Greining: Lúðueldi

Fiskey ehf. mun á næstu mánuðum loka lúðueldisstöð sinni í Þorlákshöfn. Þá verður ein slík stöð eftir en Silfurstjarnan er með áframeldisstöð í Axarfirði. Lúðueldi hefur farið stigvaxandi hér á landi og nú er svo komið að jafnmikið er til af villtri lúðu og eldislúðu.

Greiningin tilbúin í Vesturbyggð

Greiningunni sem Atvinnuþróunarfélag Vestfjarða hefur unnið að um rekstur Bílddælings, sem lagði niður starfsemi sína í sumar, er nú lokið að sögn Shirans Þórissonar, viðskipta- og markaðsráðgjafa félagsins. Skýrslan verður í dag afhent Guðmundi Guðlaugssyni, bæjarstjóra í Vesturbyggð, og síðan tekin til umræðu næstkomandi miðvikudag.

Guttormur felldur

Guttormur, nautið ástkæra í Húsdýragarðinum, verður felldur í dag að sögn Margrétar Daggar Halldórsdóttur, deildarstjóra dýradeildar Húsdýragarðsins. Margrét segir enn fremur að hann verði farinn áður en Húsdýragarðurinn verður opnaður í dag.

Uggur í leiksskólakennurum

Stjórn Félags leikskólakennara hvatti leikskólastjóra til þess að takmarka innritun barna, loka deildum eða stytta opnunartíma frekar en að láta ástandið sem nú hefur skapast á leikskólum vegna manneklu bitna á faglegu starfi og öryggi barnanna.

114 látnir eftir sjálfsmorðsárás

Minnst 114 manns létust og156 eru særðir eftir sjálfsmorðsárás í hverfi sjíta í Bagdad, höfuðborg Íraks, í morgun. Þetta er næst mannskæðasta sjálfsmorðsárás í landinu frá stríðslokum.

Mannskæð aurskriða í Noregi

Einn maður fórst og níu slösuðust, þar af kona og lítil stúlka lífshættulega, þegar aurskriða féll á íbúðahverfi í Bergen í Noregi í nótt. Fjöldi íbúa var fluttur frá heimilum sínum af ótta við að fleiri skriður féllu en svo hefur þó ekki orðið enn.

Enn eitt reiðarslagið

Enn eitt reiðarslagið ríður nú yfir rækjuiðnaðinn hér á landi þar sem tollar af rækju frá Kanada til Evrópusamabndsins hafa verið lækkaðir til muna en hún keppir við íslensku rækjuna á þeim markaði.

Dauðadómur vegna Jakarta-árása

Dómstóll í Jakarta á Indónesíu dæmdi í morgun mann til dauða fyrir aðild að hryðjuverkaárásum á ástralska sendiráðið í borginni á síðasta ári. Í gær hlaut maðurinn sem skipulagði árásirnar einnig dauðadóm.

Formlega talinn látinn

Víðtæk leit að Friðriki Ásgeiri Hermannssyni, sem saknað hefur verið síðan sjóslysið varð á Viðeyjarsundi á laugardag, bar engan árangur í gærkvöldi og er hann formlega talinn látinn. Leit verður haldið áfram og í gær stóð til að taka skýrslu af hjónunum sem komust af í slysinu.

Katrín: Ákærðir fyrir vanrækslu

Eigendur hjúkrunarheimilis í New Orleans voru í gær ákærðir fyrir að hafa sýnt vítaverða vanrækslu með því að skilja ósjálfbjarga sjúklinga heimilisins eftir þar í kjölfar fellibylsins Katrínar.

Gröfuþjófurinn ófundinn

Þjófurinn sem braust inn í tölvuverslun í Kópavogi í fyrrinótt með því að beita traktorsgröfu er ófundinn og liggur enginn sérstakur undir grun eftir því sem fréttastofan best veit. Unnið var í allan gærdag að því að lagfæra framhlið verslunarinnar sem stórskemmdist og hleypur tjónið á mörg hundruð þúsundum króna.

Bretar hamstra bensín

Bretar hamstra þessa dagana bensín sem aldrei fyrr þó að verðið sé í hámarki. Bensínkaupin koma þó ekki til af góðu heldur er fólk hrætt við að bensínbirgðir landsins verði brátt á þrotum.

Esjan grá langt niður í hlíðar

Esjan gránaði af snjó langt niður í hlíðar í nótt sem er ótvíræður fyrirboði þess að haustið er gengið í garð. Víða gránaði á hálendinu en þó varla meira en svo að víðast mun snjóinn taka upp í dag.

Mikil spenna í Þýskalandi

Þingkosningarnar í Þýskalandi á sunnudaginn verða æsispennandi ef marka má nýjar skoðanakannanir. Flokkur Gerhards Schröders, kanslara Þýskalands, virðist aðeins vera að dala að nýju eftir að hafa bætt verulega við sig í kjölfar sjónvarpskappræðna kanslaraefnanna tveggja fyrir rúmri viku.

Athyglisvert val RÚV á viðmælendum

Vilhjálmur Þ. Vilhjálmsson, oddviti Sjálfstæðisflokks í Reykjavík segir val stjórnenda Kastljóss á fulltrúa minnihluta gegn borgarstjóra, athyglisvert. Flugvallarmálið hafi verið til umræðu og stjórnendur Kastljóss hafi ákveðið að kalla til leiks varaborgarfulltrúa og prófkjörskandidat til að skiptast á skoðunum við borgarstjóra um málið í stað þess að kalla til oddvita minnihlutans til að skýra stefnu Sjálfstæðisflokks.

Varnargirðing sett upp?

Ríkisstjórn Afganistans hefur fagnað tillögum Pakistana um að reisa varnargirðingu á landamærum ríkjanna til þess að hindra að skæruliðar Al Qaida og talíbana komist yfir landamærin. Afganar halda því fram að fjölmargir liðsmenn hryðjuverkasamtakanna hafi leitað hælis í Pakistan, geri árásir yfir landamærin og flýi svo þangað aftur.

Aspirín kemur hugsanlega að gagni

Smáir skammtar af aspiríni koma hugsanlega í veg fyrir aukaverkanir af völdum gigtarlyfsins Vioxx sem var tekið af markaði í fyrra. Aukaverkanirnar voru svo alvarlegar að talið er að um hundrað þúsund manns hafi látist í Bandaríkjunum eftir að hafa tekið lyfið.

Vestfirðingar upplifa meiri hættu

„Vestfirðingar upplifa mikla áhættu vegna reglubundinna ferða sinna að vetrarlagi, mun meiri en íbúar annarra landshluta og skera sig í raun alveg úr“. Þannig komast sérfræðingar Rannsóknastofnunar Háskólans á Akureyri að orði í nýlegri skýrslu um samgöngur á Vestfjörðum og Bæjarins besta á Ísafirði greinir frá í dag.

Írak: 130 látnir eftir morguninn

Eitthundrað og þrjátíu manns létu lífið og yfir eitthundrað og fimmtíu særðust í hryðjuverkaárásum í Írak í dag. Al-Qaida samtökin segjast hafa byrjað herferð sjálfsmorðsárása.

Allir farsímanotendur staðsettir

Lausn er að fást á málum farsímanotenda sem hringja í Neyðarlínuna. Tilkynningar er að vænta í dag frá Neyðarlínunni um hvernig málið verður leyst

Allir Íslendingarnir komnir fram

Allir Íslendingarnir sem saknað var eftir að fellibylurinn Katrín gekk yfir suðurströnd Bandaríkjanna eru komnir fram heilir á húfi. Rita Godin hafði samband við ættingja sína í gær og lét vita að ekkert amaði að henni og syni hennar.

Kísiliðjan að hverfa

Kísiliðjan við Mývatn er smátt og smátt að hverfa en verið er að rífa húsnæðið. Í dag verður fjörtíu og átta metra hár turn verksmiðjuhússins felldur í heilu lagi.

Kaupmáttur launa hefur rýrnað

Kaupmáttur launa þorra launþega hefur rýrnað frá áramótum samkvæmt útreikningum hagfræðinga ASÍ. Verðbólgan hefur haft launahækkunina um síðustu áramót af þorra þeirra launþega sem þiggja laun samkvæmt kjarasamningum fjölmennustu verkalýðshreyfinga.

Öllum Íslendingum líklega óhætt

Skriða féll á íbúðahverfi í Björgvin í Noregi í nótt. Kona á sextugsaldri lést og fjögurra ára barn er slasað. Óttast er að súlur séu að hrynja í verslunarmiðstöð. Talið er að Íslendingar hafi ekki lent í skriðunni.

Halldór situr leiðtogafund Sþ

Halldór Ásgrímsson forsætisráðherra verður í Bandaríkjunum næstu þrjá daga en hann situr leiðtogafund Sameinuðu þjóðanna í New York. Forsætisráðherra mun ávarpa leiðtogafundinn á morgun.

Stjórnarmyndunarviðræður hafnar

Stjórnarmyndunarviðræður í Noregi eru hafnar og telja má næsta víst að Verkamannaflokkurinn, Sósíalistaflokkurinn og Miðflokkurinn myndi saman næstu ríkisstjórn enda gengu þessir þrír flokkar að því leytinu bundnir til kosninga að þeir gáfu það út í baráttunni að þeir stefndu að því að starfa saman.

3-4% ungra kvenna með átröskun

Þrjú til fjögur prósent ungra kvenna hafa átröskun af einhverju tagi. Jón Kristjánsson heilbrigðisráðherra vill setja 16-18 milljónir króna í meðferðarúrræði strax í haust.

Létu vita af bjarndýri með SMS

Tvö skelfingu lostin sænsk ungmenni sendu í gærkvöldi SMS-skilaboð til föður annars þeirra og sögðu að bjarndýr væri fyrir utan tjaldið þeirra þar sem þau voru í útilegu í Noregi. Faðirinn sendi skilaboð um hæl en ekkert frekara samband náðist við piltinn og stúlkuna sem bæði eru nítján ára gömul.

Minnsta atvinnuleysi í fjögur ár

Atvinnuleysi hefur ekki verið minna á Íslandi síðan í nóvember 2001. 1,8% vinnubærra manna voru án vinnu í síðasta mánuði samkvæmt tölum Vinnumálastofnunar og er það rúmlega þriðjungi minna atvinnuleysi en í ágústmánuði í fyrra.

Reiðubúinn að aflétta öllum tollum

George Bush Bandaríkjaforseti sagði í ræðu sinni á leiðtogafundi Sameinuðu þjóðanna síðdegis að stjórnvöld í Wahsington væru reiðubúin að aflétta öllum tollum og viðskiptahömlum ef aðrar þjóðir gerðu það sama.

160 milljarða tap vegna Katrínar

Tryggingafyrirtækið Lloyds í London hefur gefið það út að áætlað tap fyrirtækisins vegna fellibylsins Katrínar væri nær hálfur annar milljarður sterlingspunda sem jafngildir um 160 milljörðum íslenskra króna.

Um 400 börn enn á biðlistum

Rúmlega 400 börn bíða enn eftir plássi á frístundaheimilum borgarinnar vegna skorts á starfsfólki. Í leikskólana vantar um 100 starfsmenn. Stefán Jón Hafstein segir ráðningar ekki ganga nógu hratt.</font /></b />

Verðbólgan hækkar afborganir lána

Verðtrygging húsnæðislána tíðkast hvergi nema á Íslandi ef miðað er við lönd innan OECD. Verðbólgan nú hefur þau áhrif að afborganir á húsnæðislánum hækka jafnvel um tugi þúsunda á ári. </font /></b />

Sprengjuhótunarmál til saksóknara

Rannsókn á máli konu sem hringdi inn sprengjuhótun til Keflavíkurflugvallar í byrjun ágúst er nú lokið hjá lögreglunni á Keflavíkurflugvelli.

Ferðamaður dæmdur fyrir líkamsárás

Bandarískur ferðamaður var í gær dæmdur í Héraðsdómi Reykjavíkur fyrir líkamsárás.

Karlar að vakna til vitundar

Árni Magnússon félagsmálaráðherra ætlar að halda karlaráðstefnu um jafnréttismál í haust við góðar undirtektir. Hann segir að karlar séu að vakna til vitundar um jafnréttismál og það breikki umræðuna að þeir taki virkan þátt í henni. </font /></b />

Búin að gefast upp á Landspítala

Yfiriðjuþjálfi til 24 ára á Landspítala háskólasjúkarhúsi er búinn að gefast upp, - í bili. Elín Ebba Ásmundsdóttir ræðir um orsakir áhugaleysis, virðingarleysis og skorts á væntumþykju og einlægum áhuga í starfsumhverfinu á LSH. </font /></b />

Blóðbað í hverfi sjía-múslima

Á annan tug sprenginga urðu í miðborg Bagdad í gær, sem bönuðu að minnsta kosti 152 manns og særðu minnst 542. Spreningarnar byrjuðu með stórri sjálfsmorðs-bílsprengjuárás sem beint var gegn daglaunamönnum sem safnast höfðu saman á þessum stað í borginni í von um að fá vinnu þann daginn. Íraksdeild Al Kaída lýsti ábyrgð á tilræðunum á hendur sér.

Búist við útvatnaðri umbótaályktun

Á leiðtogafundi Sameinuðu þjóðanna, sem hófst í gær, lýsa leiðtogar heims hver sinni sýn á brýnustu úrlausnarefni alþjóðamála. Reiknað er með að þeir samþykki útvatnaða ályktun um umbætur á samtökunum.

Sver af sér vinstrisamstarf

Gerhard Schröder, kanslari Þýskalands, sór og sárt við lagði í gær að hann myndi aldrei mynda ríkisstjórn sem væri komin upp á stuðning Vinstriflokksins, kosningabandalags austur- og vestur-þýskra sósíalista sem hugsanlegt er að muni ráða yfir oddaatkvæðum á þýska þinginu eftir kosningarnar um helgina.

Milljón börn munaðarlaus

Barnahjálp Sameinuðu þjóðanna, UNICEF, ítrekaði í dag að leggja yrði allt kapp á að enda borgarastyrjöldina í Úganda hið fyrsta. Hátt í milljón börn hafa orðið munaðarlaus í kjölfar styrjaldarinnar og 25 þúsund drengir og stúlkur hafa verið hneppt í þrælahald.

N-Kóreumenn gefa ekki eftir

Enginn árangur varð af fundi fulltrúa sex ríkja í Peking í dag þar sem menn freistuðu þess að finna sameiginlegan grundvöll fyrir því að norðurkóresk stjórnvöld hættu við kjarnorkuvopnaáætlun sína.

Ríkið gæti þurft að borga meira

Launaábyrgðir ríkisins fyrir Bandaríkjaher gætu aukist um tugi milljóna ef Rafiðnaðarsambandið vinnur mál á hendur ríkinu í Hæstarétti. Í vor vann sambandið málið í Héraðsdómi, en því var áfrýjað og verður flutt í Hæstarétti í október.

582 konur í framboði í Afganistan

582 konur gefa kost á sér í þingkosningum í Afganistan sem fara fram á sunnudaginn. Áður en Bandaríkjamenn réðust inn í Afganistan haustið 2001 var konum bannað að taka þátt í stjórnmálum í landinu. Af 249 sætum í neðri deild afganska þingsins eru sextíu og átta frátekin fyrir konur.

Lokaleit verður um helgina

Maðurinn sem saknað er eftir sjóslys á Viðeyjarsundi er talinn af. Í slysinu fórst einnig kona, en hjón með 10 ára dreng björguðust. Lögregla tók af þeim skýrslur í gær. Formlegri leit að líki mannsins verður ekki haldið áfram í dag.