Byssumaður reyndist vera leikari

Sem betur fer eru útköll lögreglu stundum byggð á misskilningi. Þannig var því t.d. farið í gær þegar tilkynning barst um byssumann á ferli á höfuðborgarsvæðinu.

Lögmenn Annþórs ósáttir við framgang lögreglu

Lögmenn Annþórs Kristjáns Karlssonar, sem grunaður er um að hafa banað Sigurði Hólm Sigurðssyni, samfanga sínum á Litla Hrauni ásamt Berki Birgissyni, segja að ekkert bendi til þess, á þessu stigi, að Annþór eigi hlut að máli. Hann hafi staðfastlega neitað sök.

Í aðgerð vegna fótbrots - konan hryggbrotnaði

Karlmaðurinn, sem féll niður um 40 metra þegar að brún á Lágey Dyrhólaeyjar gaf sig í dag, er í aðgerð vegna fótbrotsins sem hann hlaut af fallinu.

Fellibylurinn Bud færist nær Mexíkó

Fellibylurinn Bud færist nú nær ströndum Mexíkó en hann er fyrsti fellibylur ársins á Kyrrahafi. Vindhraðinn mælist á um 170 kílómetrum á klukkustund. Gert er ráð fyrir að hann nái landi í Mexíkó síðdegis á morgun og hefur almenningur verið varaður við. Ekki er búist við að þessi fyrsti bylur tímabilsins valdi miklum skemmdum.

Könnuðust ekki við að styðja Ástþór

Stikkprufur sem yfirkjörstjórn í Norðausturkjördæmi hefur framkvæmt hefur leitt í ljós að minnsta kosti tíu einstaklingar kannast ekki við að hafa skrifað nafn sitt á undirskriftarlista Ástþórs Magnússonar forsetaframbjóðanda.

Þjóðaratkvæðagreiðsla fer fram um tillögur stjórnlagaráðs

Þingmenn samþykktu nú á þriðja tímanum tillögur um þjóðaratkvæðagreiðslu um tillögu stjórnlagaráðs um stjórnarskrána. 35 þingmenn samþykktu atkvæðagreiðsluna en 15 voru á móti. Því er ljóst að þjóðaratkvæðagreiðslan fer fram ekki síðar en 20. október næstkomandi.

Íbúar kjósa um sameiningu í haust

Íbúar Garðabæjar og Álftaness munu í haust greiða atkvæði um það hvort að sameina eigi sveitarfélögin. Samstarfsnefnd um sameiningu sveitarfélaganna samþykkti þetta samhljóða á fundi sínum fyrr í dag.

Næstum helmingur ók of hratt í Sigtúni

Brot 46 ökumanna voru mynduð í Sigtúni í Reykjavík í dag. Fylgst var með ökutækjum sem var ekið Sigtún í austurátt, við Ásmundarsafn.

Kannabis í Kópavogi

Lögreglan á höfuðborgarsvæðinu stöðvaði kannabisræktun í húsi í Kópavogi eftir hádegi í gær. Við húsleit fundust 25 kannabisplöntur og viðurkenndi húsráðandi, karl á fertugsaldri, aðild sína að málinu.

Björgunarsveitarmaður: Kraftaverk hvað þau sluppu vel

"Þetta er ekkert annað en kraftaverk,“ segir Grétar Einarsson úr björgunarsveitinni Víkverja í Vík, en sveitin kom fyrst á vettvang eftir að brún á Lágey Dyrhólaeyjar gaf sig með þeim afleiðingum að tveir ferðamenn, karl og kona, féllu niður um 40 metra. Eins og sjá má á myndunum er hreint út sagt ótrúlegt að þau hafi sloppið lifandi.

Tekur 500 klukkustundir að fara yfir málskjölin

Ætla má að það taki verjendur 500 klukkustundir að fara yfir málskjöl í al-Thani málinu gegn fyrrverandi stjórnendum Kaupþings. Þetta sagði Ragnar H. Hall, verjandi eins sakborningsins, við fyrirtöku í morgun. Skjölin eru á 7000 blaðsíðum.

Druslugangan haldin í annað sinn

"Þetta gekk rosalega vel í fyrra og þátttakan var framar öllum vonum. Þess vegna er ekkert því til fyrirstöðu að endurtaka leikinn í ár,“ segir María Lilja Þrastardóttir, einn af skipuleggjendum Druslugöngunnar sem haldin verður þann 23. júní næstkomandi.

Tillaga um að setja ESB í þjóðaratkvæði í haust felld á þingi

Tillaga Vigdísar Hauksdóttur þingkonu Framsóknarflokksins um hvort efna skuli til þjóðaratkvæðagreiðslu um hvort stöðva eigi aðildarviðræður við Evrópusambandið var felld á þingi rétt í þessu með 34 atkvæðum gegn 25. Fjórir þingmenn voru fjarverandi. Stjórnarþingmennirnir Guðfríður Lilja Grétarsdóttir og Jón Bjarnason studdu tillögu Vigdísar. Þingmenn Hreyfingarinnar sögðu hinsvegar nei og það gerðu þau Þorgerður Katrín Gunnarsdóttir, Siv Friðleifsdóttir og Guðmundur Steingrímsson líka, auk stjórnarþingmanna.

Vill að Alþingi kaupi Landsímahúsið undir skrifstofur

Falla á frá byggingaráformum á skrifstofuhúsnæði Alþingis við Austurvöll en kaupa þess í stað gamla Landssímahúsið við Austurvöll. Þá þarf að fara fram á að borgarstjóri geri bragarbót á svæðinu en það hefur verið illa hirt að undanförnu. Þetta kom fram í máli þingmanns í umræðu um störf þingsins í morgun.

Nektarmynd af forsetanum harðlega gagnrýnd

Afríska þjóðarráðið, stærsti stjórnmálaflokkur Suður Afríku og flokkur forsetans Jakobs Zuma, hefur höfðað mál vegna myndar af forsetanum sem nú er til sýnis í galleríi í Jóhannesarborg.

Féllu af syllu í Dyrhólaey

Fjórir ferðamenn duttu niður af syllu í Dyrhólaey í dag þegar hún gaf sig og slösuðust þrír þeirra. Einn fótbrotnaði en hinir slösuðust minna. Björgunarsveitamenn og þyrla Landhelgisgæslunnar hafa verið kölluð út vegna slyssins. Töluverður viðbúnaður varð fyrst eftir að tilkynning barst um slysið en nú hefur verið dregið úr honum.

Ekki þorandi að flytja Börk í dóminn - úrskurðað um varðhald í fangelsinu

Kveða átti upp gæsluvarðhaldsúrskurð yfir Annþóri Kristjáni Karlssyni og Berki Birgisson í Héraðsdómi Suðurlands klukkan ellefu í morgun. Samkvæmt upplýsingum fréttastofu var það ekki gert í dómnum heldur kom dómari á Litla Hraun og kvað upp úrskurð þar. Þeir voru úrskurðaðir í gæsluvarðhald til 13. júní næstkomandi.

Viðbrögð Grétu og Jónsa - myndband

Gréta Salóme og Jónsi stóðu sig með stakri prýði í forkeppni Eurovision á þriðjudaginn. Þau komust upp úr fyrri riðlinum og keppa fyrir Íslands hönd á laugardaginn í aðalkeppninni sem fer fram í Bakú, höfuðborg Aserbaídjan.

Allt að þriggja ára fangelsi liggur við brotum starfsmannanna

Fyrrverandi lögreglumennirnir hjá sérstökum saksóknara gætu átt yfir höfði sér allt að þriggja ára fangelsi verði þeir fundnir sekir um að hafa rofið þagnarskyldu. Komið hefur fram að mennirnir voru að störfum fyrir þrotabú Milestone á sama tíma og þeir störfuðu fyrir embætti sérstaks saksóknara. Fram hefur komið að þeir unnu skýrslu fyrir þrotabúið sem þeir fengu greiddar 30 milljónir fyrir.

Neitaði að fljúga með kvenkyns flugstjóra

Karlmanni var vísað út úr flugvél á vegum brasilíska flugfélagsins Trip Airlines eftir að hann lét óánægju sína í ljós með að flugstjórinn var kvenkyns. Flugstýran henti honum sjálf út rétt fyrir flugtak.

Björk í samstarfi við bókasafn í New York

Björk Guðmundsdóttir er komin í samstarf við bókasafn í New York og aðrar stofnanir. Verkefnið snýst um að hanna námsforrit fyrir börn sem er byggt á iPad appi sem hún gaf út í tengslum við nýjustu plötu sína, Biophilia.

Hreindýr trufla ökumenn

Hreindýr hafa verið á ferli í kringum Hallormsstaðaskóg undanfarið en um er að ræða hóp tarfa sem eru á leið frá Egilsstöðum að Hallormsstaðaskógi.

Dönsk sveitarfélög banna reykingar í vinnunni

Starfsmenn hins opinbera í Danmörku sem reykja eiga nú undir högg að sækja. Fjögur sveitarfélög í landinu hafa bannað starfsmönnum sínum alfarið að reykja í vinnunni og svipaðar reglur eru í vinnslu hjá tíu öðrum sveitarstjórnum. Þetta kemur fram á dönsku vefsíðunni avisen.dk í dag. Reykingar í vinnutíma hafa lengi verið viðkvæmt mál hjá hinum frjálslyndum Dönum en sveitarstjórnarmenn sem talað er við segja að framtíðin liggi augljóslega á þann veginn, að innan tíðar verði öllum starfsmönnum hins opinbera bannað að reykja, á vinnutíma.

Verkfall í Noregi

Um 25 þúsund opinberir starfsmenn í Noregi hófu í morgun verkfallsaðgerðir eftir að samningaviðræður verkalýðsfélaga við stjórnvöld fóru út um þúfur. Verkfallið mun helst bitna á barnafjölskyldum,en áttaþúsund og fimmhundruð kennarar á grunn- og leikskólastigi taka þátt í aðgerðunum í fjórtán sveitarfélögum en þó ekki í höfuðborginni Osló.

Barn fann amfetamín í leikskólanum

Fimm ára drengur fann í febrúar poka með amfetamíni á leikskólanum Jörfa. Nóg til að valda barni alvarlegum skaða, segir prófessor í eiturefnafræði. Foreldrar fréttu fyrst af málinu í gær og eru ósáttir.

Dæmdur í langa fangelsisvist

Shakil Afridi, læknir i Pakistan, hefur hlotið þungan fangelsisdóm og fésekt að auki fyrir að hjálpa Bandaríkjamönnum að hafa uppi á Osama bin Laden.

Catalina að koma en flugsýningu frestað

Catalina-flugbáturinn, sem verður helsti sýningargripur flugdagsins í Reykjavík, er nú á leiðinni til Íslands og áætlar lendingu á Reykjavíkurflugvelli upp úr klukkan hálfsjö í kvöld. Flugmálafélag Íslands hefur hins vegar ákveðið að fresta flugsýningunni fram á mánudag, annan í hvítasunnu, vegna veðurs.

Plastpokar bannaðir í Los Angeles

Borgarstjórn Los Angeles borgar hefur ákveðið að banna alfarið notkun plastpoka í verslunum þessarar næst stærstu borgar Bandaríkjanna. 45 borgir í Kalíforníu hafa þegar gripið til þessa ráðs en Los Angeles ber þó höfuð og herðar yfir hinar borgirnar þegar kemur að plastpokanotkun.

Ólympíuleikar 2020: Þrjár borgir koma til greina

Þrjár borgir eru eftir í baráttunni um að fá að halda Ólympíuleikana árið 2020. Ekki er ráð nema í tíma sé tekið og þótt Ólympíuleikarnir í London hefjist ekki fyrr en í sumar er þegar hafinn undirbúningur að leikunum árið 2020. Leikarnir verða haldnir í Ríó de Janeiro í Brasilíu eftir fjögur ár en í gærkvöldi tilkynnti Alþjóða Ólympíunefndin að leikarnir að átta árum liðnum verði annaðhvort í Istanbúl, Tókíó eða í Madríd.

Góð þátttaka í Egyptalandi

Forsetakosningarnar í Egyptalandi fara nú fram annan daginn í röð en tvo daga þarf til enda gríðarlegur fjöldi á kjörskrá, eða fimmtíu milljónir manna. Um fyrstu frjálsu kosningarnar í sögu landsins er að ræða og eru tólf í framboði.

Þyrla sótti veikan sjómann

Þyrla Landhelgisgæslunnar, TF-LÍF, sótti veikan sjómann í gær af bát sem var að veiðum austur af Hornafirði. Hafði skipstjóri samband við Gæsluna klukkan 03.15 og fór þyrlan í loftið 30 mínútum síðar.

Langar biðraðir við kjörstaði

„Byltingin hefur breyst mikið. Bæði til hins betra og til hins verra,“ segir Wael Ramadan, fertugur Egypti sem starfar hjá símafyrirtæki og stóð í gær í biðröð eftir því að fá að greiða atkvæði á kjörstað í Kaíró.

Vill ekki gefa ungu fólki falsvonir

Mögulegt er að lækka þurfi ávöxtunarkröfu lífeyrissjóðanna úr 3,5% vegna efasemda um að svo há ávöxtun geti náðst til langs tíma. Það er mikilvægt er að gefa ekki ungu fólki falskar vonir um lífeyri í framtíðinni, segir Þórey S. Þórðardóttir, framkvæmdastjóri Landssamtaka lífeyrissjóða.

Vill að borgin stöðvi háhýsi úr fortíðinni

Íbúi í Vesturbænum vill að borgin hindri að sjö hæða hús rísi við höfnina. Byggingin var samþykkt 2006 en varð ekki meira en húsgrunnur fyrir hrunið. Þótt framkvæmdir séu ekki hafnar að nýju er byrjað að selja íbúðir í húsinu.

Sterkt efni getur hæglega verið banvænt

Hálft til eitt gramm af amfetamíni getur verið stórhættulegt börnum, til dæmis ef þau myndu gleypa það, að sögn Jakobs Kristinssonar, prófessors í eiturefnafræðum. Fréttablaðið spurði Jakob hvaða áhrif það gæti haft á fimm ára barn að innbyrða hálft til eitt gramm af amfetamíni.

Veiðimenn vilja gott sambýli

Borgarstjórn hefur samþykkt breytingu á deiliskipulagi sem gerir líkamsræktarfyrirtækinu Boot Camp kleift að hefja starfsemi í húsi Fornbílaklúbbs Íslands í Elliðaárdal. Fjórar vikur eru nú þar til laxveiðitímabilið í Elliðaánum hefst.

Samstarf um norðurslóðamál

Háskólinn á Akureyri og Háskóli Pierre et Marie Curie skrifuðu undir viljayfirlýsingu um samstarf í rannsóknum á þriðjudag. Áhersla samstarfsins verður á norðurslóðamál.

Gamla lánið er enn hagstæðast

Stjórn Faxaflóahafna hafnar öllum átta tilboðunum sem bárust í endurfjármögnun á langtímaláni. Að sögn Gísla Gíslasonar hafnarstjóra var umrætt lán tekið árið 2006 til tuttugu ára. Það stendur í dag í um 1.200 milljónum króna. Vextirnir eru 4,6 prósent auk verðtryggingar.

Borgin byggir upp skólalóðir

Sett verða upp ný boltagerði við tvo grunnskóla í Reykjavík í sumar; Breiðagerðisskóla og Foldaskóla. Stefnt er að því að ljúka framkvæmdum í sumar. Einnig verða gerðar endurbætur á lóðum Hamraskóla, Réttarholtsskóla og Seljaskóla.

Frakkar stórir í þorskkaupum

Fiskkaupendur í Frakklandi keyptu á fyrsta ársfjórðungi þessa árs 45% meira af ferskum þorski en á sama tíma í fyrra og um 90% meira af ýsu.

Eiga 25.000 skópör á lagernum

Ný íþróttavöruverslun undir merkjum Sports Direct opnar við Smáratorg í Kópavogi á laugardag. Sports Direct er stærsta íþróttaverslanakeðja Bretlands og er í eigu auðkýfingsins Mikes Ashleys.

ESA skýrir samkeppnisreglur sínar

ESA, eftirlitsstofnun EFTA, hefur tekið upp nýjar reglur sem skýra eiga hvenær samkeppnisaðilar mega eiga í samstarfi og hvers lags samráð rúmist innan ramma Samningsins um evrópska efnahagssvæðið.

Biðin styttist hjá Assange

Hæstiréttur Bretlands tilkynnti í gær að á miðvikudaginn í næstu viku verði kveðinn upp úrskurður í framsalsmáli Julians Assange, stofnanda lekasíðunnar Wikileaks.

Annþór og Börkur harðneita allri sök

Tveir kunnir ofbeldismenn og refsifangar á Litla-Hrauni neita því alfarið að bera ábyrgð á dauða samfanga síns. Dómari kveður upp úr með gæsluvarðhald í dag. Fangelsisstjóri á Litla-Hrauni segir erfitt að taka á hættulegum föngum.

Alls eru 94 stjórnarfrumvörp óafgreidd

Samkvæmt starfsáætlun verður þingi frestað 31. maí og því aðeins fjórir þingdagar eftir. Fyrir þingi liggja 94 stjórnarfrumvörp og af þeim hafa 27 ekki enn verið tekin til fyrstu umræðu. Umræður um þjóðaratkvæðagreiðslu um drög að stjórnarskrá hafa tekið tæpar 50 klukkustundir og hefur meiri tími farið í andsvör en þingræður.