Landgönguliðar aftur á Iwo Jima

Hundruð bandarískra landgönguliða lentu í dag á japönsku eynni Iwo Jima, 65 árum eftir að fyrirrennarar þeirra háðu þar eina blóðugustu orrustu síðari heimsstyrjaldarinnar.

Áfram opið í Bláfjöllum

Opið verður í Bláfjöllum í dag, annan daginn í röð en í gær opnaði í fyrsta sinn í vetur. Opið verður frá 14-21 í fjallinu og er þar hæglætisveður, en snjóar annað slagið, frost er um 1,5 gráður.

Orrustuþotur sendar eftir flugdólgi

Tvær breskar orrustuþotur voru í dag sendar til móts við flugvél frá American Airlines eftir að tilkynnt var um farþega sem lét ófriðlega.

Besti flokkurinn ætlar að gefa Húsdýragarðinum ísbjörn

Besti flokkurinn er ekki að grínast með fyrirhuguðu framboði sínu og ætlar að kynna framboðslista sinn í Smáralindinni klukkan tvö á morgun. Þetta kemur fram í tilkynningu sem flokkurinn sendi fjölmiðlum í dag.

Paisley dregur sig í hlé

Eldklerkurinn og stjórnmálaleiðtoginn Ian Paisley ætlar að draga sig í hlé frá þingmennsku í næstu þingkosningum. Hann hefur setið á breska þinginu fyrir Norður-Írland í 40 ár.

Slapp ómeidd upp úr sprungunni

Kona sem sat föst í sprungu á um 4-5 metra dýpi mitt á milli Valabóls og Húsfells við Hafnarfjörð um hádegið er komin upp úr sprungunni ómeidd. Konan hafði verði í göngu á svæðinu, með annarri konu, um svæðið þegar að hún steig á snjó sem huldi sprunguna og féll niður. Björgunarsveitamenn sigu niður í sprunguna og náðu konunni upp heillri á húfi.

Allir Íslendingar í Chile hafa látið vita af sér

Allir þeir fjörtíu Íslendingar, sem voru í Chile þegar jarðskjálfti upp á 8,8 stig á Richterskvarða reið yfir landi, hafa látið vita af sér.

Vonast eftir lausn í Icesave í dag - eða á morgun

Jóhanna Sigurðardóttir forsætisráðherra og Steingrímur J. Sigfússon fjármálaráðherra sögðu eftir ríkisstjórnarfund í morgun að vonir væru bundnar við að nýr Icesave samningur gæti náðst í dag eða á morgun.

Ekki talið að Guðbjarni sé farinn úr landi

Lögreglan hefur fengið fjölmargar ábendingar um hugsanlegan dvalarstað Guðbjarna Traustasonar, sem skilaði sér ekki úr dagsleyfi á Litla Hraun á laugardag. Hann er þó enn ófundinn. Ekki er talið að hann sé farinn af landi brott.

Björgunarsveitamenn aðstoða konu við Helgafell

Björgunarsveitarmenn af höfuðborgarsvæðinu eru á leið að Helgafelli til að aðstoða konu sem féll ofan í fjögurra metra djúpa sprungu. Konan sem féll var á göngu með annarri konu þegar að óhappið varð. Björgunarsveitamenn hafa heyrt í þeim í gegnum síma. Samkvæmt þeim upplýsingum sem björgunarsveitamenn hafa fengið er konan ekki alvarlega slösuð.

Helmingur strandveiðibáta braut reglur um hámarksafla

"Það er staðreynd að a.m.k. helmingur þeirra 554 báta sem stunduðu svokallaðar strandveiðar á síðasta sumri braut gegn ákvæðum reglugerðar um hámarksafla," segir Friðrik Friðriksson, lögmaður Landssambands íslenskra útvegsmanna.

Sophia Hansen áfrýjar skilorðsdómi

Sophia Hansen hefur áfrýjað dómi Héraðsdóms Reykjavíkur sem dæmdi hana sex mánaða fangelsi, skilorðsbundið til þriggja ára, fyrir að bera rangar sakir á Sigurð Pétur Harðarson. Dómur var felldur í héraði yfir Sophiu þann 12 febrúar síðastliðinn.

Rætt um transfitu og transfólk á Alþingi

Þingfundur hefst í dag klukkan hálftvö og eru tíu mál á dagskrá fundar. Þar á meðal má finna þingsályktunartillögu um transfitusýrur og aðra um transfólk.

Fákunnandi um fjármál sín

Ný könnun í Danmörku hefur leitt í ljós að meira en helmingur af ungu fólki þar í landi veit ekkert um persónuleg fjármál sín.

Erkiengillinn búinn að kæra brottvísun sína

Íslenskur lögmaður Leifs Ivar Kristiansen, leiðtoga norsku Vítisenglanna, er búinn að kæra brottvísun hans frá Íslandi til dóms- og mannréttindamálaráðuneytisins.

Árekstur á Háleitisbraut

Nokkuð harður árekstur varð á gatnamótum Bústaðarvegar og Háaleitisbrautar í morgun. Að sögn vaktstjóra hjá Slökkviliði höfuðborgarsvæðisins rákust tveir bílar saman og eru þeir töluvert skemmdir. Slys á fólki voru hinsvegar minniháttar.

Óöld í Chile

Sjöþúsund hermenn hafa verið sendir til jarðskjálftasvæðanna í Chile til þess að stöðva þar rán og gripdeildir.

Forseti afhendir Nýsköpunarverðlaunin í dag

Nýsköpunarverðlaun forseta Íslands verða afhent við hátíðlega athöfn á Bessastöðum í dag klukkan fjögur. Í tilkynningu frá embættinu segir að markmið verðlaunanna sé að heiðra námsmenn sem unnið hafa framúrskarandi starf við úrlausn verkefna sem styrkt eru af Nýsköpunar-sjóði námsmanna.

Svör á íslensku um umhverfismál

Umhverfisráðuneytið hefur látið þýða á íslensku svör ráðuneytisins við spurningalista framkvæmdastjórnar Evrópusambandsins um umhverfismál. Spurningalistinn var unninn í tengslum við aðildarumsókn Íslands að sambandinu. Hægt er að nálgast svörin á heimasíðu umhverfisráðuneytisin og með því að smella hér.

Þráinn Bertelsson: Fimm prósent þjóðarinnar eru fábjánar

Þeir sem eru á móti því að ríkið greiði listamannalaun eru fábjánar, sagði Þráinn Bertelsson þingmaður í bítinu á Bylgjunni. Þetta sagði hann í tilefni af því að netkönnun sem gerð var á Vísi bendir til þess að mikill meirihluti er á móti því að ríkið greiði. 1183 tóku þátt í könnuninni. Um 80% sögðust vera á móti því að ríkið greiddi listamannalaun.

Clinton vill miðla málum á Falklandseyjum

Bandarísk stjórnvöld eru reiðubúin til þess að aðstoða Breta og Argentínumenn við að leysa deilur þeirra um yfirráð yfir Falklandseyjum, segir Hillary Clinton, utanríkisráðherra Bandaríkjanna.

Guðbjarni enn ófundinn

Strokufanginn, sem leitað hefur verið að síðan um helgi, að hann skilaði sér ekki úr bæjarleyfi um helgina, er enn ófundinn. Lögregla telur enn að hann sé á höfuðborgarsvæðinu og telur sig hafa vissu fyrir því að hann sé ekki farinn úr landi. Ekki hefur verið lögð ofur áhersla á leitina þar sem maðurinn er ekki talinn hættulegur, en hann hlaut dóm fyrir aðild að stórfelldu fíkniefnasmygli til landsins. Lögregla hefur fengið ýmsar vísbendingar um ferðir hans, en þær hafa ekki enn leitt til handtöku.

Minntust lokunar Ungdómshússins

Allt fór friðsamlega fram þegar um 150 ungmenni minntust þess í Kaupmannahöfn í gærkvöldi að þrjú ár eru liðin frá því að svokölluðu Ungdómshúsi var lokað.

Vilja vita hvort Venezúela vildi myrða forseta Kolumbíu

Spænsk stjórnvöld hafa farið fram á skýringar frá stjórnvöldum í Venezúela á sögusögnum þess efnis að þau hafi aðstoðað tvo hryðjuverkahópa við að skipuleggja morðtilræði gegn Alvaro Uribe forseta Kólumbíu.

BBC ætlar að breyta dagskrá sinni

Stjórnendur breska ríkisútvarpsins, BBC, munu í dag kynna umfangsmiklar breytingar á dagskrá sinni. Ætlunin er að verja sem nemur 118 milljörðum íslenskra króna í kaup á betra dagskrárefni.

Írönsk stjórnvöld stöðvuðu blaðaútgáfu

Yfirvöld í Íran hafa lokað stærsta stjórnarandstöðu dagblaðinu. Þau saka blaðið um að brjóta fjölmiðlalög.

Grundafjörður fullur af síld

Grundarfjörður er nú fullur af síld og verður hennar vart alveg upp undir bryggjurnar. Stundum veður hún í yfirborðinu og er hún þá sjáanleg. Það er líka mikið af henni i Kolgrafarfirði og þar hafa háhyrningar verið að gæða sér á henni.

Hillary kemur við í Chile

Hillary Clinton, utanríkisráðherra Bandaríkjanna, ætlar að heimsækja Chile innan skamms. Ferð hennar þangað mun hafa verið skipulögð áður en skjálfti upp á 8,8 á Richter skók landið á laugardaginn.

Sameinað á forsendum landslags og legu

Umfangsmikil vinna er nú farin af stað varðandi sameiningu sveitarfélaga. Ætlunin er að fara hringinn í kringum landið og kanna hvar eðlilegast er að sameina eftir legu og landslagi. Ráðherra er þó eftir sem áður tilbúinn í lögþvingaða sameiningu, en sveitarfélög hafa verið andsnúin henni.

Bíða þess vopnaðir að komast á brott

Ekkert amar að tveimur íslenskum starfsmönnum Landhelgisgæslunnar (LHG) og fjórum dönskum sérfræðingum sem voru á hennar vegum í borginni Concepcion í Chile þegar jarðskjálftinn dundi yfir á laugardag. Mennirnir hafa komið sér fyrir heima hjá einum af Dönunum, segir Georg Lárusson, forstjóri Landhelgisgæslunnar.

Með heila frystiklefa í geymslu

Lögreglan á höfuðborgarsvæðinu hefur þurft að taka á leigu viðbótarhúsnæði til geymslu á tækjum og tólum sem hald hefur verið lagt á hjá kannabisræktendum um land allt á undanförnum misserum. Húsnæðið sem notað hefur verið í þessu skyni er löngu sprungið.

Vonast er eftir fundi síðla dags í London

Bjartsýni ríkir um það í stjórnkerfinu að til formlegra funda komi hjá Bretum og Íslendingum í London. Íslenska sendinefndin frestaði för sinni heim í gær. Vonast er eftir fundi síðdegis í dag. Steingrímur J. Sigfússon fjármálaráðherra var í samskiptum við Paul Myners, bankamálaráðherra Breta, seinni partinn í gær.

Sakar Símann um blekkingu

Birgir Rafn Þráinsson, framkvæmdastjóri Gagnaveitu Reykjavíkur, gagnrýnir Símann fyrir framsetningu á svokölluðu Ljósneti sem sagt var frá í Fréttablaðinu í gær.

Potaði í auga lögreglumanns

Karlmaður á sjötugsaldri hefur verið ákærður fyrir að pota í auga lögreglumanns á Blönduósi. Ríkissaksóknari ákærir manninn fyrir brot gegn valdstjórninni.

Skuldirnar yfir viðunandi mörkum

Þótt eftirlitsnefnd með fjármálum sveitarfélaga ætli ekki að aðhafast í málefnum Hafnarfjarðar að svo stöddu telur hún skuldir og skuldbindingar bæjarins yfir „þeim mörkum sem talist getur viðunandi og sveitarfélagið getur búið við til lengri tíma litið" eins og segir í bréfi eftirlitsnefndarinnar til bæjarstjórnar Hafnarfjarðar.

Gefa grænt ljós á tvöföldun

Bæjarráð Kópavogs hefur nú snúið fyrri ákvörðun sinni um að synja Vegagerðinni um breikkun á Suðurlandsvegi ofan við Lögberg og heimilað framkvæmdina.

Birta þarf upplýsingar um styrkþega

Í greiningarskýrslu framkvæmdastjórnar Evrópusambandsins er fundið að því að markvissa stefnu í málefnum dreifbýlisins skorti á Íslandi. Miklar aðfinnslur eru gerðar við stjórnsýslu landbúnaðarmála, ekki síst það að stjórnvöld feli Bændasamtökunum lykilhlutverk í stjórnsýslu málaflokksins og engar opinberar upplýsingar séu aðgengilegar um það hverjir njóta landbúnaðarstyrkja. Fjölmargar stuðningsaðgerðir stangist á við reglur ESB um samkeppni og ríkisstyrki.

Um 25 milljarðar í bætur á einu ári

Vinnumálastofnun greiddi í gær rúmlega 2,1 milljarð króna í atvinnuleysistryggingar til um 15.500 manns.

Töldu ekki allar eignir í ársreikningnum 2007

Sjálfstæðisflokkurinn tók ekki tillit til fasteigna aðildar­félaga sinna vítt og breitt um landið í ársreikningi 2007, heldur einungis til eigna flokksins sjálfs. Í reikningnum fyrir 2008 birtist heildarmyndin.

Flestir styðja Sjálfstæðisflokk

Sjálfstæðisflokkurinn er stærsti stjórnmálaflokkurinn og fengi 32 prósent atkvæða yrði gengið til kosninga nú. Þetta er niðurstaða skoðanakönnunar Capacent Gallup sem sagt var frá í fréttum Sjónvarpsins í gær.

Segir málstað Serba heilagan

„Málstaður okkar er réttlátur og heilagur,“ sagði Radovan Karadzic, fyrrverandi leiðtogi Bosníu-Serba, í gær frammi fyrir Alþjóðasakadómstólnum í Haag, þar sem hann sætir ákærum fyrir þjóðarmorð og stríðsglæpi vegna forystuhlutverks síns í Bosníustríðinu 1992-95, sem kostaði um 100 þúsund manns lífið.

Áhugi Kínverja er vaknaður

Áhugi Kínverja er vaknaður á þeim tækifærum sem gefast þegar Norðurskautsleiðin opnast við bráðnun ísbreiðunnar þar. Þetta segir Linda Jakobsson hjá SIPRI, alþjóðlegri rannsóknarstofnun í alþjóðastjórnmálum og öryggismálum.

Áhyggjur af stöðu dómstóla

Í grundvallaratriðum er íslensk stjórnsýsla skilvirk og málefnaleg og laus undan pólitískum afskiptum. Hún stendur traustum fótum í sömu grunngildum og einkenna stjórnsýslu Evrópusambandsríkjanna, að því er fram kemur í greiningarskýrslu Framkvæmdastjórnar Evrópusambandsins vegna aðildarumsóknar Íslands.

Þorsteinn Geirsson látinn

Þorsteinn Geirsson, ráðuneytis­stjóri í dómsmálaráðuneytinu, er látinn. Þorsteinn fæddist í Reykjavík 15. febrúar 1941. Hann lauk stúdentsprófi frá MA 1961 og prófi í lögfræði frá HÍ 1966.

Ísraelum meinaður aðgangur

Lögregluyfirvöld í Dúbaí segja að ferðamenn, sem taldir eru vera Ísraelar, fái ekki að koma til Dúbaí, jafnvel ekki þótt þeir hafi tvöfaldan ríkisborgararétt og sýni vegabréf annars ríkis en Ísrael.