Ölfusárbrú lokuð í kvöld

Ölfusárbrú verður lokað í kvöld frá klukkan 21 til tvö í nótt vegna framkvæmda við hringtorgið við brúna á Selfossi. Vegagerðin bendir vegfarendum á Hringveginum á að fara um Ölfusárósabrú á Eyrarbakkavegi meðan á lokun stendur.

Dæmdur fyrir að ráðast á lögreglukonu

Héraðsdómur Norðurlands eystra hefur dæmt karlmann í eins mánaðar skilorðsbundið fangelsi fyrir að ráðast á lögreglukonu. Maðurinn réðst gegn konunni í anddyri Heilbrigðisstofnunar Þingeyinga á Húsavík í lok árs 2005 og kýldi hana í brjóstkassann þannig að hún marðist.

Fellibylur í Pakistan

Fellibylur reið yfir strendur Pakistan í morgun, aðeins einum degi eftir að flóð banaði yfir 200 manns í Karachi borg.Yfirvöld í Pakistan hafa flutt þúsundir manna á brott af lágum landsvæðum.

Bílaeltingaleikur í Hollandi

Ökumaður í Hollandi sem var undir áhrifum kókaíns brást illa við þegar lögregla reyndi að stöðva för hans. Í kjölfarið hófst mikill eltingaleikur sem fjöldi lögreglubíla og þyrla tóku þátt í.

Evrópusambandið ræðir við Tyrki

Evrópusambandið stækkaði í dag viðræðugrundvöll við Tyrkland þegar hafist var handa að ræða um hagtölur og fjármálastjórn í landinu. Enn var þó horft fram hjá tveimur mikilvægustu punktunum í aðildaviðræðunum, efnahags- og gjaldmiðilsmálum.

Skaut fangavörð til bana og lagði á flótta

Fangi í Utah ríki í Bandaríkjunum náði byssu af fangaverði sem var að gæta hans og skaut hann til bana í dag. Lögregla yfirbugaði manninnn nokkru síðar á veitingastað í nágrenninu eftir eltingaleik.

Gaddafi hvetur til stofnunar Bandaríkja Afríku

Forseti Líbíu, Muammar Gaddafi hefur heitið því að berjast fyrir því að sameina ríki Afríku undir einni ríkisstjórn. Í ræðu sem hann hélt í Gíneu í dag sagði hann að sjálfstæð ríki í álfunni ættu sér enga framtíð, eina lausnin fælist í sameinaðri Afríku.

Tveir látnir í vatnavöxtum á Bretlandi

Tveir eru látnir eftir mikil flóð í kjölfar helliregns sem gengið hafa yfir Bretlandseyjar í dag. Björgunarsveitarmenn fengu ekkert að gert þegar maður drukknaði en fótleggur hans festist í niðurfalli. Þá hefur verið staðfest að þrettán ára gamall drengur hafi drukknað þegar áin Sheaf í Sheffield flæddi yfir bakka sína.

Dreng bjargað í Sundlaug Akureyrar

Líðan sex ára gamals drengs sem bjargað var frá drukknun í Sundlaug Akureyrar í dag er stöðug. Hann er kominn til meðvitundar og verður á gjörgæslu í nótt til eftirlits, að sögn vakthafandi læknis á Fjórðungssjúkrahúsinu á Akureyri.

Hæstiréttur Bandaríkjanna úrskurðaði gegn málfrelsi

Hæstiréttur Bandaríkjanna dæmdi í dag gegn málfrelsi námsmanna þegar nemandi tapaði máli sínu fyrir réttinum. Nemandinn hafði veifað fána sem á stóð „Bong hits 4 Jesus“, sem útleggja mætti á þá leið: „Fáum okkur í haus fyrir Jesús“.

Tvíburum fjölgar með fleiri tæknifrjóvgunum

Tvíburafæðingum hefur fjölgað hér á landi síðustu áratugi. Ástæða þessa eru tæknifrjóvganir og hækkandi aldur frumbyrja.

Mosaeldur kviknaði út frá sígarettustubbi

Vel gekk að ráða niðurlögum elds sem kviknaði við þjóðveginn vestan við Kirkjubæjarklaustur í dag. Eldurinn náði ekki að breiða mikið úr sér og aðeins eru um 12 til 14 fermetrar brunnir. Lögreglan á Hvolsvelli segir að hins vegar hefði getað farið verr en slóði sem varð á vegi eldsins og lítil gola sáu til þess að hann náði ekki að breiða úr sér.

Ísbjörn, ugla, fálki og örn í Bolungarvík

Ísbjörn, ugla, fálki og örn eru meðal þess sem hægt er að sjá á endurbættu Náttúrugripasafni Vestfjarða í Bolungarvík sem opnað var um helgina.

Sarkozy skorar á alþjóðasamfélagið

Forseti Frakklands skorar á alþjóðasamfélagið að sýna Súdönum hörku taki þeir ekki þátt í samvinnu um endalok átakanna í Darfur. Hann segir þögnina um stríðsglæpi í Darfur viðhalda átökum á svæðinu. Utanríkisráðherra Bandaríkjanna segir umheiminn hafa brugðist íbúum Darfurs.

Hrapaði um tvær hæðir við björgun slökkviliðs

Kínverskum manni var naumlega bjargað frá bruna á fjórðu hæð í fjölbýlishúsi í Shanghaí á laugardag. Björgunarsveit og nágrannar fylgdust með þegar slökkviliðsmaður klifraði upp stiga og afhenti manninum öryggisbelti sem hann festi í handrið. Hann féll síðan um tvær hæðir en öryggislínan bjargaði honum frá því að hrapa til jarðar.

Fomúlubíll í Smáralind

Formúlubíllinn sem Nico Rosberg ekur við Smáralind á morgun, þriðjudag, er kominn til Íslands og hefur verið settur upp í Vetrargarði Smáralindar. Í tilkynningu kemur fram að bílnum, sem vegur um 600 kg, fylgi 20 manna starfslið ásamt tæplega 8 tonnum af búnaði. Þetta er 2007 útgáfa Williams sem notuð er í tilraunaakstri Williams liðsins á brautum um allan heim.

Skerðing þorkskvóta getur jafngilt lokun frystihúsa

Verði að öllu farið að tillögu Hafró um skerðingu þorskvótans getur það jafngilt því að loka þurfi fimmtán til tuttugu frystihúsum. Þetta er mat Starfsgreinasambandsins en fulltrúar þeirra funduðu með sjávarútvegsráðherra í dag.

Bylting í heyskap

Bændur á Suðurlandi eru sumir farnir að ráða verktaka í heyskapinn. Mikill sparnaður, segir bóndinn á Heiði í Biskupstungum.

Fjölgun hjólhýsa og stærri bílafloti hér á landi eru merki um velmegun

Stærri bílafloti, fjölgun hjólhýsa og tjaldvagna og betri vegir eru allt merki um aukna velmegun í íslensku samfélagi segir prófessor í félagsfræði. Lögreglan í Reykjavík segir umferðarteppuna á þjóðveginum í gær sjaldan hafa verið eins mikla. Stóraukinn fjöldi hjólhýsa og tjaldvagna á vegunum sé meginástæðan.

Fatahreinsun sýknuð af þriggja milljarða skaðabótum

Bandarískur dómari tapaði í dag máli sem hann höfðaði gegn eigendum þvottahúss í Washington vegna buxna sem týndust í hreinsun en komu síðar í leitirnar. Fatahreinsunin var sýknuð af rúmlega þriggja milljarða króna skaðabótakröfu. Ákæran var byggð á slagorði hreinsunarinnar sem sagðist tryggja ánægju viðskiptavina.

Sökkva Hagavatni

Sökkva ætti leirunum við Hagavatn til draga mjög úr moldroki eins og verið hefur í þurrkum á Suðurlandi aðundanförnu, að mati landverndarsérfræðings hjá Landgræslu ríkisins. Hann segir að rík þjóð eins og Íslendingar ætti að vera leiðandi í uppgræðslu á landi.

Alcan bíður svars frá Landsvirkjun

Væntanlegt svar Landsvirkjunar við ósk Alcan um framlengingu raforkusamnings gæti ráðið miklu um virkjana- og stóriðjuframkvæmdir í landinu á næstu árum og verður þannig prófsteinn á stjóriðjustefnu nýrrar ríkisstjórnar. Forstjóri Alcan vonar að stjórnmálamenn reyni ekki að bregða fæti fyrir áform fyrirtækisins.

Enn á gjörgæslu eftir árás á heimili sínu

Lithái á fertugsaldri er enn á gjörgæslu eftir árás á heimili hans í Bökkunum í Breiðholti aðfararnótt sunnudags. Enginn er í haldi lögreglu vegna málsins.

Stjórn Alþóðabankans samþykkir tilnefningu Zoellicks

Robert Zoellick hefur fengið blessun stjórnar Alþjóðabankans og mun hann því taka við af Paul Wolfowitz sem forseti bankans. Zoellick var tilnefndur af George Bush Bandaríkjaforseta og hann mun setjast á forsetastól 30. júní næstkomandi.

Eldur slökktur um borð í Hafsúlunni

Eldur kom upp í hvalaskoðunarbátnum Hafsúlunni rétt fyrir klukkan hálf sex. Samkvæmt upplýsingum frá slökkviliðinu tókst skipverjum að ráða niðurlögum eldsins og er báturinn kominn til hafnar. 75 manns voru um borð í bátnum úti fyrir Lundey í Skerjafirði þegar eldurinn kviknaði.

Dularfullur hryggur rannsakaður

Bandarískir vísindamenn leggja á næstu dögum af stað í 40 daga rannsóknarleiðangur norður á boginn að hinum leyndardómsfulla Gakkel-hrygg. Hryggurinn er staðsettur neðan sjávar milli Grænlands og Síberíu, þar sem Norður-Ameríku-, og Evrópuflekarnir skiljast að. Svæðið vakti athygli eftir að kunnugt varð um mikla uppsprettu heits vatns þar. Margir telja að á þessum afskektu slóðum sé auðugt og sérstakt lífríki að finna sem þróast hafi einangrað umhverfis hverina í aldanna rás.

Vilja að virkjun í Hverfisfljóti fari í umhverfismat

Landvernd hefur sent umhverfisráðherra bréf þar sem farið er fram á að ráðherra ógildi úrskurð Skipulagsstofnunar varðandi virkjun í Hverfisfljóti í Hnútu í Skaftárhreppi. Stofnunin komst að því að þessi 2,5 megavatta virkjun þyrfti ekki að fara í umhverfismat.

Alvarlegum umferðarslysum fjölgar um 60 prósent milli ára

Alvarlegum umferðarslysum fjölgaði um 60 prósent á fyrstu fjórum mánuðum ársins 2007 miðað við sama tímabil á síðasta ári. Þetta sýna tölur Umferðarstofu. Alls slösuðust 52 alvarlega í 48 slysum á fyrstu fjórum mánuðum ársins en í fyrra voru þeir 33 í 30 slysum.

Skógareldar í Kaliforníu

Miklir skógareldar í Kaliforníu hafa eyðilagt meira en 200 heimili og neytt um þúsund manns til að yfirgefa heimili sín. 460 slökkviliðsmenn eru að berjast við eldinn og búist er við sú tala muni tvöfaldast fyrir kvöldið.

Fyrsta búrfæðing djöflaskötunnar

Á sædýrasafni í Japan er fæðingu djöflaskötu ákaft fagnað en þetta er í fyrsta skipti sem þessi dýrategund fjölgar sér búri. Fæðingin gekk að óskum hjá hinni 4,2 metra löngu móður og litli djöflaskötuunginn byrjaði fljótlega að synda um búrið og leika sér.

Embætti borgarritara og borgarlögmanns endurvakin

Embætti borgarritara og borgarlögmanns verða endurvakin samkvæmt nýsamþykktum breytingum á stjórnkerfi og skipuriti Reykjavíkurborgar. Það var gert á borgarstjórnarfundi í síðustu viku eftir tillögu Vilhálms Þ. Vilhjálmssonar borgarstjóra.

Kyndill aðstoðar við slökkvilstarf í Skaftárhreppi

Allt tiltækt slökkvilið á Kirkjubæjarklaustri ásamt björgunarsveit úr bænum hafa verið kölluð út til þess að slökkva í mosa sem logar rétti við vegamót þjóðvegar eitt og vegar sem liggur í Skaftártungu.

Tekinn af lífi á morgun þrátt fyrir banvænan sjúkdóm

Jimmy Dale Bland, 49 ára karlmaður, verður líflátinn í Oklahoma á morgun með banvænni sprautu. Bland var dæmdur til dauða árið 1996 fyrir að skjóta Doyle Windle Rains í hnakkann. Lögfræðingur Bland hefur reynt að fá aftökunni aflýst vegna þess að Bland þjáist af krabbameini sem mun draga hann til dauða innan nokkurra mánuða.

Þurfa ekki að greiða 3,3 milljarða vegna glataðra buxna

Dómari í Washington í Bandaríkjunum sýknaði í dag eigendur fatahreinsunar af kröfu dómara í borginni um 3,3 milljarða króna skaðabætur vegna buxna sem týndust í hreinsun.

Vesturlandabúar lögleg skotmörk

„Málaliðar munu halda áfram að ráðast á vesturlandabúa á götum Indónesíu til að verja íslamska trú,“ sagði hryðjuverkamaðurinn Abu Dujana við CNN. Hann segir að vesturlandabúar séu lögleg skotmörk.

Ákærður fyrir morð á barnshafandi kærustu sinni

Bandarískur lögreglumaður, Bobby Cutts, verður færður fyrir rétt í dag og formlega ákærður um að hafa myrt barnshafandi kærustu sína. Málið hefur vakið mikla athygli í Bandaríkjunum. Kærastan, Jesse Davis, fannst látin á laugardag en ýmislegt þykir benda til að hún hafi verið myrt á heimili sínu, þar sem tveggja ára sonur hennar og Cutts fannst yfirgefinn 15. júní.

Dýr valda deilum í Húnavatnshreppi

Héraðsdómur Norðurlands vestra hefur dæmt karlmann á fimmtugsaldri í eins mánaðar skilorðsbundið fangelsi fyrir að hafa ráðist á karl og konu um sextugt vegna deilna þeirra um dauð lömb og hunda.

Dauða seli rekur á land í Danmörku

Fjöldi selkópa hefur rekið á land við Anholt eyju í Danmörku. 41 kópur hefur fundist á svæðinu. Ekki er vitað með vissu hvaða veira það er sem er að drepa selina. Skógar- og náttúrustofnun í Danmörku er að rannsaka málið.

Hálfs árs fangelsi fyrir vörslu hass

Héraðsdómur Norðurlands eystra hefur dæmt karlmann í hálfs árs fangelsi fyrir að hafa í sinni vörslu nærri sjö hundruð grömm af hassi. Lögreglan fann efnin við leit í bifreið mannsins í Hörgárbyggð í febrúar síðastliðnum en efnin hafði hann flutt með sér frá Reykjavík.

Vilja að Bandaríkin framselji 13 leyniþjónustumenn

Saksóknarar í Þýskalandi hafa óskað eftir því við Bandaríkin að 13 leyniþjónustumenn C.I.A verði framseldir til Þýskalands. Saksóknarnir halda því fram að leyniþjónustumennirnir hafi átt þát í að ræna þýskum ríkisborgara árið 2003.

Al-Zawhari lýsir stuðningi við Hamas

Ayman al-Zawhari, einn leiðtoga Al Qaeda og hægri hönd Osama Bin-Laden, ávarpaði múslima um allan heim á upptöku sem gengur um á netinu. Al-Zawhari lýsti yfir stuðningi við Hamas og óskaði eftir því að múslimar um allan heim myndu styðja Hamas með vopnum, peningum og ásrásum á bandaríkjamenn og Ísrael.

Kynna aðalskipulagstillögur vegna Urriðafossvirkjunar

Náttúruverndarsamtök Íslands skora á Flóamenn að styðja við hreppsnefnd Flóahrepps í því að standa við nýja skipulagstillögu þar sem ekki er gert ráð fyrir Urriðafossvirkjun í neðri hluta Þjórsár. Skipulagstillögur með og án virkjunarinnar verða kynntar á íbúafundi í Flóanum í kvöld.

Heilbrigðisyfirvöld í Kína setja reglur um líffæraígræðslu

Heilbrigðisyfirvöld í Peking hafa veitt 13 sjúkrahúsum leyfi til að stunda líffæraígræðslur. Þetta er gert til að koma í veg fyrir ólögleg viðskipti líffæra. Reglugerð sem bannar viðskipti með líffæri í Kína tók gildi 1. maí síðastliðinn.

Rækjuvinnslu hætt hjá Miðfelli á Ísafirði

Rækjuvinnslu fyrirtækisins Miðfells á Ísafirði hefur verið hætt ótímabundið frá og með deginum í dag. Þetta kemur fram á vef Bæjarins besta. Þar er vitnað í tilkynningu frá Elíasi Oddssyni, framkvæmdastjóra Miðfells, sem segir að ekki hafi verið teknar ákvarðanir um uppsagnir starfsfólks að svo stöddu, en tugir manna vinna hjá fyrirtækinu.

Fundu eftirlýstan stríðsglæpamann með gagnabanka Interpol

Yfirvöld í Frakklandi handtóku fyrir skemmstu karlmann frá Rúanda, Issac Kamali, sem eftirlýstur hefur verið fyrir þjóðarmorð og glæpi gegn mannkyni.