Velti nær fjórfalt meira en fyrir ári

Hlutabréf seldust fyrir nær fjórum sinnum hærri upphæð í Kauphöll Íslands fyrstu þrjá mánuði þessa árs en á fyrsta fjórðungi síðasta árs. Alls jókst veltan í Kauphöllinni um nær 160 prósent.

Fella niður takmarkanir við för launafólks

Ríkisstjórnin hefur ákveðið að fella niður takmarkanir á frjálsri för launafólks frá átta Austur-Evrópuríkjum sem fengu aðild að Evrópusambandinu 1. maí 2004.

Varar Íslendinga við erfðatækninni

Hættan sem mönnum getur stafað af erfðabreyttum matvælum og lyfjum hefur ekki verið útilokuð. Þetta segir fyrrverandi umhverfisráðherra Breta sem staddur er hér á landi. Hann varar Íslendinga við því að taka upp slíka tækni í landbúnaði og lyfjaframleiðslu.

TF-SIF sótti slasaða konu

TF-SIF þyrla Landhelgisgæslunnar er nýlent við Landsspítala-Háskólasjúkrahús í Fossvogi með konu sem slasaðist í umferðarslysi rétt sunnan við Laugarvatn.

Lífeyrisgreiðslurnar tvöfaldast

Lífeyrisgreiðslur lífeyrissjóðanna til hvers lífeyrisþega eiga eftir að tvöfaldast á næstu þremur áratugunum, samkvæmt nýrri skýrslu sem unnin var fyrir Samtök atvinnulífsins. Heildargreiðslur sjóðanna eiga eftir að fimmfaldast á sama tímabili.

Úrvalsvísitalan lækkar

Úrvalsvísitalan í Kauphöllinni hefur lækkað um tæp 3% í morgun vegna umtalsverðrar lækkunar á hlutabréfum í þónokkrum fyrirtækjum.

Tveggja manna leitað vegna árásar á 19 ára stúlku

Lögreglan í Reykjavík leitar enn tveggja manna sem 19 ára stúlka segir að hafi ráðist á sig á Vesturlandsvegi í fyrrinótt og reynt að nauðga sér.

Sýknaður af ákæru um kynferðislega misnotkun

Héraðsdómur Norðurlands vestra hefur sýknað karlmann af ákæru um kynferðislega misnotkun gagnvart stúlku.

Utankjörfundaratkvæðagreiðsla hafin

Utankjörfundaratkvæðagreiðsla vegna sveitarstjórnarkosninganna í vor hófst í gær. Kosningarnar fara fram 27. maí næstkomandi

Ísland kynnt sem ráðstefnuland

Ísland var kynnt sem ráðstefnuland á Íslandskynningu í sendiráðsbústaðnum í Osló síðastliðinn fimmtudag. Það voru Rástefnuskrifstofa Ísland sem stóð fyrir kynningunni í samvinnu við Ferðamálastofu, Icelandair og Sendiráð Íslands í Osló.

Fartölvu stolið í Keflavík

Brotist var inn í fyrirtæki í Grófinni í Keflavík í nótt og þaðan stolið fartölvu. Vegfarandi sá til tveggja dökkklæddra manna á harða hlaupum í grennd við fyrirtækið og lét lögreglu vita, en þeir komust undan. Talið er að þeir hafi verið eldsnöggir á vettvangi.

Bílvelta á Hellisheiði

Tveir sluppu ómeiddir og einn meiddist lítillega þegar bíll valt á Hellisheiði í gærkvöldi. Þar var krapi á veginum. Þá valt bíll við Ytri Bægisá í Hörgárdal í gærkvöldi. Ökumaður slapp ómeiddur en er grunaður um ölvun.

Hálka og hálkublettir víða á þjóðvegum landsins

Hálka og hálkublettir eru víða á þjóðvegum landsins. Hálka er víða á Suðurlandi og snjóþekja er á Hellisheiðinni og í Þrengslum. Þá er einning hálka og snjóþekja víða á Vesturlandi og hálka eða hálkublettir eru víða á Vestfjörðum, Nirðurlandi og á Austurlandi. Ófært er um Öxi.

Réðust að stúlku og reyndu að nauðga henni

Lögreglan í Reykjavík leitar enn tveggja manna sem réðust á 19 ára stúlku á Vesturlandsvegi í fyrrinótt, óku með hana í bíl hennar upp á Hafravatnsveg og reyndu þar að nauðga henni. Stúlkan braust um og endaði bíllinn utan vegar í átökunum, en við það lögðu mennirnir á flótta.

Ákærur gefnar út í 19 af 32 ákæruliðum

Sigurður Tómas Magnússon, sérstakur saksóknari í Baugsmálinu, hefur ákveðið að gefa út ákæru í 19 af þeim 32 ákæruliðum sem Hæstiréttur vísaði frá dómi í október síðastliðnum. Þrír eru ákærðir, Jón Ásgeir Jóhannesson, Tryggvi Jónsson og Jón Gerald Sullenberger sem nú er í fyrsta sinn ákærður fyrir aðild að málinu.

Nú ákært í 19 af 32 liðum sem Hæstiréttur vísaði frá

Sérstakur saksóknari í Baugsmálinu hefur endurútgefið 19 af þeim 32 liðum upphaflegrar ákæru, sem Hæstiréttur Íslands vísaði frá dómi hinn 10. október sl. Að þessu sinni eru þrír ákærðir, Jón Gerald Sullenberger, Jón Ásgeir Jóhannesson og Tryggvi Jónsson. Ákæran verður þingfest fimmtudaginn 27. apríl nk. Jón Ásgeir segir í yfirlýsingu sem hann sendi frá sér í kvöld að ákvörðun um nýjar ákærur virðist hafa verið tekin þegar í upphafi. Orð dómsmálaráðherra um að dómstólar skyldu hafa síðasta orðið í málinu, hafi nú fengið merkingu í reynd enda ljóst að hinn sérstaki saksóknari hefði fengið skýr skilaboð til framkvæmda.

Kannar hvort breyta þurfi jarðalögum vegna uppkaupa

Guðni Ágústsson landbúnaðarráðherra ætlar að kanna hvort breyta þurfi jarðalögum og taka upp einhvers konar ábúðarskyldu til þess að koma í veg fyrir að efnamenn kaupi upp jarðir úti á landi sem dragi hugsanlega úr möguleikum bænda til búskapar. Þetta kom fram í fyrirspurnartíma á Alþingi í dag.

Ítrekaði að taka bæri upp atvinnuveiðar

Sjávarútvegsráðherra ítrekaði í dag þá skoðun sína að taka bæri upp hvalveiðar í atvinnuskyni. Hann sagði Íslendinga í samkeppni við hrefnuna um nytjastofna við landið og að hvalveiðar væru forsenda þess að hægt væri að byggja upp stofnana.

Bílvelta í Öxnadal

Lögreglan á Akureyri er nú á leiðinni til að aðstoða ökumann sem missti bíl sinn út af veginum í Öxnadal. Ökumaður var einn í bílnum en segist ekki vera slasaður. Lögreglan segir að ís og hálku hafi tekið upp að mestu leyti í dag en að nú sé byrjað að frjósa á ný og hálkan komin aftur.

Bíll út af á Hellisheiði

Bíll fór út af veginum á Hellisheiði í kvöld. Fernt var í bílnum en þau slösuðust ekki alvarlega. Bíllinn er hins vegar óökufær. Hálka er nú á Heiðinni þegar vætan frá í dag frýs á veginum og eru ökumenn því beðnir um að fara varlega.

Ofgnótt járns í heyi tengt riðu í sauðfé

Sterkar vísbendingar eru um að magn járns og annarra snefilefna í heyi geti haft áhrif á riðu í sauðfé. Þetta kemur fram í rannsókn íslenskra vísindamanna undir stjórn Þorkels Jóhannessonar.

Aðstandendur og vistmenn styðja aðgerðir

Aðstandendafélag vistmanna á Hrafnistu auk vistmanna sem NFS ræddi við styðja heils hugar aðgerðir og kröfur ófaglærðra starfsmanna þrátt fyrir óhagræði sem það kunni að hafa í för með sér fyrir íbúa á hjúkrunar- og dvalarheimilum.

Eiríkur nýr upplýsingafulltrúi OR

Eiríkur Hjálmarsson, fyrrverandi fréttamaður og núverandi aðstoðarmaður borgarstjórans í Reykjavík, hefur verið ráðinn upplýsingafulltrúi Orkuveitu Reykjavíkur.

Ísland verði þúfan sem velti þungu hlassi

Kreppudans íslensku krónunnar gæti verið fyrsta vísbending um harkalegt samdráttarskeið á heimsvísu. Þetta er álit Julian Jessop, bresks fjármálasérfræðings sem telur að á Íslandi sé að birtast fyrsta dæmið um keðjuverkandi áhrif til lækkunar á skuldabréfum, hlutabréfum og leiði jafnvel til þess að fasteignaverðsbólan springi víða um heim.

Sinubruna má líkja við hamfarir

Sinubruna eins og varð á Mýrum má líkja við hamfarir að mati sérfræðings. Lífríki undir sinunni skaðast einnig en allt að hundrað þúsund smádýr hafa við á hverjum fermetra lands.

Viðbótarstækkun Norðuráls á Grundartanga verður flýtt

Ákveðið hefur verið að flýta viðbótarstækkun Norðuráls á Grundartanga en verkefnið mun auka framleiðslugetu álversins úr 220.000 tonnum á ári í 260.000 tonn.

Óttast ekki andstöðu við frumvarpið

Valgerður Sverrisdóttir iðnaðarráðherra segist bjartsýn á að frumvarp hennar um stofnun Nýsköpunarmiðstöðvar verði að lögum núna í vor. Þetta segir hún þrátt fyrir að allir fulltrúar Sjálfstæðisflokksins í iðnaðarnefnd Alþingis geri athugasemdir við frumvarpið.

Maður féll af hestbaki austan við Selfoss

Maður féll af hestbaki austan við Selfoss í dag. Hann var fluttur á slysadeild Landspítala- háskólasjúkrahúss til rannsókna en ekki er vitað með líðan hans. Þá valt bíll í Flóanum um áttaleitið í morgun en ökumaður sem var einn í bílnum var fluttur á Heilbrigðisstofnun Suðurlands til aðhlynningar.

Ástand baðvatns lakara í fyrra en árin tvö á undan

Ástand baðvatns í sundlaugum og heitum pottum á landinu var slakara í fyrra en árin tvö á undan. Þetta kemur fram í ársskýrslu Umhverfisstofnunar.

Harður árekstur á Laugarvatnsvegi

Árekstur varð milli sendiferðarbíls og vörubíls á Laugarvatnsvegi rétt fyrir klukkan tvö í dag. Tildrög slyssins eru óljós en vörubíllinn valt út fyrir vef og beita þurfti klippum til að ná ökumanninum út.

Eldur í íbúðarhúsi að Hallgilsstöðum í Fnjóskadal

Allt tiltækt slökkvilið á Akureyri og í Þingeyjarsveit er nú á bænum Hallgilsstöðum í Fnjóskadal þar sem íbúðarhús stendur í ljósum logum. Að sögn lögreglunnar á Húsavík er húsið alelda og litlar líkur taldar á að hægt verði að bjarga munum úr því. Enginn var inni í húsinu þegar eldurinn kom upp og ekki er vitað hver eldsupptökin voru.

Íslenska Reyka vodkað söluhæsta vodkategundin í Fríhöfninni

Íslenska Reyka vodkað var söluhæsta vodkategundin í Fríhöfninni í Flugstöð Leifs Eiríkssonar í febrúarmánuði. Aldrei hefur nokkur vodkategund selst eins vel í Fríhöfninni og á svona stuttum tíma.

Keyrt á stúlku við Dunhaga

Keyrt var á stúlku í Dunhaga við Hagaskóla á níunda tímanum í morgun. Stúlkan, sem er fædd árið 1991, fór sjálf til skólahjúkrunarfræðings en hún var með áverka á höfði og hné. Stúlkan var síðan flutt á slysadeild til skoðunnar en ekki er vitað um líðan hennar.

Bandaríkjamenn hefja niðurrif í vikunni

Fjölmennt lið Bandaríkjamanna, sem er sérþjálfað í niðurrifi herstöðva, kemur hingað til lands í vikunni til að rífa niður stjórnstöðvar hersins og fleira. Samkvæmt heimildum fréttastofunnar er um að ræða allt að 200 manna lið, sem meðal annars mun rífa niður tvær af þremur stjórnstöðvum hersins á Keflavíkurflugvelli.

Bjartsýn á að frumvarpið verði að lögum

Valgerður Sverrisdóttir iðnaðarráðherra segist bjartsýn á að frumvarp hennar um Nýsköpunarmiðstöð verði að lögum í vor. Þetta sagði hún í fyrirspurnatíma á Alþingi í dag. Valgerður svaraði þá fyrirspurn Jóhanns Ársælssonar, þingmanns Samfylkingar, sem taldi að hún hefði stefnt í voða samkomulagi sem hafi verið að myndast um byggðastefnu.

Tveir ökumenn mældust á 155 og 150 km hraða

Tveir ökumenn mældust á 155 og 150 km hraða á Suðurlandsvegi í vikunni en þar er 90 km hámarkshraði. Þá voru fimm aðrir ökumenn einnig stöðvaðir fyrir of hraðan akstur á sömu slóðum. Þá valt jeppi á Sólheimaheiði. Ökumaður hans hlaut höfuðmeiðsl og var fluttur með sjúkrabifreið til Reykjavíkur. Bíll hans er ónýtur eftir veltuna.

Icelandair Cargo tekur fjórðu fraktvélina í notkun

Icelandair Cargo, dótturfélag Icelandair Group, fékk fjórðu Boeing 757-200 fraktvél félagsins til landsins um helgina. Flugvélin er leigð til sex ára en henni var breytt úr farþegarflugvél í Bandaríkjunum.

Forsætisráðherra í opinbera heimsókn til Færeyja

Halldór Ásgrímsson forsætisráðherra heldur til Færeyja næstkomandi miðvikudag í opinbera heimsókn í boði þarlendra yfirvalda. Forsætisráðherra fer fyrir fjölmennri viðskiptanefnd til Færeyja og er mikill áhugi er sagður vera fyrir ferðinni hjá forsvarsmönnum íslensks atvinnulífs.

Mikið um umferðarlagabrot

Frá hádegi á föstudaginn til mánudagsmorguns hafði lögreglan í umdæmi Álftaness, Garðabæ og Hafnarfirði afskipti af 48 ökumönnum vegna brota á umferðarlögum. Þar af voru 29 ökumenn kærðir fyrir hraðakstur og fimm ökumenn voru stöðvaðir vegna gruns um ölvun við akstur. Þá voru fimm umferðaróhöpp tilkynnt um heldina en þau voru öll slysalaus.

Kærum vegna ölvunar á almannafæri fjölgar á Selfossi

Kærum vegna ölvunnar á almannafæri hefur fjölgað upp á síðkastið hjá Lögreglunni á Selfossi. Þá hefur kærum þar sem menn ólhlýðnast fyrirmælum lögreglu einnig fjölgað en eitt slíkt mál kom upp á Selfossi aðfaranótt sunnudags þar sem maður hafði í frammi ósæmilega hegðun og sló til lögreglumanns.

Stefnir í setuverkfall í vikunni

Ekkert hefur þokast í kjarabaráttu ófaglærðs starfsfólks á dvalarheimilum aldraðra. Það stefnir því allt í tveggja sólarhringa setuverkfall síðar í vikunni.

Bæjarstjórn Borgarbyggðar þakkar góða framgöngu í slökkvistarfi

Bæjarstjórn Borgarbyggðar þakkar öllum þeim sem komu að slökkvistarfi á Mýrum fyrir ósérhlífni og ómetanlega framgöngu. Í fréttatilkynningu frá Bæjarstjórn Borgarbyggðar segir að með öflugri framgöngu og góðu samstarfi slökkviliða, lögreglu, ýmissa aðila sem buðu fram aðstoð sína og ekki síst íbúa í héraðinu tókst að ráða niðurlögum eldsins.

Frumvarp Valgerðar varla afgreitt úr nefnd

Afar ólíklegt er að frumvarp iðnaðarráðherra um Nýsköpunarmiðstöð Íslands verði afgreitt úr iðnaðarnefnd Alþingis, segir þingmaður Sjálfstæðisflokks. Allir sjálfstæðismennirnir í nefndinni gera athugasemdir við frumvarpið.

Mál dómara gegn ríkinu þingfest í vikunni

Mál Guðjóns St. Marteinssonar héraðsdómara við Héraðsdóm Reykjavíkur gegn íslenska ríkinu verður þingfest síðar í vikunni. Guðjón ákvað að höfða mál þegar úrskurður Kjaradóms um laun stjórnmála- og embættismanna var numinn úr gildi með lögum.

Icelandic Group kaupir allt hlutafé í Saltur A/S

Icelandic Group hefur keypt allt hlutafé í Saltur A/S í Danmörku, sem á allt hlutafé í Jeka Fish A/S í Danmörku. Jeka Fish gekk nýlega frá kaupum á félaginu Atlantic Cod A/S. Kaupverðið er greitt með nýju hlutafé í Icelandic Group að nafnverði 135 milljónir króna.