Leitar upplýsinga um alla Breiðavíkurdrengi

Þór Jónsson upplýsingafulltrúi Kópavogsbæjar segir að samvinna hans og Breiðavíkurdrengsins Guðmundar Gissurarsonar hafi leitt til þess að nú sé leitað að upplýsingum um alla þá sem voru á Breiðuvík í gögnum Kópavogsbæjar.

Björn Ingi: Ákvörðun tekin til að skapa sátt um Orkuveituna

Björn Ingi Hrafnsson, formaður borgarráðs, segir að ákvörðun um að hafna samruna Reykjavík Energy Invest og Geysis Green Energy, sé tekin til þess að skapa frið um málefni OR eftir miklar deilur um lögmæti eigendafundarins og 20 ára samningsins.

Farið fram á farbann yfir grunuðum í nauðgunarmáli

Mennirnir tveir sem sitja í gæsluvarðhaldi grunaðir um nauðgun á Selfossi á laugardag verða leiddir fyrir dómara í dag til þess að gefa staðfestan framburð. Þá er einn maður til viðbótar grunaður um tilraun til nauðgunar.

Full efni til þess að hafna samrunanum

„Við teljum að það séu full efni til þess að hafna samrunanum á þeim forsendum sem við blasa," segir Svandís Svavarsdóttir, oddviti Vinstri - grænna í borgarstjórn og formaður stýrihóps um málefni Reykjavik Energy Invest.

Kynlífsþrælkun til umræðu í Norðurlandaráði

Goðsögnin um hamingjusömu hóruna er ekki sönn, það verður að koma í veg fyrir kynlífsþrælkun og vændiskaup á Norðurlöndum. Þetta sagði sænski þingmaðurinn Monica Green úr flokkahópi jafnaðarmanna í Norðurlandaráði. Að hennar mati er margt sem við getum verið ánægð með á Norðurlöndum.

Stjórnsýsluúttektin verði unnin fljótt og vel

„Við lítum á þetta sem fyrsta skrefið í ferlinu en málinu er ekki lokið,“ segir Gísli Marteinn Baldursson um ákvörðum borgarráðs sem í dag ákvað að hafna samruna Reykjavík Energy Invest og Geysi Green Energy. „Það reið á að borgin sýndi það í verki að henni líkaði ekki við það hvernig að þessum málum var staðið. Það er lykilatriði í þessu máli öllu að vilji borgarráðs og borgarstjórnar lá aldrei fyrir í málinu.“

FL Group tjáir sig ekki að svo stöddu

Halldór Kristmannsson, forstöðumaður upplýsingasviðs FL Group, segir í samtali við Vísi að félagið, sem er stærsti hluthafinn í Geysi Green Energy, muni ekki tjá sig um ákvörðun Borgarráðs um að hafna samrúna REI og GGE að svo stöddu.

Vonar að ákvörðun borgarráðs hægi ekki á orkuútrás

Össur Skarphéðinsson iðnaðarráðherra segist vona að sú ákvörðun borgarráðs að hafna samruna Reykjavik Energy Invest og Geysis Green Energy verði ekki til þess að hægja á útrás íslenskra fyrirtækja í orkumálum. Hann segir þetta mál borgarstjórnar en hann eigi ekki von á ákvörðunin dragi úr útrásinni.

Upplýsingafulltrúi REI: Bjóst við þessari ákvörðun

Hafliði Helgason, upplýsingafulltrúi REI, segir í samtali við Vísi að REI muni skoða sín mál miðað við breyttar forsendur eftir að borgarráð ákvað að hafna samruna REI og Geysis Green Energy á fundi sínum í morgun.

Stýrivextir komnir undir 4% árið 2009

Seðlabankinn skýrir 45 punkta hækkun stýrivaxta með því að útlit sé fyrir meiri verðbólgu á þessu ári og næsta en gert hafi verið ráð fyrir í fyrri spám. Stýrivaxtaferillinn hafi ekki dugað til að vinna bug á verðbólgu og draga úr verðbólguvæntingum.

Borgarráð samþykkir að hafna samruna REI og GGE

Samþykkt var einróma á fundi borgarráðs í morgun að hafna samruna Reykjavík Energy Invest, útrásararmi Orkuveitunnar, og Geysis Green Energy. Það var Svandís Svavarsdóttir, formaður stýrihóps sem skoðað hefur REI-málið, sem lagði tillöguna fram.

Meint verðsamráð rætt á Alþingi

Þingmenn úr öllum flokkum kvöddu sér hljóðs við upphaf þingfundar í dag til þess aðræða fréttir af meintu verðsamráði matvöruverslana hér á landi. Allir voru þingmennirnir sammála um að ef fréttirnar reynast réttar sé um grafalvarlegt mál að ræða. Stjórnarandstöðuþingmenn deildu á fjársvelti hjá samkeppnisyfirvöldum og stjórnarþingmenn sögðu að ríkistjórninni væri sérstaklega umhugað um neytendamál.

Konur með lægri laun en karlar á þingi

Þingkonur á Alþingi eru að meðaltali með nærri sex prósentum lægri laun en karlar á þingi þegar horft er til þeirra þingmanna sem ekki eru ráðherrar. Þettta kemur fram í fréttabréfi Samtaka atvinnulífsins. Þar segir að meðallaun karlkyns þingmanna séu rúmlega 602 þúsund krónur en meðallaun kvenkyns þingmanna rúmlega 34 þúsund krónum lægri á mánuði.

Fyrsta útkallið þegar komið vegna rjúpnaveiðimanna

Fyrsta útkallið á rjúpnaveiðitímabilinu er þegar komið og það aðeins átta stundum eftir að tímabilið hófst.

Spurning hvenær olíuverðið dregur úr sókn útgerða

"Það fer að verða spurning hvenær síhækkandi olíuverð muni draga úr sókn útgerða í ákveðnar tegundir," segir Friðrik Arngrímsson framkvæmdastjóri LÍÚ í samtali við Vísir. "Í því sambandi má nefna orkufrekar veiðar eins og til dæmis kolmunnann. Við ákveðnar aðstæður nú er stutt í að þær borgi sig ekki vegna olíuverðsins."

Nærri tíu umsækjendur um hverja lóð í Reynisvatnsási

650 umsóknir bárust framkvæmdasviði Reykjavíkurborgar vegna 69 lóða í Reynisvatnsási. Umsóknarfrestur um lóðir rann út í gær og gat hver umsækjandi sótt um að fá úthlutað einni lóð.

Kærður fasteignasali undrast ásakanir

Erna Valsdóttir löggiltur fasteignasali undrast ásakanir Andrésar Pétur Rúnarsson. L 94, félag í eigu Andrésar, hefur kært Ernu til eftirlitsnefndar Félags Fasteignasala. Andrés sakar Ernu um að hafa í heimildarleysi haldið eftir greiðslum upp í ógreiddan reikning, vegna sölu fasteignar og kaupsamnings, sem gerður var fyrir L-94 ehf.

Vill að borgin kaupi brunalóð

Dagur B. Eggertsson borgarstjóri hyggst leggja fram tillögu á fundi borgráðs sem nú er hafinn um að borgin kaupi hornlóð Lækjargötu og Austurstrætis en húsin þar skemmdust sem kunnugt er mjög mikið í bruna í vor.

Brotist inn í Odda í nótt

Lögreglan handsamaði tvo menn eftir að þeir höfðu brotist inn í prentsmiðjuna Odda við Höfðabakka um klukkan hálf fjögur í nótt. Þýfi fannst í fórum þeirra og er verið að yfirheyra þá. Þá er verið að kanna hvort þeir hafi ef til vill fleiri innbort á samviskunni í nótt. Það voru öryggisverðir sem gerðu lögreglu viðvart um athæfi mannanna.-

Rjúpnaveiðitímabilið hefst í dag

Rjúpnaveiðitímabilið hefst í dag og stendur í samtals átján daga til þrítugasta nóvember. Veiði er bönnuð mánudaga, þriðjudaga og miðvikudaga. Þá er mælst til þess að hver veiðimaður veiði ekki nema sex til sjö rjúpur og að heildarveiðin verði ekki nema 38 þúsund fuglar.

Helmingur ók of hratt

Brot átta ökumanna voru mynduð á Hofsstaðabraut á móts við Hörgslund í Garðabæ í dag. Lögreglan hélt uppi eftirliti í götunni eftir að íbúar höfðu bent á tíðan hraðakstur.

Díselolían aldrei verið dýrari

Stóru olíufélögin þrjú hafa hækkað verð á bensíni um 1.50 krónur og díselolíuna um 2 krónur á lítra sem gerir það að verkum að díselolía hefur aldrei verið dýrari hér á landi og bensínverð ekki farið hærra á þessu ári.

Tveir látnir lausir í nauðgunarmálinu á Selfossi

Sakbending fór fram í dag í nauðgunarmálinu á Selfossi og gekk hún greiðlega að sögn lögreglu. Niðurstöður verða þó ekki gerðar opinberar að svo stöddu. Hinir grunuðu eru allir pólskir ríkisborgarar og í dag var tveimur þeirra sleppt úr haldi. Þar á meðal er maðurinn sem handtekinn var í gær.

Hagar hafna ásökunum um verðsamráð og íhuga réttarstöðu sína

Finnur Árnason, forstjóri Haga hf, segir fyrirtækið hafna alfarið þeim ásökunum sem komu fram í fréttum RÚV í dag þess efnis að Bónus og Krónan eigi með sér ólöglegt verðsamráð. Hann segir um alvarlegar aðdróttanir að ræða og að Hagar muni íhuga réttarstöðu sína vegna málsins.

Ingibjörg Sólrún vill fjölga sendiráðsmönnum í Brussel

Ingibjörg Sólrún Gísladóttir, utanríkisráðherra, vill fjölga í sendiráði Íslands í Brussel svo stjórnvöld geti betur staðið vaktina gagnvart Evrópusambandinu.

Óvíst um viðbrögð umboðsmanns

Ekki liggur fyrir hvort umboðsmaður Alþingis sendi frá sér álit vegna Reykjavik Energy Invest, en borgarlögmaður segir stjórn Orkuveitunnar geta stofnað dótturfélög án heimildar eigenda hennar.

Hjólin tekin að snúast á ný á Flateyri

Fiskvinnslan Eyraroddi hefur fest kaup á sjö hundruð tonnum af þorski á alþjóðlegum mörkuðum og er vinnsla komin í fullan gang á ný á Flateyri.

Lóð Glitnis á Kirkjusandi margfaldast í verði

Lóð Glitnis á Kirkjusandi, þar af stór hluti sem bankinn keypti af Reykjavíkurborg, hefur margfaldast í verði á þeim átján mánuðum sem liðnir eru frá kaupum bankans á hlut borgarinnar. Lóðin í heild er metin á rúma þrjá milljarða króna sem er um 10 prósent af hagnaði bankans á fyrstu níu mánuðum ársins.

20 manns sagt upp á Norðurlandi

Öllum starfsmönnum starfsstöðvar Malarvinnslunar á Egilsstöðum í Mývatnssveit, tíu að tölu, var sagt upp í dag. Formaður Verkalýðsfélags Húsavíkur og nágrennis fundaði í gærkvöldi með trúnaðarmanni og eigendum fyrirtækisins vegna málsins.

Norðurlöndin úr NATO

Norðurlöndin sem aðild eiga að NATO ættu að segja sig sameiginlega úr NATO. Nýtt NATO vinnur að mestu að hernaðarlegum verkefnum í fjarlægum löndum, sem eru verkefni sem fyrst og fremst gagnast hernaðarlegum hagsmunum Bandaríkjanna. Þetta sagði Steingrímur Sigfússon, formadur Vinstri hreyfingarinnar græns frambods, í umræðum með forsætisráðherrum Nordurlandanna á þingi Norðurlandaráðs í Ósló i gær.

Leggur til breytingar á lífeyriskjörum æðstu embættismanna

Lífeyriskjör alþingismanna, ráðherra og hæstaréttardómara verða þau sömu og lífeyriskjör annarra ríkisstarfsmanna samkvæmt frumvarpi sem nú hefur verið lagt fram á Alþingi. Flutningsmaður frumvarpsins er Valgerður Bjarnadóttir.

Hátt í fjögur þúsund nöfn í undirskriftarsöfnun

Hátt í fjögur þúsund undirskriftir hafa safnast í átaki sem Hannes Friðriksson, íbúi í Reykjanesbæ, hóf í gær vegna málefna Hitaveitu Suðurnesja. Hannes segist hafa fundið fyrir sterkum viðbrögðum og að Hafnfirðingar, sem einnig eiga hlut í Hitaveitunni, hafi einnig lýst vilja til að taka þátt í undirskriftarsöfnuninni.

Þóra í Atlanta fær hálfa milljón

Eiríkur Jónsson blaðamaður var í dag dæmdur í Héraðsdómi Reykjavíkur fyrir meiðyrði í garð Þóru Guðmundsdóttur í Atlanta og dæmdur til þess að greiða henni 500 þúsund krónur í skaðabætur.

Flugmálayfirvöld hætta að útbýta pokum undir vökvaílát

Flugvallaryfirvöld á Keflavíkurflugvelli hafa hætt að dreifa plastpokum undir vökvaílát í handfarangri og verður það nú í höndum verslana Flugstöðvarinnar að útvega flugfarþegum þá.

Árekstur við Hellisheiðarvirkjun

Harður árekstur varð á veginum við Hellisheiðarvirkjun laust fyrir klukkan fjögur í dag. Kona á fólksbíl blindaðist af sól með þeim afleiðingum að hún keyrði beint á kyrrstæðan vörubíl.

Ekið á stúlku á Grensásvegi

Ekið var á stúlku á Grensásvegi um fjögurleytið í dag. Lögregla og sjúkraliðar eru enn á staðnum en stúlkan slasaðist við ákeyrsluna.

Umdeilt heimili fyrir heimilislausa opnað - Nágrannar á Njálsgötu ánægðir

"Þetta hefur allt gengið mjög vel," segir Hildigunnur Halldórsdóttir fiðluleikari og íbúi við Njálsgötu en hún býr beint á móti nýopnuðu heimili fyrir heimilislausa í götunni. Óhætt er að segja að heimilið sé afar umdeilt en margir íbúar við Njálsgötu mótmæltu því harðlega að það yrði opnað á sínum tíma.

Ráðherrar hafa áhyggjur af bráðnun hafíss

Umhverfisráðherrar Norðurlanda hafa áhyggjur af því hversu hratt hafís á Norðurslóðum bráðnar. Ráðherrarnir ræddu þessa þróun á fundi sínum í Ósló í dag sem haldinn var í tengslum við Norðurlandaráðsþing.

Nýr framkvæmdastjóri Bændasamtakanna

Eiríkur Blöndal hefur verið ráðinn framkvæmdstjóri Bændasamtaka Íslands frá og með áramótum. Hann tekur við starfinu af Sigurgeir Þorgeirssyni sem nýverið var skipaður ráðuneytisstjóri í sameinuðu sjávarútvegs- og landbúnaðarráðuneyti.

Einkaþotuflugmaður ósáttur með Icelandair

„Þeir virðast leyfa sér að færa skilrúmið aftur fyrir sæti í almennu farrými og selja þau síðan sem sæti á Buisness Class,“ segir Egill Örn Guðmundsson sem er allt annað en sáttur með flugferð sína með Icelandair til London í morgun.

Halldór Ásgrímsson í ritdeilum í Danmörku

"Ég talaði fyrir því sem utanríkis- og forsætisráðherra Íslands að Ísland tæki skref í átt að ESB. Evrópskt samstarf er mikilvægt og það er samhljómur með Norðurlöndum og Evrópu.

SBV mátti auglýsa könnun á þjónustugjöldum

Áfrýjunarnefnd neytendamála hefur fellt úr gildi úrskurð Neytendastofu frá í sumar þess efnis að Samtök banka og verðbréfafyrirtækja hefðu brotið lög með því að auglýsa í sjónvarpi niðurstöður könnunar á þjónustugjöldum norrænna banka.

Þjóðverjar vita lítið um Ísland

Þekking Þjóðverja á Íslandi er takmörkuð ef marka má könnun sem flugfélagið Iceland Express lét gera í Þýskalandi fyrir skemmstu. Nærri helmingur aðspurðra töldu að Íslendingar væru á bilinu 900 þúsund til 1,5 milljón.

Nýtt met í fjölda ferðamanna í einum mánuði

Ferðamenn sem heimsóttu landið í einum mánuði fóru í fyrsta sinn yfir áttatíu þúsund í sumar og það bæði í júlí og ágúst. Fram að því var mesti fjöldi í einum mánuði tæplega 70 þúsund ferðamenn, í ágúst 2006.

Telur Hverahlíðarvirkjun ekki hafa umtalsverð umhverfisáhrif

Umhverfisstofnun telur ekki að Hverahlíðarvirkjun, sem ætlunin er að reisa á Helliheiði, muni hafa umtalsverð umhverfisáhrif í för með sér. Þetta kemur fram í umsögn stofnunarinnar um mat á umhverfisáhrifum virkjunarinnar.