Öldruðu drykkjufólki fjölgar

Komum miðaldra og aldraðra einstaklinga á Vog, með alvarleg einkenni dagdrykkju, heldur áfram að fjölga. Sumir þeirra eru að koma á sjúkrahúsið í fyrsta sinn.

Hlaut 15 mánaða dóm fyrir smygl

Tæplega þrítug kona hefur verið dæmd í fimmtán mánaða fangelsi fyrir að skipuleggja og fjármagna smygl á tæplega 500 grömmum af kókaíni til landsins. Tvö burðardýr, sem hún útvegaði til verksins, voru dæmd í tíu og átta mánaða skilorðsbundið fangelsi. Efnið sem þau fluttu til landsins var sterkt og hefði mátt framleiða úr því rúmlega tvö kíló af kókaíni, að því er fram kemur í dómnum.

Skoðað hvort ákvæðum sé fylgt

Ríkisendurskoðun vinnur nú að úttekt á öllum bindandi þjónustusamningum ráðuneytanna, sem eru rúmlega 140 talsins. Búið er að kalla eftir frekari upplýsingum og svörum frá fimm ráðuneytum og hafa þrjú svarað: mennta- og menningarmálaráðuneyti, velferðarráðuneyti og forsætisráðuneyti.

Reglur settar um siglingar við Ísland

Árni Þór Sigurðsson, formaður utanríkismálanefndar Alþingis, hefur ásamt átta þingmönnum úr fjórum flokkum lagt fram tillögu um að Alþingi feli innanríkisráðherra að semja reglur um siglingaleiðir við norðan- og vestanvert landið. Verkið verði unnið í samvinnu við umhverfisráðherra og utanríkisráðherra.

Sorpa harmar alvarlegt umferðarslys

Íslenska Gámafélagið ehf. og SORPA bs., harma alvarlegt umferðarslys sem varð sl. miðvikudag, utan við endurvinnslustöð SORPU við Dalveg í Kópavogi, þar sem gámaflutningabíll og maður á reiðhjóli lentu í árekstri.

Salmonella í smygluðum andabringum: Mikilvægt að elda allt kjöt vel

Einstaklingarnir tveir sem smituðust af illvígri salmonellu í síðasta mánuði hafa náð sér að fullu, að sögn Haraldar Briem sóttvarnalæknis. Hann segir að fólkið hafi fengið meðferð sem gekk vel og ber enginn alvarlegan skaða af smitinu sem kom upp þegar fólkið snæddi smyglaðar andabringur frá Hollandi í fjölmennri veislu.

Borðuðu smyglað andakjöt: Átta veiktust og tveir alvarlega

Tveir einstaklingar greindust tveir með Salmonellu enteritidis í lok september hér á landi. Við nánari athugun kom í ljós að allir höfðu þeir tekið þátt í fjörutíu manna matarveislu þar sem hollenskar andabringur sem smyglað hafði verið til landsins voru á boðstólum. Þetta kemur fram á vef Landlæknisembættisins. Andabringurnar höfðu verið framreiddar vel rauðar og alls munu átta einstaklingar hafa veikst í veislunni. Frystar hráar bringur voru enn til þegar Landlæknir hóf rannsókn á málinu og því var hægt að staðfesta að þær voru sýktar af Salmonellu afbrigðinu sem um ræðir.

Allt á huldu um tilboðin í Perluna

Enn hafa engar upplýsingar verið gefnar um þau tilboð sem bárust í Perluna eftir að frestur til að skila þeim inn rann út í síðustu viku.

Samningur við Rússa um orkumál

Katrín Júlíusdóttir iðnaðarráðherra og Sergey Shmatko, orkuráðherra Rússlands, undirrituðu í morgun samstarfssamning milli Íslands og Rússlands um jarðhitamál.

Kvennafrídagurinn í dag

Í dag, 24. október, er kvennafrídagurinn. Þennan dag, fyrir 36 árum, lögðu íslenskar konur niður vinnu til þess að sýna fram á mikilvægi kvenna í atvinnulífinu. Tveir ráðherrar í ríkisstjórninni, þau Jóhanna Sigurðardóttir forsætisráðherra og Guðbjartur Hannesson velferðarráðherra hafa skrifað greinar sem birtast í Fréttablaðinu og hér á Vísi í tilefni dagsins.

Dollararegn í Þorlákshöfn

Kona kom á lögreglustöðina á Selfossi í síðustu viku til að tilkynna um hvarf á tæplega 3000 bandaríkjadölum, sem jafngildir tæplega 350 þúsund krónum. Hún hafði keypt gjaldeyrinn í útibúi Landsbankans í Þolákshöfn en þegar hún ætlaði að ná í peningana stuttu síðar fann hún þá ekki. Á miðvikudag hafði maður síðan samband við lögregluna og sagðist hafa fundið tvo hundrað dollara seðla í garði sínum við Hafnarberg.

Þúsundir hafa ekki fengið eingreiðsluna frá því í vor

Um tvö þúsund og fimm hundruð manns hafa enn ekki fengið samningsbunda eingreiðslu upp á fimmtíu þúsund krónur þar sem fólkið var í fæðingarorlofið síðasta vor. Svo virðist sem fólkið hafa fallið milli skips og bryggju í kerfinu en hvorki fæðingarorlofssjóður né atvinnurekendur telja sig bera ábyrgð á greiðslunni.

Vill forðast að löggan skipti sér af hópum sem berjast í grasótarstarfi

Ögmundur Jónasson innanríkisráðherra hitti í síðustu viku, Daniel Green, breskan ráðherra sem er með landamæravörslu og skipulagða glæpastarfsemi. Mál Mark Kennedys, flugumanns á vegum bresku lögreglunnar, bar á góma, en Kennedy tók þátt í mótmælum við Kárahnjúka.

Söfnuðu rúmlega þremur milljónum á Herminator

Rúmar þrjár milljónir króna söfnuðust á þriðja árlega Herminator góðgerðargolfmótinu í sumar. Það er íslenski landsliðsfyrirliðinn Hermann Hreiðarsson sem stendur fyrir mótinu. Ágóði af mótinu hefur verið notaður til að styrkja góð málefni og í ár fengu sex góðgerðarfélög afhentar ávísanir að upphæð 300 til 800 þúsund krónur.

Tíðkaðist að aka inn þrátt fyrir bann

Það er Íslenska gámafélagið sem á þann bíl sem ekið var í veg fyrir hjólreiðamann á Dalvegi á miðvikudag með þeim afleiðingum að hann varð undir bílnum og slasaðist alvarlega.

Íslendingarnir gefast ekki upp

Veik von fæddist í morgun að lokinni fjórðu lotu af sex í útsláttarleik Hollendinga og Íslendinga í bridge á HM, þegar Ísland lagði Holland að velli, 22-7. Hollendingarnir hafa yfirhöndina enda er þetta fyrsta lotan sem Ísland vinnur í átta liða úrslitunum. Staðan í leiknum er nú 161-66, Hollendingum í vil.

Rannsakað hvort yfirmaður hafi hvatt til ólöglegs innaksturs

Lögreglan rannsakar nú hvort vinnureglur og jafnvel fyrirmæli yfirmanna fyrirtækis, sem staðsett er á Dalvegi, hafi gert ráð fyrir innakstri á stað þar sem inakstur er bannaður. Þetta er verið að rannsaka vegna þess að hjólreiðamaður slasaðist mjög alvarlega þegar hann varð fyrir og lenti undir gámabíl sem beygt var í veg fyrir hjólreiðamanninn á þessum stað.

Reyna að ná Sölku á flot í dag

Reynt verður í dag að ná fiskibátnum Sölku af botni Sandgerðishafnar, en hann sökk þar á skammri stundu í gær, eftir að stálbáturinn Rán GK sigldi á hann við bryggju, þegar Rán var að koma úr róðri.

Endurtaka þarf atkvæðagreiðslu hjá Samfylkingunni

Tæknilegir ágallar komu fram við talningu atkvæða til flokksstjórnar í Samfylkingunni á landsfundi flokksins um helgina, þannig að það verður að endurtaka hana.

Þrjú innbrot í borginni í nótt

Brotist var inn á þremur stöðum á höfuðborgarsvæðinu í nótt og ýmsum verðmætum stolið.

Brot á erlendum fyrirtækjum

Skattlagning á vaxtatekjur erlendra fyrirtækja á Íslandi er skýlaust brot á samningnum um evrópska efnahagssvæðið, EES-samningnum. Skattlagningin er letjandi fyrir erlenda fjárfestingu ofan á gjaldeyrishöft sem valda því að erlendur aðili sem hefur fjárfest hér getur ekki fengið fjárfestingu sína greidda fyrr en höftum verður aflétt.

Hefur störf hjá SÞ í Afganistan

Gengið hefur verið frá ráðningu Ingibjargar Sólrúnar Gísladóttur í starf yfirmanns UN Women í Afganistan. Ingibjörg Sólrún mun flytjast til Kabúl, höfuðborgar Afganistan, um miðjan næsta mánuð.

Byssumanni komið undir læknishendur

Karlmanni á fertugsaldri, sem var handtekinn aðfaranótt sunnudags eftir að hafa hleypt af skotvopni í eða við íbúðarhús í Þorlákshöfn, var sleppt úr haldi lögreglu eftir yfirheyrslur í gærdag.

Helmingur fráskilinna getur ekki rætt saman um börnin

Helmingur fráskilinna foreldra sem dómstóll hefur dæmt sameiginlegt forræði getur ekki komið sér saman um neitt er varðar uppeldi barnanna. Þetta eru niðurstöður rannsóknar sem gerð var meðal danskra foreldra og Mai Heide Ottosen var í forsvari fyrir. Ottosen er sérfræðingur í skilnaðarrannsóknum hjá Félagsvísindastofnun Danmerkur og var stödd hér á landi í vikunni. Hún hélt fyrirlestur á málþingi á mánudaginn um heimild dómara til að dæma sameiginlega forsjá.

Mál fyrir íslenska dómstóla þrátt fyrir erlent lögheimili

Slitastjórnir föllnu bankanna geta nú höfðað riftunarmál gegn einstaklingum eða fyrirtækjum hérlendis þrátt fyrir að viðkomandi eigi lögheimi, og þar af leiðandi varnarþing, í öðru landi. Lög þess efnis voru samþykkt á Alþingi á fimmtudag. Samhliða var frestur slitastjórnanna til að höfða riftunarmál lengdur úr 24 mánuðum í 30 mánuði.

Skólar í Kraga koma best út

Skólar í nágrenni Reykjavíkur, Kraganum svokallaða, koma einna best út í samræmdum könnunarprófum sem lögð voru fyrir 10. bekki landsins í síðasta mánuði.

Reisa bensínstöð í landi kirkju

Sveitarstjórn Húnaþings vestra hefur samþykkt að Skeljungur annist gerð deiliskipulags á lóð sem fyrirtækið hefur tekið á leigu frá kirkjunni á jörðinni Melstað í Miðfirði. Skeljungur hyggst reisa 330 fermetra þjónustumiðstöð með bensínafgreiðslu, verslun og veitingasölu.

Tyrknesk stjórnvöld ekki óskað eftir aðstoð

Óttast er að hundruð hafi látið lífið eftir að snarpur jarðskjálfti reið yfir austurhluta Tyrklands í dag. Upptök skjálftans voru skammt frá borginni Van og hrundu nokkur hús í miðborginni. Íslenska alþjóðabjörgunarsveitin vaktar ástandið.

Vill lengja fæðingarorlofið í tólf mánuði og auka greiðslur

Jóhanna Sigurðardóttir, forsætisráðherra, vill lengja fæðingarorlofið í tólf mánuði og auka greiðslur til foreldra í fæðingarorlofi. Hámarksgreiðslur Fæðingarorlofssjóðs hafa lækkað um 235 þúsund krónur á meðan hún hefur setið í ríkisstjórn.

Hreindýrstarfar fastir saman á hornunum í viku

Tveir hreindýrstarfar í Flatey á Mýrum hafa verið fastir saman á hornunum í tæpa viku.. Veiðimanni sem sá þá í vikunni sagði aðkomuna óhuggulega og finnst réttast að lina þjáningar þeirra. Í meðfylgjandi myndbandi er rætt við Hall Magnússon sem var á veiðum á svæðinu þegar hann sá tarfana. Félagi Halls náði myndum af törfunum sem voru heldur æstir. Fjöldi fólks hefur haft samband við hreindýraeftirlitsmann á svæðinu, sem og Umhverfisstofnun og ráðherra umhverfismála vegna tarfanna. Umhverfisstofnun sendi frá sér tilkynningu nú síðdegis þar sem segir að ekki standi til að fella tarfana. "Stofnunin er í sambandi við hreindýraleiðsögumann á svæðinu sem fylgist vel með þessum dýrum. Tarfarnir eru mjög varir um sig og erfitt er að nálgast þá til að fanga eða svæfa svo hægt sé losa þá við vírinn. Tarfarnir geta bitið gras og hreyft sig um þannig að þeir eiga sér lífsvon en fljótlega kemur sá tími að þeir felli hornin og munu þá losna. Að óbreyttu þykir Umhverfisstofnun ekki réttlætanlegt að fella dýrin en vel er fylgst með þeim. Ef vírinn fer að særa þau eða aðstaða þeirra mun versna á annan hátt mun verða gripið til aðgerða . Á þessu ári hefur verið verið losaður vír milli þriggja para og af 11 öðrum dýrum til viðbótar."

"Nú er það okkar verkefni að útrýma atvinnuleysinu sem hrunið olli“

Það er verkefni Samfylkingarinnar að sjá til þess að fjármálamarkaðurinn fái aldrei aftur eftirlitslítið veiðileyfi á landsmenn þannig að heimili og ævisparnaður fólks verði veðsettur upp í topp og allt lagt undir. Þetta sagði Jóhanna Sigurðardóttir forsætisráðherra á landsfundi flokksins í dag.

Óléttar konur allt að 180 kíló

Íslendingar eru orðnir næst feitasta þjóð á Vesturlöndum á eftir Bandaríkjamönnum. Þetta birtist meðal annars í ofþyngd óléttra kvenna en dæmi eru um að konur sem komnar eru á steypirinn vegi allt að 180 kíló.

Yfirheyrslum yfir byssumanni lokið - málið telst upplýst

Yfirheyrslum yfir manni sem handtekinn var í Þorlákshöfn í nótt er lokið og telst málið upplýst. Í tilkynningu frá lögreglu segir að ekkert bendi til þess að hann hafi beint vopnum sínum gegn öðru fólki. Maðurinn er laus úr höndum lögreglu en nýtur handleiðslu lækna áfram, segir í tilkynningunni.

Hefur þú séð tíkina Fríðu? - Búin að vera týnd í tvo daga

Tíkin Fríða, sem er af tegundinni Weimaraner, týndist síðdegis á föstudaginn við Nesjavallaveg, nánar tiltekið á gömlu skotveiðisvæði sem kallað er Tjarnhólar.

Fjölskylduhjálpin óskar eftir hárgreiðslufólki

Fjölskylduhjálp Íslands óskar eftir hárgreiðslufólki sem er tilbúið að koma og snyrta endurgjaldslaust hár skjólstæðinga sína sem eru bæði konur, karlar og börn.

Öryrkjar segja ríkisstjórnina ekki geta kennt sig við velferð

Öryrkjabandalag Íslands skorar á þingmenn að endurskoða fjárlagafrumvarpið og minnka þar niðurskurð í velferðarrmálum. Framkvæmdastjóra samtakanna finnst ríkisstjórnin ekki geta kennt sig við velferð þegar enn er þrengt að öryrkjum. Áskorunin var samþykkt á aðalfundi Öryrkjabandalagsins í gær. Að mati félagsmanna ber fjárlagafrumvarp fyrir árið 2012 með sér að sá niðurskurður sem hófst árið 2009 verði ekki bættur. Lilja Þorgeirsdóttir, framkvæmdastjóri Öryrkjabandalagsins, segir félagsmenn áhyggjufulla. "Já, við höfum bara miklar áhyggjur af því að fólk þarf auðvitað að eiga til hnífs og skeiðar, og þegar bætur almannatrygginga hækka ekki í samræmi við lög þá á fólk erfitt með að greiða það sem það þarf að borga. Og samhliða skertum bótum hefur greiðsluþátttaka sjúklinga í heilbrigðiskerfinu aukist til muna síðustu ár. Það er orðið dýrara að fara til læknis, fara í rannsóknir, fara til dæmis í sjúkraþjálfun og iðjuþjálfun, kaupa sér lyf og hjálpartæki. Við höfum bara áhyggjur af því að fólk hefur ekki efni á þessum hlutum, það verður veikara fyrir vikið og það eykur kostnað, það eykur álag annars staðar í kerfinu," segir Lilja. Öryrkjabandalagið telur þá ríkisstjórn sem kennir sig við velferð ekki hafa staðið undir nafni. "Það er mat Öryrkjabandalagsins að hún hefur ekki staðið sig sem skyldi og þrátt fyrir það að rannsóknir sýna það með óyggjandi hætti að aðstæður margra öryrkja er mjög slæm, þá er það okkar mat að þessi ríkisstjórn sem vill kenna sig við velferðarkerfið, að það er bara ekki á rökum reist," segir Lilja.

Tuttugu Vildarbörn

Tuttugu börnum var afhentur ferðastyrkur úr sjóðnum Vildarbörn Icelandair í gær, fyrsta vetrardag.

Byssumaðurinn yfirheyrður síðar í dag

Karlmaður á fertugsaldri, sem hleypti af skoti eða skotum við heimili í Þorlákshöfn í nótt, hefur ekki verið yfirheyrður, samkvæmt upplýsingum frá varðstjóra hjá lögreglunni á Selfossi. Gert er ráð fyrir að hann verði yfirheyrður síðdegis.

Ekið á gangandi vegfaranda

Ekið var á gangandi vegfaranda á mótum Listabrautar og Háaleitisbrautar rétt fyrir klukkan þrjú í dag. Umferð um gatnamótin er lokuð og gera má ráð fyrir að þau verði lokuð í um hálftíma í viðbót, ef ekki lengur, vegna vettvangsrannsóknar. Vegfarendur eru beðnir um að velja sér aðra leið. Ekki er hægt að segja til um tildrög slyssins eða ástand slasaða.

Íslenskir björgunarsveitarmenn tilbúnir

Íslenska alþjóðabjörgunarsveit Slysavarnafélagsins Landsbjargar hefur verið sett á vöktunarstig eftir jarðskjálftann í Tyrklandi. Stjórnendur sveitarinnar fylgjast með ástandinu í gegnum upplýsingaveitur Sameinuðu þjóðanna og fréttir en enn sem komið er hefur lítið borist af staðfestum upplýsingum um skaðann sem skjálftinn olli.

Eldfjall sigursæl

Kvikmyndin Eldfjall eftir Rúnar Rúnarsson hlaut í gær tvenn verðlaun á kvikmyndahátíðnni í Montreal í Kanada. Myndin hefur fengið þrenn verðalaun á tæpri viku og vonast Rúnar til að gott gengi myndarinnar skili sér í Óskarskapphlaupinu.

Yfirvofandi læknaskortur áhyggjuefni

Nýkjörinn formaður Læknafélags Íslands segir yfirvofandi læknaskort áhyggjuefni en læknum hefur fækkað um 10% á síðustu þremur árum.

Fyrstu frjálsu kosningarnar í Túnis

Í dag fara fram fyrstu frjálsu kosningarnar í Túnis, níu mánuðum eftir að uppreisn steypti stjórn fyrrverandi forseta lands Zinedine el Abidine Ben Ali af stóli.

Byssumaður handtekinn í Þorlákshöfn

Maður sem hleypti af skoti eða skotum gaf sig fram í Þorlákshöfn í nótt eftir að sérþjálfaður samningamaður frá lögreglunni spjallaði við hann í síma.

Lyfjaður og dópaður ók á ljósastaur

Maður, sem talinn er hafa verið undir áhrifum lyfja eða fíkniefna, ók á ljósastaur á Akranesi í nótt. Hann meiddist lítillega og var fluttur á sjúkrahús til aðhlynningar. Bæði bíll og ljósastaur urðu fyrir minni háttar skemmdum.