Merkingar á nautahakki ófullnægjandi

Í of mörgum tilvikum eru merkingar á umbúðum fyrir nautahakk ekki í samræmi við gildandi reglur. Þessu verða kjötiðnaðarstöðvar að kippa í liðinn tafarlaust. Þetta er meðal niðurstaðna í gæðakönnun sem Landssamband kúabænda og Neytendasamtökin ákváðu að gera í framhaldi af umræðum um gæði á nautahakki. Sjávarútvegs- og landbúnaðarráðneytið styrkti verkefnið að hluta. Matís sá um framkvæmd könnunarinnar, sem náði til átta tegunda nautahakks, að fram kemur á vef Neytendasamtakanna.

Lánþegar krefjast aðgerða

Samtök lánþega krefjast nú þegar aðgerða stjórnvalda, til að vernda almenna borgara gagnvart skuldheimtumönnum fjármögnunarfyrirtækja, segir í yfirlýsingu samtakanna.

Helgi leiðir framsóknarmenn í Árborg

Framboðslisti Framsóknarfélags Árborgar fyrir sveitarstjórnarkosningar í vor var samþykktur á félagsfundi í gærkvöldi. Helgi Sigurður Haraldsson, svæðisstjóri, leiðir listann. Bæjarfulltrúar flokksins sóttust ekki eftir endurkjöri og skipa heiðurssæti framboðslistans.

Segja lög tímaskekkju og fagna frumvarpi Álfheiðar

Stjórn Ungra Vinstri grænna fagnar frumvarpi Álfheiðar Ingadóttur, heilbrigðisráðherra, sem miðar að því að fella úr gildi lög frá 1938 sem heimila ófrjósemisaðgerðir á einstaklingum með þroskahömlun eða geðsjúkdóma. Það vekur furðu stjórnar UVG að lögin, sem eru tímaskekkja og brjóta á mannréttindum fólks, séu enn í gildi hér á landi, að fram kemur í ályktun félagsins.

Össur vonar að nýjar viðræður hefjist eftir helgi

Össur Skarphéðinsson, utanríkisráðherra, vonast til þess að nýjar samningaviðræður við Hollendinga og Breta um Icesave málið hefjist eftir helgi. Hann segir ráðamenn í löndunum reiðbúna til að hefja viðræður. Þetta sagði ráðherrann á blaðamannafundi eftir fund utanríkisráðherra Norðurlandanna í Kaupmannahöfn í gær, að fram kemur á vef Reuters.

Geymdi 60 hunda í kössum heima hjá sér

Meira en sextíu hundar fundust á heimili 65 ára konu í San Diego í Kaliforníu sem var handtekin í gær fyrir vanrækslu og illa meðferð á dýrunum. Hundarnir fundust í tveggja herbergja íbúð þar sem þeir voru geymdir í lokuðum búrum og kössum sem var staflað ofan á hvorn annan.

Nýr danskur flokkur leggur áherslu á dýravernd

Fokus heitir nýstofnaður stjórnmálaflokkur í Danmörku. Þingmaðurinn Christian H. Hansen, sem sagði þig úr Þjóðarflokknum í janúar er talsmaður flokksins. Christian skilgreinir Fokus sem miðhægriflokk sem leggi áherslu á umhverfismál og dýravernd.

Obama sagður ósáttur við nýja byggð í Jerúsalem

Heimsókn varaforseta Bandaríkjanna til Ísraels og Palestínu hefur ekki styrkt samband Bandaríkjastjórnar og ráðamanna í Ísrael. Barack Obama er sagður afar ósáttur við þá ákvörðun Ísraela að leyfa nýja byggð í Jerúsalem.

Próflaus undir áhrifum fíkniefna

Sautján ára piltur, sem ekki hefur tekið bílpróf, missti stjórn á bíl, sem hann hafði að láni á Eyrarbakka í gærkvöldi. Hann ók yfir háa gangstéttarbrún, í gegnum girðingu og hafnaði í húsagarði.

Áfram fylgst með skjálftavirkni

Skjálftavirkni undir Eyjafjallajökli var heldur meiri í nótt en í fyrrinótt, en þó mun minni en um síðustu helgi. Engin snarpur skjálfti hefur orðið þar síðan skjálfti upp á rúmleg þrjá á Richter varð undir jöklinum síðdegis í gær. Almannavarnir fylgjast enn grannt með svæðinu.

Kvartaði undan lélegum fíkniefnum

Lögreglan á höfuðborgarsvæðinu fékk í nótt óvenjulega kvörtun vegna vörusvika, sem sá svikni leit mjög alvarlegum augum. Hann hafði keypt fíkniefni af óþekktum manni á öldurhúsi og drifið sig heim til að neyta þeirra, en þá hafi ekkert virkað. Þetta hafi greinilega verið svikin vara og hafi honum sárnað mjög.

Flug með eðlilegum hætti

Flug verður með eðlilegum hætti í dag, þar sem flugumferðarstjórar aflýstu verkfallsaðgerðum eftir að þeir fengu fyrirheit um það að samningamenn Flugstoða hefðu örugglega umboð til samningsgerðar.

Sendiherra Tyrkja í Svíþjóð kallaður heim

Sendiherra Tyrklands í Svíþjóð hefur verið kallaður heim vegna þess að sænska þingið samþykkti í gær þingsályktun þess efnis að þjóðarmorð hafi verið framið á Armenum í fyrri heimsstyrjöldinni.

Lét lífið þegar tré féll á hann

Rúmlega sextugur danskur karlmaður lést seinnipartinn í gær þegar tré sem hann var að saga niður féll ofan á hann, að fram kemur á vef Berlingske Tidende. Maðurinn var við annan mann að fella niður nokkur tré norðarlega á Jótlandsskaga þegar atvikið varð en hann hlaut slæma höfuðáverka. Að sögn lögreglu lést maðurinn samstundis þrátt fyrir að hann væri með hjálm.

Brekkur og gengi heilla skíðamenn

Hópur níutíu Færeyinga flaug í gær í beinu flugi frá heimalandinu til Akureyrar þar sem dvelja á fram á sunnudag við skíðaiðkun og aðra skemmtan.

Fundu æva gömul skipsflök

Tólf gömul skipsflök hafa fundist í Eystrasalti, það elsta hugsanlega 800 ára gamalt en hin líklega frá sautjándu, átjándu og nítjándu öld. Sum þeirra eru óvenju vel varðveitt.

Stjórnarkjör verða marklaus

Vilhjálmur Egilsson, framkvæmdastjóri Samtaka atvinnulífsins, telur að nýsett lagaákvæði um kynjahlutföll í stjórnum hlutafélaga og einkahluta-félaga stríða gegn rétti minnihluta í hlutafélögum. Bent hafi verið á þá annmarka við meðferð Alþingis á frumvarpi um málið en litið hafi verið fram hjá sjónarmiðum samtakanna.

Risaráðstefna 2013

Tvö þúsund manna ráðstefna tannréttingasérfræðinga verður í tónlistarhúsinu Hörpu á árinu 2013. Þetta kom fram á kynningarfundi aðstandenda Ráðstefnuskrifstofu Íslands og Portusar, sem haldinn var í gær til að blása „til stórsóknar í þágu ráðstefnuhússins á alþjóðlegum ráðstefnumarkaði“.

Meta hvort útgerðin þoli fyrningu kvóta

Sérfræðingar Háskólans á Akureyri vinna nú að úttekt á skuldastöðu útgerðarfyrirtækja og er ætlað að meta í framhaldinu hvort þau þola fyrningu aflaheimilda. Til grundvallar liggja hagtölur sjávarútvegsins og trúnaðarupplýsingar úr bönkum.

Flestir vilja frekar innlent efni í sjónvarpi

Tæp 43 prósent sækjast mun eða heldur meira eftir innlendu efni en erlendu í sjónvarpi. Þetta kemur fram í nýrri könnun Félagsvísindastofnunar Íslands um menningarneyslu á Íslandi.

Vill blása lífi í friðarviðræður

Utanríkismál Joe Biden, varaforseti Bandaríkjanna, segir mikilvægt að blása lífi í friðarviðræður fyrir botni Miðjarðarhafs á milli Ísraela og Palestínumanna. Deilur um nýja 1.600 íbúða byggð Ísraela í austurhluta Jerúsalem megi ekki setja stein í götu þeirra. Friðarviðræðurnar hafa nú ve

Engin ákvörðun tekin fyrr en í lok apríl

Evrópusambandið „Að okkar mati verður ákvörðun um upphaf aðildarviðræðna við Ísland ekki tekin formlega á fundi leiðtoga Evrópusambandsríkjanna á fundi þeirra 25. og 26. mars, heldur á fundi ráðherraráðsins, líklega undir lok aprílmánaðar,“ segir Michael Stübgen,

Níu mánaða borgi sig inn á Latabæjarhátíð

„Þetta er fáránlegt. Ég er ekkert smá reið,“ segir Anna Vallý Baldursdóttir sem komst að því að hún þurfti að greiða fullt verð fyrir aðgöngumiða handa níu mánaða dóttur sinni á fyrirhugaða Latabæjarhátíð.

Óhræddur við árásarmenn

„Ef eitthvað gerist, þá veit ég nákvæmlega hvað ég á að gera,“ segir sænski skopmyndateiknarinn Lars Vilks, sem vakti reiði margra múslima árið 2007 þegar skopmynd af Múhameð spámanni birtist í sænsku dagblaði.

Nígeríukonur krefjast meiri verndar

Hundruð kvenna þustu út á götu í Abuja, höfuðborg Nigeríu, í dag til að mótmæla fjöldamorðum í borginni Jos á sunnudaginn. Konurnar voru flestar svartklæddar. Þær kröfðust þess að ríkisstjórnin verndaði konur og börn betur.

Eldur í bifreið í Mosfellsdal

Eldur kom upp í Skoda bifreið sem var á leið um Mosfellsdalinn um sjöleytið í kvöld. Að sögn slökkviliðsmanna var ekki um mikinn eld að ræða og tókst þeim sem ferðuðust í bílnum að slökkva eldinn áður en slökkviliðið kom á staðinn. Slökkvilið sneri aftur til baka eftir að búið var að tryggja að eldurinn myndi ekki brjótast út að nýju.

Fimm milljóna sjúkrahússreikningur gæti fallið á foreldra lítillar stúlku

Fimm milljón króna reikningur Sjúktatrygginga Íslands er í vanskilum við Barnaspítalann í Boston, vegna langveikrar íslenskrar stúlku. Foreldrar hennar óttast að reikningurinn falli á sig.

Samningaviðræður verði teknar upp þegar í stað

Verkfalli flugumferðastjóra var frestað í ljósi fyrirheits ríkisstjórnarinnar um að viðræður um nýjan kjarasamning

BSRB mótmælir öllum áformum um lagasetningu á verkföll

Áður en tilkynnt var að flugumferðastjórar myndu aflýsa verkfalli sendi BSRB frá sér ályktun þar sem mótmælt er öllum áformum um að stjórnvöld grípi inn í vinnudeilu Félags íslenskra flugumferðarstjóra við Flugstoðir ohf og Keflavíkurflugvöll ohf með setningu bráðabirgðalaga á verkfallsaðgerðir. Segir BSRB að verkfallsréttur launafólks séu grundvallarréttindi og inngrip stjórnvalda með lagasetningu sé ólýðræðisleg valdbeiting.

Ákveðið að setja lög á flugumferðarstjóra

Lög verða sett á deilu flugumferðarstjóra við Flugstoðir til að koma í veg fyrir fjögurra stunda verkfallsaðgerðir þeirra í fyrramálið. Ríkisstjórnin kom saman á fundi klukkan sex til að ræða lögin. Alþingi verður kallað saman í kvöld þar sem lögin verða væntanlega lögð fyrir í kvöld með afbrigðum og samþykkt áður en verkfallið hefst. Verkfallið var áformað klukkan sjö í fyrramálið en upp úr fundi samninganefnda Félags flugumferðastjóra og SA slitnaði um fimmleytið í dag.

Össur fundaði með utanríkisráðherra Danmerkur

Össur Skarphéðinsson utanríkisráðherra átti í dag fund með Lene Espersen utanríkisráðherra Danmerkur í tengslum við utanríkisráðherrafund Norðurlandanna sem haldinn var í Kaupmannahöfn í dag.

Ásta Ragnheiður óskar Litháum til hamingju

Í dag eru 20 ár liðin síðan að litháíska þingið samþykkti sjálfstæðisyfirlýsingu landsins. Forseti Alþingis, Ásta Ragnheiður Jóhannesdóttir, er stödd í Litháen af þessu tilefni og var gert ráð fyrir að hún myndi færa litháísku þjóðinni heillaóskir Alþingis sem samþykktar voru með sérstakri þingsályktun á mánudaginn. Íslendingar voru fyrstir þjóða til þess að viðurkenna sjálfstæði Litháen.

Engar athugasemdir gerðar við notkun á greiðslukortum

Deloitte endurskoðun gerir engar athugasemdir við notkun starfsmanna VR á greiðslukortum síðustu þrjú árin. Stjórn VR óskaði eftir því í byrjun febrúar að Deloitte skoðaði alla notkun á greiðslukortum félagsins þetta tímabil.

Fær bætur greiddar eftir synjun um vist í Lögregluskólanum

Hæstiréttur dæmdi íslenska ríkið í dag til að greiða karlmanni 300 þúsund krónur í skaðabætur. Maðurinn sótti um að fá að þreyta inntökupróf í Lögregluskóla ríkisins vorið 2005 en var hafnað þar sem hann fullnægði ekki almennu skilyrði um hámarksaldur.

Lög hugsanlega sett á verkfall flugumferðarstjóra

Flugumferðarstjórar hafa setið á fundum með viðsemjendum síðan klukkan eitt í dag. Hlé var gert á fundinum um fjögur og funduðu þá aðilar hver í sínu horni. Verkfall flugumferðarstjóra skellur á klukkan sjö í fyrramálið að óbreyttu.

Tveir skjálftar yfir þremur stigum undir Eyjafjallajökli

Enn skelfur jörð undir Eyjafjallajökli og í dag rétt fyrir klukkan fjögur riðu yfir tveir skjálftar sem mældust yfir 3 stig. Annar þeirra átti upptök sín á 1,1 kílómetra dýpi og hinn á 2,5 kílómetra dýpi. Þessir skjálftar eru nokkuð stærri en flestir sem riðið hafa yfir í skjálftahrinunni undanfarna daga.

Þriggja mánaða skilorð fyrir að stela 15 tonnum af áburði

Hæstiréttur staðfesti í dag þriggja mánaða skilorðsbundinn fangelsisdóm yfir starfsmanni Fóðurblöndunnar sem var sakfelldur fyrir að hafa tekið 15 tonn af gölluðum áburði hjá fyrirtækinu og nýtt í eigin þágu án þess að greiða fyrir hann.

Sýknudómi yfir blaðamönnum snúið í Hæstarétti

Hæstiréttur Íslands snéri sýknudómi meiðyrðamáls sem Rúnar Þór Róbertsson höfðaði á hendur Erlu Hlynsdóttur, blaðakonu DV og Sigurjóns M. Egilssonar, fyrrverandi ritstjóra sama blaðs.

Iceland Express snýr á flugumferðarstjóra

Vegna yfirvofandi verkfalls flugumferðarstjóra í fyrramálið, munu vélar Iceland Express til Kaupmannahafnar og London fara klukkan 06:15 í loftið í staðinn fyrir 07:00. Í fréttatilkynningu frá Iceland Express kemur fram að allir farþegar hafi þegar verið látnir vita.

Öfgamenn tapa í Írak

Fyrstu tölur úr kosningunum í Írak um síðustu helgi sýna að Nouri al-Maliki forsætisráðherra hefur forskot í tveim shía héruðum í suðurhluta landsins. Þar var hann upp á móti harðlínu trúarflokkum með náin tengsl við Íran.

Íslenskt þjófagengi handtekið á Laugaveginum

Tvær stúlkur um tvítugt og talsvert eldri karlmaður voru handtekin á Laugaveginum á þriðja tímanum í dag grunuð um stórfelldan búðarþjófnað.

Vespurnar loksins heiðraðar

Yfir 1100 konur voru í gær sæmdar gullorðu bandaríska þingsins fyrir framlag sitt sem herflugmenn/konur í síðari heimsstyrjöldinni.

Annar skjálfti í Chile - 7,2 stig

Enn einn jarðskjálfti reið yfir í Chile í dag og mældist hann 7,2 stig á Richter kvarðanum. Enn hafa engar fregnir borist af tjóni eða mannfalli en ekki er búist við því að flóðbylgjuviðvörun verði gefin út vegna skjálftans.

Tanorexíufélagið: Brúnkufíkn ótrúlega víðtækt vandamál

„Það hefur orðið algjör sprenging, sennilega um 400 prósent aukning í félagið,“ segir Ómar Raiss, formaður Tanorexíufélags Íslands, en fjöldi manns hafa sótt í félagasamtökin eftir að fréttastofa Stöðvar 2 greindi frá víðtæku vandmáli brúnkufíkla og hætturnar sem steðja þeim.

Auschwitz þjófur framseldur til Póllands

Dómstóll í Svíþjóð hefur úrskurðað að framselja megi til Póllands 34 ára gamlann Svía sem er grunaður um að hafa stolið skiltinu illræmda úr Auschwitz fangabúðunum.