Lögreglan á Suðurnesjum lýsir eftir stúlku

Lögreglan á Suðurnesjum lýsir eftir Evu Lind Guðjónsdóttur, f. 12 nóvember 1994 en hennar er saknað síðan á fimmtudagsmorguninn, 9. apríl síðastliðinn.

Framkvæmdastjóri Sjálfstæðisflokksins hættir

Andri Óttarsson, framkvæmdastjóri Sjálfstæðisflokksins, ætlar að láta af störfum. Þetta kemur fram í tilkynningu sem Andri sendi fjölmiðlum fyrir stundu. Andri hverfur á brott í kjölfar mikilla umræðna um styrkveitingar upp

Bjarni og Þorgerður funda með Guðlaugi

Bjarni Benediktsson, Þorgerður Katrín Gunnarsdóttir og Guðlaugur Þór Þórðarson funda nú um stöðu flokksins í skugga frétta um að flokkurinn hafi tekið við 30 milljónum króna frá FL Group og 25 milljónum króna frá Landsbankanum í árslok 2006. Komið hefur fram að mikil ókyrrð hefur verið í flokknum frá því að fréttastofa Stöðvar 2 sagði frá málinu á þriðjudag og er hávær krafa um að upplýst verði um framvindu málsins.

Segja annarleg sjónarmið að baki umræðu um ábyrgð Guðlaugs

Formenn tólf sjálfstæðisfélaga í Reykjavík segj að það hljóti að liggja annarleg sjónarmið að baki því að draga nafn Guðlaugs Þórs Þórðarsonar alþingismanns inn í umræðu um styrki til Sjálfstæðisflokksins.

Sakaði þingmann Sjálfstæðisflokksins um að aka á sig

Þingflokksfundi sjálfstæðismanna sem átti að halda í Valhöll klukkan þrjú var frestað þar til síðar í dag. Margir þingmenn voru mættir til fundarins þegar ákveðið var að bíða með fundarhöldin. Þar á meðal var Ragnheiður Ríkharðsdóttir en hún fékk óblíðar móttökur mótmælenda sem hindraði

Struku frá Stuðlum

Fjórar stúlkur struku frá Stuðlum, meðferðarheimili ríkisins fyrir unglinga við Fossaleyni, eftir hádegið í dag. Að sögn lögreglunnar á hofuðborgarsvæðinu eru stúlkurnar komnar í leitirnar og munu væntanlega fara aftur upp á Stuðla. Lögreglan segir að stúlkurnar hafi ekki verið komnar langt á veg þegar þær fundust aftur.

Græddu andlit á manneskju

Sjúkrahús í Boston hefur grætt andlit á manneskju og er talið að þetta sé önnur aðgerð þessarar tegundar sem framkvæmd er í öllum heiminum. Á alfræðiorðavefnum wikipedia kemur fram að andlitságræðslur séu enn á tilraunastigi. Þær eru hugsaðar fyrir fólk sem hefur sár í andliti vegna áfalla, bruna eða sjúkdóma.

Bjarni og Guðlaugur ræddu um styrkina

Bjarni Benediktsson, formaður Sjálfstæðisflokksins, átti fund með Guðlaugi Þór Þórðarsyni, þingmanni flokksins, vegna hárra fjárstyrkja sem flokkurinn fékk í árslok 2006. Þetta kemur fram í viðtali við Bjarna sem var birt hér á Vísi í gærkvöld. Í viðtalinu kemur fram að Bjarni og Guðlaugur hafi farið yfir málið og skipst á skoðunum á hreinskiptin hátt.

Vinstri grænir fengu hæst 1 milljón króna

Hæsti styrkur sem Vinstri hreyfingin grænt framboð fékk á árinu 2006 var frá Samvinnutryggingum en hann nam einni milljón króna. Þetta kemur fram í tilkynningu sem VG sendi frá sér í dag. Þar segir að áður en lög um fjármál flokkanna voru samþykkt hafi Vinstri græn unnið eftir eigin reglum að öll fjárframlög yfir 500 þúsund krónum skyldu birt í ársreikningi, þ.e. hver gaf og hversu mikið. Samvinnutryggingar séu eina tilfellið sem þetta hafi átt við um.

Hvolsvallarlögregla herðir umferðareftirlit

Lögreglan á Hvolsvelli verður með sérstakt hálendiseftirlit á láði og í lofti um páskahelgina. Sérstaklega verður fylgst með ástandi ökumanna, bæði hvað varðar ölvunar-, fíkniefna- og svo utanvegarakstur.

Framsóknarmenn birta ekki bókhald fyrir árið 2006

Framsóknarflokkurinn ætlar ekki að greina frá því hverjir veittu framlög til flokksins árið 2006. Þetta kemur fram í yfirlýsingu sem flokkurin sendi frá sér fyrir stundu. Hæsti einstaki styrkur sem flokknum hafi verið veitt hafi numið 5 milljónum króna en heildarframlög lögaðila um 30 milljónum króna.

Útlendingar trúa því að Íslandi hafi verið lokað

Fjölmargir útlendingar trúa því að Ísland hafi orðið gjaldþrota síðasta haust og hreinlega verið lokað. Þetta segir viðskiptaráðherra og að miklu máli skipta að uppgjörið vegna bankahrunsins verði sanngjarnt og gagnsætt til að endurvekja trú alþjóðasamfélagsins á íslensku viðskiptalífi.

Á þriðja tug létu krossfesta sig á Filippseyjum

Á þriðja tug manna létu krossfesta sig á Filippseyjum í morgun til að minnast pínu frelsarans. Á meðfylgjandi myndum sést hvar Ástralinn John Michael er negldur á kross í borginni Bulacan, skammt frá Manila. Michael, sem er 33 ára, lét krossfesta sig ásamt þremur filippeyskum karlmönnum og einni konu.

Sundlaugarnar opnar í dag

Laugardalslaug og Árbæjarlaug eru opnar frá klukkan tíu til sex í dag, föstudaginn langa. Þjónustuhús Ylstrandarinnar í Nauthólsvík er opið í dag frá ellefu til eitt og á annan í páskum frá fimm til sjö í eftirmiðdaginn.

Víða hægt að skíða í dag

Skíðasvæði eru víðast hvar opin landsmönnum í dag. Hlíðafjall opnaði klukkan níu í morgun og verður opið til klukkan fimm síðdegis, opið er á skíðasvæðinu á Dalvík frá klukkan tíu til fimm og í Tindastóli og á Siglufirði verður jafnframt opið til klukkan fimm. Þá verður opið í Bláfjöllum til klukkan fimm. Fjölmenni var á skíðum á Akureyri og á Ísafirði í gær og á Siglufirði voru um 1400 manns á skíðum.

Forseti Georgíu bregst við mótmælum

Mikael Sjakasvílí, forseti Georgíu, hefur óskað eftir fundi með leiðtogum stjórnarandstöðunnar í landinu. Fjölmenn mótmæli gegn forsetanum héldu áfram í höfuðborginni Tíblísí í gær, annan daginn í röð. Krafist er afsagnar Sjakasvílís vegna einræðistilburða. Hann er einnig gagnrýndur fyrir að hafa leitt þjóðina í styrjöld við Rússa í fyrra með hörmulegum afleiðingum. Sjakasvílís segist vilja ræða við mótmælendur en hann ætli ekki að segja af sér.

Forseti Moldavíu óskar eftir endurtalningu atkvæða

Vladimír Voronin, forseti Moldavíu, hefur óskað eftir því að atkvæði verði aftur talin í þingkosningum sem fóru fram í landinu um síðustu helgi.

Eldur logaði í gámi

Slökkviliðið á höfuðborgarsvæðinu var kallað að Faxafeni á fjórða tímanum í nótt þar sem kveikt hafði verið í blaðagámi. Að sögn lögreglu var um lítinn eld að ræða og gekk greiðlega að slökkva hann. Lögreglan á höfuðborgarsvæðinu segir að nóttin hafi verið tíðindalítil. Fáir hafi verið á ferli í miðbænum og allt gengið vel fyrir sig.

Sjálfstæðismenn opna bókhald: 81 milljón frá níu fyrirtækjum

Sjálfstæðismenn birtu í dag á heimasíðu sinni lista yfir þau fyrirtæki sem styrktu flokkinn um meira en eina milljón á árinu 2006. Um er að ræða níu fyrirtæki sem greiddu samtals rétt tæpa 81 milljón í styrki.

Maersk Alabama á leið til Kenýa

Bandaríska flutningaskipið Maersk Alabama er nú á leiðinni til Kenýa eftir að sómölskum sjóræningjum mistókst að ná skipinu á sitt vald. Þeir tóku hinsvegar skipstjórann Richard Philips höndum, en samkvæmt fréttavef BBC þá bauðst hann til þess að fara með þeim gegn því að áhöfinin fengi að sigla áfram.

Pyntingafangelsum CIA lokað

Hinum hrollvekjandi leynifangelsum sem bandaríska ríkisstjórnin starfrækti víðsvegar um hin vanþróaða heim, hefur verið lokað, samkvæmt yfirmanni bandarísku leyniþjónustunnar.Þetta kemur fram á fréttavef BBC.

Bankarnir þrír styrktu Samfylkinguna um þrettán milljónir

Glitnir, Landsbankinn og Kaupþing styrktu Samfylkinguna um samtals þrettán milljónir á árinu 2006 eftir því heimildir Vísis herma.

Grétar Mar: Krefst upplýsinga um fjáröflunarnefnd

„Ég vil bara að Guðlaugur segi satt og rétt frá," segir Grétar Mar, þingmaður Frjálslynda flokksins en hann gerir kröfu um að Guðlaugur eða formaður Sjálfstæðisflokksins, Bjarni Benediktsson, upplýsi hverjir voru í fjáröflunarnefnd flokksins. Það er að segja, hverjir fengu þessa umdeildu styrki.

Sjálfstæðismenn hóta FL Group kæranda

„Sjálfstæðismenn eru byrjaðir á því að hringja í mig og ausa mig skömmum," segir Finnbogi Vikar sem kærði styrk FL Group til Sjálfstæðisflokksins en kæruna afhenti hann starfsmanni Ríkislögreglustjóra í dag. Fyrir vikið hefur Finnbogi fengið nafnlaus símtöl þar sem einstaklingar vilja draga úr honum og hvetja hann til þess að kæra ekki málið.

Bjarni Ben: Ég er sár og svekktur

Bjarni Benediktsson formaður Sjálfstæðisflokksins segir að það komi fjarhagslega illa við flokkinn að þurfa að endurgreiða styrki frá FL Group og Landsbanka, en flokkurinn hafi hins vegar ekki efni á að endurgreiða þá ekki. Hann segist sár og svekktur yfir því að þetta mál kom upp.

Kjartan Gunnarsson fer undan í flæmingi

Enginn í forystu Sjálfstæðisflokksins eða starfsmenn hans, að Geir H, Haarde undanskildum, kannast við að hafa óskað eftir tugum milljóna í styrk frá FL Group og Landsbankanum.

Lamdi fyrrverandi kærustuna sína

Tveir menn gengu hrottalega í skrokk á nítján ára stúlku á Vesturgötunni í Reykjavík í nótt. Fyrrverandi kærasti stúlkunnar og maður voru handteknir vegna árásarinnar. Þeir höfðu ruðst inn á heimili stúlkunnar og lamið hana þar.

Símaviðtal við Bjarna Benediktsson

Hér má heyra í heild sinni símaviðtal við Bjarna Benediktsson, formann Sjálfstæðisflokksins, um styrkveitingar FL Group og Landsbankans til Sjálfstæðisflokksins 2006, skömmu áður en lög um styrki við stjórnmálaflokka tóku gildi.

Hluthafi FL Group kærir risastyrk

„Á þessum tíma var ég hluthafi og og langar að fá svör," segir lögfræðineminn Finnbogi Vikar sem hefur óskað eftir lögreglurannsókn á risastyrk FL Group upp á þrjátíu milljónir til Sjálfstæðisflokksins í lok árs 2006.

Umfjöllun um kosti og galla Evrópusambandsins

Spurningin um stöðu Íslands í Evrópu ræður miklu í aðdraganda þingkosninganna sem fram fara hinn 25. apríl næst komandi. Meirihluti Íslendinga vill viðræður við sambandið um hugsanlega aðild en mun færri eru tilbúnir til að samþykkja aðild án þess að hafa séð samningsniðurstöðuna fyrst. Lóa Pind Aldísardóttir var með ítarlega fréttaskýringu um málið í Íslandi í dag í gærkvöldi, sem sjá má hér

Guðlaugur Þór: Hafði ekki milligöngu um risastyrki

Guðlaugur Þór Þórðarson alþingismaður segir í yfirlýsingu sem hann sendi frá sér rétt fyrir fréttir, að það sé rangt sem fullyrt sé í svo kallaðri fréttaskýringu í Morgunblaðinu í dag, að hann hafi hafi haft samband við tiltekin fyrirtæki og óskað fjárframlaga til Sjálfstæðisflokksins. Hið rétta sé að hann hafi fengið nokkra einstaklinga í flokknum til að aðstoða skrifstofu hans við fjársöfnun sem fram fór síðari hluta árs 2006. Guðlaugur segist ekki hafa óskað eftir styrk frá neinu ákveðnu fyrirtæki eða einstaklingi til Sjálfstæðisflokksins enda hafi hann hvorki haft umboð til þess né áhuga.

Skúli Helgason: Heildarmynd styrkja liggur ekki fyrir

Fyrrum framkvæmdarstjóri Samfylkingarinnar, Skúli Helgason, vill að Samfylkingin opni bókhald sitt frá árinu 2006. Hann tekur þó fram í bloggfærslu á heimasíðu sinni að heildarmynd liggi ekki fyrir vegna styrkja til flokksins árið 2006.

Lamdi son sinn með hárbursta

Bresk móðir missti stjórn á skapi sínu og lamdi tíu ára gamlan son sinn með hárbursta í öxlina. Móðirinn sagðist hafa gert það því drengurinn hafi verið að drolla og ekki viljað klæða sig í fötin sín. Í ljósi þess að þau voru að verða sein, og móðirinn var verulega stressuð að eigin sögn, þá sló hún hann í öxlina tvívegis með hárburstanum.

Athugasemd frá Fréttablaðinu vegna yfirlýsingar Björgólfs Thors

Í kjölfar yfirlýsingar Björgólfs Thors Björgólfssonar fyrr í dag hafa Jón Kaldal og Þorsteinn Pálsson, ritstjórar Fréttablaðsins, sent frá sér eftirfarandi athugasemd.

Samfylkingin með mest fylgi

Samfylkingin nýtur mest fylgis allra flokka með 32,6 prósent samkvæmt könnun Capacent Gallup fyrir Ríkisútvarpið og Morgunblaðið.

Samfylkingin fékk mest fimm milljónir

Samfylkingin fékk fimm milljón króna framlag frá einu fyrirtæki árið 2006 samkvæmt heimildum Vísis. Ekki er ljóst hvaða fyrirtæki studdi flokkinn svo rausnarlega en Jóhanna Sigurðardóttir hét því í fréttum Stöðvar 2 í gær að hún myndi reyna að opna fyrir bókhald flokksins árið 2006. Búist er við því að bókhaldið verði ekki opnað fyrr en eftir helgi.

Sátu allir í nefnd um hámarksstyrki

Guðlaugur Þór Þórðarson auk Kjartans Gunnarssonar sátu í nefnd allra flokka sem var falið að fjalla um fjárframlög til stjórnmálaflokkanna. Geir H. Haarde leiddi nefndina en hann hefur nú tekið opinbera ábyrgð á því að Sjálfstæðisflokkurinn veitti styrkjum FL Group og Landsbankans viðtöku.

Svínsleg meðferð

Flest dauðsföll bandarískra hermanna í Afganistan verða þegar þeir lenda á vegasprengjum í brynvögnum sínum.

VG vill stórauka störf í ferðaiðnaði

Steingrímur J. Sigfússon, formaður Vinstri grænna kynnti í gær áætlun flokksins um uppbyggingu atvinnumála. Alls telur flokkurinn í greinagerð að mögulegt sé að skapa allt að átján þúsund störf á næstu árum. Flest þessara starfa myndu vera við ferðamannaiðnað, eða allt að 4300.

Björgólfur Thor: Okkur hefur ekki verið stefnt

Björgólfur Thor Björgólfsson segir í tilkynningu sem hann sendi frá sér nú í morgun að honum og föður hans, Björgólfi Guðmundssyni hafi ekki verið stefnt vegna vangoldinnar skuldar.

Fréttablaðskassar á Álftanesi

Íbúar á Álftanesi geta frá og með deginum í dag nálgast Fréttablaðið í svokölluðum Fréttablaðskössum, sem hafa verið settir upp við götur sveitarfélagsins.

Misræmi Guðlaugs Þórs

Misræmi er á milli þess sem Guðlaugur Þór Þórðarson fyrrverandi heilbrigðisráðherra sagði um vitneskju sína um styrk FL Group til Sjálfstæðisflokksins og þess sem Morgunblaðið fullyrðir um málið í dag.

Náðu skipi sínu úr höndum sjóræningja

Skipverjar á flutningaskipi sem sómalskir sjóræningjar rændu í gær hafa náð skipinu aftur á sitt vald. Skipið er sautján þúsund tonn.

Framsókn íhugar að opinbera bókhald

„Það er verið að fara yfir þessi mál," segir framkvæmdarstjóri Framsóknaflokksins, Sigfús Ingi Sigfússon, spurður hvort flokkurinn hyggis opna bókhald flokksins aftur í tímann líkt og Sjálfstæðisflokkurinn hefur boðað að hann muni gera.

Ölvunareftirlit á Akureyri

Lögreglan á Akureyri er með sérstak ölvunareftirlit í bænum en mikið af ferðafólki hefur verið að streyma til bæjarins. Lögreglan hafði þegar stöðvað tug ökumanna í morgun og kannað ástand þeirra en fæstir reyndust ölvaðir. Að sögn varðstjóra verður eftirlitið eins yfir helgina og hvetur fólk til þess að drekka ekki og keyra.