Viðskiptanefnd telur áfram þörf á Bankasýslu

Meirihluti viðskiptanefndar telur áfram þörf á að starfrækja Bankasýslu ríkisins, þrátt fyrir samkomulag sem náðst hefur við skilanefndir bankanna um að erlendir kröfuhafar eignist hugsanlega mikinn meirihluta í Íslandsbanka og Nýja Kaupþingi.

Óttast um hundruð manna eftir aurskriðu í Taívan

Óttast er um líf hundruð manna eftir að fjall í Taívan hreinlega gaf sig og aurskriða gróf heilt þorp á suðvesturströnd landsins í morgun.

Vill sjá glæsisundlaug við Lækjargötu

„Er þörf á fleiri minjagripabúðum eða kaffihúsum eins og líklegast koma þarna í staðinn? Við erum gjörn á að missa tækifærin til að gera skemmtilega hluti frá okkur," segir sjónvarpsmaðurinn Egill Helgason í samtali við fréttastofu.

Stjórnmálafræðiprófessor: Djúp stjórnarkreppa verði Icesave fellt

Gunnar Helgi Kristinsson, prófessor í stjórnmálafræði við Háskóla Íslands, segir djúpa stjórnarkreppu blasa við ef Icesave málið fellur í þinginu í viðtali við fréttastofu RÚV.

Söguleg sumarútskrift hjá Keili

Síðasta laugardag var haldin hátíðleg sumarútskrift Keilis, en alls útskrifuðust 53 nemendur. Bættist þar í hóp þeirra 167 sem brautskráðust úr skólanum í maí.

Öryrkjar ósáttir við útvarpsgjald

Öryrkjar eru ósáttir við að þurfa að greiða fullt útvarpsgjald á meðan aldraðir horfa frítt á Ríkissjónvarpið. Formaður öryrkjabandalagsins hefur óskað eftir fundi með menntamálaráðherra vegna málsins.

Leigukvótaviðskipti með allra minnsta móti

Viðskipti með leigukvóta eru með allra minnsta móti, jafnvel miðað við árstíma, segir kvótamiðlari. Hann telur meðal annars að frysting lána hjá útgerðum skýri lítil viðskipti. Landssamband íslenskra útvegsmanna telur að einnig verði erfitt að fá leigukvóta á nýju fiskveiðiári.

Forstjóri FME sannfærður um markaðsmisnotkun

Forstjóri Fjármálaeftirlitsins er sannfærður um að um markaðsmisnotkun sé að ræða í nokkrum málum sem send hafa verið til sérstaks saksóknara. Fleiri stór og alvarleg mál séu á leið þangað.

Fyrirvarar ræddir í þingflokkum

Viðbúið er að stjórnvöld taki upp viðræður við Hollendinga og Breta um leið og Alþingi hefur afgreitt fyrirvara við ríkisábyrgð á Icesave reikningum Landsbankans. Þetta segir fulltrúi Vinstri-grænna í fjárlaganefnd.

Segir sumar hugmyndir um fyrirvara ógilda samninginn

Málamyndafyrirvarar duga ekki í Icesave málinu, segir formaður Sjálfstæðisflokksins. Forsætisráðherra segir að hugmyndir sumra þingmanna um fyrirvara yrðu til þess að ógilda samninginn.

Skilanefnd í málaferlum við stjórnarformann Icelandair

Skilanefnd Glitnis stendur í málaferlum við félag í eigu Sigurðar Helgasonar, nýkjörins stjórnarformanns Icelandair, vegna gjaldfallinnar skuldar. Sigurður og félag hans Skildingur skulda Glitni einn og hálfan milljarð. Skilanefndin hefur meðal annars kyrrsett tugmilljóna króna innistæðu félagsins.

Hannaði gistiheimili í gamalli rafstöð

„Ég nota gamla húsið, held grindinni og klæðningunni og bæti inn hosteli í litlum einingum sem eiga að líkja eftir vélunum," segir Sólveig Ragna Guðmundsdóttir, nýútskrifaður arkitekt úr Arkitektaskólanum í Árósum.

Stefna á Íslandsmet í hópsundi í sjó

ÍTR Siglunes stefnir að því að slá Íslandsmet í hópsjósundi í dag í samstarfi við apótekið Lyfju. Til stendur að halda hópskemmtisund frá Nauthólsvík og yfir til Kópavogs, og fyrir þá allra hörðustu til baka aftur.

Ökumenn sektaðir um eina og hálfa milljón

Alls voru 27 ökumenn sektaðir fyrir að aka of hratt í Árborg í síðustu viku. Lögreglan á Selfossi sektaði þessa einstaklinga en samanlögð fjárútlát þeirra voru tæp ein og hálf milljón króna vegna lögbrotanna.

Dæmd til að láta syni sína af hendi

Íslensk tveggja barna móðir er dæmd til að afhenda fyrrverandi eiginmanni sínum í Bandaríkjunum syni sína tvo samkvæmt nýlegum dómi Hæstaréttar. Konan er hvorki með fjármagn til upphalds né landvistar-og atvinnuleyfi þar í landi. Allls staðar segist hún koma að lokuðum dyrum í íslensku stjórnkerfi.

Birgir vildi vita hvort samskiptin við norrænu ríkin hefðu verið óljós

Birgir Ármannsson, þingmaður Sjálfstæðisflokksins, spurði forsætisráðherra að því á Alþingi í dag hvort það gæti verið að eitthvað óljóst hafi verið í því á hvaða forsendum norrænu ríkin veittu Íslandi lán sem beðið hefur verið eftir um allnokkurt skeið.

Vill samþykkja Icesave samning í þágu umhverfismála

Formaður Náttúruverndarsamtaka Íslands skorar á Guðfríði Lilju Grétarsdóttur, formann þingflokks VG, að styðja ríkisstjórnina í Icesave málinu. Hann segist óttast að ríkisstjórnin muni að öðrum kosti falla og öll þau góðu mál sem hún gæti komið fram.

Icesave rýrir ekki rétt íslenska tryggingarsjóðsins

Ákvæði Icesave samninganna um jafnræði milli tryggingarsjóða Íslands, Bretlands og Hollands rýra ekki að neinu leyti rétt íslenska tryggingarsjóðsins þegar kemur að úthlutun úr búi Landsbankans. Þetta kemur fram í tilkynningu frá forsætisráðuneytinu vegna nýs lögfræðiálits sem unnið var fyrir ráðuneytið.

Kosningu í bankaráð Seðlabankans frestað

Kosningu sjö aðalmanna og jafnmargra varamanna í bankaráð Seðlabankans hefur verið frestað til morguns. Þetta kom fram í máli Ástu Ragnheiðar Jóhannesdóttur, forseta Alþingis, þegar þingfundur hófst klukkan 15 í dag.

Risasnekkja við bryggju í Reykjavíkurhöfn

The Apoise heitir snekkja sem lagðist að bryggju í Reykjavíkurhöfn í morgun. Snekkjan er án efa með þeim stærri sem hafa lagst a bryggju hér að landi í sumar en, samkvæmt upplýsingum fréttastofu er hún 67 metrar á lengd og 13 metrar á breidd. Til samanburðar má nefna að varðskipið Týr er tæpir 66 metrar á lengd og 10 metrar á breidd.

Icesave: Greiðslur verði af hagvexti

Eina niðurstaðan af fundi fjárlaganefndar í morgun, um Icesave-frumvarpið, var að Seðlabankinn tæki þátt í að meta gildi fyrirvara við ríkisábyrgð. Meðal fyrirvara sem rætt er um að setja, er að Íslendingar greiði Hollendingum og Bretum eingöngu af framtíðarhagvexti.

Ræða þarf við Hollendinga og Breta vegna fyrirvara Alþingis

Stjórnvöld munu þurfa að ræða við Hollendinga og Breta, vegna þeirra fyrirvara sem Alþingi gerir við ríkisábyrgð á Icesave reikningum Landsbankans. Þetta segir fulltrúi Vinstri grænna í fjárlaganefnd. Engin niðurstaða varð um fyrirvara á fundi nefndarinnar í morgun.

Yfir 100 greinst með svínaflensu

Yfir hundrað hafa nú greinst með svínaflensuna hér á landi. Sóttvarnarlæknir segir ástandið erfitt og að mikið álag sé á heilbrigðisþjónustunni.

Litlar líkur á sátt um fyrirvara vegna Icesave

Alls óvíst er að nokkur niðurstaða verði um Icesave málið á fundi fjárlaganefndar Alþingis sem nú stendur yfir. Fram hefur komið að nefndin vinni að gerð fyrirvara við ríkisábyrgð á Icesave reikningum Landsbankans.

Sjö gjaldþrotamál á Akureyri

Sjö gjaldþrotamál eru tekin fyrir í Héraðsdómi Norðurlands eystra í dag. Flest fyrirtækjanna sem krafist er gjaldþrots yfir eru tengd byggingariðnaði. Þá er eitt fyrirtæki sem heldur úti smábátaútgerð á Akureyri sem krafist er gjaldþrots yfir.

Rússneskir Birnir létu sjá sig í síðustu viku

Tvær rússneskar TU-95 sprengjuflugvélar, eða svonefndir Birnir, flugu um íslenska loftrýmiseftirlitssvæðið í síðustu viku, aðeins sólarhirng áður en bandaríski flugherinn hóf loftrýmisgæslu hér. Ferðum þessara véla fer aftur fjölgandi á norðurslóðum.

Icesave ekki afgreitt úr nefnd í dag

Ekki stendur til að afgreiða Icesave málið úr fjárlaganefnd í dag. Nefndin situr nú á fundi og ræðir hvers konar fyrirvara er hægt að setja við frumvarp um ríkisábyrgð á Icesave reikningum Landsbankans.

Sex túristar teknir fyrir of hraðan akstur

Lögregla stöðvaði sex ökumenn á veginum á milli Víkur og Kirkjubæjarklausturs í gær, eftir að þeir höfðu mælst á of miklum hraða. Þetta voru allt erlendir ferðamenn á bílaleigubílum.

Ljósanótt í Hafnarfirði og á Patró

Neyðarblysum var skotið á loft í Hafnarfirði um miðnættið og svifu til jarðar í fallhlífum. Kona sem varð vitni að þessu sá hvar fallhlífarnar lentu og fann þær. Þeim var komið í hendur Landhelgisgæslunnar, en þar á bæ kannast menn ekki við þessa gerð af neyðarblysum og verður málið kannað nánar í dag.

Vill ákæra forsprakka mótmælanna í Íran

Háttsettur yfirmaður í Íranska Byltingarverðinum, sérsveitum írönsku klerkastjórnarinnar, sagði í viðtali við írönsku ríkisstöðina í morgun að forsprakka mótmælanna síðustu vikurnar í Íran eigi að draga fyrir rétt og ákæra fyrir landráð.

Málningu skvett hjá Hjörleifi Kvaran

Málningu var í nótt skvett á hús og bíla Hjörleifs Kvaran, forstjóra Orkuveitu Reykjavíkur, en Hjörleifur býr við Granaskjól í Reykjavík. Öryggisvörður frá Securitas tilkynnti lögreglunni um málið, en hann sá ekki til gerendanna.

Féll milli báts og bryggju

Maður sem var að vinna við bát, sem liggur við bryggju skammt frá Kaffivagninum í Reykjavíkurhöfn, féll milli bátsins og bryggjunnar um klukkan þrjú í nótt.

Togarinn Sólbakur færður til hafnar

Varðskip færði togarann Sólbak EA til hafnar á Akureyri á sjötta tímanum í morgun, eftir að skipstjórinn var staðinn að meintum ólöglegum veiðum noðrvestur af landinu í gær. Eftir því sem Fréttastofan kemst næst snýst málið um möskvastærð í trollinu og útbúnað á smáfiskaskilju, sem á að hleypa smáfiski lifandi út úr trollinu.

Lögreglumenn íhuga að grípa til aðgerða

Lögreglumenn á höfuðborgarsvæðinu hafa rætt það sín á milli að grípa til aðgerða gegn yfirstjórn embættisins ef ekki verður hætt við fyrirhugaðar skipulagsbreytingar sem taka eiga gildi 1. september. Mögulegar aðgerðir gætu til dæmis falist í því að neita að taka aukavaktir nema þeir verði beinlínis skyldaðir til þess og svara ekki í síma þegar þeir eru á frívöktum.

Nýjar útfærslur breyta ekki afstöðu stjórnarandstöðu

Ekki tókst að ná þverpólitískri samstöðu um lausn á deilum vegna Icesave-samkomulagsins á fundi fulltrúa allra flokka í gær, eins og vonir höfðu staðið til. Til stóð að ljúka umræðum um málið í fjárlaganefnd í dag og hefja aðra umræðu á Alþingi á morgun, en fullljóst er talið að af því verði ekki.

Þvo í þágu góðs málstaðar

„Þetta er fínt, maður má bara ekki horfa of mikið niður,“ segir Hildur Arnardóttir, meðlimur í Hjálparsveit skáta í Reykjavík, sem varði gærdeginum hangandi í sjötíu metra hæð yfir jörðu utan í háhýsinu við Höfðatorg.

Fimmtán þúsund manns á handverkshátíð

„Það má segja að við séum búin að slá öll aðsóknarmet, en í gær höfðu yfir fimmtán þúsund manns sótt hátíðina heim,“ segir Dóróthea Jónsdóttir, framkvæmdastjóri Handverkshátíðarinnar við Hrafnagilsskóla. Hátíðin var haldin í sautjánda sinn í ár, en hún hófst á föstudag og lýkur í dag. „Það er varla auður blettur á tjaldstæðinu hérna og stemningin er svakalega góð, 20 stiga hiti og sól,“ útskýrir Dóróthea og segir öll störf í kringum hátíðina unnin í sjálfboðavinnu.

Opnar á marga möguleika

Embætti sérstaks saksóknara vegna bankahrunsins mun taka vel í boð bresku efnahagsbrotadeildarinnar, Serious Fraud Office (SFO), um aðstoð við rannsókn á íslenskum fyrirtækjum í Bretlandi, segir Ólafur Þór Hauksson, sérstakur saksóknari.

Berjasprettan seinni í ár en í fyrra

„Ég hef grun um að sprettan í ár sé seinni en í fyrra út af kuldakasti,“ segir Ásthildur Cecil Þórðardóttir, garðyrkjustjóri á Ísafirði. Hún spáir því að berjasprettan verði góð í ár og segir rigninguna skipta sköpum. „Það rignir vel núna, en þetta er óvenjulegur tími fyrir rigningar. Kuldinn gerir ekki mikinn skurk, en það skiptir máli hvort það rigni eða hvort það er þurrt. Svo þarf bara hita og sól eftir þessar rigningar og það mun gerast. Núna sýnist mér að það hafi verið svipað veður um allt land svo ég á alveg eins von á að þetta verði gjöfult berjaár. Fólk sem ég hef talað við hefur kíkt og séð mikið af sætukoppum og grænjöxlum, svo ef það nær að þroskast verður mikið af berjum,“ útskýrir Ásthildur.

Vill stuðla að lægra verði á námsbókum

Opnaður verður í dag nýr vefur, skiptibokamarkadur.is, þar sem nemendur á framhalds- og háskólastigi geta keypt og selt bækur milliliða- og kostnaðarlaust. Þar geta þeir sem vilja selja eða óska eftir bók skráð sig inn á síðuna og skráð viðkomandi bók í framhaldinu. Notkun á vefnum er algjörlega gjaldfrjáls en hann er fjármagnaður með auglýsingatekjum.

Hundrað þúsund matarskammtar gefnir á Dalvík

„Við höfum ekki tölu á hve margir mættu, það var svo gríðarlegt mannhaf. Aðsóknin hefur aldrei verið meiri,“ segir Júlíus Júlíusson, framkvæmdastjóri Fiskidagsins mikla á Dalvík. Dagskráin hófst síðastliðinn miðvikudag og segir Júlíus veðrið hafa leikið við hátíðargesti, en það var nítján stiga hiti og sól á Dalvík þegar blaðamaður náði tali af honum. Markmið hátíðarinnar er að fólk komi saman, skemmti sér og borði fjölbreytta fiskrétti sér að kostnaðarlausu, en Júlíus telur að rúmlega 100.000 matarskammtar hafi verið gefnir að þessu sinni. Matseðillinn breytist ár frá ári en ávallt er boðið upp á vinsæla rétti svo sem fiskborgara sem eru grillaðir á átta metra löngu grilli, lengsta grilli Íslands.

Þórður tjáir sig ekki um brottreksturinn

Þórður Þorgeirsson knapi sem rekinn var úr landsliði íslenskra hestamanna vegna agabrota segir að gróflega hafi verið brotið á sér og hann leiti nú réttar síns vegna málsins.

Ólíklegt að Icesave verði afgreitt úr fjárlaganefnd á morgun

Fulltrúar allra stjórnmálaflokkanna í fjárlaganefnd funduðu um ríkisábyrgð á Icesave samningana seinnipartinn í dag, til þess að fara yfir breytingartillögur við frumvarpið.

Ótti meðal Íslendinga á Mallorca í lágmarki

Sprengingin sem varð á strandbar á Mallorca í dag er stutt frá dvalarstað nokkurra Íslendinga, þó nógu langt frá til að hætta stafi ekki af sprengingunni. Að sögn fararstjóra Heimsferða á Mallorca eru íslenskir ferðamenn frekar rólegir yfir atburðum undanfarinna vikna en þetta er önnur sprengjan sem springur á Mallorca á stuttum tíma.

Segir Davíð ekki hafa búið yfir nægri reynslu og þekkingu

Anne Sibert, sem situr í peningastefnunefnd Seðlabanka Íslands, segir að Davíð Oddsson hafi ekki búið yfir nægilegri þekkingu í hlutverki sínu sem Seðlabankastjóri til að koma í veg fyrir bankahrunið. Þá hafi hvorki forsætisráðherra, fjármálaráðherra né fjármálaeftirlitið gert neina tilraun til að hægja á vexti íslensku bankanna.