Skuldbundin að aðstoða Fjarðaál

Ríkisstjórnin skal á hverjum tíma, þegar Fjarðaál fer fram á það og án ástæðulausrar tafar, gera það sem í hennar valdi stendur til að aðstoða Fjarðaál sf. við að öðlast þau atvinnuleyfi sem nauðsynleg kunna að vera vegna starfsmanna eða verktaka Fjarðaáls eða sameigendanna. Þetta kemur fram í samningi ríkisins og Alcoa-Fjarðaáls vegna álversins í Reyðarfirði. "Við spyrjum: Ber að skýra og skilja það sem er að gerast núna í þessu samhengi," spyr Halldór Grönvold, aðstoðarframkvæmdastjóri ASÍ. Í reglugerðardrögunum er "tekið á fæstu því sem við höfum verið að gagnrýna heldur er kominn inn einhvers konar skilningur á því að erlend fyrirtæki hafi rúmar heimildir til að flytja inn þriðja ríkis borgara án atvinnuleyfa. Það er ný kenning," segir hann.