Fleiri fréttir

Vopnaðir sérsveitamenn í Bryggjuhverfi

Vopnaðir sérsveitarmenn á vegum lögreglunnar hafa gert mikla leit að byssumönnum, sem gætu hafa skotið á bíl við Sævarhöfða, í Bryggjuhverfinu í kvöld. Að sögn sjónarvotts sem fréttastofa Stöðvar 2 og Vísis talaði við fóru þeir inn í hús í Bryggjuhverfinu fyrr í kvöld en komu aftur út úr húsinu nokkru seinna án þess að hafa handtekið neitt, að því er virtist. Þá lokaði lögreglan öllum leiðum út úr Bryggjuhverfinu um stund.

Laxveiðitúr á 2,8 milljónir

Þriggja daga veiðitúr á besta tíma í Laxá á Ásum næsta sumar kostar 2,8 milljónir króna. Verðið hefur hækkað um 1,2 milljónir króna milli ára, eða um 75 prósent. Laxá á Ásum er fornfræg lítil á þar sem aðeins er veitt á tvær stangir. Verðið miðar við að báðar stangirnar séu keyptar.

Fossvogsskóli rýmdur á fjórum mínútum

Það tók ekki nema fjórar mínútur að rýma Fossvogsskóla eftir að brunavarnabjalla fór í gang. Um var að ræða brunavarnaæfingu á vegum Landssambands slökkviliðs- og sjúkraflutningamanna.

Lýst eftir Daníel Evert

Lögreglan á höfuðborgarsvæðinu lýsir eftir Daníel Evert Árnasyni. Talið er að hann sé klæddur í dökkar íþróttabuxur, fjólubláa og appelsínugula peysu og svarta úlpu og svarta uppháa strigaskó. Daníel er 175 sentimetrar hæð, grannvaxinn og um 60 kíló að þyngd. Hann er með brún augu og dökk snoðklippt hár. Síðast er vitað um ferðir hans í Reykjavík þann níunda nóvember síðastliðinn. Þeir sem geta gefið upplýsingar um ferðir hans eru beðnir um að hafa samband við lögregluna í síma 444-1000.

Helmingur landsfundarfulltrúa styður Bjarna

Helmingur kjörinna landsfundarfulltrúa í skoðanakönnun Stöðvar 2 ætlar að kjósa Bjarna Benediktsson í embætti formanns Sjálfstæðisflokksins á sunnudaginn. Tæplega þrjátíu og sjö prósent ætla að styðja Hönnu Birnu en aðrir hafa ekki gert upp hug sinn eða neita að svara.

Kirkjan saknar fyrrum félaga

Þjóðkirkjan saknar þeirra sem hafa sagt sig úr þjóðkirkjunni og þar með yfirgefið söfnuði sína, segir í ályktun sem var samþykkt á Kirkjuþingi 2011 í dag. Þar segir jafnframt að þjóðkirkjan vilji vinna að því að fólk finni sig ávallt velkomið í kirkjuna og starf safnaðanna.

Tveir á slysadeild eftir árekstur

Tveir voru fluttir á slysadeild eftir harðan árekstur á Reykjanesbraut, við Sprengisand, nú í kvöld. Ekki er vitað hversu alvarlega þeir slösuðust. Bílarnir skemmdust nokkuð og var dælubíll frá slökkviliðinu notaður til að hreinsa upp olíu og glerbrot af götunni.

Svona gætu íslenskir olíubæir litið út

Norska olíuævintýrið dreifist nú út í byggðir Norður-Noregs eftir því sem olíu- og gasvinnslan færist norðar á bóginn. Dæmi eru um að húsnæðisverð tvöfaldist í bæjum þar sem aðstæðum svipar mjög til Íslands.

Dikta tók á móti platínudiski

Hljómsveitin Dikta fékk í dag platínudisk fyrir diskinn Get It Together sem kom út í lok árs 2009. Þetta er fyrsti platínudiskur hljómsveitarinnar, segir Haukur Heiðar Hauksson, læknir og forsprakki hljómsveitarinnar.

Nagladekkjum fækkar á götunni

Hlutfall bíla á nagladekkjum í Reykjavík reyndist vera 17% á miðvikudaginn. Á sama tíma í fyrra voru tæplega 32% á negldum dekkjum og árið 2009 voru það 24%. Í marsmánuði 2002 voru 67% bifreiða á nagladekkjum en á sama tíma árið 2011 voru aðeins 34% á nöglum, eftir því sem fram kemur í fréttatilkynningu frá Reykjavíkurborg. Notkun nagladekkja í borgum veldur hljóð- og svifryksmengun sem ástæðulaust er að skapa á snjóléttum svæðum eins og í Reykjavík þar sem vetrarþjónusta gatna er góð.

Herjólfur siglir til Þorlákshafnar

Herjólfur mun sigla til Þorlákshafnar fram til miðvikudagsins 23. nóvember næstkomandi. Ástæðan er ónógt dýpi í Landeyjahöfn og óhagstæð ölduspá næstu viku, samkvæmt upplýsingum frá rekstrarstjóra Herjólfs.

Fundu þrjá laumufarþega um borð í togara á leið frá Íslandi

Kanadíski togarinn Newfoundland Lynx er nú á leið til heimahafnar sinnar á Nýfundnalandi en skipið er að koma frá Íslandi. Nokkru eftir að látið var úr höfn hér á landi uppgötvaðist óvæntur farmur, en þrír laumufarþegar höfðu komið sér fyrir í skipinu.

Efnilegasti skákmaður Íslands

Hinn 18 ára Hjörvar Stein vantar aðeins einn áfanga til að verða næsti stórmeistari Íslendinga í skák. Hann segir að lífið snúist ekki bara um skákina og stundar félagslífið af krafti.

Sagði lögreglu að hann væri bróðir sinn - níu mánaða fangelsi

Héraðsdómur Reykjavíkur dæmdi í dag karlmann á fertugsaldri í níu mánaða fangelsi fyrir margvísleg brot. Meðal annars var hann dæmdur fyrir rangar sakargiftir en tvívegis gaf hann upp nafn bróður síns þegar lögregla hafði afskipti af honum vegna umferðarlagabrota. Fyrir vikið var bróðirinn kærður fyrir brotin.

Saga af barnaníðingi á Akureyri virðist uppspuni frá rótum

Nokkrir vefmiðlar greindu frá því í gær að á Akureyri hefðist nú við þekktur barnaníðingur. Viðvaranir þessa efnis hófust á vefnum og vöktu athygli enda var fullyrt að viðkomandi hefði meðal annars sést við skóla í bænum. Að sögn lögreglunnar á Akureyri virðist sagan hinsvegar vera uppspuni frá rótum.

Úrin úr Rolex-ráninu seld í dag

Michelsen úrsmiðir á Laugavegi hafa sett úrin sem rænt var úr búðinni á dögunum í almenna sölu. Salan hófst í dag og má gera góð kaup enda um nokkurn afslátt að ræða. Magnús Michelsen sölumaður segir að salan hafi gengið vel það sem af er degi. Úrin sem tekin voru eru seld á niðursettu verði en Magnús vill þó ekki nefna neina sérstaka prósentutölu í því sambandi. Það fer allt eftir því hvernig úrið er farið því nokkur þeirra rispuðust töluvert í hamaganginum. Um 40 Rolex úr var að ræða, sjö úr af Tudor gerð og tvö Michelsen úr.

Lögreglan óskar eftir vitnum að slysinu á Kringlumýrarbraut

Lögreglan á höfuðborgarsvæðinu óskar eftir vitnum að umferðarslysi sem varð á Kringlumýrarbraut á áttunda tímanum í morgun, sunnan við bensínstöð N1 í Fossvogi. Tilkynnt var um slysið klukkan 7.39. Dökkgrárri Toyotu Aygo var ekið suður Kringlumýrarbraut, á akrein lengst til hægri að talið er, þegar ökumaðurinn missti stjórn á bílnum með þeim afleiðingum að ökutækið fór yfir tvær akreinar og hafnaði á vegriði.

53 prósent vilja klára samning og kjósa um hann

Ný könnun Capacent sem gerð var fyrir Já Ísland sýnir að 53,1 prósent aðpurðra vilja ljúka aðildarviðræðum við Evrópusambandið og kjósa í þjóðaratkvæðagreiðslu um samninginn. Fréttatíminn sagði frá könnuninni í morgun. Í tilkynningu frá Já Ísland segir að það sé áhugavert að um þriðjungur kjósenda Sjálfstæðisflokksins styðji áframhaldandi aðildarsamninga.

Lík Íslendings sem fórst í Air France slysinu fundið

Lík Helge Gustafsson, Íslendingsins sem fórst með Airbus vélinni frá Air France fyrir tveimur og hálfu ári síðan er komið í leitirnar. Þetta kemur fram í norska blaðinu Aftenposten en þar er rætt við bróður Helge, Inge Gustafsson sem á miðvikudag fékk símtal frá íslenska sendiráðinu í Osló þar sem honum var tilkynnt að lík Helge væri fundið. Um 230 manns fórust í slysinu en vélin var á leið frá Brasilíu til Frakklands. Gríðarlegan tíma hefur tekið að bera kennsl á líkamsleifar fórnarlambanna.

Nafn stúlkunnar sem lést á Siglufirði

Stúlkan sem lést í umferðarslysi á Siglufirði í fyrrakvöld hét Elva Ýr Óskarsdóttir og var þrettán ára gömul. Elva Ýr var fædd þann 16.ágúst árið 1998 og bjó að Eyrarflöt 10 á Siglufirði.

Höfða til ábyrgðarkenndar ungs fólks

NEI hreyfing gegn kynbundnu ofbeldi stendur um þessar mundir fyrir forvarnarátaki sem beinist að ungu fólki. Í tilkynningu frá aðstandendum segir að markmiðið sé að vekja almenning til vitundar um alvarleika kynbundins ofbeldis og höfða til ábyrgðarkenndar hjá ungu fólki.

Ætlar að bjóða sig fram í næstu kosningum

Andófskonan frá Burma, Aung San Suu Kyi, hefur nú tilkynnt að hún ætli að bjóða sig fram til þings í næstu kosningum. Flokkur hennar ákvað að sniðganga síðustu kosningar sem fram fóru fyrir ári, en það voru fyrstu frjálsu kosningarnar í landinu í 20 ár.

Mörg útköll á viku þar sem börn sjá ofbeldi

Sérfræðingur á vegum Barnaverndarstofu er kallaður út oft í viku, um kvöld, nætur og helgar til að sinna börnum sem hafa orðið vitni að heimilisofbeldi. Félagsráðgjafi sem sinnir verkefninu segir brýnt að sérfræðingar sinni börnunum sem fyrst eftir að atvikin eigi sér stað.

Kringlumýrarbraut opin á ný

Kringlumýrarbraut hefur nú verið opnuð á ný en loka þurfti veginum til suðurs vegna óhapps sem varð þegar bifreið var ekið utan í vegrið. Miklar tafir mynduðust á tímabili vegna óhappsins, ekki síst vegna ökumanna á leið til norðurs sem hægðu á sér til þess að virða fyrir sér vettvang þess.

Kringlumýrarbraut lokuð til suðurs

Kringlumýrarbraut er lokuð til suðurs á móts við N1 í Fossvogi vegna umferðaróhapps og eru vegfarendur sem eru á leið til Reykjavíkur hvattir til að fara Reykjanesbrautina.

Vilja stöðva frekari stækkun á Grundartanga

Aðalfundur Umhverfisvaktarinnar við Hvalfjörð skorar á sveitarstjórn Hvalfjarðarsveitar að falla frá frekari stækkun iðnaðarsvæðisins við Grundartanga og telur að nóg sé komið af mengandi iðnaði þar.

Óklárað grunnskólapróf vitjar Katrínar

Katrín Jakobsdóttir menntamálaráðherra hefur í ráðherratíð sinni glímt við þráláta martröð úr fortíðinni. Þessu greindi Katrín frá á ráðstefnu um kosti og galla sameiningar háskóla á Íslandi.

Pörupiltar á ferðinni í Kópavogi í nótt

Tveir pörupiltar tóku sig til í nótt og foru að dreifa DV blöðum á nýstárlegan hátt. Þeir stálu blaðabunka, sem beið blaðburðarmanns, og hófu svo blaðadreifingu út um glugga bílsins, sem þeir voru á, á fullri ferð um Kópavog.

Fjórir menn sluppu lítt meiddir úr bílveltu

Fjórir menn sluppu lítið meiddir þegar bíll þeirra valt út af þjóveginum skammt frá Goðafossi laust fyrir miðnætti. Þeir voru allir fluttir á sjúkrahúsið á Akureyri til aðhlynningar en fegnu allir að halda heim að því loknu. Tildrög slyssins liggja ekki fyrir.

Heimili berskjölduð fyrir eldi

Slökkviliðsmenn hafa farið í útköll þar sem fólk hefur látist í brunum í heimahúsum af þeirri ástæðu einni að ekki var reykskynjari til staðar. Tveir létust í eldsvoðum í fyrra og eignatjón nam 1,7 milljörðum króna.

Smyglaði kókaíni innvortis

Karl á fimmtugsaldri var tekinn með kókaín innvortis í Leifsstöð í vikunni. Hann var úrskurðaður í gæsluvarðhald sem rennur út í dag. Maðurinn var að koma frá Kaupmannahöfn þegar hann var handtekinn á mánudag, grunaður um að vera með fíkniefni. Hann reyndist vera með 120 grömm af kókaíni innvortis. Rannsókn á styrkleika kókaínsins er ólokið. Maðurinn hefur lítillega komið við sögu lögreglu áður, þó vegna fíkniefnabrota. - jss

Minnihlutinn vill dómsmál

Bæjaryfirvöld í Hafnarfirði eiga nú í viðræðum við Rio Tinto Alcan vegna vatnsgjalds. Með vísan í lög frá 2007 lagði Vatnsveita Hafnarfjarðar 66,7 milljóna króna aukagjald á álverið í Straumsvík vegna áranna 2005 til 2009.

Geta skapað falskt öryggi

Vírusvarnir sem í boði eru fyrir snjallsíma gera lítið sem ekkert gagn samkvæmt nýrri rannsókn sem vitnað er til í Vírnum, fréttabréfi sem ráðgjafarfyrirtækið Deloitte gefur út. Hægt er að fá ókeypis vírusvarnir fyrir farsíma sem nota Android-stýrikerfið en þær gera lítið til að verja símann. Þær geta raunar gert ógagn þar sem þær kunna að skapa falskt öryggi hjá símnotendum.

Brutust inn og skitu í sundlaug

Tveir menn um tvítugt og átján ára stúlka hafa verið ákærð fyrir allmörg brot. Öðrum manninum og stúlkunni er meðal annars gefið að sök að hafa, ásamt tveimur öðrum, brotist inn í sundlaugina á Varmá í Mosfellsbæ og gert þarfir sínar í hana. Hinn maðurinn er ákærður fyrir að hafa stolið bíl, sett á hann stolin númer og ekið honum að verslun Ellingsen þar sem hann stal nær þriggja milljóna króna hjólhýsi, eftir að hengilás hafði verið sagaður sundur. Að því búnu hafi hann haldið á Hellu og síðan að Flúðum, ásamt félaga sínum, þar sem þeir voru handteknir í hýsinu. Bílþjófurinn meinti er jafnframt ákærður fyrir að stela tveimur öðrum bílum.

Samfélagið græðir á innflytjendum

Amal Tamimi settist í fyrsta skipti á þing í byrjun nóvember í fjarveru Lúðvíks Geirssonar. Hún er fyrsta konan af erlendum uppruna til þess að taka sæti á Alþingi auk þess sem hún er fyrsti múslíminn sem það gerir. "Ég tel mig vera í starfsaðlögun eins og þegar fólk kemur í fyrsta skipti í nýtt starf. Þá þarf bara að sitja og fylgjast með,“ segir Amal. Hún mætir á

Færði fé til að leyna halla

Fyrrverandi framkvæmdastjóri Leikfélags Akureyrar færði rúmar sjö milljónir króna út af Minningarsjóði um Jónsbók, styrktarsjóði LA fyrir listamenn, inn í rekstur félagsins til að leyna rekstrarhallanum.

Reisir vindmyllur í rannsóknarskyni

Landsvirkjun hyggst reisa eina eða tvær 45 metra háar vindmyllur við Búrfellsvirkjun á komandi ári í rannsóknarskyni. Gangi það eftir mun í framhaldinu rísa þar vindmyllugarður líkt og í nágrannalöndunum og gæti vindorka orðið stór hluti af orkuframleiðslu Íslendinga, að mati Óla Grétars Blöndal Sveinssonar, framkvæmdastjóra þróunarsviðs hjá Landsvirkjun.

Bókasöfn verði kynnt börnum

Efla á notkun almenningsbókasafna meðal yngstu grunnskólabarnanna í Reykjavík. Skóla- og frístundaráð borgarinnar vill að í því skyni verði útfært verkefni sem miði að því að kynna fyrir börnum á frístundaheimilum kosti almenningsbókasafna í þeirra hverfi.

Slökkviliðsmenn reykræsta í Laufbrekku

Slökkviliðið var kallað að húsi í Laufbrekku í Kópavogi nú undir kvöld. Þaðan var tilkynnt um eld í feitispotti og voru slökkviliðsmenn umsvifalaust sendir á staðinn. Samkvæmt upplýsingum Vísis er ekki um neinn eld að ræða en töluverðan reyk leggur frá pottinum. Slökkviliðsmennirnir hafa því hafist handa við að reykræsta.

Sjá næstu 50 fréttir

Mest lesið