Ofurforstjórar ekki með bílstjóra

Allir ráðherrar ríkisstjórnarinnar hafa bíl og einkabílstjóra til umráða. Ekki verður séð að forstjórar og stjórnarformenn stærstu fyrirtækja landsins njóti slíkra hlunninda þó að erill þeirra sé mikill. Kostnaðurinn við bílaflota ríkisstjórnarinnar nemur nærri hálfum milljarði á sex árum, að sögn Jóhönnu Sigurðardóttur. "Praktískt," segir Þorgerður Katrín Gunnarsdóttir. </font /></b />

Dettifoss kominn til Eskifjarðar

Varðskipin Týr og Ægir komu með flutningaskipið Dettifoss í togi til Eskifjarðar um miðnætti eftir svaðilför út af Austfjörðum, sem hófst með því að stýrið datt af Dettifossi á föstudagskvöldið og skipið varð stjórnlaust. Vel gekk að leggja þessu stærsta flutningaskipi íslenska flotans að bryggju enda var veður orðið gott.

Samþykktu kjarasamning

Félag leikskólakennara hefur samþykkt nýgerðan kjarasamning við launanefnd sveitarfélaganna og verður því ekki boðað til verkfalls. Tæplega 1500 manns eru á kjörskrá og tók rúmlega 91 prósent þátt í kosningunni. Rúm 64 prósent samþykktu samninginn en 32 prósent voru honum andvíg.

Reyndi að stinga lögreglu af

Ökumaður fólksbíls reyndi að stinga lögregluna af þegar hún ætlaði að hafa tal af honum við venjulegt eftirlit í Breiðholti undir morgun. Eftir að hafa gefið vel í snarstöðvaði hann bílinn og hljóp út úr honum en lögreglumenn náðu honum skömmu síðar. Grunur leikur á að hann hafi stolið bílnum enda hefur hann áður orðið uppvís að slíku.

Vilja lækka álagningarhlutfall

Stjórn Hvatar, félags sjálfstæðiskvenna í Reykjavík, hefur sent frá sér yfirlýsingu þar hún mótmælir hækkunum á fasteignagjöldum í Reykjavík sem komi í kjölfar hækkunar fasteignamats um áramótin. Stjórnin telur að Reykjavíkurborg hefði átt að fara sömu leið og mörg önnur sveitarfélög hafa gert en þau völdu að lækka álagningarhlutfallið niður fyrir 0,32% þannig að gjöld hækkuðu ekki meira en 5% og jafnvel lækkuðu í einhverjum tilvikum.

Loðnuvinnsla gengur vel

Loðnuvinnsla á Fáskrúðsfirði hefur gengið vel þennan fyrsta mánuð ársins og hefur Loðnuvinnslan hf. aldrei tekið við jafnmikilli loðnu í janúar frá því að verksmiðja fyrirtækisins tók til starfa 1996, eða 20.700 tonnum. Þetta kemur fram á fréttavef Austurbyggðar. Einnig kemur fram að bæði innlend og erlend skip hafi komið þangað til löndunar.

Vekja athygli á skaðsemi reykinga

Hundrað og þrjátíu tannlæknar um allt land ætla eftir hádegi á föstudaginn að bjóða almenningi ókeypis tannskoðun og ráðgjöf, einkum til að vekja athygli á skaðsemi reykinga fyrir tennurnar.

Fjölmiðlanefnd vinnur lengur

Nefnd menntamálaráðherra, sem á að gera tillögur að frumvarpi um fjölmiðla, nær ekki að skila af sér á morgun eins og til stóð. Karl Axelsson, formaður nefndarinnar, segir að tíminn sem nefndinni var ætlaður til verksins hafi reynst allt of stuttur miðað við umfang þess og það skýrist ekki fyrr en eftir mánuð eða svo hvenær nefndin ljúki störfum og skili af sér skýrslu.

Óvíst um afturvirkni lagabreytinga

Óvíst er hvort breytingar sem boðaðar hafa verið á lögum um eftirlaun ráðherra og alþingismanna verði afturvirkar.

Dettifoss dreginn til Rotterdam

Stór, þýskur dráttarbátur er lagður af stað hingað til lands til að draga Dettifoss frá Eskifirði til Rotterdam þar sem hann verður tekinn í þurrkví til viðgerðar.

Vilja ógilda aðalfund Freyju

Þess hefur verið krafist að aðalfundur Freyju, félags framsóknarkvenna í Kópavogi, verði úrskurðaður ógildur. Fjölskylda Árna Magnússonar félagsmálaráðherra og Páls, bróður hans, er sögð hafa fjölmennt á fundinn.

Vilja vinna og selja eigin vörur

Vaxandi áhugi er meðal bænda á því að fá að vinna og selja sjálfir eigin landbúnaðarvörur. Landbúnaðarráðherra er þessa stundina að kynna hvernig norskir bændur hafa náð árangri á þessu sviði.

Sker upp herör gegn ósannindum

Impregilo hefur skorið upp herör gegn því sem fyrirtækið kallar ósannar fullyrðingar um starfsemi félagsins. Félagið fór í dag fram á það við Lögreglustjórann í Reykjavík að fram færi opinber rannsókn vegna ásakana á hendur félaginu sem birtust í DV þann 27. janúar 2005, eftir því sem fram kemur í yfirlýsingu frá félaginu.

Miltisbrandsgirðing stöðvuð

Vinna við girðinguna að Sjónarhóli á Vatnsleysuströnd hefur verið stöðvuð, að sögn Gunnars Arnar Guðmundssonar héraðsdýralæknis.

Impregilo sýknað af launakröfum

Ítalska verktakafyrirtækið Impregilo var í dag sýknað af launakröfum fyrrverandi innkaupastjóra upp á um þrjár og hálfa milljón króna í Héraðsdómi Reykjavíkur. Krafa innkaupastjórans, sem er viðskiptafræðingur að mennt, var í mörgum liðum en hann krafðist meðal annars greiðslu fyrir yfirvinnu á starfstíma og launa í uppsagnarfresti auk orlofs af yfirvinnu og uppsagnarfresti.

Náttúrulegar vörur inni

"Þetta eru virkilega góðar fréttir," segir Jóhannes Sigfússon, bóndi á Gunnarsstöðum á Langanesi og formaður Landssambands sauðfjárbænda. Fréttablaðið greindi frá því í gær að íslenska lopapeysan væri komin í tísku á ný og að sala á lopa hefði stóraukist.

Kostar 30.000 að leysa út kött

Kosta mun um 30.000 krónur að leysa út kött sem eftirlitsmenn á Suðurnesjum hafa veitt og hefur verið geymdur í viku, að sögn Magnúsar Guðjónssonar framkvæmdastjóra Heilbrigðiseftirlits Suðurlands.

Rúðuþurrkurnar endurnýjaðar

Annir hafa verið á bensínstöðvum síðustu daga þar sem fólk hefur streymt að til að skipta um rúðuþurrkur, eða vinnukonur eins og sumir kjósa að kalla þær.

Heiftarleg markaðssetning

Markaðssetning á verkjalyfinu Vioxx var mjög heiftarleg, segir Magnús Jóhannsson prófessor. Hann rifjar upp fund framleiðandans í Berlín, með stórum hópi lækna, meðal annars frá Íslandi þar sem Vioxx var lofsungið, en ekkert rætt um gallana. </font /></b />

Betra líf á 4 dögum fyrir 60.000

Hvatningarþjálfarinn Anthony Robbins er sagður geta breytt lífi fólks á aðeins fjórum dögum. Hann ku vera sá virtasti í heiminum á sínu sviði enda verið að í næstum 30 ár. Útlit er fyrir að um eitt hundrað Íslendingar sitji námskeið hans í Lundúnum í maí. Miðinn kostar 60 þúsund krónur og fæst á kostakjörum. </font /></b />

Aukin notkun þrátt fyrir viðvörun

Landlæknisembættið sendi út viðvörun til lækna um að fara gætilega í ávísun verkjalyfsins celebra, sem er af sama flokki og Vioxx og fellur undir svokallaða COX - 2 hemla.

Beint frá bóndanum

Í gær kynnti Guðni Ágústsson landbúnaðarráðherra skýrslu nefndar sem fjallað hefur um heimasölu afurða bænda, en hann telur það afar nauðsynlegt að bændur geti í vaxandi mæli selt afurðir sínar beint frá búum sínum og vill að vinna verði lögð í það af krafti.

Ríkið blæs út

Ríkisstofnunum hefur fjölgað og rekstur þeirra aukist á undanförnum árum, að mati Verslunarráðs Íslands. Nýjar stofnanir hafa verið settar á laggirnar, stofnanir hafa fært út kvíarnar og minna boðið út en áður og ríkisfyrirtæki hafa keypt einkafyrirtæki. Auknar kröfur eru um að ríkisfyrirtæki skapi sértekjur. </font /></b />

Impregilo sýknað

Impregilo SpA-Iceland var sýknað af kröfum stefnanda, Birgis Guðjónssonar viðskiptafræðings, samkvæmt dómi sem féll í Héraðsdómi Reykjavíkur í gær.

Athugasemdir frá SA

Hrafnhildur Stefánsdóttir, yfirlögfræðingur Samtaka atvinnulífsins, segir að athugasemdir hafi verið gerðar í allverulegum atriðum við reglugerðardrög félagsmálaráðherra um atvinnuleyfi útlendinga.

Skuldbundin að aðstoða Fjarðaál

Ríkisstjórnin hefur skuldbundið sig til að aðstoða Fjarðaál við að öðlast þau atvinnuleyfi sem nauðsynleg eru hvenær sem Fjarðaál fer fram á það.

Einblínt um of á álverið

Tryggvi Harðarson, bæjarstjóri á Seyðisfirði, telur að það komi niður á Austurlandi ef stjórnvöld einblína um of á álversuppbygginguna fyrir austan.

Fjallað um Fischer á fimmtudag

Fjallað verður um málefni bandaríska skákmeistarans Bobby Fischers á fundi í allsherjarnefnd Alþingis á fimmtudaginn.

Erna framkvæmdastjóri Akademíunnar

ReykjavíkurAkademían hefur ráðið Ernu Indriðadóttur, fréttamann á fréttastofu Sjónvarpsins, í starf framkvæmdastjóra til eins árs frá og með 1. febrúar. Erna hefur starfað við fjölmiðla í rúm 20 ár en hún lauk BA-prófi í samfélagsfræði frá Háskólanum í Lundi árið 1981 og MPA-námi frá Washington-háskóla í Seattle í Bandaríkjunum árið 2001.

Söfnuðu fé með kaffi- og kökusölu

Börn á frístundaheimilinu Skýjaborgum í Vesturbæjarskóla söfnuðu á dögunum 27.848 krónum með kaffi- og kökusölu til styrktar fórnarlömbum flóðbylgjunnar í Suðaustur-Asíu. Féð rennur til söfnunarinnar Neyðarhjálp úr norðri og tók fulltrúi Rauða kross Íslands, Ingibjörg Eggertsdóttir, formlega við því í dag.

Vilja ekki selja grunnnet Símans

Neytendasamtökin taka undir kröfu nokkurra fyrirtækja á fjarskiptamarkaði um að nauðsynlegt sé að aðskilja grunnnet Símans frá fyrirtækinu og að það verði ekki selt með Símanum eins og virðist ætlan stjórnvalda. Þetta kemur fram á heimasíðu samtakanna.

Lækkaði sektir olíufélaganna

Áfrýjunarnefnd samkeppnismála hefur lækkað sektir olíufélaganna vegna ólöglegs samráðs úr 2,6 milljörðum króna í um 1,5 milljarða, en það var samkeppnisráð krafði félögin um fyrrnefndu upphæðina. Þetta kemur fram í úrskurði nefndarinnar sem birtur var í dag.

Vegurinn um Hvalfjörð lokaður

Vegurinn um Hvalfjörð er lokaður við Ferstiklu vegna vatnavaxta. Samkvæmt upplýsingum frá Vegagerð er alls óvíst hvenær hægt verður að opna fyrir umferð að nýju.

Sektir lækkaðar um rúman milljarð

Stjórnvaldssektir olíufélaganna lækka um 1,1 milljarð króna samkvæmt úrskurði áfrýjunarnefndar samkeppnismála sem kveðinn var upp fyrir hádegið. Sektir Skeljungs lækka mest eða um sex hundruð og fimmtíu milljónir enda talið sýnt að fyrirtækið hafi hagnast minnst á samráðinu.

Þurfa að borga mun minna

Baugi var gert að greiða lægri upphæð vegna endurálagningar skatta en félagið hafði gert ráð fyrir. Baugur sendi síðastliðinn föstudag bréf til helstu viðskiptafélaga sinna og banka þar sem fram kemur að félagið hafi greitt 140 milljónir króna vegna endurálagningar skatta, í stað 282 milljóna eins og fram hafði komið í tilkynningu frá félaginu.

Impregilo vill opinbera rannsókn

Portúgalinn sem sakaður er um að kúga fé og brennivín út úr starfsfólki, starfar enn við Kárahnjúka. Impregilo fullyrðir að fyrirtækið sé haft fyrir rangri sök og hefur farið fram á opinbera rannsókn. Fyrirtækinu var afhentur undirskriftarlisti tuga starfsmanna þess fyrir ári þar sem sömu ásakanir komu fram en ekkert var aðhafst.

Einkaaðilar byggi samgöngumiðstöð

Samgönguráðherra vonast til að ákvörðun um að reisa nýja samgöngumiðstöð á Reykjavíkurflugvelli verði tekin innan fárra mánaða. Einakaðilar myndu byggja hana og hún bæði þjóna flugumferð og rútum.

Tveir ráðherrar bætast í hópinn

Ekki er víst að breytingar á eftirlaunalögum sem heimila fyrrverandi ráðherrum og alþingismönnum að þiggja eftirlaun þótt þeir séu í hálaunastöðum annars staðar, verði afturvirkar. Tveir nýir ráðherrar hafa bæst í hópinn eftir að umræðan komst í hámæli.

Orsök bilunar finnst í þurrkví

Ekki verður hægt að segja til um hvað olli biluninni í Dettifossi á föstudaginn fyrr en skipið verður komið í þurrkví. Stórt, þýskt dráttarskip er á leiðinni hingað til lands til þess að draga Dettifoss til Rotterdam.

Vonast eftir meira öryggi

Lítil stúlka frá Keflavík lést fyrir tíu dögum eftir erfiðleika við fæðingu. Flytja þurfti móður hennar með sjúkrabíl til borgarinnar vegna þess að skurðstofur á Heilbrigðisstofnun Suðurnesja eru ekki opnar allan sólarhringinn. Foreldrarnir syrgja dóttur sína sárt en segjast vonast til þess að reynsla þeirra verði til einhvers; að öryggi verði bætt fyrir íbúa á Suðurnesjum.

Guðni telur ekki sótt að sér

Guðni Ágústsson, varaformaður Framsóknarflokksins, segir átökin í flokknum að undanförnu óheppileg félagslega. Hann telur þetta þó ekki vera ráðabrugg til að steypa sér af stóli.

Bændur vilja svigrúm til sölu

Bændur vilja meira svigrúm til að selja afburðir sínar beint frá búunum og leggur nefnd á vegum landbúnaðarráðherra meðal annars til að kannað verði hvort slaka megi á kröfum um gerilsneyðingu mjólkur.

Jafnréttisákvæðin verði hert

Framsóknarkonur ætla að leggja það fram á flokksþingi að það verði sett í lög félagsins að hvort kynið skipi ekki minna en 40 prósent af öllum ábyrgðarstöðum og framboðslistum.

Frestar skilum á skýrslu

Fjölmiðlanefndin sem menntamálaráðherra skipaði í október síðastliðnum nær ekki að skila greinargerð sinni á tilsettum tíma, en áætlað var að nefndin skilaði af sér skýrslu í dag.

Átök í framsókn

Framsóknarmenn hafa skipast í tvær fylkingar sem takast á innbyrðis. Önnur starfar í nánum tengslum við Halldór Ásgrímsson en hin er ósátt við vinnubrögð flokksins og vill breytingar. Ekki er talið víst að deilurnar nái upp á yfirborðið á flokksþingi.