Erna framkvæmdastjóri Akademíunnar

ReykjavíkurAkademían hefur ráðið Ernu Indriðadóttur, fréttamann á fréttastofu Sjónvarpsins, í starf framkvæmdastjóra til eins árs frá og með 1. febrúar. Erna hefur starfað við fjölmiðla í rúm 20 ár en hún lauk BA-prófi í samfélagsfræði frá Háskólanum í Lundi árið 1981 og MPA-námi frá Washington-háskóla í Seattle í Bandaríkjunum árið 2001. Þá hefur hún flutt fyrirlestra um fjölmiðla og rekstur menningarstofnana auk þess að annast stundakennslu í Háskóla Íslands. ReykjavíkurAkademían, félag sjálfstætt starfandi fræðimanna, hefur starfað frá árinu 1997 og hefur aðsetur í JL-húsinu að Hringbraut 121. Um þessar mundir starfa um 80 fræðimenn innan vébanda hennar.