Hækkar í Hvítá

Mjög mikið vatnsmagn mælist nú efst í Hvítá á Suðurlandi, eða við svonefnt Fremsta Ver. Það er þó ekki nema um helmingur þess sem mældist fyrir flóðið í ánni fyrir ári, en gæti þó flætt inn á beitilönd. Lögreglan á Selfossi beinir því til bænda að huga að búpeningi í grennd við ána.

Útvarpsstjóri leysti Stóra-Klaufamálið

Jakob Frímann Magnússon stuðmaður og formaður Samtóns og Félags tónskálda og textahöfunda gekk sáttur og vonglaður frá fundi með Páli Magnússyni, Útvarpsstjóra í dag.

Stjórnendur Eimskips töldu fyrirtækið ekki vera í markaðsráðandi stöðu

Stjórnendur Eimskips töldu félagið ekki vera í markaðsráðandi stöðu þegar Samkeppniseftirlitið gerði húsleit hjá þeim í september 2002, samkvæmt Ingimundi Sigurpálssyni, fyrrverandi forstjóra Eimskips.

Vopnað rán í 10/11

Vopnað rán var framið í verslun 10/11 í Grímsbæ við Bústaðaveg um áttaleytið í kvöld. Ræningjarnir voru grímuklæddir og vopnaðir kylfum. Grunur lögreglu beindist strax að tveimur unglingspiltum, sem handteknir voru skömmu síðar með ránsfenginn í fórum sér.

Fyrrverandi Guantanamo fangar handteknir í Bretlandi

Bresk stjórnvöld handtóku í dag þrjá fyrrverandi fanga úr Guantanamo fangabúðunum við komuna til Bretlands. Mennirnir, sem eru breskir ríkisborgarar, voru leystir úr haldi í dag, eftir fjögurra og hálfs árs fangelsi í Guantanamo.

Umferðaróhapp á Aðalgötu

Tveir voru fluttir á til eftirlits á Heilbrigðisstofnun Suðurnesja eftir umferðaróhapp á Aðalgötu austan Reykjanesbrautar um sexleytið í dag.

Lítill verðmunur í Krónunni og Bónus segir ASÍ

Innan við 4 króna verðmunur var á einstökum vörum í Krónunni og Bónus í 23 skiptum af þeim 28 vörutegundum sem til voru í báðum verslunum,

Úthlutun til nauðstaddra lýkur á morgun

Úthlutun Mæðrastyrksnefndar Reykjavíkur, Reykjavíkurdeildar RKÍ og Hjálparstarfs kirkjunnar hófst í gær og lýkur á morgun. Í lok dagsins í dag var búið að afgreiða um 1000 umsóknir af þeim 1400 sem hafa borist og á Akureyri verða afgreiddar um 90 umsóknir.

Hæstiréttur braut gegn Mannréttindasáttmála Evrópu

Hæstiréttur Íslands braut gegn ákvæði Mannréttindasáttmála Evrópu um réttlæta málsmeðferð samkvæmt nýföllnum dómi Mannréttindadómstóls Evrópu.

Fann fjóra dauða selskópa í rusli

Fjórir hauslausir selkópar fundust nýverið í bylgjupappagámi hjá endurvinnslunni á Akureyri. Málið er óupplýst.

Vel yfir 100 kertabrunar í desember

Undanfarin ár hafa að meðaltali verið um 120 kertabrunar í desember og má reikna með að 60-90 íbúðir skemmist vegna kertabruna um jól og áramót. Í flestum tilfellum verða óhöppin á gamlársdag og nýársdag, samkvæmt tölum Forvarnarhúss Sjóvá.

Brögðóttur þjófur á ferð

Þjófur, vopnaður kústskafti sem á var fest skrúfjárn, var á ferli í morgun og stal veski úr húsi í miðborginni með fyrrnefndu verkfæri.

Ungt þjófagengi dæmt í 33 mánaða fangelsi

Fjórir piltar á aldrinum 15-18 ára voru í Héraðsdómi Reykjavíkur í dag dæmdir í samtals 33 mánaða skilorðsbundið fangelsi fyrir fjölda innbrota í Reykjavík og Kópavogi snemma á þessu ári.

Sektaður fyrir að skilja eftir ketti á Hólmsheiði

Tuttugu og sex ára karlmaður var í Héraðsdómi Reykjavíkur í dag dæmdur til að greiða 40 þúsund króna sekt fyrir brot á dýraverndunarlögum með því að skilja tvo ketti, sem hann átti, eftir við hesthús á Hólmsheiði.

Sakfelldur fyrir að slá mann í höfuðið með gleríláti

Héraðsdómur Reykjavíkur sakfelldi í dag karlmann fyrir líkamsárás og umferðarlagabrot en gerði honum ekki sérstaka refsingu þar sem hann hafði áður verið dæmdur í tveggja ára fangelsi.

Farið yfir hvort borgin er skaðabótaskyld vegna laugarslyss

Reykjavíkurborg og Íþrótta- og tómstundaráð fara nú yfir mál átta ára stúlku sem lenti í alvarlegu slysi í Laugardalslaug á laugardaginn var þegar fingur hennar skarst af eftir að hún flækti hann í vír.

Ísland fái undanþágur vegna losunarheimilda frá flugi

Þórunn Sveinbjarnardóttir umhverfisráðherra hefur farið fram á það að tekið verði tillit til landfræðilegrar sérstöðu Íslands þegar fjallað verður um tillögur um að fella flugsamgöngur undir viðskiptakerfi ESB með losunarheimildir á gróðurhúsalofttegundum.

Líst vel á bílaútflutning frá Íslandi

Bílasölum virðist lítast vel á þann möguleika að hefja útflutning á notuðum bílum.

Felldi úr gildi áminningu og sekt á hendur Atorku

Héraðsdómur Reykjavíkur felldi í dag úr gildi þá ákvörðun Kauphallar Íslands að áminna og sekta Atorku Group í tengslum við fréttatilkynningu frá félaginu vegna hálfs árs uppgjörs ársins 2006.

Eldur við Hvíta húsið

Eldur logar þessa stundina í opinberri skrifstofubyggingu aftan við Hvíta húsið í Washington. Fjölmennt slökkvilið er á staðnum. Við færum nýjar fréttir af þessu eftir því sem þær berast.

Þriggja og hálfs árs fangelsi fyrir að leggja eld að parhúsi

Guðmundur Freyr Magnússon, 27 ára Rekvíkingur, var í Héraðsdómi Reykjavíkur í dag dæmdur í þriggja og hálfs árs fangelsi fyrir að hafa meðal annars kveikt í parhúsi á Þorlákshöfn sem hann hafði skömmu áður rænt.

Búsæld eignast Norðlenska

Eignarhaldsfélagið Búsæld, sem er félag kjötframleiðenda í Eyjafirði, Þingeyjarsýslum og á Austur- og Suðausturlandi kaupi, hefur keypt öll hlutabréf í kjötvinnslufyrirtækinu Norðlenska fyrir 568 milljónir króna.

Brottkast miklu meira en Hafró telur

Grétar Mar Jónsson, þingmaður Frjálslyndra og fyrrverandi skipstjóri telur að tölur sem Hafrannsóknarstofnun nefnir um brottkast á fiski séu langt of lágar.

Kemur á óvart hversu skipulögð og umfangsmikil aðför Eimskips var

Stjórnendur Samskipa segja að það komi á óvart hversu skipulögð og umfangsmikil aðför Eimskips að félaingu hafi verið og segja niðurstöðu Samkeppniseftirlitsins frá því fyrr í dag staðfesta að Samskip hafi haft gilda ástæðu til að kæra Eimskip.

Erla Ósk íhugar lögsókn

„Þetta fullkomnar tilgang minn sem var alltaf sá að vekja athygli á þessum vinnubrögðum," segir Erla Ósk Arnardóttir en Heimavarnarráðuneyti Bandaríkjanna sendi utanríkisráðherra bréf í dag þar sem meðhöndlun starfsmanna þess á Erlu var hörmuð.

Sekt fyrir að tilkynna of seint um kaup á B&L

Samkeppniseftirlitið hefur sektað Eignarhaldsfélagið Sævarhöfða um eina og hálfa milljón króna fyrir að láta undir höfuð leggjast að tilkynna um kaup félagsins á Bifreiðum og landbúnaðarvélum innan lögbundins frests.

Heimavarnarráðuneyti BNA harmar meðferðina á Erlu Ósk

Heimavarnarráðuneyti Bandaríkjanna harmar þá meðferð sem Erla Ósk Arnardóttir Lilliendahl hlaut við komu hennar til Bandaríkjanna um þar síðustu helgi.

Putin maður ársins hjá Time

Bandaríska vikuritið Time hefur valið Vladimir Putin mann ársins 2007 fyrir að færa þjóð sinni stöðugleika og afla henni virðingar á ný.

Yfir helmingur ók of hratt í Arnarbakka

Brot 83 ökumanna sem fóru um Arnarbakka í Breiðholti á klukkustund eftir hádegi í gær voru mynduð með löggæslumyndavél lögreglunnar.

Enn flækja útlimir bandarísk stjórnmál

Vonir Johns Edwards um að verða næsti forseti Bandaríkjanna eru hugsanlega brostnar eftir að bandaríska vikuritið National Enquierer upplýsti að hjákona hans sé komin sex mánuði á leið.

„Ástandið ekki alslæmt, en gæti verið betra“

Stefán Eiríksson, lögreglustjórinn á höfuðborgarsvæðinu, segir ekkert nýtt að skortur sé á lögregluþjónum hjá embættinu. Í Lögreglublaðinu er ítarleg umfjöllun um manneklu innan lögreglunnar og sagt að bresti í innviðum þar á bæ. Stefán bendir á að við þessu hafi verið brugðist í haust með tímabundnum álagsgreiðslum til lögreglumanna.

Rússneskar sprengjuvélar milli Íslands og Bretlands í gær

Tvær rússneskar sprengjuflugvélar fóru í það sem er að verða reglubundið flug milli Íslands og Bretlands í gær. Ekki var farið inn í íslenska lofthelgi og snúið við á miðri leið.

Hamraborgin hljómaði í göngum Kárahnjúkavirkjunar

Verktakafyrirtækið Arnarfell hélt einhvers konar litlu jól fyrir starfsmenn sína á Kárahnjúkum í gær.

Dæmdur fyrir að lemja lögreglumenn

Karlmaður á fimmtugsaldri var í Héraðsdómi Austurlands í dag dæmdur í 30 daga skilorðsbundið fangelsi fyrir að hafa ráðist á tvo lögreglumenn í fangaklefa lögreglustöðvarinnar á Eskifirði í fyrra sumar.

Sektaður fyrir að taka lögreglumann í bóndabeygju

Maður hefur verið dæmdur fyrir að trufla lögreglu við skyldustörf. Hann hélt lögreglumanni í skrúfstykki og truflaði með því handtöku.

Lögreglan leitar að eiganda myndavélar

Lögreglan á höfuðborgarsvæðinu lýsir eftir eiganda myndavélar sem fannst við húsleit í austurborg Reykjavíkur í gærdag.

Eigendur Eimskips segja málið sér óviðkomandi

Eimskipafélagið ætlar ekki að una sekt Samkeppniseftirlitsins sem í morgun ákvað að sekta félagið um 310 milljónir króna fyrir samkeppnisbrot. Í tilkynningu frá Eimskip segir að málið sé sér óviðkomandi þar sem félagið hafi skipt um eigendur og allir æðstu stjórnendur frá umræddu tímabili hafi látið af störfum. Rúm fimm ár eru síðan Samkeppniseftirlitið gerði húsleitina sem málið er byggt á. Eimskipsmenn segja málinu beint að röngum aðila.

Forseti Úganda ekki bara til heimabrúks

Ríkisstjórn Úganda ætlar að kaupa Gulfstream einkaþotu fyrir Yoweri Museveni forseta, að sögn þarlendra fjölmiðla. Kaupverðið er um þrír milljarðar króna.

Flóðbylgjuviðvörun á Hawaii

Flóðbylgjuviðvörun hefur verið gefin út á Hawaii eyjum eftir að jarðskjálfti sem mældist 7.3 á Richter varð á hafsbotni um 2000 kílómetra VSV af Anchorage í Alaska.

Frækileg þyrlubjörgun

Þyrla frá norska flotanum bjargaði í gær 12 sjómönnum af rússnesku flutningaskipi sem hafði rekið upp í fjörugrjótið rétt fyrir utan Murmansk.

Eimskip áfrýjar úrskurði Samkeppniseftirlitsins

Eimskip hefur þegar ákveðið að áfrýja úrskurði Samkeppniseftirlitsins sem sektað hefur félagið um 310 milljónir króna fyrir að hafa misnotað markaðsráðandi stöðu sína á sjóflutningamarkaði.

Íkveikja á Hverfisgötu mistókst

Allt tiltækt slökkvilið var kallað að Hverfisgötu 34 á ellefta tímanum. Þegar komið var á staðinn hafði eldurinn því sem næst slokknað en reykur og glæður voru í húsinu sem er þriggja hæða. Húsið er ónýtt og bíður niðurrifs, að sögn eiganda.

Kona dæmd fyrir fíkniefnabrot

Kona var í Héraðsdómi Norðurlands eystri dæmd til að greiða 80 þúsund krónur í sekt fyrir að hafa ekið undir áhrifum amfetmíns og kannabisefna á Akureyri í sumar. Þá var hann einnig með lítilræði af sömu efnum í fórum sínum.

Óvopnaður ísbrjótur á hvalveiðiflotann

Ástralar ætla að senda ísbrjót til þess að fylgjast með japanska hvalveiðiflotanum í grennd við Suðurskautið.

Eimskip sektað um 310 milljónir fyrir samkeppnisbrot

Samkeppniseftirlitið hefur ákveðið að sekta Eimskipafélag Íslands um 310 milljónir króna fyrir að hafa misnotað markaðsráðandi stöðu sína.