksbætur sem ríkið greiðir fyrir líkamstjón verða tvöfaldaðar og hámarksbætur fyrir miska verða fimmfaldaðar nái frumvarp Ögmundar Jónassonar innanríkisráðherra fram að ganga.

Sprengjumennirnir ófundnir

Mennirnir tveir, sem gerðu tilraun til að sprengja rúðu í úra- og skartgripaverslun við Bankastræti í Reykjavík í fyrrinótt, er ófundnir eftir því sem Fréttastofa kemst næst.

Húsamýs komu til Íslands og Grænlands með víkingunum

Ný rannsókn sýnir að víkingarnir sem sigldu frá Noregi til Íslands og síðar til Grænlands og Nýfundnalands báru með sér húsamýs til þessara landa á níundu öld. Sennilega hafa þær leynst í fóðri húsdýra sem víkingarnir fluttu með sér á ferðum sínum.

Loðnuskipin flest búin með kvótann og hætt veiðum

Loðnuskipin eru nú flest eða öll búin með kvóta sína og hætt veiðum. Skipin eru svonefnd fjölveiðiskip og taka nú kolmunnaveiðar við.

Nýr spítali þjónar 125 þúsund manns

Nýr spítali sem byggður hefur verið fyrir þróunarfé frá Íslandi hefur þegar fengið ríflega milljón heimsóknir, þó að formlega hafi hann verið vígður í gær. Sjúkrahúsið þjónar um 125 þúsund manna svæði í Malaví í Suðaustur-Afríku.

Kosið verði um tillögur stjórnlagaráðs

Meirihluti stjórnskipunar- og eftirlitsnefndar Alþingis samþykkti á fundi sínum í gær að leggja fram þingsályktunartillögu þess efnis að kosið verði um tillögur stjórnlagaráðs að nýrri stjórnarskrá samhliða forsetakosningum 30. júní næstkomandi. Um ráðgefandi þjóðaratkvæði er að ræða, samkvæmt lögum. Spurt verður um stjórnarskrárdrögin í heild, auk spurninga um fimm sérstök álitamál.

Sigurrós ráðin á Hjálmars vakt

Ármann Kr. Ólafsson, bæjarstjóri í Kópavogi, segir það koma sér á óvart að Hjálmar Hjálmarsson, bæjarfulltrúi Næst besta flokksins, skuli spyrjast fyrir um störf Sigurrósar Þorgrímsdóttur við ritun sögu Kópavogs.

Slasaðist alvarlega um borð í togara

Sjómaður slasaðist alvarlega um borð í togara á Ísafjarðardjúpi snemma í morgun. Þyrla Landhelgisgæslunnar var send með lækni, sem seig niður i togarann og var ákveðið að sigla með hinn slasaða í land og er læknirinn um borð, en þyrlan lenti á Ísafjarðarflugvelli og er þar til taks. Ekki er vitað hvernig slysið varð, en sjómaðurinn mun vera alvarlega slasaður. Togarinn er væntanlegur til hafnar nú um ellefu leitið.

Stefán Máni: Glæpamenn skátadrengir miðað við gæjana í dag

"Þeir menn sem ég var í sambandi við á þeim tíma voru skátadrengir miðað við gæjana sem maður sér í dag,“ sagði rithöfundurinn Stefán Máni Sigþórsson sem skrifaði glæpabókina Svartur á leik fyrir um tíu árum síðan, í viðtali í Kastljósi í kvöld. Þar ræddi Sigmar Guðmundsson við Stefán Mána og Stefán Eiríksson, lögreglustjóra á höfuðborgarsvæðinu, um glæpaheiminn á Íslandi þá og nú. Tilefnið er að sjálfsögðu kvikmyndin Svartur á leik sem bregður ákaflega dökkri og ógeðfelldri mynd af glæpaástandinu í kringum aldamótin síðustu.

Nýtingarsamningar til 20 ára í nýrri heildarlöggjöf um fiskveiðar

Gerðir verða nýtingarsamningar til 20 ára við kvótaeigendur samkvæmt nýrri heildarlöggjöf um stjórn fiskveiða en undirbúningur þess er á lokametrunum og er stefnt að því að kynna frumvarp á ríkisstjórnarfundi á föstudag. Framkvæmdastjóri LÍÚ segir að ekkert samráð hafi verið haft við útvegsmenn.

Saga er fimm milljónasti Norðmaðurinn - en um það er deilt

Hún Saga Jónsdóttir Eldon fæddist klukkan 02:39 aðfaranótt 19. mars á sjúkrahúsi í Noregi. Sjónvarpsstöðin TV2 tók viðtal við nýbakaða foreldra stúlkunnar, ástæðan er sú að Norðmenn eru orðnir fimm milljónir talsins. Og hugsanlega er Saga litla fimm milljónasti Norðmaðurinn.

Vigdís braut þingsköp

Vigdís Hauksdóttir, þingmaður Framsóknarflokksins, gerðist brotleg við þingsköp samkvæmt niðurstöðu Ástu Ragnheiðar Jóhannesdóttur, forseta Alþingis. Vigdís miðlaði upplýsingum af fundi stjórnskipunar- og eftirlitsnefndar Alþingis á Facebook síðu sína áður en fundinum lauk. Valgerður Bjarnadóttir, formaður nefndarinnar, sleit þá fundinum sem fram fór 13. mars síðastliðinn.

La Bohéme fær fjórar stjörnur í The Daily Telegraph

Uppsetning Íslensku óperunnar á La Bohéme eftir Giacomo Puccini í Hörpunni fær fjórar stjörnur af fimm mögulegum hjá The Daily Telegraph. Frammistöðu leikaranna er hrósað og fer gagnrýnandi fögrum orðum um Eldborgarsal Hörpunnar.

Íslandi spáð 12. sæti í Eurovision

Íslandi er spáð 12. sæti í Söngvakeppni evrópskra sjónvarpsstöðva sem haldin verður í Aserbaídjan í maí. Samkvæmt breska veðbankanum William Hill er Svíum spáð sigri, Rússum öðru sæti og Dönum því þriðja.

Helmingurinn ók of hratt

Næstum því helmingur ökumanna sem óku í vesturátt í Dalsmára, við Lækjarsmára í Kópavogi í dag, keyrðu of hratt eða yfir afskiptahraða. Á einni klukkustund, fyrir hádegi, fóru 75 ökutæki akstursleiðina og óku 35 of hratt.

Tillaga um grænt hagkerfið samþykkt

Þingsályktunartillaga um eflingu græna hagkerfisins var samþykkt á Alþingi í dag með 43 samhljóða atkvæðum. Í tillögunni eru lagðar til samtals 48 leiðir til þess að efla græna hagkerfið hér á landi.

Villa í útboðsgögnum

Eimskip, Samskip og Sæfærðir buðu í rekstur á Vestmannaeyjaferju fyrir árin 2012 til 2014 en opna átti tilboðin í dag. Að sögn G. Péturs Matthíassonar, upplýsingafulltrúa Vegagerðarinnar, kom í ljós galli í svokallaðir vægistöflu í útboðsgögnunum svo fresta þarf opnunni um viku. Fyrirtækin þrjú fá því að fara yfir útboðsgögnin aftur og skila inn tilboðum. Vegagerðin óskaði eftir tilboðum í rekstur á ferjuleiðinni á milli Vestmannaeyja og Landeyjahafnar annars vegar og Vestmannaeyja og Þorlákshafnar hinsvegar.

Hells Angels hættir við málshöfðun

Hells Angels á Íslandi og Einar Boom Marteinsson, forseti samtakanna, hafa dregið til baka meiðyrðamál sem höfðað var á hendur Haraldi Johannessen, ríkislögreglustjóra, Ögmundi Jónassyni, innanríkisráðherra og íslenska ríkinu þann 10. janúar síðastliðinn fyrir Héraðsdómi Reykjavíkur.

Sprengjumenn ófundnir

Mennirnir tveir sem talið er að hafi sprengt rúðu í skartgripaverslun í Bankastræti á sjötta tímanum í morgun eru enn ófundir. Samkvæmt upplýsingum frá lögreglu er rannsókn enn í fullum gangi en ekki fást frekari upplýsingar um gang hennar.

Lýst eftir kerru

Lögreglan á höfuðborgarsvæðinu lýsir eftir kerru sem var stolið úr bílskýli við Sóleyjarima í Reykjavík í síðustu viku. Kerran er nýleg, galvaniseruð, grá og vel með farin. Hún er á hvítum felgum og fram og afturgaflar hennar eru opnanlegir. Þeir sem geta gefið upplýsingar um hvar kerran er niðurkomin eru vinsamlegast beðnir um að hafa samband við lögregluna í síma 444-1180 eða senda tölvupóst á netfangið abending@lrh.is.

Kosið um stjórnarskrá og fimm lykilmál samhliða forsetakosningum

Meirihluti stjórnskipunar- og eftirlitsnefndar Alþingis samþykkti á fundi sínum í morgun að kosið verði um tillögu stjórnlagaráðs um nýja stjórnarskrá og fimm grundvallarmál samhliða forsetakosningum hinn 30. júní næstkomandi.

Lóan að kveða burt snjóinn - mikill hiti um helgina

Lóan sem sást í Hvalfjarðarsveit í gær er komin til að kveða burt snjóinn ef marka má veðurspá næstu daga. Hitinn gæti farið yfir fimmtán gráður á Norður- og Austurlandi um helgina.

Vinsælasta rúðan í bænum til að brjóta

"Það er ekki skemmtilegt að lenda í svona, þetta er leiðinleg tilfinning," segir Ólafur G. Jósefsson, eigandi GÞ Skartgripir og úr í Bankastrætinu í miðbæ Reykjavíkur. Öflug sprengja var límd utan á rúðu skartgripaverslunarinnar á sjötta tímanum í morgun og heyrðist hár hvellur um nágrennið. Sprengjubrot fundust í allt að 30 metra fjarlægð.

Vinna fyrrum bæjarfulltrúa sé skýrð

„Það er ekki auðvelt að draga þennan kostnað saman þar sem hann er ekki alltaf sérgreindur, heldur samþættist öðrum kostnaði hjá bænum,“ segir í svari Ármanns Kr. Ólafssonar bæjarstjóra við fyrirspurn bæjarfulltrúans Hjálmars Hjálmarssonar um heildarkostnað bæjarins við ritun Sögu Kópavogs.

Tvöfalt fleiri erlendir ríkisborgarar nú en fyrir áratug

Á síðastliðnum 10 árum hefur fjöldi erlendra ríkisborgara á Íslandi tvöfaldast. Þann 1. janúar 2012 voru skráðir hérlendis 20.957 erlendir ríkisborgarar, samkvæmt tölum sem Hagstofa Íslands birti í morgun. Hlutfall erlendra ríkisborgara af heildarmannfjölda var 6,6% samanborið við 3,4% árið 2002. Aftur á móti fækkaði erlendum ríkisborgurum milli 2011 og 2012 um 186. Hlutfall erlendra ríkisborgara stóð þó í stað.

Lækka virðisaukaskatt á græna bíla

Ríkisstjórn Íslands hefur samþykkt að lækka skatta á umhverfisvæna bíla. Frumvarp þess efnis var kynnt þingflokkum stjórnarflokkanna í gær, samkvæmt heimildum Fréttablaðsins.

Hobbitinn heitir eftir eigandanum sjálfum

"Ég held að þeir séu varla að fara að setja sig í samband við mann einhvers staðar í afdölum á Íslandi sem er hvort sem er farið á hausinn,“ segir Einar Magnús Gunnlaugsson, eigandi söluskálans Hobbitans í Ólafsvík.

Féll af baki og dróst á eftir hestinum

Karlmaður, sem var að prófa reiðhest við hesthúsahverfið að Landsenda um átta leitið í gærkvöldi, slasaðist þegar hann féll af baki.

Öflug sprengja sprakk í Bankastræti

Öflug sprengja var sprengd á rúðu skartgripaverslunar við Bankastræti klukkan korter fyrir fimm í morgun og segir lögregla að hætta hafi skapast af af henni.

Fleiri gerðir húsnæðislána í boði en áður

Valkostum húsnæðiskaupenda á lánamarkaði hefur fjölgað með tilkomu óverðtryggðra fasteignalána. Til margs ber að líta þegar lánagerð er valin en væntingar um verðbólgu og vexti eru lykilatriði. Fréttablaðið gerði stuttan samanburð á verðtryggðum og óverðtryggðum fastvaxtalánum.

Þrír karlmenn handteknir í nótt grunaðir um innbrot

Lögreglan handtók i nótt þrjá karlmenn, grunaða um innbrot í tölvulager í iðnaðarhúsi við Höfðabakka.

ESB flýtir ákvörðun um refsiaðgerðir gegn Íslandi og Færeyjum

Framkvæmdastjórn Evrópusambandsins ætlar að flýta ákvörðun um refsiaðgerðir gegn Íslendingum og Færeyingum vegna makríldeilunnar svo málið verði útkljáð þegar viðræður um sjávarútvegskaflann í aðildarvilðræðum Íslands að sambandinu hefjast í næsta mánuði.

Víða vandræði vegna illviðris og ófærðar

Björgunarsveitarmenn í Búðardal voru kallaðir út í gærkvöldi til að aðstoða fólk í föstum bílum á Bröttubrekku, en þar var illviðri eins og víða um vestanvert landið í gærkvöldi.

Lögregla gagnrýnir innanríkisráðherra - fréttaskýring

Hversu langt eiga stjórnvöld að ganga til að vinna gegn skipulagðri glæpastarfsemi hér á landi? Ögmundur Jónasson innanríkisráðherra hefur ekki trú á því að lagalegt bann við starfsemi alþjóðlegra glæpasamtaka hér á landi skili nokkru.

Lýsti eftirköstum sjálfsvígs móður sinnar - upplifði þöggun

"Ég var búin að ganga lengi með þessa grein í maganum,“ segir Anna Sigríður Ólafsdóttir, sem skrifaði áhrifaríka grein á Vísi í dag þar sem hún lýsir eftirköstum sjálfsvígs móður sinnar. Anna Sigríður segir að það hafi ekki verið fyrr en maður kom til hennar þremur árum eftir sjálfsvígið sem hún áttaði sig á því að hún þyrfti að minnast lífsins, en ekki dauðans.

Ögmundur gekk hálf lamaður út af Svörtum á leik

„Ég fór að sjá myndina í gærkvöldi, og hún var hrikaleg," sagði Ögmundur Jónasson, innanríkisráðherra, en hann fór að sjá kvikmyndina Svartur á leik í boði Reykjavík síðdegis. Í viðtali á Bylgjunni lýsti Ögmundur upplifun sinni af myndinni. Og það er ljóst að hún hreyfði við ráðherranum.

Ætla að telja allar kanínur í Reykjavík

Fyrsta almenna kanínutalningin fer nú fram í Reykjavík. Með henni á að reyna að finna út hversu margar villtar kanínur er að finna innan borgarmarkanna.

Lóan er komin - varað við ísingu og éljahryðjum

Það er víst staðreynd, Lóan er komin. Allavega greinir Skessuhorn frá því á vef sínum að fyrsta heiðlóan sé sannanlega komin til landsins. Mynd náðist af henni á heimtúninu við bæinn Ytri Hólm í Hvalfjarðarsveit, skammt sunnan við Akranes.