Árni segir Ragnhildi hæfasta

"Ábyrgðin er mín og það er mitt mat að Ragnhildur hafi staðið fremst af þeim þremur umsækjendum sem kallaðir voru til viðtals vegna starfs ráðuneytisstjóra," sagði Árni Magnússon félagsmálaráðherra um val sitt í starfið.

Laxeldi eykst um helming

Búist er við 45 prósenta heildaraukningu í fiskeldi milli ára. Búist er við meira en helmingsaukningu í laxeldi frá því í fyrra. Enn eru miklar væntingar til þorskeldis, sem þó er enn á þróunarstigi. </font /></b />

Umsóknarfrestur útrunninn

Frestur til að sækja um stöðu hæstaréttardómara í stað Péturs Kr. Hafstein, sem senn lætur af embætti, rann út í gær. Fréttastofu er kunnugt um fjóra umsækjendur: Jón Steinar Gunnlaugsson hæstaréttarlögmann, Eirík Tómasson lagaprófessor, Hjördísi Hákonardóttur dómstjóra og Allan Vagn Magnússon héraðsdómara.

Dýrum leikfangabílum stolið

Fimm rafstýrðum bensínknúnum leikfangabílum var stolið úr versluninni Tómstundahúsinu í austurborg Reykjavíkur í nótt. Andvirði bílanna er allverulegt eða hátt í tvær milljónir króna.

Mögnuð miðborg í dag

Miðborg Reykjavíkur verður mögnuð í dag ef marka má fréttatilkynningu Þróunarfélags miðborgarinnar. Þar segir að „Mögnuð miðborg“ sé yfirskrift skipulagðrar dagskrár í miðborginni og í dag stendur miðborgargestum til boða að skoða, sjá og heyra ýmislegt.

Sýknaður af manndrápsákæru

Hálffimmtugur Þjóðverji hefur verið sýknaður af ákæru um manndráp af gáleysi í Héraðsdómi Reykjaness. Maðurinn ók bifreið sem valt út af veginum á leiðinni frá Kleifarvatni í átt að Hafnarfirði þann 24. júlí síðastliðinn með þeim afleiðingum að félagi hans kastaðist út, hafnaði undir bifreiðinni og lést af áverkunum fimm dögum síðar.

Merki UNESCO afhjúpað á Þingvöllum

Merki heimsminjaskrár Sameinuðu þjóðanna verður afhjúpað á Þingvöllum við hátíðlega athöfn í dag klukkan hálf þrjú. Francesco Bandarin, yfirmaður heimsminjaskrifstofu UNESCO, verður á meðal gesta við athöfnina og flytur hann ávarp ásamt Birni Bjarnasyni, formanni Þingvallanefndar og Margréti Hallgrímsdóttur, formanni samráðsnefndar um heimsminjaskrá.

Slökkvilið Akureyrar með opið hús

Slökkvilið Akureyrar er með opið hús í dag milli klukkan 12 og 16 í tilefni Akureyrarvöku og afmælis Akureyrarbæjar. Sýnd verða tæki og tól undir leiðsögn slökkviliðsmanna og fólki gefst kostur á að fara upp í körfubíl, sprauta með brunaslöngu og ganga um í reykfullu húsi. </font /></font />

Uppskeruhátíð í Grasagarðinum

Árleg uppskeruhátíð fer fram í Grasagarði Reykjavíkur í dag. Frá klukkan eitt hefur gestum og gangandi verið boðið upp á fræðslu um matjurtaræktun og einstakar tegundir mat-, krydd- og lækningajurta.

Tengsl lýðræðis og upplýsingatækni

Upplýsingaráðherrar Norðurlandanna óskuðu eftir aukinni samvinnu við Eystrasaltsvæðið og Evrópusambandið um þróun upplýsingatæknihluta norrænu víddarinnar á fundi um framtíð lýðræðis í upplýsingasamfélaginu sem fram fór í Reykjavík í gær. 

Stjörnuleitin hófst í dag

Fyrsta áheyrnarprófið fyrir Idol-stjörnuleitina hefur farið fram á Hótel Loftleiðum í dag. Tæplega 500 manns hafa þanið þar raddböndin, dómurunum ýmist til ánægju eða pínu. Mikil stemning er á göngum hótelsins á meðan keppendur bíða eftir að röðin komi að þeim og er hálger útihátíðarstemning hjá þeim allra hressustu.

Fyrirhugaðar framkvæmdir stöðvaðar

Byggingafulltrúi hefur fyrirskipað að ekki megi hefja framkvæmdir við nýtt hótel í Eimskipafélagshúsinu sem áttu að hefjast tíunda september þar sem ekkert byggingaleyfi er fyrir hendi. 

Óviðeigandi að svara segir Björn

Dómsmálaráðherra segir óviðeigandi að svara því hvort hann ætli að fara að tilmælum umboðsmanns Alþingis við ráðningu nýs hæstaréttardómara. 

Sjóðurinn grefur undan bönkunum

Guðjón Rúnarsson, framkvæmdastjóri Samtaka banka og verðbréfafyrirtækja, segir alvarlegt mál ef opinber stofnun eins og Íbúðalánasjóður reyni að grafa undan trúverðugleika bankanna. 

Undrast sýknudóm yfir Þjóðverjanum

Formaður Umferðarráðs undrast sýknudóm yfir Þjóðverja sem varð farþega sínum að bana þegar hann ók ölvaður út af veginum frá Kleifarvatni að Hafnarfirði. Hann segir dóminn senda röng skilaboð út í þjóðfélagið.

Engar kærur í jafnréttismálum

Ekkert nýtt mál hefur komið inn á borð kærunefndar jafnréttismála síðan í apríl þegar hún gaf það álit að dómsmálaráðherra hefði brotið jafnréttislög. Hæstaréttarlögmaður segir ummæli ráðherra í kjölfar álitsins ekki hafa aukið traust almennings á nefndinni.

Ragnhildur hæfust segir Árni

Árni Magnússon félagsmálaráðherra segist hafa talið Ragnhildi Arnljótsdóttur hæfasta umsækjandann um stöðu ráðuneytisstjóra í Félagsmálaráðuneytinu. Félagsmálaráðherra segir að Helga Jónsdóttir hafi beðið um rökstuðning fyrir því áliti að Ragnhildur Arnljótsdóttir hafi verið hæfust og hún muni fá hann. Að öðru leyti ætli hann ekki að tjá sig frekar um málið.

Stærð rúma vanreiknuð

Stærð rúma var vanreiknuð í hönnun viðbyggingar við Fjórðungssjúkrahúsið á Akureyri, sem þó var ætluð undir legudeild. Forstjóri sjúkrahússins vill ekki, frekar en heilbrigðisráðherra, draga neinn til ábyrgðar en segir að taka hefði átt viðbygginguna í notkun fyrir löngu.

15 sekúndur á listasafni

Unglingar voru áberandi á Listasafni Reykjavíkur í dag. Í Hafnarhúsinu var sýnt myndbandsverk sem ber yfirskriftina „15 sekúndur“. Titillinn er ekki tilviljun því listamennirnir, sem voru fjölmargir unglingar, fengu 15 sekúndur til að vera einir með myndavélinni og láta ljós sitt skína.

Lína langsokkur í Kringlunni

Lína langsokkur var uppi um alla veggi Kringlunnar í Reykjavík í dag. Börn alls staðar af landinu hafa í sumar tekið þátt í teiknimyndasamkeppni Borgarleikhússins og teiknað myndir af Línu í sumarfríi. Hluti myndanna eða um 200 stykki verða til sýnis í Kringlunni næstu daga en úrslit samkeppninnar voru tilkynnt í dag.

Olíuverð að sliga veiðar

Árni Bjarnason, formaður Félags skipstjórnarmanna, segir á brattann að sækja hjá útgerðum þar sem lágt afurðaverð fáist fyrir rækju og olíuverð sé í sögulegu hámarki. Yfirmönnum á tveimur rækjuveiðiskipum hjá Þormóði ramma hefur verið sagt upp. </font /></b />

Ráðherra sigldi gámaskipi

"Hún lék á alls oddi og náði að sigla skipinu í höfn eftir að hafa lent í þrumuveðri á leiðinni," sagði Jón B. Stefánsson, skólameistari Vélskólans og Stýrimannaskólans, um Þorgerði Katrínu Gunnarsdóttur menntamálaráðherra eftir að hún tók véla- og siglingaherma skólans í notkun á föstudag.

Sækja um stöðu Hæstaréttardómara

Eiríkur Tómasson, lagaprófessor, Hjördís Hákonardóttir, dómstjóri, og Allan Vagn Magnússon, héraðsdómari, eru á meðal umsækjenda um stöðu Hæstaréttardómara, en frestur til að sækja um stöðuna rennur út í dag.

Ógni ekki öryggi starfsmanna

Talsmaður Impregilo segir að hvorki ástand sjúkrabíla, né deilur við sjúkraflutningamenn, ógni öryggi starfsmanna við Kárahnjúka. Fjórir sjúkraflutningamenn hafa sagt upp störfum.

Níu tilkynntu bílaþjófnað

Níu manns hringdu í Lögregluna í Reykjavík nótt og tilkynntu um þjófnað á bifreiðum í ýmsum hverfum borgarinnar. Þegar betur var að gáð kom í ljós að Sýslumaðurinn í Reykjavík hafði fjarlægt viðkomandi bifreiðar vegna skulda bifreiðaeigenda við hið opinbera.

Bann við auglýsingum ólöglegt?

EFTA dómstóllinn í Lúxemborg mun skera úr um hvort bann við áfengisauglýsingum í Noregi samræmist EES samningnum. Tilefnið er beiðni frá norska Markaðsráðinu til EFTA-dómstólsins, en ráðið hefur úrskurðarvald í Noregi um lögmæti auglýsinga á vörum og þjónustu.

Settur í embætti rektors

Dr. Ágúst Sigurðsson hefur verið valinn úr hópi 14 umsækjaenda til að gegna stöðu rektors Landbúnaðarháskóla Íslands til næstu fimm ára. Skólinn verður til úr sameiningu Landbúnaðarháskólans á Hvanneyri, Garðyrkjuskóla ríkisins að Reykjum og Rannsóknastofnun landbúnaðarins frá og með 1. janúar 2005.

Fagnar framtaki viðskiptabanka

Stjórn Sambands ungra sjálfstæðismanna sendi frá sér ályktun í dag þar sem hún fagnar framtaki viðskiptabankanna að bjóða hagstæð húsnæðislán og þeirri samkeppni sem nú hefur myndast á þessum markaði.

Hefur ekki kært nauðgun

Sautján ára stúlka sem tilkynnti nauðgun til lögreglunnar, á Menningarnótt Reykjavíkur, hefur ekki lagt fram kæru, og óvíst hvort hún geri það. Stúlkan skýrði lögreglunni frá því að tveir menn hefðu ráðist á sig og annar þeirra komið fram vilja sínum. Aðvífandi kona hafi hins vegar hrætt árásarmennina á brott. Sú kona hefur ekki gefið sig fram við lögregluna.

Grunaður um kynferðisofbeldi

Fjörtíu og sex ára gamall maður er grunaður um að hafa beitt tíu ára telpu kynferðislegu ofbeldi í Stykkishólmi, fyrr í þessum mánuði. Atvikið varð á Dönskum dögum, í Stykkishólmi, hinn fimmtánda þessa mánaðar.

Ísland vel á vegi statt

Cherie Blair segir Ísland vel á vegi statt í jafnréttisbaráttu kynjanna en þó sé hlutur kvenna í æðstu stöðum dómskerfisins enn of rýr hér á landi.

Konungur Svíþjóðar í heimsókn

Konungur Svíþjóðar, Karl XVI Gústaf og Silvía drottning ásamt Viktoríu krónprinsessu munu koma í opinbera heimsókn til Íslands í boði forseta Íslands dagana 7. - 9. september nk.

Sýknaður af manndrápsákæru

Þjóðverji sem ók ölvaður með þeim afleiðingum að bíllinn fót út af og valt við Vatnsskarð var í dag sýknaður af ákæru um manndráp í Héraðsdómi Reykjaness. Félagi mannsins lést í slysinu.

Merki UNESCO afhjúpað á Þingvöllum

Merki heimsminjaskrár Sameinuðu þjóðanna verður afhjúpað á Þingvöllum við hátíðlega athöfn á morgun. Meðal gesta verður Francesco Bandarin, yfirmaður heimsminjaskifstofu UNESCO, sem mun flytja ávarp ásamt Birni Bjarnasyni, formanni Þingvallanefndar, og Margréti Hallgrímsdóttur, formanni samráðsnefndar um heimsminjaskrá.

Málþing um ungt fólk

Norrænt málþing um neyslustaðla og lífsstíl unga fólksins verður haldið hér á landi í næstu viku. Til umfjöllunar verða m.a. útfærslur hinna norðurlandanna á svonefndu „standard budsjett“, eða neyslustöðlum, en enginn sambærilegur staðall er til á Íslandi að því er segir í tilkynningu frá iðnaðar- og viðskiptaráðuneytinu.

Samkeppni um brúðkaupstónlist

Dómkórinn í Reykjavík hefur ákveðið að efna til verðlaunasamkeppni um tónlist til flutnings við hjónavígslur. Leitað er eftir sönglögum sem höfða til ungs fólks. Tónmenntasjóður Þjóðkirkjunnar veitti nýlega styrki til nýsköpunar og ákvað Dómkórinn að nota það fé sem hann fékk úthlutað til að auðga úrval kirkjulegrar, íslenskrar brúðkaupstónlistar.</font />

Sprengjueyðingarsveitir með æfingu

Fjölþjóðleg æfing sprengjueyðingarsveita, Northern Challenge 2004, hefst mánudaginn 30. ágúst og stendur til 3. september næstkomandi. Landhelgisgæslan stendur fyrir æfingunni í samvinnu við Varnarliðið.

Lífeyrissjóðirnir fylgja bönkunum

Lífeyrissjóðirnir munu fylgja í kjölfar Íbúðalánasjóðs og viðskiptabankanna og lækka vexti á lánum til sjóðsfélaga. Lækkunin tekur einnig til þeirra sem þegar greiða af lánum til sjóðanna. 

Hefur ekki enn gefið sig fram

Kona sem lögreglan hefur óskað eftir að gefi sig fram vegna nauðgunar sem tilkynnt var um á menningarnótt í Reykjavík hefur enn ekki haft samband við lögregluna. Sautján ára stúlka greindi lögreglunni frá því að tveir menn hefðu ráðist á sig í miðborginni og annar þeirra komið fram vilja sínum.

Útför Gylfa Þ. Gíslasonar í dag

Útför Gylfa Þ. Gíslasonar, fyrrverandi ráðherra og prófessors, var gerð frá Dómkirkjunni í dag. Gylfi fæddist 7. febrúar árið 1917 en lést 18. ágúst síðastliðinn. Hann var einn helsti stjórnmálaleiðtogi þjóðarinnar á síðustu öld og sat á Alþingi fyrir Alþýðuflokkinn í þrjátíu og tvö ár.

Eiríkur og Hjördís sækja um

Eiríkur Tómasson, sem Hæstiréttur taldi í fyrra heppilegan til að gegna stöðu hæstaréttardómara, sækir aftur um stöðuna nú. Það gera líka Hjördís Hákonardóttir og Allan Vagn Magnússon.

Neytendur hagnast segir SUF

Samband ungra framsóknarmanna fagnar því að bankakerfið bæti þjónustu sína við almenning í landinu með því að bjóða húsnæðislán fyrir allt að 80% af kaupverði og á vöxtum sem eru sambærilegir við lánskjör Íbúðalánasjóðs. Í ályktun SUF segist sambandið telja löngu tímabært að bankakerfið taki á þennan hátt þátt í fjármögnun íbúðarhúsnæðis landsmanna.

Sjóðurinn gæti orðið gjaldþrota

Ef húseigendur kjósa í ríkum mæli að endurfjármagna lán sín hjá bönkunum í ljósi betri kjara gæti Íbúðalánasjóður orðið gjaldþrota að mati forstöðumanns Hagfræðistofnunar Háskólans. Hann ráðleggur Íbúðalánasjóði að bjóða endurfjármögnum húsnæðislána í takt við það sem gerist nú á frjálsum markaði.

Færri á fundum Heimdallar

Mikillar óánægju gætir meðal fjórtán félaga fyrrum jafnréttis- og frjálshyggjudeildar í Heimdalli; félags ungra Sjálfstæðismanna. Nýkjörin stjórn ákvað að sameina deildirnar nýjum nefndum félagsins án samráðs við nefndarmenn.

Verð gæti hækkað tímabundið

Ný húsnæðislán bankanna gætu orðið til þess að húsnæði hækkaði tímabundið í verði á höfuðborgarsvæðinu. Íbúðaverð gæti hins vegar lækkað aftur og niður fyrir veðsetningu. Þá gæti húseignin rétt hrokkið fyrir lánunum, neyddist fólk til að selja.