Belginn talinn hafa náð að losa handjárnin

Gilles Romain Chaterine Classens, 21 árs gamall Belgi sem slapp frá lögreglunni á Suðurnesjum í gær er talinn hafa náð að losa handjárn sem hann var í þegar lögregla flutti hann á Heilbrigðisstofnun Suðurnesja í myndatöku. Belginn var handtekinn í Leifsstöð grunaður um að hafa fíkniefni innvortis. Hann játaði brot sitt en slapp þegar flytja átti hann í svokallaða gegnumlýsingu. Gilles var á flótta í tólf tíma en var síðan handtekinn í morgun.

Gunnar Þ. Andersen nýr forstjóri FME

Gunnar Þ. Andersen, framkvæmdastjóri, hefur verið ráðinn forstjóri Fjármálaeftirlitsins. Starfsfólki stofnunarinnar var kynnt þessi ákvörðun viðskiptaráðherra fyrir stundu. Gunnar hefur starfað hjá Tryggingastofnun ríkisins frá 2006, fyrst sem forstöðumaður eftirlits en nú síðast sem framkvæmdastjóri Þróunar- og greiningarsviðs og staðgengill forstjóra.

Segir brjálað að gera á fasteignamarkaðnum

Í síðasta mánuði voru gerðir 149 kaupsamningar á höfuðborgarsvæðinu sem er töluverð aukning frá því sem verið hefur. Þar af var fasteignasalan Remax Lind með 32 samninga sem er 30% aukning á milli mánaða. Hannes Steindórsson sölumaður fasteigna hjá Remax Lind segir apríl hafa byrjað af krafti og í raun sé brjálað að gera. Verðin hafa farið niður og markaðurinn er að átta sig á því.

Lýðræðishreyfingin býður Magnús Ólafsson velkominn

Ekki er farið í manngreinarálit hjá xP Lýðræðishreyfingunni. Hjá xP eru allir velkomnir. Það eru síðan kjósendur sjálfir sem velja sína þingmenn af lista xP í persónukjöri og engin önnur uppröðun fer fram á listum Lýðræðishreyfingarinnar.

Níu í fangageymslum eftir erilsama nótt

Óvenjumikill erill var hjá lögreglunni á höfuðborgarsvæðinu í gærkvöldi og fram á nótt vegna ölvunar og óspekta og gista níu manns fangageymslur. Fleiri voru teknir úr umferð tímabundið, en sleppt þegar þeir höfðu róast.

Tekinn á 150 á Sæbraut

Lögregla stöðvaði 19 ára ökumann í nótt, eftir að hann hafði mælst á liðlega 150 kílómetra hraða á Sæbraut, þar sem hámarkshraði er 60 kílómetrar á klukkustund. Hann stöðvaði bílinn ekki alveg strax, en dró úr hraða og nam loks staðar á Reykjanesbraut í Kópavogi.

Sluppu ómeiddir úr bílveltu

Tveir ungir menn sluppu ómeiddir þegar bíll þeirra valt heila veltu út af Ólafsfjarðarvegi, á móts við Hofteig, á ellefta tímanum í gærkvöldi. Hálka og krapi var á veginum þegar óhappið varð. Að sögn lögreglu voru þeir heppnir að sleppa ómeiddir miðað við ástand bílsins eftir veltuna.

Belginn gripinn í miðbæ Keflavíkur

Lögreglumenn á Suðurnesjum fundu rétt um sexleytið í morgun belgískan karlmann, sem leitað hefur verið síðan hann slapp úr höndum lögreglunnar á sjönda tímanum í gærkvöldi. Þá var verið að flytja hann á Heilbrigðisstofnun Suðurnesja til gegnumlýsingar vegna gruns um að hann væri að smygla fíkniefnum innvortis.

Vilja séra Gunnar ekki aftur

Sóknarnefnd Selfosskirkju hefur ritað biskupi Íslands bréf og óskað eftir því að séra Gunnar Björnsson snúi ekki aftur til starfa við kirkjuna. Hæstiréttur sýknaði séra Gunnar nýverið af ákæru um kynferðislega áreitni gegn sóknarbörnum sínum og hefur biskup tjáð honum að hann geti hafið störf að nýju 1. maí.

Kveður bæinn selja hús á undirverði

„Það að bærinn ætli að greiða kostnað vegna dagdvalar með hluta fasteignar­innar hlýtur að vera lögleysa,“ segir í bókun Róberts Hlöðverssonar, oddvita minnihlutans í bæjarráði Hveragerðis.

Vilja nýjan flugskóla á Keflavíkurflugvöll

Til greina kemur að höfuðstöðvar háþróaðs flugskóla verði á Keflavíkurflugvelli. Hollenskt fyrirtæki undirbýr stofnun og yrði kennt á allt frá flugdrekum upp í orrustuþotur. Á annað hundrað starfa gæti skapast á Suðurnesjum.

Prófessor telur lán til félaga starfsfólks fara gegn lögum

Lagaprófessor telur að stjórnir bankanna hafi ekki mátt lána einkahlutafélögum starfsmanna hluti í bönkum. „Ekkert verið að tengja hagsmuni starfsmanna og bankans saman,“ segir Vilhjálmur Bjarnason.

Sjósundfólki fjölgar ört

Fjöldi gesta sem stunda sjósund við ylströndina í Nauthólsvík hefur fimmfaldast á einu ári, að sögn Árna Jónssonar, deildarstjóra í útivistarmiðstöð Nauthólsvíkur.

Engin niðurstaða um gjaldeyrissamninga

Ekki hefur náðst samkomulag um framvirka gjaldeyrissamninga. Lífeyrissjóðir hafa lagt fram sáttatilboð. Fyrir þingi liggur frumvarp um afnám lögsóknarbanns gegn fjármálastofnunum. Kjalar hyggur á málsókn um leið og færi gefst.

Óttast áform um ríkisumsjá fyrirtækja

Segir forsætisráðherra sýna ábyrgðarleysi

„Forsætisráðherra sagði það afdráttarlaust að það ætti að fara í aðgerðirnar en er alveg áhyggjulaus um afleiðingarnar og það er eins óábyrgt og það getur orðið,“ segir Guðlaugur Þór Þórðarson, þingmaður Sjálfstæðisflokksins

Fjölgun starfsmanna nauðsyn

„Ég er eindregið þeirrar skoðunar að Samkeppnis­eftirlitið hafi mjög mikilvægu hlutverki að gegna á tímum eins og við lifum núna. Jafnvel meira en í góðu árferði því það skiptir miklu máli að endurreisn efnahagslífsins verði með þeim hætti að hér rísi atvinnulíf þar sem er virk og öflug samkeppni,“ segir Gylfi Magnússon viðskiptaráðherra.

Miðjumenn segjast beittir rangfærslum

Forsvarsmaður Miðjunnar ehf. sem keypti byggingarrrétt á Selfossi segir ámælis­vert að oddviti minnihlutans í bæjarstjórn, Eyþór Arnalds, segi ranglega að fyrirtækið skuldi bænum kaupverðið. Eyþór sakar bæjaryfirvöld um slóðaskap.

Verkefnin sliga ekki sýslumann enn

Þrátt fyrir að fyrir­sjáanleg sé fjölgun fjárnámsbeiðna og annarra verkefna hjá sýslumönnum var fjármagn til þeirra skorið niður í fjárlögum ársins.

Málið er í ákveðnu ferli

„Það er búið að vinna heilmikið í þessu máli og vinnsla er í gangi. Þetta er í ákveðnu ferli,“ segir Yngvi Hagalínsson, skólastjóri Hamraskóla, um eineltismálið sem greint er frá hér fyrir ofan.

Gæti seinkað opnun SPRON

MP Banki hefur ekki enn fengið svar frá Fjármála­eftirlitinu (FME) um það hvort samþykki fáist fyrir kaupum bankans á útibúaneti SPRON og Netbankanum. Samkeppniseftirlitið hefur þegar veitt undanþágu frá samkeppnislögum svo hægt sé að opna útibú SPRON.

Óþarfa stóryrði hjá Ólafi F.

Dagur B. Eggertsson borgarfulltrúi segir óþarfa af Ólafi F. Magnús­syni að viðhafa stóryrði og taka gagnrýni á kaup á Laugavegi 4 til 6 til sín eingöngu og vísar til viðtals við Ólaf í blaðinu í gær.

Segja lítil umhverfisáhrif af stækkun

Bæjarráð Reykjanesbæjar segir mjög gott að fyrirhuguð stækkun Reykjanesvirkjunar raski litlu af óhreyfðu landi. VSÓ ráðgjöf hefur unnið frummatsskýrslu um stækkun virkjunarinnar og telur Reykjanesbær skýrsluna fullnægjandi. Notast á við núverandi borplön við gerð nýrra borhola og nýta núverandi aðkomuleiðir. Stækka á stöðvarhús um tvö þúsund fermetra og byggja sjö hundruð fermetra skiljustöð mjög áþekka þeirri sem fyrir er.

Úthýst í stað húsaleigubóta

Íbúa í Dalshrauni í Hafnarfirði hefur verið gert að rýma heimili sitt innan tveggja vikna. Íbúinn hafði sótt um húsaleigubætur til bæjarins og skráningu lögheimilis í Dalshrauni. Lagði hann fram þinglýstan leigusamning máli sínu til stuðnings. Bæjaryfirvöld segja hins vegar að umrætt húsnæði sé á athafnasvæði og ekki ætlað til íbúðar.

Fallast ekki á valdaafsal Alþingis

Hart var tekist á um breytingar á stjórnar­skránni við aðra umræðu málsins á Alþingi í gær. Óánægja sjálfstæðismanna með frumvarp hinna stjórnmálaflokkanna fjögurra er megn. Hófu formaður og varaformaður flokksins gærdaginn á að útskýra viðhorf sitt á fundi með blaðamönnum. Sögðust þau geta fallist á eina grein frumvarpsins; þá er fjallar um hvernig breyta á stjórnarskránni. Annað vildu þingmenn flokksins ekki sjá að svo stöddu enda tíminn knappur fram að kosningum og vert að nýta hann til umræðna um brýnni viðfangsefni stjórnmálanna.

Bretar hefðu gripið til aðgerða gagnvart Straumi

Viðskiptanefnd krafðist skýringar á því af hverju sumum fjármálastofnunum er veitt lán á meðan aðrar eru teknar yfir. Jón Magnússon telur skýringuna þá að hagsmunir innistæðueigenda eins og Íbúðalánasjóðs hafi ráðið.

Erlendir aðilar verji krónum innanlands

Viðræður hafa staðið yfir síðan fyrir áramót um leiðir til að vinda ofan af krónustöðum erlendra aðila í Seðlabankanum.

Hlaupið hátt í 200 kílómetra

Ofurhlauparanum Ágústi Kvaran gengur vel í eyðimerkurmaraþoninu í Sahara. Hann er búinn að ljúka tveimur 30-40 kílómetra hlaupum og í fyrradag var lengsti hluti hlaupsins, rúmlega tvöfalt maraþonhlaup. Hlaupið átti að vera upp á 80,5 kílómetra en var lengt í 91 kílómetra. Hann tók þessa vegalengd á 14 klukkustundum og þremur korterum og er í 128. sæti í hlaupinu eftir þrjá fyrstu dagana.

Með maríjúana og rafbyssu

Maður á þrítugsaldri hefur verið dæmdur í fjögurra mánaða fangelsi, skilorðsbundið. Sakarefnin voru umferðarlaga- og fíkniefnabrot.

Földu fíkiefnin í niðursuðudós

Þrír karlmenn hafa verið dæmdir fyrir tilraun til að smygla inn í landið rúmu kílói af maríjúana í niðursuðudósum.

Ekki misnota stæði fatlaðra

„Fatlaðir eiga sama rétt til aðgengis og annað fólk og því er mikilvægt að þessi mál séu í sem besta lagi,“ segir í tilmælum Umferðarráðs til sveitarfélaga og umferðaryfirvalda um að bæta merkingar og aðgengi á bílastæðum fatlaðra.

Óttast mótmæli hjá atvinnulausum

„Ég er smeykur um að við séum ekki búin að sjá fyrir endann á þessu,“ segir Gísli Jökull Gíslason, ritstjóri Lögreglublaðsins, um mótmæli á Íslandi.

Sex ára drengur var stunginn og barinn

Sex ára drengur sem verið hefur í Hamraskóla í Grafarvogi frá áramótum hefur orðið fyrir hrottalegu einelti af hendi jafnaldra síns. Drengurinn hefur verið stunginn til blóðs með blýanti, barinn og klóraður. Foreldrarnir eru ráðþrota.

Íslendingar fyrstir á lappir

Gylfi Magnússon viðskiptaráðherra var bjartsýnn fyrir hönd þjóðarinnar á fundi viðskiptanefndar í gær og sagði útlit fyrir að hún myndi rísa fyrr en aðrar þjóðir upp úr kreppunni.

Skölluðu og spörkuðu

Lögreglustjórinn á Selfossi hefur ákært tvo menn fyrir líkamsárásir. Öðrum mannanna er gefið að sök að hafa skallað mann á Draugabarnum á Stokkseyri í ágúst á síðasta ári. Fórnarlambið hlaut talsverða áverka í andliti

Samkeppniseftirlit getur flýtt fyrir endurreisninni

Gylfi Magnússon viðskiptaráðherra segir dæmin sanna að ástæða sé til að styrkja samkeppnisyfirvöld á tímum efnahagsþrenginga. Forstjóri Samkeppniseftirlitsins vill fjölga starfsmönnum úr tuttugu í þrjátíu.

Gefa ný krabbameinslyf fyrsta árið á Íslandsmarkaði

Actavis hefur ákveðið að færa íslenskum sjúkrastofnunum gjöf í tilefni þess að fyrstu krabbameinslyf félagsins á stungulyfjaformi eru nú aðgengileg á Íslandi. Mun Actavis afhenda sjúkrastofnununum ársbirgðir af fimm tilteknum krabbameinslyfjum endurgjaldslaust, að fram kemur í tilkynningu. Verðmæti gjafarinnar er metið um 13til15 milljónir íslenskra króna.

Leita leiða til að tryggja rekstur Strætós

Eigendur og stjórnendur Strætó bs. ætla að tryggja áframhaldandi rekstur fyrirtæksins, segir Jórunn Frímannsdóttir stjórnarformaður Strætó bs. „Það hefur aldrei verið meiri þörf fyrir þjónustuna en núna og við munum leita allra leiða til að koma í veg fyrir frekari skerðingu á þjónustunni.“

Verið að traðka á stjórnarskránni í boði Framsóknar

Þorgerður Katrín Gunnarsdóttir, varaformaður Sjálfstæðisflokksins, sagði í umræðum á Alþingi í kvöld að ekki væri hægt að tala um málþóf þegar stjórnarskráin væri til umræðu. Hún sagði að ekki einungis aðgerðarleysi ríkisstjórnarinnar væri í boði Framsóknarflokksins heldur væri einnig verið að traðka á stjórnarskránni í boði flokksins.

Telja Íslendinga brjóta alþjóðasamninga

Framkvæmdastjórn Evrópusambandsins telur að áform Íslendinga um auknar veiðar á makríl brjóti alþjóðasamninga sem eigi að koma í veg fyrir ofveiði fiskistofna. Framkvæmdastjórnin telur að fyrirætlun Íslendinga vinni gegn frekari uppbyggingu á makrílstofninum.

„Við getum alveg eins skilið barnið okkar eftir á umferðareyju“

Sex ára drengur hefur orðið fyrir ítrekuðu ofbeldi af hálfu skólabróður síns í Hamraskóla í Grafarvogi, meðal annars verið barinn og stunginn með oddhvössum blýanti. Faðir drengsins segir skólastjórnendur hafa brugðist.

Lögreglan lýsir eftir manni

Lögreglan á Suðurnesjum lýsir manni sem slapp úr haldi lögreglunnar fyrr í dag. Hann er talinn vera í felum í Reykjanesbæ. Maðurinn er fæddur 1988, klæddur í bláar gallabuxur, brúna mokka úlpu og dökka skyrta. Hann er svarthærður með brún augu. Við leit á manninum í dag setti lögregla meðal annars upp vegatálma í grennd við Reykjanesbæ.

Boða langar umræður um stjórnarskrárfrumvarpið

Sjálfstæðismenn boða langar umræður um stjórnarskrárfrumvarp forsætisráðherra en þeir vilja að fallið verði frá öllum greinum frumvarpsins nema einni. Þeir segja að verið sé að brjóta hálfrar aldar hefð um að afgreiða breytingar á stjórnarskrá í sátt allra flokka á þingi.

Agnes: FME rannsaki bankamenn frekar en blaðamenn

Agnes Bragadóttir, blaðamaður á Morgunblaðinu, segir að Fjármálaeftirlitið ætti fremur að rannsaka bankamenn en þá sem fjalla um þá. Fjármálaeftirlitið telur að hún og annar blaðamaður Morgunblaðsins hafi brotið gegn bankaleynd. Eftirlitið átti sjálft frumkvæði að málinu. Formaður Blaðamannafélags Íslands segir þetta tilraun til að kúga blaðamenn til þagnar.

Olíuskattar Íslands draga úr áhuga á Drekaútboðinu

Áformuð skattheimta íslenskra stjórnvalda af olíuvinnslu hrekur olíufélög frá því að taka þátt í Drekaútboðinu. Þetta segir forstjóri norsks olíufélags sem spáir því að umsækjendur verði teljandi á fingrum annarrar handar þegar fresturinn rennur út þann 15. maí.