Greiningin tilbúin í Vesturbyggð

Greiningunni sem Atvinnuþróunarfélag Vestfjarða hefur unnið að um rekstur Bílddælings, sem lagði niður starfsemi sína í sumar, er nú lokið að sögn Shirans Þórissonar, viðskipta- og markaðsráðgjafa félagsins. Skýrslan verður í dag afhent Guðmundi Guðlaugssyni, bæjarstjóra í Vesturbyggð, og síðan tekin til umræðu næstkomandi miðvikudag. Vesturbyggð fól Atvinnuþróunarfélaginu að vinna greininguna í framhaldi af fundi sem haldinn var á Bíldudal í sumar með þingmönnum kjördæmisins og bæjaryfirvöldum um atvinnumál bæjarins.