Vilja aftur búskap á Hrafnseyri

Búnaðarsamband Vestfjarða mun senda forsætisráðuneytinu á næstu dögum áskorun um að stuðla að því að búskapur verði hafinn á nýjan leik á Hrafnseyri við Arnarfjörð, fæðingarstað Jóns Sigurðssonar.

Upplýsingum leynt í þágu sérhagsmuna

Dæmi eru um að á undan­förnum árum hafi eignir verið færðar inn á ársreikninga fyrirtækja á hærra verði en innstæða hafi verið fyrir. Þannig hafi verið reynt að leyna upplýsingum í þágu sérhagsmuna og í þágu stjórnenda fyrirtækjanna. Þetta segir Aðalsteinn Hákonarson, forstöðu­maður eftirlitssviðs Ríkis­skattstjóra og endurskoðandi.

Mikilvægt fyrir Ísland að vera í NATO

Varnarmál Lawrence Chalmer er yfirmaður Menntunarstofnunar NATO og er á Íslandi í þessari viku til að eiga fund með þingmönnum og yfirmönnum hjá Varnarmálastofnun Íslands. Þetta er í þriðja sinn sem hann kemur til Íslands. Fréttablaðið tók viðtal við hann um stöðu Íslands innan Atlantshafsbandalagsins og um störf hans í þágu bandalagsins.

Kaupþingsgögnin skiptu litlu

Umræða vegna tafa á afhendingu svokallaðra Kaupþingsgagna, frá ríkissaksóknara til embættis sérstaks saksóknara, er smámál sem slík, segir Ólafur Þór Hauksson, sérstakur saksóknari vegna bankahrunsins. Engir rannsóknarhagsmunir hafi spillst. Gögnin sem um ræðir fjalla um niðurfellingu á persónulegum ábyrgðum lykilstarfsmanna Kaupþings.

Hátekjuskatturinn miðast við árstekjur

Átta prósenta hátekjuskattur, sem byrjað verður að innheimta um mánaðamótin, leggst á allar launatekjur umfram 700 þúsund krónur, samkvæmt frumvarpi sem lagt verður fyrir þingið á næstu dögum.

Grútarblautum erni bjargað

Ársgömlum erni var bjargað í Nátthaga við Berserkjahraun á Snæfellsnesi síðastliðið föstudagskvöld en hann var ataður grút og greinilega aðframkominn. „Hann sat þarna rétt hjá tjaldi ferðafólks sem síðan tilkynnti lögreglu um málið,“ segir Róbert Arnar Stefánsson, forstöðumaður Náttúrustofu Vesturlands, en hann fór á vettvang, handsamaði örninn og kom honum í búr.

Gjöldin hækki ekki næsta árið

Borgarfulltrúar Vinstri grænna vilja ekki að gjaldskrá Strætós verði hækkuð næsta árið og að haldið verði sérstakt íbúaþing um málefni fyrirtækisins, áður en yfirstandandi stefnumótun um framtíð þess verði kláruð.

Ekki hægt að ganga á aðrar eignir en Landsbankans

Ekki er hægt að ganga að eignum íslenska ríkisins ef stjórnvöld geta ekki staðið við Icesave skuldbindingarnar, eins og fullyrt var í fréttum Ríkissjónvarpsins í kvöld, þar sem ríki eru ekki aðfararhæf í málum sem þessum. Þetta segir áhrifamaður innan ríkisstjórnarinnar sem þekkir Icesave samningana.

Jónína er fundin

Hin fimmtán ára gamla Jónína Jófríður Jóhannesdóttir, sem lögreglan lýsti eftir í gær, er fundinn. Þetta kemur fram í tilkynningu frá lögreglunni á höfuðborgarsvæðinu.

Samninganefndirnar sáu ekki eignasafn Landsbankans

Þingmaður Borgarahreyfingarinnar fullyrðir að enginn þeirra sem er í samninganefndum Íslendinga, Hollendinga og Breta um Icesave innistæðurnar hafi séð eignasöfn Landsbankans.

Fæða uppi á landi

Barnshafandi konur í Vestmannaeyjum eru ósáttar við að skurðdeildinni á sjúkrahúsi bæjarins hafi verið lokað í sumar. Þeim er ráðlagt að fara upp á land til að fæða.

Sovéski fáninn að húni hjá Lilju Mósesdóttur

„Þetta var sonur minn að hrekkja móður sína,“ segir alþingiskonan Lilja Mósesdóttir en í dag hefur Sovéska fánanum verið flaggað á heimi hennar í Breiðholti. Nágrannar Lilju höfðu samband við fréttastofu, ekki par hrifnir af uppátækinu.

Hátíðarávarp Gunnars: Þjóðin þarf nýjan Jón Sigurðsson

Þjóðin þarf nýjan Jón Sigurðsson, sagði Gunnar Birgisson bæjarstjóri í Kópavogi þegar hann hélt hátíðarræðu á Rútstúni í dag enda vilji hún ekki vera ofurseld erlendum stjórnvöldum. Gunnar hverfur að öllum líkindum úr bæjarstjórastólnum á næstunni eftir harða gagnrýni á viðskipti bæjarins við fyrirtæki dóttur hans.

Danskir víkingar allsberir í Peningagjá

„Jú, þetta er rétt,“ segir Jóna Gunnarsdóttir, landvörður á Þingvöllum um uppákomu sem átti sér stað á Þingvöllum á mánudag. Samstarfskona Jónu kom þá að fjórum kviknöktum karlmönnum á sundi í Peningagjá. Voru þar á ferð danskir víkingar.

Tíu sæmdir fálkaorðu á Bessastöðum

Ólafur Ragnar Grímsson, forseti Íslands, sæmdi í dag tíu Íslendinga heiðursmerki hinnar íslensku fálkaorðu. Þeir sem hlutu fálkaorðuna í dag voru:

Þúsunda mótmæli í Berlín: Íslendingur í hústöku

Listfræðingurinn Símon Birgisson tók fyrr í dag þátt í hústöku stúdenta í Humboldt háskólanum í Berlín. Þúsundir námsmanna um gjörvallt Þýskaland skrópuðu í skólann í dag til að mótmæla meðal annars hækkun skólagjalda og hinu svokallaða BA og Masters kerfi.

Jóhanna á Austurvelli: Útrásarvíkingar fóru fram með græðgi

Jóhanna Sigurðardóttir forsætisráðherra sagði útrásarvíkingana hafa farið fram með græðgi og bankahrunið hafi verið efnahagslegar hamfarir fyrir Íslendinga, í ávarpi til þjóðarinnar á Austurvelli í morgun.

Missti húsið til bankans og stórskemmdi það

Karlmaður á Álftanesi stórskemmdi fyrr í dag íbúðarhús sem hann hafði nýverið misst í hendur banka. Maðurinn notaðist við gröfu til verksins en einnig gróf hann númerslausan bíl ofan í lóðina og fékk félaga sinn til þess að taka verknaðinn upp á myndbandsupptökuvél.

Um 50.000 manns í bænum - myndir

Fjöldi fólks hefur lagt leið sína í miðbæ Reykjavíkur í dag til að taka þátt í hátíðarhöldum á þjóðhátíðardaginn. Lögregla giskar á að um 50.000 manns hafi lagt leið sína í miðbæinn í dag.

Viðvörun frá lögreglu: Slæmar aðstæður á Hólssandi

Lögreglan á Húsavík vill koma á framfæri viðvörun til vegfarenda um Hólssand. Vegkaflinn frá Grímsstöðum á fjöllum að Dettifossi er í það slæmu ásigkomulagi að ökumönnum með tjaldvagna eða fellihýsi í eftirdragi er ráðið frá því að ferðast um veginn.

Fundu týnda ferðamenn í nótt

Björgunarsveitarmenn leituðu í nótt að erlendu pari sem ætlaði að ganga frá Landmannalaugum að Hrafntinnuskeri en skilaði sér ekki á tilsettum tíma. Á fjórða tímanum bar leitin árangur þegar snjóbíll keyrði fram á fólkið um hálfan kílómetra frá skálanum í Hrafntinnuskeri. Þá hafði verið leitað að fólkinu í um sex klukkustundir en leitin hófst um níuleytið í gærkvöldi.

Sviku út vörur með stolnu greiðslukorti

Fjórir karlmenn á þrítugsaldri eru í haldi lögreglunnar á höfuðborgarsvæðinu en þeir voru handteknir eftir að hafa svikið út vörur úr nokkrum verslunum með stolnu greiðslukorti í nótt. Lögreglan náði mönnunum í tíu-ellefu verslun í Hafnarfirði um þrjúleytið en þá höfðu þeir náð að svíkja út vörur úr nokkrum verslunum.

Natalía og Tara fundnar

Þær Natalía Rós og Tara Rut, sem lögreglan á Suðurnesjum lýsti eftir í gær eru fundnar. Þær fundust í gærkvöldi í Reykjavík og eru komnar aftur á Stuðla.

Tugir með kannabisrækt sem aðalstarf

Lögregla hefur upprætt fjörutíu kannabisræktanir á árinu, lagt þar hald á tæplega 7.000 plöntur og handtekið um sjötíu ræktendur. Talið er að langflestir þeirra hafi haft sinn aðalstarfa af kannabisframleiðslunni.

Kjallara stolið um helgina við Úlfarsfell

„Hvað sem allri spillingu líður þá er þetta örugglega stærsti þjófnaður ársins, alla vega í kílóum talið,“ segir Gunnar Ingi Arnarsson en hann komst að því á mánudagskvöld að búið var að stela af honum og félaga hans byggingareiningum sem áttu að verða útveggir á kjallara parhúss sem þeir eru að reisa í Úlfarsárdal.

Glaðheimasölu verði rift vegna vanefnda

„Bærinn hefur hvorki fengist til þess að gefa út yfirlýsingu um hvenær hann hyggist afhenda hið selda né gert ráðstafanir sem eru forsenda afhendingarinnar,“ segir í bréfi lögmanns Kaupangs eignarhaldsfélags til Kópavogsbæjar.

Nýtt frumvarp - bankastjórar heyri undir kjararáð

Bankastjórar ríkisbankanna, forstjóri Landsvirkjunar og útvarpsstjóri eru meðal fjölmargra forstöðumanna ríkisstofnana sem munu hér eftir þiggja laun samkvæmt ákvörðunum kjararáðs, nái frumvarp fjármálaráðherra í þá veru fram að ganga.

Laser-aðgerðir góð útflutningsvara

Útlendingar flykkjast til landsins til þess að gangast undir laser-aðgerðir á augum en gríðarleg eftirspurn er eftir aðgerðunum á Íslandi um þessar mundir.

Framkvæmd verðkannanna ábótavant

„Framkvæmdinni á verðkönnunum ASÍ er verulega ábótavant,“ segir Þórður Backman, framkvæmdastjóri innkaupasviðs hjá Kaupási, sem rekur meðal annars verslanir Krónunnar. Hann segir það ekki einungis Bónus sem hefur ítrekað óskað eftir leiðréttingum og ábendingar án þess að nokkuð sé viðhaft af ASÍ.

Margoft tekinn fullur á bílnum

Rétt rúmlega tvítugur maður hefur verið dæmdur í níutíu daga fangelsi og ævilöng svipting ökuréttar áréttuð.

Tryggingagjaldshækkun leggst þungt á sveitarfélögin

„Vissulega mun þetta hafa töluverð áhrif og leggjast þungt á sveitarfélögin,“ segir Halldór Halldórsson, formaður Sambands sveitarfélaga um fyrirhugaða tryggingargjaldshækkun.

Árni og Bjarni hunsa reglur

Þingmennirnir Árni Johnsen og Bjarni Benediktsson úr Sjálfstæðisflokki höfðu í gærkvöldi ekki skráð fjárhagslega hagsmuni sína hjá skrifstofu forseta Alþingis, né útskýrt þar hvers vegna þeir gera það ekki. Frestur til skráningar rann út í fyrradag, en núverandi þingmenn hafa haft rúman mánuð til að skila upplýsingunum.

Utan gátta leiksýning ársins

Leiksýningin Utan gátta var valin leiksýning ársins á Grímuverðlaununum, en leikstjóri sýningarinnar, Kristín Jóhannesdóttir, vann til verðlauna fyrir bestu leikstjórn ársins. Sýningin Utan gátta hlaut flest verðlaun á hátíðinni, eða alls sex talsins.

Réttarkerfið sniðið fyrir þá ríku

Eva Joly segir réttarkerfi Vesturlanda sniðið að því að dæma fólk í lægri lögum samfélagsins. Reynslan sýni að erfiðara sé að sakfella þá ríku og valdamiklu sem jafnvel sleppi undan refsingum eftir að dómar hafa verið kveðnir upp.

Klukknahljóð á alþingi - sló 23 sinnum á bjölluna

Forseti Alþingis fór hamförum á bjöllunni í dag og sló allt að tuttugu og þrisvar í hana, þegar honum fannst formaður Framsóknarflokksins fara á svig við þingsköp og ræða allt önnur mál en dagskrárliðurinn heimilaði honum.

Harpa Arnardóttir og Björn Thors leikarar ársins

Harpa Arnardóttir flutti þakkarræðu sína á íslensku leiklistarverðlaununum, Grímunni, í gegnum fartölvu. Harpa hlaut verðlaun sem besta leikkona í aðalhlutverki, en gat ekki veitt verðlaununum viðtöku þar eð hún var stödd í Danmörku.

Lögregla leitar að unglingsstúlku

Lögreglan leitar að Jónínu Jófríði Jóhannesdóttur, en Jónína strauk af Götusmiðjunni um klukkan 14:15 í dag og er væntanlega á leiðinni til Reykjavíkur.

Sigurður Pálsson leikskáld ársins

Sigurði Pálssyni voru veitt íslensku leiklistarverðlaunin sem leikskáld ársins á verðlaunaafhendingu Grímunnar. Sigurður hlaut verðlaunin fyrir verk sitt Utan Gátta.

Daníel Bjarnason hljómsveitarstjóri hlaut styrk

Úthlutað var úr minningarsjóði Kristjáns Eldjárns gítarleikara við athöfn í listasafni Sigurjóns Ólafssonar í dag á afmælisdegi Kristjáns. Þetta er í annað skiptið sem úthlutað er úr sjóðnum.

Hvað ef Sigurjón svíkur Sigurjón?

Óhefðbundin lántaka Sigurjóns Árnasonar í einkalífeyrissjóði hans sjálfs veltir upp ýmsum spurningum, til dæmis hvað gerist standi hann ekki skil á láninu.

Mikilvægt að skera úr um staðgöngumæðrun

Ragnheiður Elín Árnadóttir, þingkona Sjálfstæðisflokksins, segir mikilvægt að ákvörðun liggi fljótlega fyrir um heimild kvenna til að fá konur til að ganga með börn fyrir sig, þar sem lífræðileg klukka tifi á fólk sem vill nýta sér þetta ráð til barneigna.

26 mál á borði sérstaks saksóknara

Tuttugu og sex mál eru komin inn á borð til sérstaks saksóknara. Flest eru málin umfangsmikil þar sem um er að ræða verulega fjárhagslega hagsmuni.

Gunnar Birgisson: Fórnarlamb skipulagðra ofsókna

Undanfarnir dagar nálgast brjálæði í ofsóknum segir Gunnar Birgisson sem telur að Samfylkingin hafi skipulagt samsæri gegn sér. Hann ætlar að láta af embætti sem bæjarstjóri í Kópavogi en segir ósanngjarnt að hann sé dæmdur fyrir viðskipti bæjarins við fyrirtæki dóttur sinnar.

Skattahækkanir afla tíu milljarða á árinu

Skattar og gjöld verða hækkuð um tíu milljarða og skorið verður niður og sparað fyrir sömu upphæð á þessu ári samkvæmt frumvarpi sem lagt verður fram á Alþingi á fimmtudag. Átta prósenta skattur verður lagður á tekjur umfram sjö hundruð þúsund á mánuði.

Hafa þungar áhyggjur af lækkandi lánshæfismati

InDefence hópurinn hefur sent frá sér yfirlýsingu þar sem hann lýsir áhyggjum vegna niðurstöðu greiningar Íslandsbanka um hugsanlega lækkun á lánshæfismati ríkissjóðs Íslands vegna Icesave skuldbindingar. Magnús Árni Skúlason, einn forvsvarsmanna InDefence, undirstrikar þetta í samtali við Vísi.