Harry Potter býður dætrum Obama til Hogwarts

Dætrum Baracks Obama Bandaríkjaforseta hefur boðist einstakt tækifæri til að hitta eilífðargaldrastúdentinn Harry Potter og fara með honum í skoðunarferð um Hogwarts-galdraskólann.

Eins árs frestur til lokunar Guantanamo eina vitið

Lokun fangabúðanna við Guantanamo-flóa á Kúbu er nauðsynleg og eins árs frestur sem Barack Obama Bandaríkjaforseti gaf til þess er að öllum líkindum eina færa leiðin í stöðunni.

Nýjustu heimsendaspár miðast við 2012

Framsýnir menn munu sleppa jólagjafakaupunum eftir fjögur ár því nú þykir margt benda til þess að heimsendir verði rétt fyrir jólin 2012, nánar tiltekið 21. desember.

Hugðist brenna lík í ofni fyrir dýrahræ

Breskur framkvæmdastjóri er grunaður um að hafa myrt eiginkonu sína til 14 ára og sagt fimm börnum þeirra hjóna að hún hefði hreinlega látið sig hverfa. Þá hafi hann reynt að fá félaga sinn til að brenna lík hennar í brennsluofni fyrir gæludýrahræ en ekki tekist.

Miðaldra nauðgari á amfetamíni og Viagra

Tæplega fimmtugur Dani er nú fyrir rétti í Óðinsvéum, grunaður um að hafa haldið 26 ára gamalli konu fanginni í sjö klukkustundir og misnotað hana kynferðislega í desember árið 2007.

Óttast afturhvarf til áttunda áratugarins

Fjöldi Bandaríkjamanna óttast að þjóðin sé á leið inn í nýja kreppu á borð við þá sem hófst haustið 1929. New York-búar óttast þetta síður, en þeirra ótti beinist að því að ástandið verði líkt því sem það var á áttunda áratug 20. aldarinnar.

Drengir á fermingaraldri brutust inn í fiskbúð

Lögregla handtók 14 ára pilt eftir að hann hafði brotist inn í fiskbúð við Sogaveg í Reykjavík á þriðja tímanum í nótt. Félagi hans komst undan. Lögregla hafði samband við foreldra piltsins og barnaverndaryfirvöld.

Gömul frétt í Kastljósi

Kastljós Ríkissjónvarpsins ræddi í gærkvöld við Kristinn Hrafnsson fyrrverandi fréttamann úr Kompás. Þar sagði Kristinn frá lánveitingum Kaupþings til viðskiptajöfursins Robert Tchenguiz. Í umfjöllun Kastljóssins var sagt frá því að þáttur Kompás um þetta mál hefði verið fullunninn og tilbúinn til birtingar þegar öllum starfsmönnum Kompás hafi verið sagt upp og þátturinn tekinn af dagskrá. Þeirri spurningu var varpað fram að þátturinn hefði verið lagður niður til að koma í veg fyrir birtingu fréttarinnar.

Flokksráðsfundur VG ályktar

Flokksráðsfundi Vinstrihreyfingarinnar - græns framboðs er nýlokið. Fundurinn samþykkti svohljóðandi ályktun einróma:

Verðandi ríkisstjórn með 18,2% fylgi

Gísli Marteinn Baldursson borgarfulltrúi sjálfstæðisflokksins segir þá mótmælendur sem hæst höfðu ekki hafa haft neinn áhuga á lýðræði eða skoðunum þjóðarinnar. Hann bendir á að ríkisstjórn Samfylkinar og VG hafi 18,2% fylgi þjóðarinnar samkvæmt könnun Fréttablaðsins.

Reykur í undirgöngum á Seltjarnarnesi

Slökkviliðið á höfuðborgarsvæðinu fékk tilkynningu um að reykur bærist frá undirgöngum á Setljarnarnesi nú fyrir stundu. Slökkvibíll var sendur á vettvang en um er að ræða minniháttar eld að sögn slökkviliðsins. Lögreglan á höfuðborgarsvæðinu sagði í samtali við Vísi að lítið væri að frétta frá kvöldinu að reyknum undanskildum.

Segja hvalveiðar skaða ímynd Íslands

Alþjóða dýraverndunarsjóðurinn (IFAW) lýsir fyrðu sinni og vonbrigðum með þá ákvörðun Einars K. Guðfinnssonar fráfarandi sjávarútvegsráðherra að gefa nú í morgun út reglugerð um stórfelldar veiðar á hrefnu og langreið til næstu 5 ára.

Flokksráð VG fundar á Grand Hótel

Flokksráðsfundur Vinstrihreyfingarinnar - græns framboðs verður haldinn klukkan 20.30 í kvöld, þriðjudaginn 27. janúar. Fundurinn verður haldinn á Grand Hóteli í Reykjavík.

Röskva hvetur nýja ríkisstjórn til þess að hlusta á stúdenta

Röskva, Samtök félagshyggju fólks við Háskóla Íslands segir ráðamenn ítrekað hafa hundsað kröfur námsmanna um að styrkja stoðir þjóðarinnar með því að huga betur að hugviti og fjölbreyttri menntun. Samtökin segjast ekki munu una því að næsta ríkisstjórn skelil skollaeyrum við kröfum og óskum íslenskra stúdenta.

Áherslur Samfylkingarinnar í viðræðunum við VG

Breytingar á stjórn Seðlabankans, bjargráðasjóður fyrir heimilin, sem meðal annars er fjármagnaður af auðmönnum, og kosningar 30. maí er meðal þess sem Samfylkingin leggur áherslu á í stjórnarmyndunarviðræðum við Vinstri Græna.

Byrjuð að pakka niður í menntamálaráðuneytinu

Þorgerður Katrín Gunnarsdóttir fráfarandi menntamálaráðherra segist vera byrjuð að pakka niður í ráðuneyti sínu. Þar hafi ekkert farið í tætarann enda sé allt á hreinu. Þetta sagði Þorgerður í Íslandi í dag fyrir stundu. Hún sagði ljóst að enginn málefnanlegur ágreiningur hefði verið á milli ríkisstjórnarflokkanna og samstarfið hefði steytt á kröfu Samfylkingarinnar um stól forsætisráðherra. Málið snúist ekki um sína persónu. Hún óskar Jóhönnu Sigurðardóttur velfarnaðar í komandi starfi.

Líklegt að kynjahlutfall verði jafnt í ríkisstjórn

Líklegt er að ráðherraembætti muni skiptast jafnt milli Samfylkingar og Vinstri grænna í nýrri ríkisstjórn og að ráðherrum verði fækkað úr tólf í átta. Þá er útlit fyrir að í fyrsta skipti í sögunni verði jafnt kynjahlutfall í ríkisstjórninni. Til greina kemur að sérfræðingar utan þings taki sæti í ríkisstjórninni.

Segir sjávarútvegsráðherra misnota valdheimildir

Árni Finnsson formaður Náttúruverndarsamtakanna vandar Einari K. Guðfinnssyni fráfarandi sjávarútvegsráðherra ekki kveðjurnar. Einar gaf út veiðiheimildir fyrir hrefnur og langreyðar til næstu fimm ára í morgun, samtals 150 hrefnur. Árni bjóst við að Einar gæfi kannski út heimildir fyrir 20 hrefnur en þetta kom honum á óvart. Spilling og misnotkun á valdi segir Árni.

Fundi lokið í Alþingishúsinu - málefnahópar hittast í kvöld

Fundi forystumanna VG og Samfylkingar um myndun ríkisstjórnar sem staðið hefur yfir síðan klukkan tvö í dag er lokið. Ingibjörg Sólrún Gísladóttir og Steingrímur J. Sigfússon ræddu við fréttamenn að fundi loknum en næsti fundur er áætlaður í fyrramálið. Í kvöld verður hinsvegar unnið í starfshópum á vegum flokkanna. Á þeim mátti skilja að viðræður hefðu gengið vel í dag en þau vildu ekkert gefa upp um skipun í ráðherraembætti.

Gefur út veiðiheimildir fyrir hrefnur og langreyðar

Einar K. Guðfinnsson, sjávarútvegs- og landbúnaðarráðherra hefur í dag gefið út reglugerð um veiðar á hrefnu og langreyði á árunum 2009, 2010, 2011, 2012 og 2013. Leyfilegur heildarafli skal nema þeim fjölda dýra sem kveðið er á um í veiðiráðgjöf Hafrannsóknastofnunarinnar. Heimilt er að flytja allt að 20% af veiðiheimildum hvers árs yfir á næsta ár á eftir.

Óseldir bílar hrúgast upp í Bretlandi

Breskir bílaframleiðendur eiga í miklum vanda eins og bílaframleiðendur annarsstaðar í heiminum. Þar hrúgast upp bílar sem ekki seljast.

Tamílar að tapa stríðinu

Stjórnarherinn á Sri Lanka virðist vera að brjóta her Tamíl tígra á bak aftur eftir tuttugu og fimm ára borgarastríð. Yfir sjötíu þúsund manns hafa fallið í valinn í þessu stríði.

Times Online: Er Davíð hataðasti maður á Íslandi?

Er Davíð Oddsson seðlabankastjóri hataðasti maður á Íslandi? Þessari spurningu velta blaðamenn breska blaðsins Times upp í dag.

Obama og Medvedev spjölluðu saman í síma

Þeir Barack Obama forseti Bandaríkjanna og kollegi hans í Rússlandi, Dimitri Medvedev ræddu saman í síma í gær. Í samtalinu kom fram vilji beggja til þess að lappa upp á samskipti ríkjanna sem farið hafa versnandi undanfarin misseri.

Ísraelar gerðu loftárás á Gaza

Ísraelskur hermaður féll og þrír aðrir eru slasaðir eftir að sprengjuárás var gerð á bílalest sem þeir voru í við landamæri Gazasvæðisins. Ísraelskir herinn gerði í kjölfarið árás inn á Gaza og segja sjúkraliðar að einn palestínumaður hafi fallið í árásinni.

Umboðsmaður gagnrýnir sýknudóm yfir rassskelli

Umboðsmaður barna, Margrét María Sigurðardóttir, hefur ritað dóms- og kirkjumálaráðuneytinu og félags- og tryggingamálaráðuneytinu, bréf þar sem gagnrýndur er dómur Hæstaréttar sem nýlega var kveðinn upp og farið fram á að lögum verði breytt.

Lögreglan lýsir eftir vitnum að íkveikju á Klapparstíg

Grunur leikur á að kveikt hafi verið í húsinu á Klapparstíg 17 í Reykjavík fyrr í janúar. Um er að ræða íbúðarhús en eldur kom upp í húsinu aðfaranótt föstudagsins 16. janúar og var fólki bjargað giftusamlega úr húsinu.

Sigmundur og Guðjón farnir, forystumenn funda enn

Forystumenn Samfylkingarinnar og Vinstri grænna funda enn í Alþingishúsinu um myndun nýrrar ríkisstjórnar.Sigmundur Davíð Gunnlaugsson formaður Framsóknarflokksins mætti til fundar um fimm leytið en er nú farinn af fundinum. Guðjón Arnar Kristjánsson formaður Frjálslynda flokksins fundar nú með formönnum VG og Samfylkingar.

Tólf stútar teknir um helgina

Tólf ökumenn voru teknir fyrir ölvunarakstur á höfuðborgarsvæðinu um helgina. Tveir voru stöðvaðir á föstudagskvöld, sjö á laugardag og þrír á sunnudag.

Verður líklegast fyrsti samkynhneigði forsætisráðherrann

Fari svo að Jóhanna Sigurðardóttir verði forsætisráðherra í nýrri ríkisstjórn verður hún líklegast fyrsti samkynhneigði forsætisráðherrann í heiminum. Maki Jóhönnu er Jónína Leósdóttir blaðamaður samkvæmt upplýsingum á vef Alþingis.

615 dagar

Ríkisstjórnarsamstarf Samfylkingar og Sjálfstæðisflokks lifði í 615 daga. Þrátt fyrir valdabrölt og pólitískt argaþras kvöddust formennirnir með kossi í gær.

Enn ekki nóg af loðnu

Ekki finnst enn nægileg loðna á hefðbundnum loðnuslóðum, til þess að Hafrannsóknastofnun geti gefið út kvóta svo hægt verði að hefja veiðar. Í góðu árferði hefst loðnuvertíðin af fullum krafti strax upp úr áramótum.

Tveir hnakkaþjófar handteknir

Lögreglan hefur lagt hald á yfir þrjátíu hnakka sem stolið var í fjölda innbrota í hesthús á höfuðborgarsvæðinu fyrr í mánuðinum. Í gær voru tvær konur handteknar í þágu rannsóknarinnar og hafa þær báðar játað sök. Tveir aðilar til viðbótar tengjast þessum innbrotum sem eru að mestu upplýst.

Frumvarp um kyrrsetningu eigna auðmanna

Vinstri grænir hafa lagt fram frumvarp um kyrrsetningu eigna auðmanna þar sem grunur leikur á að ólöglega hafi verið staðið að viðskiptum. Um er að ræða forvörn segir Álfheiður Ingadóttir, til þess ætluð að koma í veg fyrir að eignum sé skotið undan.

Erlendir miðlar áhugasamir um fall stjórnarinnar

Fjölmiðlar um allan heim hafa sagt frá falli íslensku ríkisstjórnarinnar.

Samfélagið hefur liðið fyrir pólitísk átök

Forseti Íslands segir að íslenskt samfélag hafa liðið fyrir átök og atburði á undanförnum dögum sem sé ný reynsla fyrir þjóðina og geti stefnt þeirri samfélagslegu sáttargjörð og friðsemd sem hafi verið stolt Íslendinga í alþjóðasamfélaginu í verulega hættu. Enginn viti hvert það samfélag stefni ef þróun sem þessi haldi áfram.

Stuðningur Framsóknar ekki skilyrðislaus

Stuðningur Framsóknarflokksins við minnihlutastjórn Samfylkingar og VG er ekki hugsaður þannig að menn hafi frítt spil næstu mánuðina, sagði formaður flokksins eftir fund með forseta Íslands í gærkvöld. Formaður Frjálslynda flokksins segir það aumingjadóm ef þingmenn geti ekki tekist á við þau verkefni sem liggja fyrir.

Ráðherrum fækkar

Líklegt er að ráðherraembætti muni skiptast jafnt á milli Samfylkingar og Vinstri grænna í nýrri ríkisstjórn og að ráðherrum verði fækkað úr tólf í átta.

„Við höfum tekið við keflinu“

„Við höfum tekið við keflinu frá forseta Íslands og setjumst yfir það verkefni að útbúa öfluga ríkisstjórn," sagði Ingibjörg Sólrún Gísladóttir, formaður Samfylkingarinnar þegar Ólafur Ragnar Grímsson hafði falið þeim að hefja viðræður um myndun minnihlutastjórnar með stuðningi Framsóknarflokksins og mögulegri aðkomu Frjálslynda flokksins. Ingibjörg sagðist vonast til að slík ríkisstjórn yrði starfhæf fyrir helgi. „Þetta er verkefni sem við munum nú setjast yfir," sagði Ingibjörg.

Ákveðið að Samfylking og VG myndi ríkisstjórn

Forseti Íslands tilkynnti laust fyrir hádegi að hann hafi ákveðið að fela formönnum Vinstri grænna og Samfylkingar að hefja viðræður að myndun nýrrar ríkisstjórnar sem yrði varin vantrausti af Framsóknarflokknum og eftir atvikum Frjálslynda flokknum.

Forseti boðar Ingibjörgu og Steingrím á Bessastaði

Forseti Íslands hefur boðað formann Samfylkingarinnar Ingibjörgu Sólrúnu Gísladóttur og formann Vinstri hreyfingarinnar - græns framboðs Steingrím J. Sigfússon til fundar á Bessastöðum í dag klukkan ellefu.

Vörukarfa ASÍ hækkaði um 5-13%

Vörukarfa ASÍ hækkaði um 5-13% frá því í lok október og fram í miðjan janúar í öllum verslunarkeðjum að Nóatúni og Samkaupum-Úrval undanskildu, en þar hækkaði karfan um 1-3%. Hækkanir á mjólkurvörum, ostum,

Jónas sinnir frágangi verkefna

Ragnar Hafliðason mun fara með ákvarðanatökuvald í Fjármálaeftirlitinu næstu vikur. Fréttastofa hafði það eftir upplýsingafulltrúa FME í morgun að Jónas Fr. Jónsson væri enn forstjóri og yrði það til 1. mars næstkomandi. Það væri í samræmi við ákvörðun stjórnar þegar samið var um starfslok Jónasar.

Ágúst Ólafur sækist ekki eftir endurkjöri til Alþingis

Ágúst Ólafur Ágústsson, þingmaður og varaformaður Samfylkingarinnar,sendi frá sér fréttatilkynningu fyrir skömmu þar sem hann lýsir því yfir að hann muni ekki sækjast eftir endurkjöri til Alþingis í kosningum í vor og jafnframt láta af embætti varaformanns flokksins á næsta landsfundi.

Enginn loðnukvóti enn

Ekki finnst enn nægileg loðna á hefðbundnum loðnuslóðum til þess að Hafrannsóknastofnun geti gefið út kvóta svo hægt verði að hefja veiðar, en í góðu árferði hefst loðnuvertíðin af fullum krafti strax upp úr áramótum.