Verkfall í Noregi

Um 25 þúsund opinberir starfsmenn í Noregi hófu í morgun verkfallsaðgerðir eftir að samningaviðræður verkalýðsfélaga við stjórnvöld fóru út um þúfur. Verkfallið mun helst bitna á barnafjölskyldum,en áttaþúsund og fimmhundruð kennarar á grunn- og leikskólastigi taka þátt í aðgerðunum í fjórtán sveitarfélögum en þó ekki í höfuðborginni Osló.

Það gæti þó breyst þegar líður á daginn en ákvörðun um verkfallsaðgerðir í höfuðborginni verður tekin innan stundar. Þá bitnar verkfallið einnig á hjúkrunarheimilum auk þess sem heimaþjónusta fyrir aldraða leggst af, að miklu leyti.