Innlent

Veita engar upp­lýsingar um til­boðið í Háholt

Hólmfríður Gísladóttir skrifar
Guðlaugur segir byggðarráð eiga í samtali við fasteignasala og engar upplýsingar verða veittar að svo stöddu.
Guðlaugur segir byggðarráð eiga í samtali við fasteignasala og engar upplýsingar verða veittar að svo stöddu.

Guðlaugur Skúlason, formaður byggðarráðs Skagafjarðar, vildi ekki svara því í morgun hver hefði gert tilboð í Háholt, þar sem starfrækt var meðferðarheimili til ársins 2017.

Þá vildi hann ekki gefa upp hvort um væri að ræða einkaaðila eða opinberan aðila.

Vísir greindi frá því í morgun að nýtt tilboð hefði boðist í fasteignina, eftir að annað tilboð datt upp fyrir í apríl síðastliðnum þegar tilboðsgjafa tókst ekki að tryggja fjármögnun.

Byggðarráð fundaði í gær og samþykkti að fela fasteignasölu að gera gagntilboð af hálfu sveitarfélagsins en Guðlaugur vildi ekki heldur svara því hvenær gagntilboðið rynni út. 

„Við erum bara í samtali við fasteignasalann,“ sagði Guðlaugur. Engar frekari upplýsingar yrðu gefnar um málið á þessu stigi. 

Það ætti sömuleiðis við um upphæðir í tilboðunum.

Skagafjörður Börn og uppeldi Málefni Stuðla Ofbeldi barna Meðferðarheimili

Mest lesið


Fleiri fréttir

Sjá meira


×

Mest lesið