Fimm prósent neyta eiturlyfja

Eiturlyfjaneytendur voru um tvö hundruð milljónir á síðasta ári. Þetta kemur fram í árlegri skýrslu Sameinuðu þjóðanna um eiturlyfjaneyslu í heiminum, þar sem teknar voru saman tölur frá árunum 2003 og 2004. Það eru fimm prósent jarðarbúa ef miðað er við aldursbilið 15 til 64 ára. Fjölgun neytenda var um fimmtán milljónir milli ára og segja skýrsluhöfundar enga von um að hún verði minni á næsta ári.

Fíkniefni í Norrænu

Tollverðir á Seyðisfirði fundu rúmlega fjögur kíló af hvítu dufti við komu ferjunnar Norrænu í morgun, en grunur leikur á að efnið sé amfetamín. Samkvæmt heimildum fréttastofu hafa tveir Litháar verið handteknir vegna málsins.

Uppnám vegna heimsóknar

Uppnám ríkir í viðskiptalífinu og innan utanríkisþjónustunnar vegna hótana kínverskra yfirvalda. Þau eru ævareið vegna komu taívanskrar sendinefndar hingað til lands og hóta aðgerðum.Sendinefnd með sjálfum utanríkisráðherra Taívans kom hingað til lands síðdegis og hóf þar með óformlega heimsókn sem valdið hefur töluverðu uppnámi.

Nýr rektor

Kristín Ingólfsdóttir prófessor tók við embætti rektors Háskóla Íslands við athöfn í hátíðarsal skólans í dag. Páll Skúlason fráfarandi rektor, sem afhenti arftaka sínum tákn rektorsembættisins, rektorsfestina.

Paul Gill játar

Paul Gill, einn þremenningana sem slettu skyri á álráðstefnu á Hótel Nordica, játaði húsbrot og stórfelld eignaspjöll fyrir héraðsdómi í morgun en lýsti efasemdum sínum um að tjónið væri jafn mikið og bótakrafan hljóðaði upp á. Dómur í máli hans verður kveðinn upp á morgun.

Halldór vísar á Ríkisendurskoðun

Forsætisráðherra hefur ekkert að segja um pantað lögfræðiálit stjórnarandstöðunnar, eins og það er orðað. Hann vísar á Ríkisendurskoðun sem sé sjálfstæð eftirlitsstofnun Alþingis. Lögfræðingar sem unnu nýtt álit fyrir stjórnarandstöðuna segja að ráðherrann hafi verið starfsmaður ráðherranefndar um einkavæðingu í skilningi stjórnsýslulaga og hefði því átt að vekja athygli á hugsanlegu vanhæfi sínu.

Ker ekki að gangast undan ábyrgð

Lögmaður Kers hf. segir félagið ekki vera að gangast undan ábyrgð á samráði olíufélaganna með máli félagsins á hendur ríkinu sem þingfest var í Héraðsdómi Reykjavíkur í dag. Olís og Skeljungur stefna einnig að því að kæra úrskurð samkeppnisyfirvalda fyrir lok júlímánaðar.

Solreiser í eigu Heimsferða

Vinstri grænir tvístígandi

Tryggvi Friðjónsson fulltrúi vinstri grænna í stjórn Orkuveitu Reykjavíkur studdi ákvörðun um að Orkuveita Reykjavíkur seldi Alcan helming raforku sem þarf til að stækka álverið í Straumsvík. Margir vinstri grænir eru þó tvístígandi.

Yfirtökunefnd tekur til starfa

Yfirtökunefnd sem fjallar um yfirtökuskyldu á hlutabréfamarkaði tekur til starfa á morgun. Markmiðið er að vernda betur minnihluta og hinn almenna fjárfesti í hlutafélögum og greiða úr álitaefnum sem snerta yfirtökur.

Aldrei meira af fíkniefnum

Tveir erlendir farþegar voru handteknir í gær eftir að fjögur kíló af hvítu efni sem annað hvort mun vera amfetamín eða kókaín fundust í bifreið í Norrænu í gærmorgun. Það voru fíkniefnahundar lögreglunnar sem þefuðu efnin uppi en þau fundust í hólfi aftarlega í bifreiðinni skömmu eftir að hundarnir komu lögreglumönnum á sporið.

Stefnir í upplausn R-listans

Auknar líkur eru á að störfum viðræðunefndar flokka R-listans ljúki með því að listinn verði leystur upp, segir heimildarmaður Fréttablaðsins úr röðum Vinstri grænna. Það er ágreiningur Vinstri grænna og Samfylkingar um fjölda fulltrúa hvers flokks á listanum sem gæti riðið R-listanum að fullu.

Útsölur fara hægt af stað

Sumarútsölur hafa víða hafist fyrr en venja er til og telja kaupmenn að það útskýri að einhverju leyti hversu hægt þær fara af stað. Algengt er að afslættir þessa fyrstu daga séu frá 30 til 50 prósent.

Lokað á Sirkus

Síðdegis á mánudag, þremur dögum eftir að hafið var að senda sjónvarpsstöðina Sirkus út á merki PoppTíví, var lokað á útsendingar Sirkus á breiðbandi Símans.

Færri komust að en vildu

Fjörutíu nemendur, sem allir fengu mjög góða meðaleinkunn í 9. bekk í vor, sóttu um að komast á nýja almenna bóknámsbraut við Menntaskólann á Akureyri og sleppa þar með við að sitja 10. bekk næsta vetur. 18 komust að.

Yfirfara alla hálendisvegi

Slysavarnarsvið Landsbjargar hyggst gera úttekt á vegum um hálendi landsins í sumar en tilefnið er að björgunarsveitum bárust að meðaltali tvö útköll hvern einasta dag síðasta sumar þar sem ferðamenn höfðu lent í erfiðleikum.

Að óbreyttu skerðist lífeyririnn

Lífeyrissjóður bankamanna er óstarfhæfur og dauðadæmdur fáist bakábyrgð Landsbankans ekki viðurkennd. Að óbreyttu þarf að grípa til skerðingar lífeyrisréttinda þegar um næstu áramót verði ekkert að gert.

Gamli sáttmáli víst gamall

Sagnfræðiprófessor við Háskóla Íslands hefur efasemdir um að Gamli sáttmáli, helsta plagg sjálfstæðisbaráttu Íslendinga, sé yngri en talið var eins og haldið er fram í nýrri doktorsritgerð. Þar er því haldið fram að Gamli sáttmáli sé seinni tíma tilbúningur.

Hlutabréf seld í Íslandsbanka

Jón Ásgeir Jóhannesson í Baugi og Hannes Smárason, stjórnarformaður Flugleiða, keyptu hlutabréf í Íslandsbanka í gær fyrir níu og hálfan milljarð króna, en rösklega fimm prósent hlutabréfa í bankanum skiptu um eigendur í gær.

2 daga fangelsi fyrir lakkrís

Árni Emanúelsson, ríflega fertugur Hafnfirðingur, segist jafnvel hafa í hyggju að sitja af sér dóm sem hann hlaut fyrir tilraun til smygls á 7,3 kílóum af sælgæti, mestmegnis lakkrís og hlaupi, 5,45 kílóum af skinku og 20 dósum af pepsí.

Fimmtán ára akandi og próflaus

Reykjavíkurlögreglan stöðvaði fimmtán ára ungling þar sem hann var að aka um Holtahverfi í nótt. Hann var að sjálfsögðu próflaus og hafði hann stolið bílnum.

Kærð fyrir húsbrot

Ríkissaksóknari hefur gefið út á ákærur á hendur þremenningunum sem mótmæltu með skyrskvettum á alþjóðlegu álráðstefnunni á Hótel Nordica fyrir skemmstu. Ákæran beinist gegn þeim Ólafi Páli Sigurðssyni, Paul Gill og loks Örnu Ösp Magnúsardóttur fyrir húsbrot og stórfelld eignaspjöll.

Feðraorlof breytir fjölskyldulífi

Feðraorlof er að gjörbreyta fjölskyldulífi á Íslandi og í Danmörku, segir í fréttum breska ríkisútvarpsins BBC. Þar er fullyrt að á síðasta ári hafi nærri allir íslenskir feður tekið sér feðraorlof með nýfæddum börnum.

Matvöruverð aftur hækkandi

Íslenskir neytendur geta átt von á enn frekari hækkunum á matvöruverði á næstu mánuðum. Vísitala neysluverðs hækkaði um tvö prósent síðast þegar hún var mæld og gert er ráð fyrir enn frekari hækkun þegar vísitalan verður birt í næsta mánuði. 

Hans Markús fluttur til í starfi

Séra Hans Markús Hafsteinsson, sóknarprestur í Garðasókn verður fluttur til í starfi. Þetta er niðurstaða áfrýjunarnefndar kirkjunnar. Séra Hans Markús hefur stefnt biskupi Íslands fyrir hönd Þjóðkirkjunnar og krefst þess að niðurstaða áfrýjunarnefndarinnar verði ógild.

Flugherinn tekur við varnarstöð

Flugherinn tekur við rekstri varnarstöðvarinnar í Keflavík á næsta ári. Þetta fullyrðir fréttavefur Víkurfrétta í Keflavík í frétt sem birtist í dag. Samkvæmt áreiðanlegum heimildum blaðsins mun flugherinn taka við rekstri stöðvarinnar þann 1. október á næsta ári.

Neytendasamtökin höfða mál

Neytendasamtökin hafa ákveðið að höfð mál á hendur olíufélaginu Esso, fyrir hönd eins félagsmanns samtakanna. Er krafist bóta vegna samráðs olíufélaganna. Kröfurnar sem settar eru fram eru á bilinu 300 til 400 þúsund krónur.

Fæst banaslys á Austurlandi

Flest banaslys á Íslandi á árunum 2001 til 2004 urðu á suður- suðvestur og norðurlandi. Fæst banaslys á þessum tíma urðu á Austurlandi. Rannsóknarnefnd umferðarslysa kynnti í morgun skýrslu um umferðarslys á Íslandi á árunum 2001 til 2004.

Stjórnsýsluúttekt á MÍ

Stjórn félags framhaldsskólakennara vonast til að niðurstaða úttektar menntamálaráðuneytisins á stjórnarháttum og samskiptum innan Menntaskólans á Ísafirði, verði til þess að ráða bót á þeim vandamálum sem þar eru uppi á borðum.

Vilja samræma opnunartíma

Kaupmenn við Laugaveg í Reykjavík vilja langflestir samræma opnunartíma verslana í miðbænum samkvæmt könnun sem Þróunarfélag miðborgarinnar framkvæmdi nýlega.

Yfirfara hálendisvegi

Slysavarnarsvið Landsbjargar hyggst gera úttekt á vegum um hálendi landsins í sumar en tilefnið er að björgunarsveitum bárust að meðaltali tvö útköll hvern einasta dag síðasta sumar þar sem ferðamenn höfðu lent í erfiðleikum.

Samskip bætir við flotann

Skipafélagið GEEST north sea line, sem er dótturfélag Samskipa, hefur gengið frá samningi um leigu á fjórum nýjum gámaskipum sem verða afhent á næsta ári. Tvö skipanna verða eingöngu notuð á siglingaleiðum félagsins til Bretlands.

Merki um leiðbeinandi hraða

Vegagerðin hefur ákveðið að setja upp merki sem sýna leiðbeinandi hámarkshraða og verða þau sett upp við stofnvegi landsins. Þetta er eitt verkefna umferðaröryggisáætlunar til ársins 2008, sem var samþykkt á Alþingi á síðastliðð vor.

Börn geta ekki notað netbanka KB

Börn á aldrinum 11 til 18 ára þurfa að gera sérstaka samninga við KB Banka til að geta millifært og notað netbanka bankans. Foreldrar þurfa að skrifa undir samninginn sem forráðamenn barnsins.

Straumsvík gerir samning við OR

Álverið í Straumsvík tryggði sér í dag tæplega helminginn af þeirri orku sem til þarf vegna stækkunar álversins með samningi við Orkuveitu Reykjavíkur. Í samningnum felst að Alcan á Íslandi kaupi 200 megawött af Orkuveitunni. 

Duran Duran lentir

Meðlimir bresku hljómsveitarinnar Duran Duran lentu á Reykjavíkurflugvelli klukkan þrjú í dag. Hljómsveitin heldur tónleika í Egilshöll annað kvöld. Klukkan fjögur hélt hljómsveitin blaðamannafund og verður nánar verður greint frá honum í fréttum stöðvar tvö í kvöld.

Skyrsletturum birt ákæra á morgun

Þremenningunum, Paul Gill, Arna Ösp Magnúsardóttir og Ólafur Páll Sigurðsson sem slettu grænleitu skyri á fundi Landsvirkjunar um miðjan mánuðinn verður birt ákæra á morgun. Skaðabótakrafa Nordica Hótel hljóðar upp á um 2,8 milljónir króna á þremenningana eða tæp ein milljón króna á hvern og einn.

Fyrsti metanknúði sorpbíllinn

Í gær var fyrsti metanknúni sorpbíll landsins tekinn í notkun, en hann er mun hljóðlátari en hefðbundnir díselbílar og veldur 80 % minni sótmengun, auk þess sem útblástur köfnunarefnisoxíðs er 60 % minni en í venjulegum sorpbílum.

Grunur um fíkniefnasölu

Rúmlega fertugur maður var í dag handtekinn í Reykjavík vegna gruns um fíkniefnasölu. Lögreglan gerði húsleit á tveimur stöðum og var lagt hald á fleiri en eina tegund fíkniefna.

Beltin bjarga

Í skýrslum Rannsóknarnefndar umferðarslysa um banaslys í umferðinni 2004 og umferðarslys erlendra ferðamanna á Íslandi sama ár kom fram að fækka mætti banaslysum á Íslandi um fimmtung ef bílbelti væru ávallt notuð.

Veiðimenn tregir að sleppa

Laxveiði hefur farið rólega af stað í ár ef undan er skilin veiði í Norðurá þar sem yfir fjögur hundruð laxar hafa komið á land, að sögn Páls Þórs Ármanns formanns Stangaveiðifélags Reykjavíkur. Laxá í Kjós hefur ekki reynst gjöful og þar hafa aðeins veiðst um sjötíu laxar það sem af er sumri en áin virðist þó vera að taka við sér.

Á sjötta þúsund að Gljúfrasteini

"Aðsóknin hefur verið nokkuð góð frá því að safnið var opnað," segir Guðný Dóra Gestsdóttir, forstöðumaður Gljúfrasteins, safns sem tileinkað er minningu nóbelsskáldsins Halldórs Laxness.

Mælt með Sjöfn Þór

Ákveðið var á valnefndarfundi í Reykhólaprestakalli að leggja til að Sjöfn Þór guðfræðingur yrði skipuð sóknarprestur. Valnefndin hefur því lokið störfum en kirkjumálaráðherra skipar í embættið samkvæmt niðurstöðu hennar. Sjö aðrir umsækjendur voru um embættið.<font face="Helv"></font>

Styrktu hvalveiðimenn í banni

Sjávarútvegsráðuneytið veitti Félagi hrefnuveiðimanna átta milljóna króna styrk á ári frá árinu 1998 til ársins 2001en hrefnuveiðar voru bannaðar á þessum árum. Samtals námu styrkirnir 32 milljónum sem félagið fékk frá ráðuneytinu á þessum fjórum árum.

Lögfræðiálit um Ríkisendurskoðun

Lögfræðiálit sem stjórnarandstaðan kallaði eftir vegna einkavæðingar ríkisbankanna og aðkomu forsætisráðherra að henni verður kynnt á morgun. Lögfræðingarnir draga í efa að Ríkisendurskoðun hafi sinnt hlutverki sínu.