Mastur rís hjá Búrfellsvirkjun

Landsvirkjun er að reisa 50 metra hátt mastur fyrir vindmælingar í nágrenni Búrfellsvirkjunar. Framkvæmdirnar eru til að kanna möguleika á nýtingu vindorku á Suðurlandsundirlendinu.

Tillaga um þjóðaratkvæðagreiðslu felld

Tillaga um þjóðaratkvæðagreiðslu um Icesave samningana var felld á Alþingi í dag. Allir þingmenn stjórnarandstöðunnar, sem greiddu atkvæði, studdu tillögu um þjóðaratkvæðagreiðslu. Það gerðu þau Ásmundur Einar Daðason og Lilja Mósesdóttir, þingmenn VG, einnig. Aðrir þingmenn úr stjórnarliðinu greiddu hins vegar atkvæði gegn tillögunni. Tvær breytingatillögur um þjóðaratkvæðagreiðslu voru lagðar fram og nú er búið að greiða atkvæði um þá fyrri.

Japanir fresta hvalveiðiferð

Japanir hafa frestað árlegri hvalveiðiferð sinni á Suðurskautslandinu vegna mótmælaaðgerða Sea Shepard samtakanna.

Bjarni vill þjóðaratkvæðagreiðslu

Bjarni Benediktsson, formaður Sjálfstæðisflokksins, styður tillögu um þjóðaratkvæðagreiðslu í Icesave málinu. Þetta kom fram í máli Bjarna í dag. Eygló Harðardóttir, þingmaður Framsóknarflokksins, tók undir með Bjarna og benti á nýlega skoðanakönnun MMR sem benti til þess að um 62% almennings vildi þjóðaratkvæðagreiðslu. Guðlaugur Þór Þórðarson tók einnig undir með Bjarna.

Ísland er eitt án mjólkurbanka

Af Norðurlöndunum er Ísland eina landið sem ekki hefur komið upp mjólkurbanka þar sem hægt væri að sækja brjóstamjólk handa fyrirburum í neyðartilfellum. Þetta segir Arnheiður Sigurðardóttir, lýðheilsufræðingur og brjóstaráðgjafarráðgjafi. Hún bendir á að hér á landi séu bara 13 prósent ársgamalla barna enn á brjósti, samanborið við 40 prósent í Noregi.

Íslendingar koma fram sem fullvalda þjóð

„Sú samningalota sem skilaði þeim samningum sem við erum hér að greiða atkvæði um er fyrsta samningalotan vegna icesave deilunnar sem við íslendingar komum fram eins og fullvalda þjóð,“ sagði Bjarni Benediktsson, formaður Sjálfstæðisflokksins, þegar atkvæðagreiðsla um Icesave hófst í dag.

Bart Simpson á móti Icesave á kjósum.is

Teitur Atlason bloggari á DV hefur sýnt fram á að auðvelt sé að svindla á vefsíðunni kjósum.is. Sjálfur hefur hann kosið tvisvar á síðunni, síðast undir nafninu Bart Simpson.

Dellusafn á Flateyri fyrir áráttusafnara

Ísfirðingur vill koma upp „Dellusafni“ fyrir söfn af ýmsu tagi og vill fá inni þar sem bæjarstjórnarskrifstofur voru áður á Flateyri. Sjálfur er hann fyrrverandi lögreglumaður og á fjölþjóðlegt safn lögreglugripa með 120 einkennishúfum.

Atkvæðagreiðsla um Icesave - bein útsending á Vísi

Tæplega þrjátíu þúsund manns hafa skrifað undir áskorun til forsetans um að synja nýjum Icesave-lögum staðfestingar. Búist er við að Alþingi afgreiði í dag sem lög frumvarp vegna nýrra Icesave-samninga.

Ósátt við skort á samráði

Þingflokksformenn Framsóknarflokksins og Hreyfingarinnar segjast harma þá ákvörðun forseta Alþingis að hafa, án samráðs við þingflokk framsóknarmanna og þinghóp Hreyfingarinnar, ákveðið að breyta venjubundinni dagskrá þingfundar.

Bylgjan má ekki spila lögin

Tónlistarmaðurinn Jóhann G. Jóhannsson segir það ekki rétt hjá Pálma Guðmundssyni, framkvæmdastjóra dagskrársviðs 365 miðla, að Bylgjan geti spilað lögin hans þrátt fyrir að hann hafi bannað henni að gera það.

Svandís vildi frávísun í fyrra - segist nú hafa þurft dómsniðurstöðu

Fullyrðingar umhverfisráðherra um að hún hafi talið nauðsynlegt í dómsmálinu gegn Flóahreppi að fá skorið úr lagaóvissu virðast í mótsögn við tilraun hennar í fyrra til að fá málinu vísað frá dómi og koma þannig í veg fyrir dómsniðurstöðu. Þá hafði ákvörðun hennar um áfrýjun til Hæstaréttar enga efnislega þýðingu því lögin umdeildu voru í millitíðinni numin úr gildi.

Loðnukvótinn aukinn um 65 þúsund tonn

Hafrannsóknarstofnunin hefur ákveðið að bæta 65 þúsund tonnum við loðnukvóta yfirstandandi fiskveiðiárs. Þetta þýðir auknar þjóðartekjur upp á 2,5 milljarða. Rannsóknarskipið Árni Friðriksson hefur frá því í byrjun febrúar verið við rannsóknir og mælingar á stærð loðnustofnsins.

Tár á hvarmi foreldra

Foreldrar nokkurra úr hópi nímenninga hafa setið öll réttarhöldin og mátti sjá tár á hvarmi þeirra þegar niðurstaðan varð ljós. Bergljót Þorsteinsdóttir, ein þeirra, var ósátt við niðurstöðu héraðsdóms „Maður gat búist við öllu en maður samt vonaði að réttlætið næði fram að ganga en svo var ekki. Því miður,“ sagði Bergljót. Aðspurð segist hún vera ósátt.

Óvenju mikið um flensu og pestir

Flensa og pestir hafa herjað á landsmenn í óvenju miklum mæli í vetur. Þetta segir settur sóttvarnarlæknir. Hann segir það mildi að svínaflensan hafi ekki náð að skjóta rótum í vetur í ofanálag og þakkar það því hve margir landsmenn hafa látið bólusetja sig gegn henni.

Flestir treysta Landhelgisgæslunni

Landhelgisgæslan er sú stofnun sem flestir treysta samkvæmt nýrri könnun MMR. Um 81% treystu Landhelgisgæslunni, tæplega 60% treysta sérstökum saksóknara og 55% treystu Ríkislögreglustjóra.

Verjandi OJ Simpson og Tyson í lið með Birgittu

Hinn heimsþekkti lögmaður Alan Dershowitz hefur gngið í lið með Birgittu Jónsdóttur og félögum hennar sem verjast nú fyrir bandarískum dómstólum.

Vann 17 milljónir: Sannkallaður happafengur

Í dag kom eldri maður frá Vestmannaeyjum í heimsókn til Íslenskrar getspár með 6 talna kerfismiða sem var sannkallaður lukkumiði því vinningur á þessar 6 tölur gaf rúmlega 17 milljónir í vinning. Maðurinn hefur í mörg ár farið reglulega í Tvistinn í Vestmannaeyjum og spilað með þessar 6 lukkutölur. Oft hafa komið minni vinningar á tölurnar góðu en núna fiskaðist sá stóri og má segja að vinningurinn hafi farið á góðan stað.

Byltingarandinn smitast til Líbíu

Átök brutust út í hafnarborginni Benghazi í Líbíu í nótt í kjölfar þess að þekktur umbótasinni var handtekinn. Þar lenti saman stuðningsmönnum og andstæðingum stjórnar Muammar Gaddafis.

Dæmd fyrir brot gegn valdstjórninni

Fjölskipaður dómur Héraðsdóms Reykjavíkur segir enga vísbendingu vera um að þau sem ákærð voru fyrir árás á Alþingi hafi ætlað að aðhafast annað en að láta heyra í sér mótmæli vegna ástandsins í landinu frá þingpöllunum. Verður með engu móti talið að fyrir þeim hafi vakað að reyna að kúga Alþingi eða að athafnir þeirra geti talist vera sú árás á þingið að sjálfræði þess hafi verið hætta búin. Á þessari forsendu eru nímenningarnir sýknaðir af ákæru fyrir árás á Alþingi, segir í dómnum.

Hvað kostar að þrífa glerhjúpinn á Hörpu?

Mörður Árnason, þingmaður Samfylkingarinnar, vill fá að vita hver er áætlaður árlegur kostnaður við þrif á glerhjúpnum sem umlykur tónlistar- og ráðstefnuhúsið Hörpu.

Forseti Írans segir mótmælendur óvini ríkisins

Mahmoud Ahmadinejad, forseti Írans, segir að mótmæli undanfarinna daga í landinu hafi ekkert að segja og hann hefur heitið því að refsa skipuleggjendum þeirra. Forsetinn kom fram í ríkissjónvarpinu þar í landi og sagði að þeir sem stæðu í mótmælunum væru óvinir ríkisins sem væru að reyna að setja blett á hina annars skínandi írönsku þjóð. Tveir féllu og margir særðust í mótmælum í höfuðborginni Teheran í gær og Barack Obama forseti Bandaríkjanna hefur gagnrýnt hörku stjórnvalda harðlega.

Ungliðar skoruðu á þingmenn sína

Samband ungra sjálfstæðismanna skorar á þingmenn Sjálfstæðisflokksins að greiða atkvæði gegn Icesave frumvarpinu í auglýsingu sem þeir birta í Morgunblaðinu í dag. Segja ungir sjálfstæðismenn að þeir hafi frá upphafi beitt sér gegn því að samið verði um Icesave.

Formaður UMFN ætti að segja af sér

ormaður UMFÍ segir formann Ungmennafélags Njarðvíkur skyldugan til að segja af sér eftir að dómur taldi sannað að hann hefði áreitt konu kynferðislega. Maðurinn er í leyfi frá starfi sínu hjá Isavia þar til annað verður ákveðið.

Birgitta: Minnir á Saving Iceland

Birgitta Jónsdóttir, þingmaður Hreyfingarinnar, segir dóm yfir fjórum af nímenningunum svokölluðu ekki koma sér á óvart. Birgitta mætti niður í Héraðsdóm Reykjavíkur í morgun til að vera viðstödd uppkvaðningu dómsins en náði ekki að vera á meðal þeirra 25 sem fengu að fara inn í dómsalinn áður en honum var lokað vegna fjöldatakmarkana.

Verjandinn: Þetta er sorgarsaga

Ragnar Aðalsteinsson, hæstaréttarlögmaður og verjandi fjögurra af nímenningunum svokölluðu, segir nýfallinn dóm vera dapurlegan. Honum finnst málið allt vera ein löng sorgarsaga og þykir miður að dómar yfir einmitt þessu fólki séu fyrstu viðbrögð dómstóla og ákæruvaldsins við eftirmálum hrunsins. Spurður hvort honum hafi komið dómurinn á óvart segir hann: „Ég vissi svosem ekki við hverju ég átti að búast. Ég gat búist við öllu." Ekki liggur fyrir hvort dómunum verður áfrýjað en bæði geta þau dæmdu áfrýjað til Hæstaréttar, sem og saksóknari.

Tveir fara á skilorð og tvær greiða sekt: Dómarnir vonbrigði

Andri Leó Lemarquis hefur verið dæmdur í fjögurra mánaða skilorðsbundið fangelsi vegna mótmæla við Alþingi í desember 2008. Þór Sigurðsson var dæmdur í 60 daga skilorðsbundið fangelsi.

Tugir manns bíða átekta í héraðsdómi

Dómur verður kveðinn upp nú klukkan hálf níu í máli nímenninganna svokölluðu sem ákærðir eru fyrir árás á Alþingi. Þriggja daga aðalmeðferð í málinu var í janúar. Verði níumenningarnir sakfelldir, geta þeir átt yfir höfði sér fangelsisvist allt frá einu ári og upp úr.

Ákærðir fyrir barnaklám

Ríkissaksóknari hefur ákært þrjá karlmenn fyrir vörslu á barnaklámi. Þeir eru allir ákærðir fyrir Héraðsdómi Reykjavíkur. Fyrsti maðurinn er ákærður fyrir að hafa um nokkurt skeið fram til miðvikudagsins 16. júní 2010, haft í sinni vörslu tvö myndbönd á hörðum diski í turntölvu á heimili sínu, sem sýna börn á kynferðislegan eða klámfenginn hátt.

Bandarískri fréttakonu nauðgað á Frelsistorginu

Fréttakona frá bandarísku sjónvarpsstöðinni CBS liggur nú á spítala þar sem hún nær sér eftir árás sem hún varð fyrir á Frelsistorginu í Kaíró síðastliðinn föstudag.

Aðstoðuðu fólk á Fjarðarheiði

Björgunarsveitarmenn frá Seyðisfirði og Egilsstöðum komu fjölmörgum vegfarendum um Fjarðarheiði til hjálpar í gær og fram á kvöld, þar sem þeir sátu fastir í bílum sínum í óveðri.

Bandarískur landamæravörður myrtur í Mexíkó

Bandarískur landamæravörður var skotinn til bana í gær og annar særður þegar glæpaklíka gerði árás á bíl þeirra í Mexíkó í gær. Mennirnir höfðu verið sendir til landsins til þess að aðstoða þarlend yfirvöld í baráttunni við eiturlyfjagengin sem öllu stjórna í Mexíkó.

Hnúfubakar við Sandgerði - myndir

Nokkrir hnúfubakar sáust frá Sandgerði í gær, og enn betur frá hvalaskoðunarskipinu Eldingu, sem var þar með ferðamenn.

Fundu fíkniefni í Kömbunum

Lögreglan á Selfossi hefur að líkindum varpað skugga á mikið partí einhvernsstaðar á Suðurlandsundirlendinu, þegar hún stöðvaði tvo menn á bíl á leið niður Kambana undir morgun.

Ræddu Icesave fram á nótt

Þriðja og síðasta umræða um Icesave frumvarpið stóð langt fram á nótt, en hún hófst á fimmta tímanum í gærdag.

Dæmt í máli níumenninganna í dag

Dómur verður kveðinn upp í máli ákæruvaldsins gegn níumenningunum svonefndu í Héraðsdómi Reykjavíkur klukkan hálf níu, en þeir eru ákærðir fyrir árás á Alþingi í desember árið 2008.

Konungur lofar bót og betrun

Þúsundir mótmælenda flykktust inn á aðaltorgið í höfuðborg Barein í gær, á þriðja degi mótmæla sem kostað höfðu tvo menn lífið. Lögreglan hafði tekið harkalega á mótmælendum en í gær brá svo við að Hamid bin Isa al Khalifa, konungur landsins, ávarpaði þjóðina í sjónvarpi, lofaði því að dauðsföllin tvö yrðu rannsökuð og hét því að hraða umbótum í landinu, meðal annars að losa um hömlur á notkun internets og fjölmiðla.

Aukin framlög til að verja kennslustundir

Skólamál Borgaryfirvöld hafa ákveðið að auka fjárheimildir til grunnskólastarfs í borginni um 200 milljónir króna frá því sem gert var ráð fyrir í fjárhagsáætlun borgarinnar fyrir yfirstandandi ár. Til greina kemur að fullnýta útsvarsheimildir til að mæta auknum kostnaði.

Telja lögreglu þurfa auknar rannsóknarheimildir

„Lögregla hér þarf að hafa sömu fyrirbyggjandi rannsóknarheimildir og starfsbræður hennar í nágrannalöndunum.“ Þetta segir Siv Friðleifsdóttir, fyrsti flutningsmaður þings­ályktunar­tillögu um fyrirbyggjandi rannsóknarheimildir lögreglu. Auk Sivjar standa átta þingmenn úr þremur flokkum að tillögunni.

Hættu við verkfall vegna samstöðubrests

Ekkert varð af verkfalli í loðnubræðslum sem hefjast átti í gærkvöldi. Ástæðurnar eru nokkrar, að sögn Sverris Mars Albertssonar, framkvæmdastjóra Afls á Austurlandi.

Svandís staðfestir skipulagið eftir dóm

Svandís Svavarsdóttir umhverfisráðherra segist hafa fundið fyrir meiri stuðningi við sín störf frá almenningi í kjölfar dóms Hæstaréttar um skipulagsmál í Flóahreppi en nokkru sinni áður frá því í REI-málinu í borgarstjórn Reykjavíkur í lok árs 2007.

Vigdís féllst á afsökunarbeiðni Marðar

Vigdís Hauksdóttir, Framsóknarflokki, ætlar að fallast á opinbera afsökunarbeiðni Marðar Árnasonar, formanns umhverfisnefndar Alþingis, og sitja áfram í nefndinni.

„Ég var hræddur um að maðurinn myndi meiða mömmu“ - Bréfið allt

„Mér leið ekki vel í skólanum og ég var hræddur að maðurinn myndi meiða mömmu. Ég sendi henni alltaf sms á daginn til að vita hvort hún væri ok," segir 13 ára drengur í bréfi sem hann hefur sent öllum þingmönnum.

Sigmundur Davíð: Stjórnin er skíthrædd við almenning

Formaður Framsóknarflokksins segir ljóst að ríkisstjórnin ætli gera allt sem hún geti til að ljúka umræðunni um Icesave samninganna sem fyrst. Hann segir ríkisstjórnina skíthrædda við almenning.

Bæjarstjórnarfundur hljóðritaður

Til stendur að hljóðrita fundar bæjarstjórnar Mosfellsbæjar á morgun en þetta er í fyrsta sinn sem það er gert. „Íbúahreyfingin væntir þess að upptökur af fundum bæjarstjórnar verði framvegis aðgengilegar á heimasíðu sveitarfélagsins,“ segir Jón Jósef Bjarnason, bæjarfulltrúi Íbúahreyfingarinnar.