Fleiri fréttir

Erfitt að tryggja atvinnuöryggi

Erfitt er að tryggja atvinnuöryggi blaðamanna, nema með auknum styrkjum til fjölmiðla, en í nýju frumvarpi til fjölmiðlalaga verður reynt að bæta réttarstöðu þeirra. Meðal annars á þá að verða úr sögunni að blaðamenn séu dæmdir fyrir orð viðmælenda sinna.

Vopnað rán í Sunnubúðinni

Vopnað rán var framið í Sunnubúðinni í Hlíðunum um sjö leytið í kvöld. Maður ógnaði starfsmanni með hníf og komst burtu með nokkra fjármuni úr peningakassa.

Þróun opinberra starfsmanna hér á landi á sér tæpast hliðstæðu

Að minnsta kosti níu af hverjum tíu sem misst hafa vinnuna eftir bankahrun störfuðu á almennum vinnumarkaði. Viðskiptaráð telur að mikið ójafnvægi hafi myndast á milli almenna vinnumarkaðarins og hins opinbera. Á sama tíma og störfum fækkaði á almennum vinnumarkaði fjölgaði þeim hjá ríkinu.

Fimmta tjón Náttúrufræðistofnunnar - vatnsleki eyðilagði gróðurkort

Litlu mátti muna að stórtjón hefði orðið í geymslu Náttúrufræðistofnunnar Íslands í Súðavogi ef ekki hefði verið fyrir Þorvald Björnsson, starfsmanns stofnunarinnar, en þegar hann kom til vinnu var geymslan full af vatni. Vatnið náði honum upp að ökklum og hafði lekið niður af efri hæðinni, sennilega vegna mannlegra mistaka.

Búrka-bófar rændu banka í Frakklandi

Tveir einstaklingar klæddir í Búrka, sem er trúarlegur klæðnaður múslímskra kvenna, rændu banka í París á dögunum og komust í burtu með tæpa milljón. Ránið átti sér stað um miðjan dag í hverfinu Athis Mons en langflestir íbúar hverfsins eru múslimar frá Norður-Afríku.

Loðnan komin óvanalega langt vestur

Svo virðist sem loðna sé óvenju snemma á ferð undan Suðurströndinni þetta árið ef marka má staðsetningu fjölveiðiskipa á fiskislóðinni. Ekki er vitað hversu mikið magn er um að ræða, en sú loðna sem þarna er virðst vera á hraðri vesturleið.

Spilavíti í Heilsuverndarstöðina- Landlæknir skoðar málið

„Heilbrigðisráðuneytið leggst gegn hugmyndinni,“ segir Álfheiður Ingadóttir, heilbrigðisráðherra, en óskað hefur verið eftir óformlegum umsögnum lögreglu og landlæknaembættisins til þess að meta hvort það sé heppilegt að lögleiða fjárhættuspil á Íslandi.

Ríflega helmingur þjóðarinnar ónæmur fyrir Svínaflensu

Meira en helmingur þjóðarinnar er nú ónæmur fyrir svínainflúensunni A(H1N1). Búið er að bólusetja um 130.000 manns og ætla má að á bilinu 50-60.000 manns hafi fengið veikina í faraldrinum sem gekk yfir landið á síðari hluta árs 2009. Þetta kemur fram í tilkynningu frá landlæknaembættinu.

Óvanaleg steinbítshrygna í Vestmannaeyjum

Í nótt hrygndi steinbítshrygna í fiskasafni Vestmannaeyja. Hrygningin er óvanaleg að því leytinu að hrygningartími steinbíts er venjulega í október og nóvember en þessi hrygning á sér stað í febrúar. Hrygnan hefur þegar myndað hrognabolta og hefur vafið sig utan um hann. Þannig ver hún hrognin sem eru á að giska 1000 til 2000 talsins.

Framsókn ekki á leiðinni í ríkisstjórn

Sigmundur Davíð Gunnlaugsson formaður Framsóknarflokksins segist ekki vita hvaðan orðrómur um að flokkur hans sé að setjast í ríkisstjórn sé kominn. Hann hafi gefið núverandi stjórn tækifæri sem minnihlutastjórn en fengið það strax í bakið.

Segja Eið Smára hafa greitt fyrir þagmælsku frönsku fyrirsætunnar

Slúðurblaðið News Of the World greinir frá því í dag að Eiður Smári Guðjohnsen hafi greitt frönsku undirfatafyrirsætunni Vanessu Perroncell tíu þúsund pund þegar meintu ástarsambandi þeirra á að hafa lokið árið 2003. Greiðsluna á Eiður Smári að hafa innt af hendi til þess að tryggja að hún héldi trúnaði við hann varðandi meint ástarsambandið samkvæmt News of the World.

Karlmaður nefbrotinn í nótt

Lögreglunni barst tilkynning um líkamsárás laust eftir klukkan fjögur. Karlmaður hafði verið sleginn í andlitið við skemmtistað á Laugavegi með þeim afleiðingum að hann nefbrotnaði. Lögreglan kom manninum á slysadeild.

Hera Björk sigraði með Je ne sais quoi

Það verður Hera Björk Þórhallsdóttir sem verður fulltrúi Íslands í Eurovision kepninni sem fram fer í Noregi í vor. Lag Örlygs Smára, Je ne sais quoi, sigraði í Söngvakeppni sjónvarpsins sem fram fór í kvöld. Hera hefur greinilega sungið sig inn í hjörtu þjóðarinnar en í öðru sæti varð lagið One more time, sem sungið var af Jögvan Hansen.

Sóley hreppti fyrsta sætið í forvali VG

Sóley Tómasdóttir borgarfulltrúi sigraði í forvali VG í Reykjavík sem fram fór í dag. 1062 atkvæði voru greidd í forvalinu og hlaut Sóley 439 atkvæði í fyrsta sæti. Í öðru sæti varð Þorleifur Gunnlaugsson borgarfulltrúi og í því þriðja hafnaði Líf Magneudóttir.

Andrea náði fyrsta sætinu í forvali VG á Akureyri

Andrea Hjálmarsdóttir, kennari við Háskólann á Akureyri náði fyrsta sætinu í forvali Vinstri grænna þar í bæ og skaut þar bæjarfulltrúann Baldvin H. Sigurðsson ref fyrir rass en hann sækist einnig eftir fyrsta sætinu. Baldvin er í þriðja sæti þessa stundina en í öðru sæti er Edward Huijbens.

Prófkjör á Álftanesi: Forseti Bæjarstjórnar efstur

Fyrstu tölur úr prófkjöri í Álftanesi eru komnar en þar er Kristinn Guðlaugsson, forseti bæjarstjórnar, efstur á blaði. Þá vekur athygli að Guðmundur G. Gunnarsson, fyrrum bæjarstjóri og oddviti Sjálfstæðisflokksins á Álftanesi til margra ára nær ekki einu af sex efstu sætunum.

Leki kom upp um kannabisræktun

Lögreglan á höfuðborgarsvæðinu stöðvaði kannabisræktun í íbúð í fjölbýlishúsi í Krummahólum í Breiðholti í dag. Þetta er fjórða kannabisræktunin sem lögreglan upprætir á innan við hálfum mánuði.

Flestar mæður eyða fóstrum með litningagalla

Nær flestar mæður barna sem greinast með litningagalla á meðgöngu fara í fóstureyðingu. Hins vegar fæðast nokkur börn á ári með downs heilkenni eða aðra litningagalla sem ekki greinast í fósturskimun. Þó nokkrar konur kjósa að eyða ekki fóstrinu þrátt fyrir líkur á litningagalla.

Prófkjör og Forvöl víða um land

Prófkjör og forvöl fóru fram víða í dag fyrir komandi sveitastjórnarkosningar. Þátttakan hefur verið góð en mesta spennan er í Reykjavík þar sem tveir borgarfulltrúar takast á um efsta sætið á lista Vinstri-grænna.

Vill börnin sín frá Haítí

Ung kona frá Haítí sem búsett er hér á landi vinnur að því að fá móður sína og börn til landsins en þau hafa verið á götunni eftir jarðskjálftann þar í landi. Stjórnvöld áætla að flytja um tuttugu Haítíbúa hingað til lands en kostnaðurinn við verkefnið er allt að áttatíu milljónir.

Góð kjörsókn í forvali VG

Alls hafa 700 manns greitt atkvæði í forvali Vinstri grænna til borgarstjórnarkosninga í dag en fyrir fjórum árum greiddu alls 500 manns atkvæði í forvali flokksins. Að sögn Stefáns Pálssonar, formanns kjörstjórnar VG, þá kusu þúsund manns í forvali fyrir Alþingiskosningar.

Ágúst Einarsson hættir sem rektor í sumar

Háskólinn á Bifröst útskrifaði í dag 63 nemendur, þar af 11 með meistarapróf. Í útskriftarræðu tilkynnti Ágúst Einarsson rektor að hann myndi láta af störfum 5. júní næstkomandi eða við næstu útskrift.

Á fjórða hundrað manns mótmæla á Austurvelli

Nokkur hundruð manns eru mætt á mótmæli á Austurvelli en það eru samtökin Nýtt Ísland sem halda þau. Meðal annars var farið heim til bankastjóra stærstu bankanna í morgun og þeir vaktir.

Meiðyrðamálið vegna SS: Oddur áréttar sakleysi sitt

Oddur Eysteinn Friðriksson, sem hefur verið ákærður af ríkissaksóknara fyrir að halda úti vefsíðu og á henni birt meiðyrði um forstjóra og starfsmenn Sláturfélags Suðurlands, hefur sent frá sér yfirlýsingu vegna fréttar Fréttablaðsins af málinu.

Ekki á leið í frí

„Það er bara fullkomlega eðlilegt að hún taki örfáa daga fyrir sjálfa sig," segir Steingrímur J. Sigfússon fjármálaráðherra um frí sem Jóhanna Sigurðardóttir forsætisráðherra tók sér í morgun.

Fundi stjórnar og stjórnarandstöðu lokið um Icesave - málum miðar vel

Ríkisstjórn og stjórnarandstöðuflokkar kláruðu fund sín á milli í Fjármálaráðuneytinu nú fyrir stundu varðandi Icesave. Utanríkisráðherrann Össur Skarphéðinsson sat fundinn fyrir hönd Samfylkingarinnar, en Jóhanna Sigurðardóttir er í fríi erlendis eins og Vísir hefur greint frá. Þá sat Steingrímur J. Sigfússon, fjármálaráðherra, fundinn fyrir Vinstri græna.

Jóhanna farin í frí - fór til útlanda í morgun

Jóhanna Sigurðardóttir forsætisráðherra er farin í frí. Ekki er gert ráð fyrir ríkisstjórnarfundi á þriðjudaginn vegna svokallaðrar kjördæmaviku. Hinsvegar er gert ráð fyrir að forsætisráðherra sitji ríkisstjórnarfund á föstudaginn samkvæmt upplýsingum frá Einari Karli Haraldssyni upplýsingafulltrúa forsætisráðuneytisins.

Þjóðfundur á Bolungarvík

Þjóðfundur er haldin í dag á Bolungarvík en þar koma saman fulltrúar íbúa á Vestfjörðum, sem valdir eru eru með tilviljanakenndu úrtaki, og fulltrúar hagsmunaaðila af svæðinu.

Hálkublettir á Vesturlandi

Á Vesturlandi eru hálkublettir í Borgarfirði, á Bröttubrekku og víða á Snæfellsnesi. Á Vestfjörðum er hálka á Steingrímsfjarðarheiði og yfir Þröskulda einnig er hálka á Óshlíð og Súðavíkurhlíð. Hálkublettir eru á flestum öðrum leiðum.

Bankastjórar vaktir af Nýju Íslandi

Samtökin Nýtt Ísland munu vekja upp bankastjóra og forstjóra fjármálafyrirtækja á laugardagsmorgun til að minna á kröfur fólksins í landinu. Kröfurnar verða bornar fram á tíunda kröfu- og mótmæla fundi vetrarins á Austurvelli á laugardaginn kl 15:00.

Sex prófkjör í dag

Sex prófkjör fara fram víða um land í dag. Hjá Vinstri grænum fer fram prófkjör í Reykjavík og á Akureyri. Sjálfstæðismenn standa einnig í ströngu þar sem fjögur prófkjör eru hjá flokknum í dag.

Ökufantur tekinn á Suðurlandi

Rétt rúmlega tvítugur karlmaður var stöðvaður af lögreglunni á Selfossi þegar hann á 178 kílómetra hraða í nótt. Maðurinn ók Biskupstungnabraut þegar hann var stöðvaður. Maðurinn reyndist ekki ölvaður.

Sjá næstu 50 fréttir

Mest lesið