Löggan stöðvaði 430 ökumenn - þrír voru ölvaðir

Fjögur hundruð og þrjátíu ökumenn voru stöðvaðir í miðborginni í umferðareftirliti lögreglunnar um helgina. Að sögn lögreglu reyndust þrír ökumenn ölvaðir við stýrið og eiga þeir ökuleyfissviptingu yfir höfði sér. Fjórum til viðbótar var gert að hætta akstri sökum þess að þeir höfðu neytt áfengis en voru þó undir leyfilegum mörkum. Nokkra athygli vakti að ljósabúnaði allmargra ökutækja var ábótavant.

Ólafur Elíasson vill bæta lífsgæði milljóna með sólarknúnum lampa

Ólafur Elíasson segir listsköpun hafa sýnt sér hversu mikil áhrif hægt er að hafa á heiminn. Hann hefur nú stofnað fyrirtæki sem selur ódýrar sólarknúnar vörur til landa þar sem rafmagn er munaðarvara.

Sara nýr formaður Stúdentaráðs

Sara Sigurðardóttir var kjörin nýr formaður Stúdentaráðs Háskóla Íslands á skiptafundi ráðsins í dag og hefur hún nú tekið við störfum af Lilju Dögg Jónsdóttur, fráfarandi formanni. Sara er oddviti Vöku sem vann meirihluta í Stúdentaráði fyrr í þessum mánuði. Hún er nemi við stjórnmálafræðideild og stefnir á að útskrifast vorið 2013.

Eignarhald á íslenskum fjölmiðlum tekið saman

Hin nýstofnaða Fjölmiðlanefnd hefur nú birt lista yfir eignarhald á Íslenskum fjölmiðlum. Lögum samkvæmt þurfa fjölmiðlar sem ekki eru leyfisskyldir að skrá sig auk þess sem allir leyfisskyldir og skráðir fjölmiðlar eiga að veita fjölmiðlanefnd upplýsingar um eignarhald.

Presthjón sökuð um að myrða börn sín - sögðu þau andsetin

Lögreglan í Suður-Kóreu hefur handtekið prest og eiginkonu hans í tengslum við lát þriggja barna þeirra. Hjónin eru sökuð um að hafa hýtt börnin og svelt þau. Presthjónin segjast hafa verið að reyna að reka illa anda út úr börnum sínum.

Handtekinn á Schiphol

Lögreglan í Hollandi hefur handtekið mann sem læsti sig inni á klósetti á Schiphol flugvelli í Amsterdam og sagðist vera með sprengju innan klæða.

Segja Írana ábyrga fyrir sprengjutilræðum í Ísraelska diplómata

Forsætisráðherra Ísraels, Benjamin Netanyahu, fullyrðir að íranskir leyniþjónustumenn hafi ráðist að ísraelskum diplómötum á Indlandi og í Georgíu. Sprengju var varpað að bíl í Delhí með þeim afleiðingum að einn særðist og segja Ísraelar að svipað sprengjutilræði hafi farið út um þúfur í Tblisi höfuðborg Georgíu.

Halldór Gylfa faðmaði sviðsmanninn eftir óhappið

"Ég er svona að koma til. Mér er svolítið illt í bakinu, er aumur og marinn, og get ekki verið á mikilli hreyfingu,“ segir Halldór Gylfason, leikari í Borgarleikhúsinu. Um helgina féll hann fjóra metra niður hlera sem opnaðist fyrir slysni þegar hann var að leika í sýningunni Galdrakarlinn í Oz.

Jón Þórarinsson látinn

Jón Þórarinsson tónskáld andaðist í gær í Reykjavík. Hann var á 95. aldursári. Hann starfaði lengi við Ríkisútvarpið og var einn af hvatamönnum að stofnun Sinfóníuhljómsveitar Íslands. Jón lætur eftir sig sjö uppkomin börn. Eftirlifandi eiginkona hans er Sigurjóna Jakobsdóttir.

Vilja að krakkarnir komist í réttir

Fræðslunefnd og sveitarstjórn Flóahrepps hafa sent inn formlegar athugasemdir til menntamálaráðuneytisinsþess efnis að dagsetningar samræmdra próf í grunnskólum landsins í haust stangist á við göngur og réttir hjá nemendum. Þetta kemur fram á fréttavefnum dfs.is.

Býst við reisupassanum í dag

Snorri Óskarsson, kennari við Brekkuskóla, býst við að fá reisupassann í dag vegna ummæla hans um samkynhneigð. Engu að síður telur hann uppsögn á grundvelli trúarskoðana brjóta í bága við stjórnarskrána. Snorri hefur verið harðlega gagnrýndur að undanförnu eftir að hann ritaði bloggfærslu þar sem sagði að samkynhneigð væri synd og að laun hennar væru dauði. Snorri hefur verið kallaður á fund síðdegis í Ráðhúsinu á Akureyri. Hann segist ekki vita nákvæmlega hvað honum verður kynnt á fundinum.

Whitney á hvíta tjaldinu í síðasta sinn í sumar

Bíómynd með Whitney Houston í aðalhlutverki verður frumsýnd í sumar en söngkonan dáða lést um helgina. Myndin Sparkle er endugerð myndar sem bar sama nafn og kom út árið 1976 og var ein af uppáhaldsmyndum Houston. Í myndinni leikur Whitney móður þriggja systra sem hafa slegið í gegn og takast á við erfiðleika sem frægðinni fylgja.

Erum löngu búin með kvótann

Engin kynslóð hefur rétt á að ákveða framtíðarskipan í virkjanamálum segja Andri Snær Magnason og María Ellingsen sem bæði eru í stjórn Framtíðarlandsins. Þau segja nóg hafa verið virkjað á Íslandi og vilja nýta landið á annan hátt, til dæmis með verndun.

Sprengjuhótun á Schiphol í Amsterdam

Schiphol flugvöllur í Amsterdam hefur verið rýmdur að stórum hluta vegna sprengjuhótunar. Reuters fréttastofan hefur eftir lögreglu að fyrsta og annað terminal hafi verið rýmt og er verið að rannsaka byggingarnar. Schiphol er einn fjölfarnasti flugvöllur í Evrópu en óljóst er hvort flugumeferðin hafi eitthvað raskast af þessum völdum.

Dópuð mæðgin stálu folaldalundum úr Bónus

Karlmaður gekk út úr verslun Bónus við Larsenstræti á Selfossi á laugardaginn með fangið fullt af folaldalundum sem hann hafði ekki greitt fyrir.

Engin ákvörðun um áfrýjun í barnavændismálinu

Ríkissaksóknari kannar nú hvort forsendur séu fyrir því að áfrýja dómi Héraðsdóms Vesturlands í kynferðisbrotamáli til Hæstaréttar. Dómurinn var kveðinn upp á fimmtudaginn, en karlmaður var dæmdur í tólf mánaða skilorðsbundið fangelsi fyrir kynmök við fjórtán ára gamlan pilt gegn greiðslu.

Frægir deyja þegar fótboltamaður skorar mark

"Þetta er ótrúlegt. Tölurnar geta komið manni á óvart í sambandi við hvað sem er en ég held að þetta geti allt eins verið tilviljun," segir Hermundur Rósinkranz, talnaspekingur og miðill. Stuðningsmenn Arsenal í Bretlandi tengja nú dauða söngdívunnar Whitney Houston við miðjumann liðsins, hinn velska Aaron Ramsey.

Eigandinn veit ekkert hvernig bíllinn endaði í vatninu

Allt er á huldu um það hvernig stendur á því að jeppa var ekið ofan í Vífilsstaðavatn. Jeppinn fannst um níuleytið í morgun. Lögreglan hefur haft samband við eiganda bílsins og gat hann engar skýringar gefið á því hvernig bíllinn endaði ofan í vatninu.

Enginn í bílnum

Enginn var i bílnum sem fannst um klukkan níu í morgun út í Vífilstaðavatni. Slökkviliðið sendi kafara að bílnum um leið og af honum fréttist. Kafarar fóru samstundis að bílnum og þá kom í ljós að hann var mannlaus. Kafararnir eru nú að að kanna vatnið í kringum bílinn og telja þeir sig sjá spor við bílinn. Samkvæmt upplýsingum frá slökkviliðinu munu kafarar leita ofan í vatninu eitthvað fram eftir morgninum til þess að fullvissa sig um að enginn sé í því. Slökkviliðið er einnig farið að huga að því að koma bílnum úr vatninu.

Bíll fannst í Vífilstaðavatni

Slökkviliðið er statt á Vífilsstöðum og hafa kafarar verið sendir ofan í vatnið. Bíll fannst í vatninu nú rétt fyrir klukkan níu. Samkvæmt upplýsingum frá slökkviliðinu var enginn í bílnum. Við segjum nánar frá þessu í fréttum í dag.

Dómstóll segir kynþáttafordóma ekki í bókinni Tinni í Kongó

Dómstóll í Brussel í Belgíu hefur kveðið upp þann úrskurð að kynþáttafordóma sé ekki að finna í teiknimyndabókinni Tinni í Kongó.

Fimmti hver Svíi trúir á drauga

Ný könnun leiðir í ljós að fimmti hver Svíi trúir á drauga eða að fólk geti gengið aftur eftir andlátið.

Sjórán vaxandi vandamál við vesturströnd Afríku

Bandaríska gáfnaveitan One Earth Future varar við vaxandi sjóræningjastarfsemi undan ströndum Vestur-Afríku.

Saadi Gaddafi settur í stofufangelsi

Saadi Gaddafi, einn af eftirlifandi sonum Moammar Gaddafi fyrrum leiðtoga Lýbíu, hefur verið handtekinn í Niger og settur í stofufangelsi.

Sýrland hafnar hugmyndum Arababandalagsins

Stjórnvöld í Sýrlandi hafna algerlega þeim hugmyndum Arababandalagsins að sendar verði friðargæslusveitir til Sýrlands en þær yrðu á sameiginlegu forræði bandalagsins og Sameinuðu þjóðanna.

Lögreglan handtók þrjá menn í miðju ráni

Lögreglan handtók þrjá karlmenn í nýbyggingu við Boðaþing, skammt frá Elliðavatni í Kópavogi í nótt, þar sem þeir fóru ránshendi í nýbyggingu.

Bankarán framið þriðja hvern dag að meðaltali í Danmörku

Bankarán var framið að meðaltali þriðja hvern dag í Danmörku í fyrra.

Loðnugangan komin vestur fyrir Höfn í Hornafirði

Aðal loðnugangan er nú komin vestur fyrir Höfn í Hornafirði og nálgast Hrollauglseyjar. Þar eru nú að minnsta kosti tíu loðnuskip og eru að farin að veiða á grunninu og nota nú nætur í stað flottrolla.

Adele kom, sá og sigraði á Grammy verðlaunahátíðinni

Það var breska söngkonan Adele sem kom sá og sigraði á Grammy verðlaunahátíðinni í gærkvöldi.

Miklar óeirðir á götum Aþenu í nótt

Miklar óeirðir voru á götum Aþenu og víðar í Grikklandi í gærkvöldi og langt fram á nótt meðan á umfjöllun þingsins stóð um skilyrðin fyrir nýju neyðarláni. Kveikt var í yfir 30 byggingum í borginni, þar á meðal kvikmyndahúsum, veitingastöðum og bönkum.

Minnihluti fylgjandi Vaðlaheiðargöngum

Um 28 prósent landsmanna vilja að ráðist verði í gerð Vaðlaheiðarganga í ríkistryggðri einkaframkvæmd en 47 prósent eru því andvíg, samkvæmt niðurstöðum skoðanakönnunar Fréttablaðsins og Stöðvar 2.

Tæplega 44 prósent vilja falla frá ákæru

Þjóðin er klofin í tvær jafnar fylkingar í afstöðu sinni til þess hvort Alþingi eigi að draga til baka ákæru á hendur Geir H. Haarde fyrir Landsdómi, samkvæmt niðurstöðum skoðanakönnunar Fréttablaðsins og Stöðvar 2.

Rammaáætlun felur ekki í sér endanlega úthlutun

Svandís Svavarsdóttir umhverfisráðherra segir ekki rétt að halda því fram að í rammaáætlun um vernd og nýtingu náttúrusvæða felist endanleg úthlutun þeirra náttúrusvæða sem þar eru undir. Vinna við áætlunina er á lokaspretti og hún segir hana vera forgangsverkefni hjá sér og Oddnýju G. Harðardóttur, starfandi iðnaðarráðherra.

Minna ofbeldi í miðborginni

Alls urðu 1.578 fyrirtæki gjaldþrota á árinu 2011 og hafa aldrei verið fleiri á einu ári. Til samanburðar urðu 982 fyrirtæki gjaldþrota á árinu 2010. Þetta kemur fram í tölum Hagstofunnar um nýskráningar og gjaldþrot sem birtar voru nýlega.

Taldi sig eiga óuppgerð mál

Karlmaðurinn sem varð fyrir hrottalegri árás á heimili sínu á Þórshöfn aðfaranótt sunnudags er ekki í lífshættu, samkvæmt upplýsingum frá Sjúkrahúsinu á Akureyri.

Tilgangurinn var ekki að valda skaða

Karl á áttræðisaldri hefur játað að hafa komið fyrir sprengjunni sem sprakk á Hverfisgötu, skammt frá Stjórnarráðinu, snemma að morgni 31. janúar síðastliðinn. Hann mun hafa verið einn að verki og hefur verið sleppt úr haldi.

Vilja skýr svör um bótaskyldu

Þrír bændur telja að Ísafjarðarbær beri ábyrgð á því tjóni sem þeir urðu fyrir af völdum díoxín-mengunar frá sorpbrennslustöðinni Funa í Engidal. Lögmaður bændanna hefur skrifað Ísafjarðarbæ, sem átti og rak Funa, og óskað eftir afstöðu sveitarfélagsins til bótaskyldu.

Sammála um annað en ESB

Stofnfundur nýrrar breiðfylkingar um framboð til næstu alþingiskosninga var haldinn í gær. Að fylkingunni standa auk annarra þingmenn Hreyfingarinnar, Borgarahreyfingin, Frjálslyndi flokkurinn og ýmis grasrótarsamtök.

Vill alhliða lög gegn mismunun

Ísland þarf alhliða lög gegn mismunun og óháða jafnréttisnefnd til þess að hrinda ákvæðum laganna í framkvæmd. Þetta sagði mannréttindafulltrúi Evrópuráðsins, Thomas Hammarberg, að lokinni tveggja daga heimsókn til Íslands.

Vega-flaug á loft í fyrsta sinn

Eldflaug af tegundinni Vega verður skotið á loft í fyrsta sinn, rétt fyrir hádegi í dag. Geimferðastofnun Evrópu hefur unnið að þróun flaugarinnar síðustu níu ár.

Litlar líkur á ósigri forsetans

Ekki er mikilla tíðinda að vænta úr forsetakosningunum sem fóru fram í Túrkmenistan í gær.

Trylltur maður olli næstum flugslysi

Brasilísk farþegaþota neyddist til þess að lenda eftir að einn farþegi trylltist og réðist að ástæðulausu á flugmenn vélarinnar og setti alla farþegana í stórhættu. Samkvæmt AP fréttastofunni komst maðurinn inn í flugstjórnarklefann þar sem hann réðist án fyrirvara á flugmennina.

Listamaðurinn fékk sjö verðlaun

Franska myndin Listamaðurinn fékk flest verðlaun á Bafta hátíðinni í kvöld, eða sjö talsins. Þar á meðal var hún valin besta myndin, en fékk jafnframt verðlaun í flokknum besti leikstjórinn, og besti leikari í aðalhlutverkum.

Grammy-verðlaunin haldin í skugga andláts Whitney Houston

Grammy verðaunahátíðin verður haldin í kvöld í skugga sviplegs fráfalls söngdívunnar Whitney Houston. Söngkonan lést á á hóteli í Los Angeles í gær eins og kunnugt er.

Fyrri stofnfundur Breiðfylkingarinnar haldinn í dag

Í dag var haldinn stofnfundur Breiðfylkingarinnar sem fulltrúar Hreyfingarinnar, Frjálslynda flokksins og fleiri aðila standa að. Margrét Tryggvadóttir, þingmaður Hreyfingarinnar, segir nú hópinn kanna hvort hægt verði að hefja samstarf undir formerkjum nýs stjórnmálaafls.