Mál Svedda eru enn í rannsókn

Mál Sverris Þórs Gunnarssonar, Svedda tannar, er enn til rannsóknar hjá lögreglunni í Rio de Janeiro í Brasilíu. Hann situr enn í varðhaldi vegna málsins og óvíst er hvort og þá hvenær hann verður framseldur til Spánar vegna eldri dóms, samkvæmt upplýsingum Fréttablaðsins.

Lestur sem hentar öllum nemendum

Ný aðferð í lestrarþjálfun er að ryðja sér til rúms í nítján skólum hér á landi. Hún byggist á því að nemendur lesi saman í pörum og hjálpist að. Kennari segir aðferðina henta jafnt sterkum nemendum sem þeim sem eiga í erfiðleikum.

Ungur hælisleitandi vill ekki yfirgefa Ísland

Fimmtán ára hælisleitandi, sem í vor var dæmdur í fangelsi fyrir að framvísa fölsuðum vegabréfum, segist aldrei vilja yfirgefa Ísland aftur. Hann stefnir á nám og langar að keppa í fótbolta með ÍR.

Fleiri raftæki í Sorpu

Um þriðjungi fleiri raftæki hafa komið á endurvinnslustöðvar Sorpu á þessu ári miðað við það síðasta. Framkvæmdastjóri Sorpu segir þetta merki um að einkaneysla sé að aukast. Þá virðast fleiri standa í framkvæmdum en áður ef marka má það magn timburs sem komið er með á Sorpu.

Pétur Blöndal uppgötvar afl Youtube

Pétur Blöndal þingmaður vinnur nú að því að koma tillögum sínum sem eiga að koma í veg fyrir peningahringekjur á myndabandasíðuna Youtube. Myndböndin verða á þremur tungumálum og eru Bandaríkjamenn þegar byrjaðir að vinna að þeim.

Þrír arftakar helst nefndir

Jóhanna Sigurðardóttir segist enn ekki hafa gert það upp við sig hvort hún ætli að sækjast eftir endurkjöri sem formaður Samfylkingarinnar. Fari svo að hún hætti í pólitík eru þrír arftakar helst nefndir.

Tóm hús valda hættu

Hætta stafar af tómum húsum þar sem hústökufólk hefur hreiðrað um sig. Slökkviliðsstjóri segir að slíkum húsum gæti hafa fjölgað í úthverfunum höfuðborgarinnar og hvetur almenning til að vera vakandi fyrir hættu sem af þeim getur stafað.

Hin árlega busavígsla - til hvers?

Tæplega 4.300 nýnemar settust á skólabekk í framhaldsskólum landsins í vikunni. Busavígslur með mismunandi yfirbragði hafa verið órjúfanlegur hluti inngöngu nema í framhaldsskóla.

Eldsvoði í potti

Litlu munaði að illa færi þegar eldur kviknaði í potti sem stóð á eldavél á gistiheimili á Veghúsastíg í kvöld. Slökkviliðið var kallað til vegna reykjar. Einn dælubíll var sendur á staðinn og þegar þangað kom var mikill hiti og reykur í umræddu herbergi. Slökkviliðinu tókst að slökkva eldinn áður en hann barst úr pottinum.

Armstrong var foringinn í Öskju

Íslenskur fréttamaður, sem fyrir 45 árum fylgdist með Neil Armstrong æfa sig í Öskju fyrir tunglferðina, segir að þótt hann hafi verið hógvær og lítillátur hafi hann verið foringinn í hópnum. Bandarísku geimfararnir skelltu sér meðal annars á sveitaball í Mývatnssveit. Landslagið í Öskju þótti nægilega framandi og ógnvekjandi til að þjálfa geimfarana andlega undir tunglgöngu og kannski hjálpaði það Neil Armstrong að hafa setið á brún Vítis tveimur árum fyrr þegar honum tókst með snarræði á síðustu stundu að afstýra tunglferjunni frá því að lenda oní álíka gíg á tunglinu.

Pilturinn fundinn

15 ára piltur sem lögregla lýsti eftir fyrr í dag er kominn í leitirnar. Hann hafði ekki sést síðan 21. ágúst en fannst í dag eftir að lögregla lýsti eftir honum. Hann var að sögn heill á húfi.

Áfram mikil makrílgegnd við landið

Endanlegar niðurstöður úr rannsóknarleiðangri Íslands, Noregs og Færeyja staðfesta að makríll er áfram í miklu magni við strendur landsins. 29% af heildarmagni makríls í Norðaustur Atlantshafi fannst innan íslenskrar efnahagslögsögu.

Katrín réðist á þá sem vörðu grunnstefnuna

Jón Bjarnason fyrrverandi ráðherra Vinstri grænna sakar Katrínu Jakobsdóttur varaformann flokksins um að ráðast ómaklega að andstæðingum ESB aðildar. Hann segir forystuna ekki geta hælt sér af því að ganga gegn grunnstefnu flokksins.

Ísak veldur manntjóni

Ríkisstjórinn í Flórída hefur lýst yfir neyðarástandi vegna hitabeltisstormsins Ísaks sem stefnir nú á ríkið. Ísak virðist vera að breytast í fellibyl og gæti valdið miklu tjóni þegar hann nær Flórída.

Lesari sumarsins las yfir fimm þúsund síður

Lesari sumarsins var krýndur á Ísafirði en 42 börn tóku þátt í sumarlestri Bókasafnsins á Ísafirði þetta árið. Lesari ársins var Rán Kjartansdóttir sem las 5.314 blaðsíður í sumar. Krakkarnir lásu samtals 380 bækur.

Ef Alþingi ákveður annan kjördag verður að hlíta því

Innanríkisráðuneytið lítur svo á að þjóðaratkvæðagreiðslan sem auglýst var í vikunni um frumvarp stjórnlagaráðs til stjórnarskrár sé ekki ólögleg þó hún sé haldin 20. október. Ef hins vegar Alþingi ákveður annan kjördag þegar það kemur saman verður ráðuneytið að hlíta því.

Framkvæmdir við Stúdentakjallarann skotganga

Framkvæmdir við Stúdentakjallarann skotganga. Frá því í júní hafa verktakar unnið á svæðinu og nú á föstudaginn var staðan á framkvæmdunum svona. Stefnt er að því að Stúdentakjallarinn opni 1. desember með pompi og prakt. Sara Sigurðardóttir, formaður Stúdentaráðs HÍ, segir að þó það sé smá klikkun að opna bar fyrir háskólanemendur nokkrum dögum fyrir lokapróf verði staðurinn líklega kærkomið afdrep fyrir prófþreytta háskólanema.

Fimleikamenn þurfa meira pláss

Alls staðar vantar meira húsnæði til fimleika en sprening hefur verið meðal ungmenna á íþróttinni undanfarinn ár. Formaður Fimleikasambands Íslands segir sveitarfélögin ekki hafa brugðist við þessum vaxandi áhuga.

Synda boðsund yfir Faxaflóann

Fjórar sjósundskonur þreyta þessa stundina hið svokallaða Faxaflóasund, en það er vegalengdin milli Reykjavíkur og Akraness. Konurnar eru allar þaulvanar sjósundskonur og skiptast á að synda í eina klukkustund í senn. Á meðan bíða hinar í bát sem fylgir þeim á leiðinni.

Vilja efla tengsl Alaska og Íslands

Á Norðurslóðaþingi sem nú er haldið í Alaska kom fram mikill áhugi á að efla samvinnu Alaska og Íslands. Ólafur Ragnar Grímsson, forseti Íslands, átti fundi með ráðamönnum á þinginu.

Engin sundlaug í Fossvoginn í bili

Ólíklegt má telja að sundlaug í Fossvoginum verði að veruleika á allra næstu árum en borgarstjóri og bæjarstjórinn í Kópavogi ræddu málið á fundi fyrir helgina.

Tvær stúlkur úr Pussy Riot flýja Rússland

Tveir stúlkur úr pönksveitinni Pussy Riot hafa flúið Rússland til að sleppa undan saksókn. Stúlkurnar tvær tóku þátt í pönk-bæna gjörningnum í dómkirkju í febrúar.

Ólýsanlega gott að geta hlaupið

Í dag leggur Helgi Sveinsson af stað til London, þar sem hann keppir í þremur greinum á Ólympíumóti fatlaðra og stefnir á gullið í tveimur þeirra. Helgi hefur náð undraverðum árangri á stuttum tíma, en hann byrjaði aftur að hlaupa fyrir einu og hálfu ári, eftir að hafa misst annan fótinn í kjölfar krabbameins þegar hann var 19 ára.

Lýst eftir Marínó

Lögreglan á höfuðborgarsvæðinu lýsir eftir Marínó Birni Kristinssyni 15 ára. Marínó, sem er grannvaxinn og 165 sm á hæð, er með blá augu og stutt, brúnt hár. Síðast er vitað um ferðir hans í Búðardal þann 21. ágúst. Þeir sem geta gefið upplýsingar um ferðir Marínós eru beðnir um að hafa samband við lögregluna í síma 444-1000.

Norðurljósin verða tíð í vetur

Norðurljósin eru nú þegar byrjuð að dansa á himninum yfir landinu á kvöldin þó enn sé sumar. Myndin hér til hliðar var tekin á föstudaginn síðasta af ljósmyndaranum Olgeiri Anderssyni. Að hans sögn verður sólvirknin í hámarki í vetur með tíðum sólgosum og sólstormum. Það mun skila sér í óvenjumiklum norðurljósum, „og fleiri ferðamönnum," segir Olgeir sposkur. Íslendingar mega því eiga von á að himinninn logi óvenju oft í vetur.

Ekki ástæða til að banna einkarekstur í heilbrigðisþjónustu

Hugmyndir fyrrverandi heilbrigðisráðherra um að leggja fram frumvarp um að banna einkarekstur innan heilbirgðiskerfisins eru ótímabærar að mati formanns Læknafélags Íslands.

Nyrsta hlaup landsins

Fyrsta almenningshlaupið sem efnt hefur verið til í Grímsey verður 8. september næstkomandi. Það verður því nyrsta hlaup sem nokkurn tíma hefur verið hlaupið á Íslandi.

Skipulagðar aftökur í Sýrlandi

Uppreisnarmenn í Sýrlandi segja að hundruð líka hafi fundist í bæ í nágrenni höfuðborgarinnar Damaskus. Saka þeir stjórnarhermenn um fjöldamorð og segja greinilegt að margir hinna látnu hafi verið teknir af lífi með skipulögðum hætti.

Fimmtíu manns leituðu að konunni sem aldrei týndist

Mannleg mistök urðu til þess að umfangsmikil leit að erlendri konu stóð yfir í meira en hálfan sólarhring í gær. Leitinni var hætt þegar í ljós kom að konan var ekki týnd heldur hafði verið oftalið rútuna sem hún hafði ferðast með.

Ölvaður ökumaður í árekstri

Í gærkvöldi varð harður árekstur á milli tveggja fólksbifreiða á gatnamótum Kringlumýrarbrautar og Sæbrautar. Ekki urðu slys á fólki. Báðar bifreiðarnar eru mikið skemmdar og voru fluttar með dráttarbílum af vettvangi. Hreinsa þurfti olíu af gatnamótunum. Ökumaður annarar bifreiðarinnar, kona á fimmtugsaldri, var ölvuð og gistir fangageymslu. Hún verður yfirheyrð þegar hún verður í ástandi til þess.

Ótímabært að Jóhanna hætti sem formaður

Katrín Júlíusdóttir, samfylkingarkona og verðandi fjármálaráðherra, fann fyrir miklum stuðningi við Jóhönnu Sigurðardóttur, forsætisráðherra, í flokkstjórnarfundi Samfylkingarinnar í gær. Henni finnst algerlega ótímabært að Jóhanna hætti sem formaður flokksins núna.

Miklar hræringar innan stjórnmálaflokka í vetur

Það verður mikil barátta innan stjórnarflokka næsta vetur þegar raðað verður á framboðslista. "Það verða miklar hræringar. Það er alveg ljóst," segir Guðmundur Hálfdanarson, sagnfræðingur, í viðtali í útvarpsþættinum Á Sprengisandi í dag.

Evrópumálin munu koma Samfylkingunni til góða

Umræðan á næstu mánuðum innan Samfylkingarinnar og Vinstri Grænna mun að mestu leyti snúast um að sýna fram á ágæti ríkisstjórnarsamstarfsins og hve mikill árangur hefur náðst. Þetta segir Stefanía Óskarsdóttir, stjórnmálafræðingur, sem er gestur Sigurjóns M. Egilssonar í útvarpsþættinum Á Sprengisandi þennan morguninn.

Kjálkabrotinn hjólreiðamaður þurfti ekki hjálp

Rúmlega eitt í nótt datt maður síðan af reiðhjóli og hlaut töluverða áverka í andliti og brotnar tennur. Hann brást hinn versti við þegar lögregla kom á staðinn og reyndi að koma undan poka sem hann var með í fórum sínum sem virtist innihalda kannabisefni. Eftir að lögregla hafði haldlagt efnin í pokanum var hann fluttur með sjúkrabifreið á slysadeild. Maðurinn var ölvaður og hjálmlaus á reiðhjólinu. Á slysadeild kom í ljós að hann var með brotinn kjálka og var lagður á gjörgæsludeild.

Kviknaði í tusku á hótelherbergi

Slökkviliðið á höfuðborgarsvæðinu var kallað til þegar eldur kviknaði á gistiheimili í miðborginni í nótt. Eldurinn var smár í sniðum og kviknaði inni á herbergi. Slökkviliðið sendi einn dælubíl á vettvang en þegar hafði tekist að slökkva eldinn þegar slökkviliðið kom á staðinn en þörf var á að reykræsta herbergið. Eldurinn kviknaði í tusku á herberginu. Ekki er útilokað að um íkveikju sé að ræða.

Segja Bretland hætt við að ráðast inn í sendiráðið

Rafael Correa, forseti Ekvadors, segir að bresk stjórnvöld hafi dregið til baka hótun sína um að ráðast inn í sendiráðið til þess að handtaka Julian Assange. Assange, forsprakki Wikileaks, leitaði skjóls í sendiráðinu fyrir rúmum tveimur mánuðum til þess að komast hjá framsali til Svíþjóðar. Þarlend lögregluyfirvöld vilja yfirheyra hann vegna ásakana um kynferðisofbeldi en Assange óttast að verða framseldur þaðan til Bandaríkjanna. Ekvadorar brugðust ókvæða við þegar Bretar hótuðu því að ráðast inn í sendiráðið skömmu eftir að Assange var veitt hæli í Ekvador. Nú segist Correa hafa fengið skilaboð frá utanríkisráðuneytinu breska að ekki standi til að láta til skarar skríða.

1500 manns á flugeldasýningu við Jökulsárlón

Um 1500 manns komu saman við Jökulsárlón í gær og fylgdust með flugeldasýningu Björgunarfélags Hornafjarðar yfir lóninu. Auk þess fylgdist talsverður fjöldi fólks með henni í beinni útsendingu á vefmyndavél Mílu. Sýningin stóð í um fjörutíu mínútur. Sigríður Dögg Guðmundsdóttir, framkvæmdastjóri Ríkis Vatnajökuls, segir að upplifunin hafi verið engu lík. Bæði gefi umhverfið sýningunni töfrandi blæ auk þess sem hún sé óvenju vegleg og vari lengi. Sýningin var þáttur í fjáröflun Björgunarfélags Hornafjarðar. Hver gestur greiddi þúsund krónur í aðgang. Þar sem gestirnir voru 1500 má gera ráð fyrir að sýningin hafi skilað drjúgum tekjum.

Tekur ekki undir með Lilju

Sigurjón M. Egilsson, þáttarstjórnandi á Bylgjunni, tekur ekki undir með Lilju Mósesdóttur að nýir og litlir stjórnmálaflokkar eigi erfitt uppdráttar í fjölmiðlum hér á landi og fái ekki nægilegt aðgengi að þeim. Lilja Mósesdóttir tilkynnti í vikunni að hún hyggðist hætta sem formaður nýja flokksins Samstöðu. Þá sagði hún að fjölmiðlar hefðu lítinn áhuga á því að fjalla um ný stjórnmálaöfl.

Týnda konan leitaði að sjálfri sér

Leit að erlendri konu sem hafði verið saknað síðan um hádegi í gær var hætt um klukkan þrjú í nótt þegar í ljós kom að hún var alls ekki týnd. Hún hafði þvert á móti hjálpað samviskusamlega til við að leita að sjálfri sér.

Ekkert bólar á Skaftárhlaupinu

Ekkert hefur gerst í nótt sem bendir til þess að Skaftárhlaup sé hafið eða að hefjast. Flugmaður tilkynnti um það í gær að íshellan yfir vestari katlinum hefði sigið, sem er merki um hlaup. Snorri Zophoníasarson hjá Veðurstofunni segir hinsvegar að enn bendi ekkert til þess að eitthvað sé að gerast en þó mælist ketilvatn í ánni. Hafi hlaupið úr katlinum í gær tekur það vatnið um tuttugu til tuttugu og fjóra tíma að renna út í Skaftá en sextíu kílómetra leið er úr katlinum og að ánni. Í gærmorgun varð vart við jarðhræringar á svæðinu en nóttin var hinsvegar róleg.

Neil veiddi í Mývatnssveit og fór á sveitaball

"Hann var frekar hlédrægur maður og lét lítið yfir sér, kurteis og elskulegur mjög," sagði Sverrir Pálsson, ljósmyndari á Akureyri, um Neil Armstrong, en Sverrir hitti geimfarann á Íslandi sumarið 1967. Sverrir tók þá fjölda ljósmynda sem nú eru orðnar ómetanlegar heimildir um æfingar geimfara NASA í Öskju og Dyngjufjöllum fyrir tunglferðirnar heimssögulegu. NASA stóð fyrir tveimur leiðöngrum til Íslands, sá fyrri var árið 1965 og sá seinni 1967. Armstrong var í síðari

Tígur slapp úr búri og drap dýragarðsvörð

Tígrísdýr réðist á dýragarðsvörð í borginni Köln í Þýskalandi og drap hann í dag. Vörðurinn var 43 ára kona.

Allt appelsínugult í Nostalgíu fyrir konurnar

Appelsínuguli dagurinn er í dag en hann er uppátæki samtakanna UN Women, hugsaður til að minna á réttindabaráttu kvenna. Í tilefni dagsins gera verslanir við Laugaveginn miðbæinn appelsínugulari en gengur og gerist. Verslunin Nostalgía er fremst meðal jafningja í átakinu.

Færa op frárennslisins lengra frá ströndinni

Í gærkvöldi var heljarinnar plastleiðsla sjósett í Vestmannaeyjahöfn. Ætlunin er að tengja leiðsluna á næstu dögum við frárennslisrör bæjarins. Við þá breytingu færist op frárennslisrörsins 250 út frá ströndinni.

Ísak gengur yfir Haiti

Hitabeltisstormurinn Ísak gengur nú yfir Haiti. Þar er búið að spá miklum aurskriðum og flóðum. Óttast er um fjölda fólks, sérstaklega þá 400 þúsund íbúa sem enn búa í brágðabirgðatjöldum eftir jarðskjálftann mikla árið 2010.