Sjúklingurinn á Spáni hafði verið í samskiptum við fólk nýkomið frá Mexíkó

Heilbrigðisyfirvöld á Spáni tilkynntu fyrir stundu að svínflensa hefði greinst í sjúklingi þar í landi sem hefði ekki komið til Mexíkó þar sem sjúkdómurinn á upptök sín. Það virtist gefa til kynna að flensan væri að breiðast út en skömmu síðar kom í ljós að maðurinn hafði verið í samskiptum við fólk nýkomið frá Mexíkó.

Árni sakar samherja um skipulagða aðför - Kjartan neitar

Kjartan Ólafsson, sem er fimmti maður á lista Sjálfstæðisflokksins í Suðurkjördæmi fyrir alþingiskosningarnar, segir í samtali við Sunnlending.is að

Fjáröflun félagasamtaka erfið eftir gengishrunið

Frjáls félagasamtök á Íslandi finna fyrir vaxandi erfiðleikum við fjáröflun og þess eru dæmi að Íslendingar hafi hætt stuðningi við styrktarbörn vegna fjárhagserfiðleika.

Umhverfisráðherra hrygg yfir dauða Lífar

„Mér finnst leiðinlegt að heyra þetta," sagði Kolbrún Halldórsdóttir, fráfarandi þingmaður og umhverfisráðherra. Henni var brugðið þegar henni voru færðar fregnir af dauða hreindýrskálfsins Lífar. Það var um miðjan apríl sem Kolbrún fór að Sléttu á Reyðarfirði og heimsótti Líf og bjargvætt hennar, húsfreyjuna Dagbjörtu Briem Gísladóttur.

Líf drapst úr ofsahræðslu - verður jörðuð síðdegis

Hreindýrakálfurinn Líf drapst í gær. Hún verður grafin síðdegis í dag. Við krufningu kom í ljós að það var hvítvöðasýki sem dró hana til dauða. Hvítvöðvasýki er í raun ofsahræðsla. Bóndakonan Dagbjört Briem Gísladóttir var miður sín þegar Vísir ræddi við hana.

Dæmdur til að greiða 120 milljóna króna sekt fyrir skattsvik

Sverrir Pétur Pétursson hefur verið dæmdur í ellefu mánaða skilorðsbundið fangelsi og til að greiða 120 milljóna króna sekt fyrir að hafa stolið 60 milljónum króna undan skatti í sjálfstæðum atvinnurekstri sínum. Maðurinn var fundinn sekur í Héraðsdómi Reykjavíkur um að hafa skotið 26 milljónum undan á árinu 2006 og um 34 milljónum árið 2007. Á sama tíma stóð maðurinn ýmist skil á röngum virðisaukaskattsskýrslum á sama tíma eða skilaði alls ekki inn virðisaukaskattsskýrslum.

Barnið sem lést í Texas var frá Mexíkó

Nú er komið í ljós að barnið sem lést í Texas ríki af völdum svínaflensu var frá Mexíkó en foreldrar þess höfðu ferðast með það yfir landamærin til þess að leita læknisaðstoðar. Fyrr í dag var greint frá því að um væri að ræða fyrsta dauðsfallið í Bandaríkjunum af völdum svínaflensu. Barnið var tveggja ára gamalt.

Veltan í ferðaþjónustunni 115 milljarðar árið 2008

„Í raun er ferðaþjónustan aldrei mikilvægari en einmitt nú. Hún skapar mörg störf og eykur gjaldeyristekjur þjóðarinnar sem við þurfum svo sannarlega á að halda um þessar mundir en velta hennar var um 115 milljarðar árið 2008," segir Pétur Rafnsson, formaður ferðamálasamtakanna, í viðtali í Ævintýralandinu.

Markmiðið að ná trausti fólksins aftur

„Þetta er náttúrlega vilji kjósenda og maður þarf bara að taka því. Þetta er búið að vera ansi erfiður vetur þannig að markmið mitt er bara að ná trausti þessa fólks aftur," segir Guðlaugur Þór Þórðarson um niðurstöðu v

Öllum svínum í Egyptalandi fargað

Heilbrigðisyfirvöld í Egyptalandi hafa fyrirskipað að öllum svínum í landinu skuli fargað vegna svínaflensunnar sem vekur ugg víða um heim. Í yfirlýsingu frá egypska heilbrigðisráðherrans segir að þetta sé gert í varúðarskyni.

Svalaslys í Ölveri: Óskað eftir úttekt Vinnueftirlitsins

Stjórn Ölvers, sem rekur sumarbúðir KFUM og KFUK þar sem svalir gáfu undan tuttugu börnum í gærkvöldi, segjast harma atvikið. Að auki hefur stjórnin óskað eftir úttekt Vinnueftirlitsins á aðbúnaði sumarbúðanna til að ganga úr skugga um að öll börn njóti fyllsta öryggis í sumarbúðunum.

Grunur um svínaflensu á Íslandi ekki á rökum reistur

Þau sýni sem send hafa verið til rannsóknar hér á landi vegna gruns um svínaflensu, og búið er að greina, hafa reynst neikvæð og ljóst að ekki er um flensuna að ræða í þeim tilfellum.

SI dregur læknaauglýsingu til baka og biðst afsökunar

„Við biðjumst náttúrulega afsökunar á þessu og ætlum að draga auglýsinguna til baka," segir Jón Steindór Valdimarsson, framkvæmdarstjóri Samtaka Iðnarins, en umdeild auglýsing birtist í blöðunum í morgun. Í henni sést heldur óárennilegur læknir vopnaður sprautu. Fyrir framan hann liggur kona með glennta fótleggi.

Ögmundur hættir hjá BSRB í haust

Ögmundur Jónasson ætlar að láta af starfi formanns BSRB í haust. Þetta kemur fram í viðtali við Ögmund í maíhefti BSRB tíðinda.

Vinna við stjórnarmyndun heldur áfram

Vinna við myndun meirihlutastjórnar Samfylkingarinnar og VG heldur áfram í dag. Að sögn Steingríms J. Sigfússonar fjármálaráðherra fundaði stjórnarskrárhópur í morgun. Viðræðunefndir hvers flokks fyrir sig mun svo hittast um hádegisbil og fara yfir stöðuna eins og hún lítur út eftir þær viðræður sem fóru fram á milli flokkanna í gær.

Svínaflensan: Tveggja ára bandarískt barn látið

Bandarísk heilbrigðisyfirvöld tilkynntu nú fyrir stundu um fyrsta dauðsfall af völdum svínaflensu í Bandaríkjunum. Um er að ræða tæplega tveggja ára barn í Texas.

Norður Kóreumenn hóta kjarnavopnatilraunum

Norður Kóreumenn hótuðu í morgun að gera tilraunir með kjarnorkuvopn og langdrægar eldflaugar ef Sameinuðu þjóðirnar féllu ekki frá refsiaðgerðum gegn Norður Kóreu og bæðust afsökunar á að hafa beitt þeim.

Guðlaugur fellur niður um eitt sæti

Guðlaugur Þ Þórðarson þingmaður Sjálfstæðisflokksins færist niður um eitt sæti í kosningunum um helgina. Kjörstjórn í Reykjavíkurkjördæmi suður hefur lokið við að fara yfir útstrikanir á listum og tilfærslur. Hátt í tvö þúsund kjósendur annað hvort strikuðu yfir nafn Guðlaugs Þórs eða færðu niður um sæti.

Svalaslysið í Ölveri: Gríðarleg geðshræring

„Börnin voru á kvöldvöku þegar svalirnar hrundu," segir Arndís Halla Guðmundsdóttir, en tuttugu börn féllu niður af svölum í Ölveri í Borgarnesi klukkan hálf níu í gærkvöldi. Um er að ræða tólf ára börn í Grundaskóla á Akranesi sem voru í skólaferðalagi. Atvikið átti sér stað á kvöldvökunni þegar tveir nemar fóru út úr húsinu í einum leiknum. Þá þustu börnin tuttugu út á svalir til þess að fylgjast með þeim. Aðeins örfáum sekúndum síðar heyrði Arndís lætin.

Hvað verður um Bolla og Baldur?

Tímabundið leyfi sem ráðuneytisstjórinn í forsætisráðuneytinu fékk þegar að ríkisstjórn VG og Samfylkingarinnar tók við rennur út á morgun.

Ástralar auka herstyrk í Afganistan

Ástralar hyggjast fjölga í herafla sínum í Afganistan og senda þangað 450 hermenn til viðbótar við þá 1.100 sem þegar eru á staðnum.

Bretar geta flett glæpamönnum í hverfinu upp

Breski dómsmálaráðherrann Jack Straw mun á morgun kynna áætlun ríkisstjórnarinnar um að koma upp gagnagrunni á Netinu þar sem fletta má upp dæmdum afbrotamönnum í ákveðnum hverfum. Með þessu eiga íbúar að geta áttað sig á því hvers konar nágranna þeir eigi.

Bandarískir svínabændur óhressir með svínaflensu

Tom Vilsack, landbúnaðarráðherra Bandaríkjanna, hefur bænheyrt þarlenda svínabændur og farið þess á leit við stjórnvöld að nafni svínaflensunnar alræmdu verði breytt í H1N1-veiran í stað þess að kenna hana við svín.

Varð ófæddum tvíburum sínum að bana

Kona frá Sómalíu, búsett í Bretlandi, er fyrir rétti, ákærð fyrir að hafa orðið ófæddum tvíburum sínum að bana með því að sprauta sjálfa sig með lyfinu syntómetrín sem kemur hríðum af stað og þar með fæðingu, í þessu tilfelli tæpum mánuði fyrir áætlaðan fæðingartíma.

Réðust inn í íbúð í Birkerød

Fimmtán ára unglingur og tvítugur maður voru handteknir í nótt fyrir rán í bænum Birkerød á Norður-Sjálandi í Danmörku. Ræningjarnir spörkuðu upp hurð á íbúð í bænum og réðust þar á húsráðanda og mann sem var gestkomandi hjá honum.

Umferðarslys í Kaliforníu

Að minnsta kosti fjórir eru látnir og tæplega 40 slasaðir eftir að hópferðabifreið valt á þjóðvegi í Kaliforníu í morgun. Tildrög slyssins eru enn óljós en farþegarnir voru flestir franskir ferðamenn. Tólf sjúkrabílar og sjö björgunarþyrlur voru send á vettvang með hraði og vinnur björgunarlið nú að því að hjálpa farþegunum út úr flaki bifreiðarinnar.

Bretar panta 30 milljónir gríma

Breska heilbrigðisráðuneytið hefur pantað 30 milljónir gríma til að hylja vit fólks og verja það þannig fyrir svínaflensunni sem geisar í heiminum. Sérfræðingar hafa þó bent á að grímurnar veiti litla sem enga vörn gegn veirunni sem veldur svínaflensu.

Biskup baðst afsökunar á þjáningum

Biskup Íslands, Karl Sigurbjörnsson, bað konur og börn, sem brotið hefur verið á af hálfu starfsmanna og þjóna kirkjunnar, fyrirgefningar á þeirri þjáningu og sársauka sem þau hafa liðið, í setningarræðu Prestastefnu Íslands í gærkvöldi.

Guardian fjallar um kosningarnar

Ríkisstjórn Íslands var sú fyrsta sem kjósendur höfnuðu í kjölfar alþjóðlega fjármálahrunsins, segir í grein í Guardian í dag. Þar er fjallað um uppgjör Íslendinga við svonefndan víkingakapítalisma, sem ríkt hafi á landinu undanfarin ár.

Slasaðist á torfæruhjóli

Karlmaður á fertugsaldri fótbrotnaði og meiddist á baki þegar hann missti stjórn á tofæruhjóli á göngustíg við Glerá, neðan við Skarðshlíð á Akureyri undir kvöld í gær, og datt af hjólinu. Hann var ekki í neinum hlífðarbúningi og ekki með hjálm. Hjólinu má aðeins aka á torfærubrautum og var maðurinn óvanur.

Svalir brustu undan tuttugu manns

Minnstu munaði að illa færi þegar svalir á húsi í Ölveri, undir Hafnarfjalli, hrundu undan hópi tuttugu unglinga í gærkvöldi. Nokkrir unglingar meiddust, en þó ekki alvarlega. Hópurinn var fluttur til aðhlynningar á sjúkrahúsinu á Akranesi og dvelur einn þar enn til eftirlits.

Jarðskjálfti í nótt vakti fólk víða

Snarpur jarðskjálfti upp á 3,7 á Richter varð laust fyrir klukkan þrjú í nótt og átti hann upptök í Skálafelli. Hans varð meðal annars vart í Reykjavík og vakti íbúa í Hveragerði, Selfossi og á Eyrarbakka. Margir sunnlendingar hringdu í Neyðarlínu og lögreglu, minnugir stóra Suðurlandsskjálftans.

Íslenskir múslimar gefnir saman

Tímamót urðu hjá samfélagi múslima á Íslandi þegar fyrsta íslenska parið var gefið saman í mosku Félags múslíma á Íslandi um síðustu helgi. Það var Salmann Tamimi, formaður félagsins, sem gaf þau Hjalta Björn Valþórsson og Gunnhildi Ævarsdóttur saman.

Biðlaunakostnaður nemur 88 milljónum

Nítján sem létu af þingmennsku á laugardag fá greidd biðlaun í sex mánuði. Átta fá biðlaun í þrjá mánuði. Fyrrverandi ráðherrar fá einnig biðlaun sem slíkir. Fjórir fyrrverandi ráðherrar sem enn sitja á þingi fá biðlaun auk þingkaups.

Leikskólabörnin hafa aldrei verið fleiri

Leikskólabörn hafa aldrei verið fleiri hér á landi, en í desember 2008 voru þau 18.278. Þá hafði þeim fjölgað um 4,1 prósent á einu ári, eða um 717. Fjölgunin skýrist annars vegar af stærri árgöngum á leikskólaaldri og hins vegar af hlutfalli þeirra sem sækja um leikskólapláss fyrir börn sín. Það á sérstaklega við um yngstu börnin.

Sakar ekki að sjá hvað er í boði

„Þingflokkurinn samþykkti einróma að mynda félagshyggju- og velferðarstjórn með Samfylkingu og það eru viðræður í gangi milli flokkanna um lausn í þessu ESB-máli og ég bíð hennar,“ segir Atli Gíslason, þingmaður VG. Hann var spurður hvort rétt væri að hann styddi ekki ríkisstjórn sem hafi ESB-aðildarviðræður að markmiði, en Atli hefur sagt að réttast væri fyrir Samfylkingu að leita samstarfs við aðra flokka um slíkar viðræður.

Langir loforðalistar stjórnarflokkanna

Samfylkingin og VG kynntu ítarlega verkefnalista fyrir nýja ríkisstjórn í kosningabaráttunni. Starfi flokkarnir áfram saman blasa við margvíslegar breytingar í samfélaginu, til dæmis á kvótakerfinu, skattkerfinu og verðtryggingunni.

Þarf ekki að kaupa siðferðilega aflausn

Þráinn Bertelsson, nýkjörinn alþingismaður Borgarahreyfingarinnar, hyggst ekki afsala sér heiðurslaunum listamanna sem Alþingi hefur um árabil samþykkt honum til handa.

Var próflaus á göngustígnum

Maður fótbrotnaði og hlaut áverka á baki þegar hann datt af vélhjóli á göngustíg neðan við Skarðshlíð á Akureyri á sjötta tímanum í gær. Maðurinn, sem er 35 ára, var ekki með próf á vélhjólið. Það var auk þess mótorkross hjól og ekki skráð til notkunar utan sérstakra æfingasvæða, samkvæmt upplýsingum frá lögreglunni á Akureyri.

Tökum færri bíla en talið er

„Það er ekki jafn mikið um að fólk sé að missa bílana eins og almennt er kannski talið,“ segir Jóhann Sigurðsson, lögmaður hjá Lýsingu. Hann kveðst þó ekki vita nákvæmlega hversu marga bíla fyrirtækið hafi leyst til sín í kreppunni.

Flokkurinn er ekki að deyja

„Frjálslyndi flokkurinn er ekki að deyja,“ segir Guðjón Arnar Kristjánsson, formaður Frjálslynda flokksins, sem tapaði öllum sínum þingsætum á laugardag. „Ég held áfram að vinna fyrir minn flokk ef fólk vill það.“

Mikið álag á hjálparstarfið

Álag á Hjálparstarf kirkjunnar hefur aldrei verið meira en nú, og hjálparbeiðnum fjölgar stöðugt eftir því sem fleiri missa vinnuna, sagði Karl Sigurbjörnsson, biskup Íslands, í ræðu sinni á prestastefnu í gær. Þegar skoðaðar eru tölur frá hjálparstarfinu kemur fram að fjölgun þeirra sem sækjast eftir aðstoð er mest í yngsta aldurshópnum, sagði Karl. Framlög sókna og ýmissa félagasamtaka og fyrirtækja hafa verið með mesta móti í vetur, og fleiri sjálfboðaliðar komið til aðstoðar, sagði biskup. - bj

Fréttablaðið nær réttum þingmannafjölda

Síðasta könnun Capacent Gallup var nær úrslitum kosninga en síðasta könnun Fréttablaðsins ef litið er til kjörfylgis. Könnun Fréttablaðsins var hins vegar nær réttum þingmannafjölda hvers flokks.

Samið um hvern málaflokk fyrir sig

„Við erum að ná samkomulagi innan hvers málaflokks fyrir sig,“ sagði Steingrímur J. Sigfússon, formaður Vinstri grænna, eftir fund síðdegis með Jóhönnu Sigurðardóttur, formanni Samfylkingarinnar.

Sparnaður raski ekki fluginu

Samgönguráðuneytið segir að leitast verði við að nauðsynlegar sparnaðaraðgerðir í kjölfar efnahagsþrenginganna komi eins lítið og hægt er niður á þjónustu og hafi ekki áhrif á flug til Ísafjarðar. Þetta kemur fram í svari ráðuneytisins til Halldórs Halldórssonar, bæjarstjóra á Ísafirði að því er kemur fram á fréttavefnum bb.is.