Már í mál við Seðlabanka Íslands

Már Guðmundsson seðlabankastjóri hefur stefnt Seðlabanka Íslands til að fá launakjör sín leiðrétt. Málið hefur þegar verið þingfest í Héraðsdómi Reykjavíkur.

Drættinum frestað

Sökum óviðráðanlegra aðstæðna hjá samstarfsaðila frestast Víkingalottó útdrátturinn um óákveðinn tíma. Tölurnar úr drættinum birtast hér á Vísi um leið og þær berast.

"Hver þarf á sjálfvirkri skammbyssu að halda?"

Blátt bann við eign og vörslu á hálfsjálfvirkum skotvopnum kemur ekki til með að hafa áhrif á iðkendur skotíþrótta að mati innanríkisráðherra sem vill herða vopnalögin í landinu.

Maturinn eyðilagðist þegar eldur kom upp í örbylgjuofni

Eldur kviknaði í örbylgjuofni í heimahúsi á höfuðborgarsvæðinu í dag. Óhappið varð þegar einn heimilismanna ætlaði að hita sér málsverð með fyrrgreindum afleiðingum. Engan sakaði en maturinn eyðilagðist og trúlega verður þessi örbylgjuofn ekki notaður framar. Aðrar skemmdir voru ekki sjáanlegar á heimilinu.

Ísfirðingar gætu þurft að borga 120 þúsund meira í leikskólagjöld

Ísfirskir foreldrar með eitt barn geta þurft að greiða tæplega hundrað og tuttuguþúsund krónum meira í leikskólagjöld á ári en þeir sem búa í höfuðborginni samkvæmt núgildandi verðskrám.

Tugmilljóna tjón þegar eldur kviknaði í spennistöð

Tugmilljóna tjón varð á spennuvirki í Hvalfirði eftir að eldur kviknaði þar í óveðrinu í gærkvöldi. Aðstoðarforstjóri Landsnets segir þörf á að skoða yfirbyggingu yfir spennuvirkið til að verja það fyrir salti og ísingu.

Jens Kjartansson farinn í leyfi

Jens Kjartansson er farinn í leyfi frá störfum sem yfirlæknir lýtalækningadeildar Landspítalans. Ákvörðunin er tekin að hans frumkvæði. Jens segir að landlæknir hafi vorið 2010 talið óheppilegt að hann upplýsti konur með PIP-púða um mögulega skaðsemi þeirra.

Fengu tilkynningu um hreyfingalausan mann

Lögreglumenn fara oft í útköll sem síðan reynast á misskilningi byggð en nú á dögunum fékk lögreglan tilkynningu um mann sem var sagður vera hreyfingalaus á bekk við suðurenda Reykjavíkurtjarnar.

Svartur á leik frumsýnd í Rotterdam

Íslenska kvikmyndin Svartur á leik verður frumsýnd á Alþjóðlegu kvikmyndahátíðinni í Rotterdam sem hefst í lok mánaðarins að því er fram kemur á kvikmyndavefnum Hollywood Reporter. Þar keppir hún í flokki mynda sem eru allar eru frumraunir leikstjóranna.

Eiturefni yfir viðmiðunarmörkum á Húsavík

Magn díóxíns og köfnunarefnisoxíðs reyndist yfir viðmiðunarmörkum þegar útblástur frá Sorpsamlagi Þingeyinga var mældur þann 29. september 2011 en niðurstöður mælinganna bárust 5. janúar síðastliðinn. Í tilkynningu frá sorpsamlaginu segir að til viðeigandi ráðstafana hafi verið gripið. Efnin voru bæði undir viðmiðunarmörkum í mælingu sem gerð var 8. febrúar 2011. Gert er ráð fyrir að efnin verði innan viðmiðunarmarka þegar útblásturinn verður mældur að nýju í febrúar næstkomandi.

Tvö sveitarfélög halda leikskólagjöldum óbreyttum

Einungis tvö sveitarfélög af fimmtán hafa ekki hækkað gjaldskrár á leikskólum með fæði. Þar er um að ræða Ísafjarðabæ og Seltjarnarneskaupstað. Mesta hækkunin á almennri gjaldskrá fyrir átta tíma gæslu með fæði er hjá Reykjanesbæ um 16%, Hafnarfirði um 15% og Reykjavík um 13%. Níu tíma gæsla hefur einnig hækkað töluvert eða um allt að 23%. Forgangshópar eru ekki undanþegnir gjaldskrárhækkunum sveitarfélagana.

Fagnar því ef fatlaða fólkinu er hlift

"Ég fagna því ef þetta er rétt. Það er bara mikilvægt og gott að fólk sjái að sér," segir Sóley Tómasdóttir, borgarfulltrúi VG, um þá fyriræltun Reykjavíkurborgar að hætta við að hækka matargjöld á fatlaða starfsmenn á vernduðum vinnustöðum í Reykjavík.

Nýtt félag utan um Húsasmiðjuna

Danska byggingavörukeðjan Bygma Gruppen A/S mun stofna nýtt félag utan um rekstur Húsasmiðjunnar á Íslandi í kjölfar þess að hún keypti rekstur fyrirtækisins. Við það munu skuldir og skuldbindingar Húsasmiðjunnar ehf. á 2,5 milljarða króna færast yfir til hins nýja félags. Möguleg endurálagning skattayfirvalda upp á 700 milljónir króna og möguleg sekt samkeppnisyfirvalda vegna meints ólögmæts samráðs Húsasmiðjunnar við samkeppnisaðila sína verða skildar eftir á gömlu kennitölunni ásamt eignum upp á 240 milljónir króna. Enn fremur munu þær 800 milljónir króna sem Bygma greiddi fyrir Húsasmiðjuna verða eftir á henni og fara upp í sektargreiðslurnar verði þær að veruleika. Þetta kemur fram í skriflegu svari Framtakssjóðs Íslands (FSÍ), fyrrum eiganda Húsasmiðjunnar við fyrirspurn Fréttablaðsins um málið. Bygma tók við rekstri Húsasmiðjunnar í byrjun árs 2012.

Allt á fullu í snjómokstrinum í dag

Vélheflar, stórvirkar vélskóflur, traktorar og fleiri tæki eru við snjóhreinsun í öllum hverfum borgarinnar. Í tilkynningu frá borginni segir að í dag séu 65 starfsmenn Reykjavíkurborgar og verktaka á hennar vegum við störf og hafa þeir 41 tæki til unmráða.

Réðust tvisvar inn á Dominos og hirtu tugi þúsunda

Fimm ungir karlmenn hafa verið ákærður fyrir rán á Dominos Pizza við Hjarðarhaga þann 21. febrúar síðastliðinn. Fjórir þeirra voru einnig ákærðir fyrir rán á Domnios í Spönginni þann 11. febrúar síðastliðinn.

Lögregla aðstoðaði illa haldinn mann í miðbænum

Færðin, eða ófærðin öllu heldur, í höfuðborginni síðustu daga hefur ekki farið framhjá neinum. Lögreglan greinir frá því að í gær hafi hún þurft að aðstoða mann sem var hríðskjálfandi og illa búinn á götum borgarinnar.

Golíat aflífaður

Hundurinn Golíat, sem er þriggja ára gamall, verður tekinn af lífi samkvæmt ákvörðun úrskurðarnefndar um hollustuhætti og mengunarvarnir. Hundurinn er í eigu 45 ára gamallar konu í Garðabæ.

Hundrað börn í nýjum leikskóla

Nýr leikskóli verður formlega tekinn í notkun í Garðabæ í dag. Fyrstu börnin hafa þó verið þar frá því á mánudag.

Sígildar perlur á metsölulista

Nokkrar af helstu perlum íslenskra bókmennta eru á meðal mest seldu bóka liðinnar viku í Pennanum-Eymundsson. Ástæðan er sú að nú eru skólarnir að hefjast á ný eftir jólaleyfi og margar af mest seldu bókunum eru á leslista framhaldsskólanna. Á lista yfir tíu mest seldu bækurnar eru meðal annars Úngfrúin góða og húsið, eftir Halldór Laxness, sem er í sjöunda sæti. Sjálfstætt fólk eftir sama höfund er í fjórða sæti. Það vekur líka kannski eftirtekt að í toppsætinu er svo kennslubók um hekl, sem Tinna Þórudóttir Þorvaldsdóttir skrifaði.

Líkir málinu við Úkraínu

„Kjósendur eiga að úrskurða um hvort ég hafi breytt rangt eða rétt í kjörklefanum. Að vera dreginn fyrir rétt af pólitískum andstæðingum minnir á Úkraínu þar sem forsætisráðherrann hefur verið dæmdur fyrir að hafa skrifað upp á slæman samning um gasflutninga.“

Ofbeldi foreldra dulinn vandi

Þrátt fyrir að líkamlegar refsingar á börnum séu bannaðar með lögum eru þær algengar hérlendis. Rannsókn sýnir að 6 til 10 ára börn eru líklegust til að verða fyrir ofbeldi. Fötluðum börnum er hætt við ofbeldi.

Þyngja refsingar við vopnaburði

Þynging refsinga við ólöglegum vopnaburði, aukin fjárframlög til lögreglu og aukin samvinna stjórnvalda við íslensk og alþjóðleg lögregluyfirvöld eru kostir sem Ögmundur Jónasson innanríkisráðherra sér í stöðunni eftir að nýtt hættumat greiningardeildar ríkislögreglustjóra var gert opinbert. Þar er dregin upp svört mynd af glæpastarfsemi hér, þar sem um er að ræða skipulagða starfsemi bæði innlendra og erlendra glæpahópa.

Eldur kom upp í spennistöð Landsnets í Hvalfirði

Eldur kom upp í spennistöðinni Brennimelur í Hvalfirði í gærkvöldi og var slökkvilið kallað á staðinn. Vegna eldsins og gríðarlegrar seltu var ekki mögulegt að spennusetja allt tengivirkið fyrr en ráðstafanir höfðu verið gerðar vegna eldsins og seltunnar.

Veiðileyfum í vötnum og ám verði úthlutað

Þingmaðurinn Þór Saari segir gróðahyggjuna komna út úr korti í stangveiði. Venjulegir veiðimenn hrekist burt. Gera ætti veiðirétt að almannarétti og úthluta stangveiðileyfum á sama hátt og nú er með hreindýraveiðileyfi.

Gefur vinnu og búnað í 101 milljónar framkvæmd

Oddfellowreglan hefur undirritað viljayfirlýsingu um að reglan færi Landspítalanum að gjöf framkvæmdir við líknardeildina í Kópavogi.

Hellisheiði opin en varað við hálku

Búið er að opna Hellisheiði en þar er hálka. Á Sandskeiði og í Þrengslum er einnig hálka. Unnið er að mokstri víða í uppsveitum, einnig á Mosfellsheiði og við Þingvallavatn.

Smíði Þorláksbúðar verður lokið í sumar

Framkvæmdir við Þorláksbúð við Skálholtskirkju halda áfram og stefnt að verklokum í sumar. Árni Johnsen segir almenna sátt um verkið en afkomendur arkitekts eru enn ósáttir. Eina í stöðunni er málsókn, sem ólíklegt er að af verði.Framkvæmdir við Þorláksbúð við Skálholtskirkju halda áfram og stefnt að verklokum í sumar. Árni Johnsen segir almenna sátt um verkið en afkomendur arkitekts eru enn ósáttir. Eina í stöðunni er málsókn, sem ólíklegt er að af verði.

Þjónusta Orkuveitunnar víðast komin í lag

Þjónusta Orkuveitu Reykjavíkur er víðast hvar komin í samt lag eftir að rafmagnstruflanir eða rafmagnsleysi í gærkvöldi og nótt röskuðu rekstri veitukerfa víða á Suður- og Vesturlandi.

Yfir 40 umferðaróhöpp í borginni

Tilkynnt var um liðlega 40 umferðaróhöpp á höfuðborgarsvæðinu í gær fyrir utan þau tilvik þar sem ökumenn hafa sjálfir gert skýrslur, en ekkert alvarlegt slys varð.

Björgunarsveit aðstoðaði fólk í Héðinsfirði

Björgunarsveit var kölluð út um sex leitið í morgun til að aðstoða fólk, sem sat fast í bíl í Héðinsfirði, á spottanum á milli Héðinsfjarðargagnanna. Þar hafði skafið í skafla. Engin hætta var á ferðum.

Alvarlegar truflanir á orkukerfum

Alvarlegar truflanir urðu í orkukerfum á Suðvesturlandi upp úr klukkan sex í gærkvöldi, þegar svonefndur yfirsláttur varð í búnaði í tengivirki Landsnets í Hvalfirði vegna ísingar og seltu.

Álfheiði misbýður lausn ríkisins vegna sílíkonpúða

Formaður velferðarnefndar og fyrrverandi heilbrigðisráðherra telur að ríkið ætti að bjóða öllum konum með P.I.P. fyllingar að láta fjarlægja þær þeim að kostnaðarlausu. Landlæknir vissi af gallanum árið 2010.

Húsráðandi slapp ómeiddur úr eldsvoða

Húsráðandi slapp ómeiddur út þegar eldur blossaði upp í íbúð hans í fjölbýlishúsi að Grensásvegi 60 í Reykjavík á áttunda tímanum í gærkvöldi.

Rafmagn komið á

Viðgerðarmönnum tókst að koma rafmagni á álverið á Grundartanga rétt eftir klukkan tíu í kvöld. Verið er að koma álverinu aftur í gang en það getur tekið nokkra klukkutíma. Ef það tekst eru litlar líkur á að tjón hafi orðið í álverinu. Það kemur þó ekki í ljós fyrr en í fyrramálið.

Framkvæmdastjórnin vill ekki landsfund í vor

Framkvæmdastjórn Samfylkingarinnar mælir ekki með því landsfundur flokksins verði í vor. Á flokkstjórnarfndi þann 30. desember síðastliðinn var lögð fram tillaga um að flýta landsfundi og fjallaði framkvæmdastjórnin um hana í kvöld.

Aftanákeyrsla í Grafarvogi og umferðarljós í ólagi

Hörð aftanákeyrsla varð við Korpúlfsstaði í Grafarvoginum rétt eftir klukkan átta í kvöld. Samkvæmt upplýsingum frá lögreglu sakaði engan en báðir bílanir eru mikið skemmdir. Ekkert ferðaveður er í borginni og mælt með því að fólk haldi sig heima. Umferðarljós á Miklubrautinni duttu út áðan, og víðsvegar um borgina, vegna rafmagnstruflana.

Engin slys á fólki - eldurinn á fyrstu hæð

Eldur kom upp í íbúð á fyrstu hæð í fjölbýlishúsi á Grensásvegi rétt fyrir klukkan hálf átta í kvöld. Samkvæmt upplýsingum frá slökkviliðinu á höfuðborgarsvæðinu voru allar stöðvar sendar á staðinn. Reykkafarar fóru inn í íbúðina og slökktu eldinn. Engin slys urðu á fólki. Ein stöð er á vettvangi núna og er að reykræsta íbúðina og íbúðir í kring.

Sjónvarpsþáttaröð byggð á Goodfellas í bígerð

Bandaríska sjónvarpsstöðin AMC vinnur nú að framleiðslu sjónvarpsþátta sem byggðir eru á bókinni Wiseguy en stórmyndin Goodfellas var byggð á sömu bók.

Þetta áttu að gera ef það verður heitavatns- eða rafmagnslaust

Orkuveitan vill koma eftirfarandi upplýsingum á framfæri ef það verður heitavatns- og rafmagnslaust hjá fólki.

Vaðlaheiðargöng: Umtalsverð áhætta fyrir ríkissjóð

Fyrirhuguð lánveiting ríkisins vegna Vaðlaheiðarganga ber í sér umtalsverða áhættu fyrir ríkissjóð og kallar á endurmat á fjármögnun framkvæmdanna. Þetta kemur fram í skýrslu sem IFS Greining vann fyrir fjármálaráðuneytið.

Bensínlíterinn hækkað um 12 krónur á einum mánuði

Verð á díselolíu náði nýjum hæðum eftir að olíufélögun hækkuðu eldsneytisverð í gær. Bensínlítrinn hefur hækkað um tólf krónur á einum mánuði.

Einhverfuröskun ekki skammarleg

"Það er ekkert til að skammast sín fyrir að vera með röskun á einhverfurófi," segir 27 ára gömul kona sem fyrir jól mannaði sig upp í að fara í einhverfugreiningu. Við hittum Mamiko Dís Ragnarsdóttur uppi í Breiðholti í dag, sem vill að fólk með slíka röskun komi úr felum og vonar að saga hennar gagnist öðrum.

Umferðarljós virka ekki

Umferðarljós eru dottin út á sumum stöðum á höfuðborgarsvæðinu. Samkvæmt upplýsingum frá lögreglunni eru bilunin aðallega bundin við miðbæ Reykjavíkur en fréttastofa hefur fengið fregnir af því að umferðarljósin á gatnamótum Grensásvegar og Suðurlandsbrautar virki ekki.

Hefði mátt koma í veg fyrir árekstra ef sandur eða salt væri á götum

Um 30 árekstrar urðu á höfuðborgarsvæðinu í dag þar sem starfsmenn árekstur.is veittu ökumenn aðstoð á vettvangi. Af þessum rúmlega 30 árekstrum urðu 6 árekstrar í Mosfellsbænum á einungis þremur klukkutímum síðdegis.

Rafmagn komið á á Akranesi

Rafmagn er nú komið á á Akranesi. Eiríkur Hjálmarsson, upplýsingafulltrúi Orkuveitu Reykjavíkur, segir að tekist hafi verið að koma því á fyrir stundu. Þó sé mikill óstöðugleiki í rafmagninu en menn hjá Orkuveitunni eru á tánum og eru tilbúnir að grípa inn í ef eitthvað fer úrskeiðis.