Mikið álag á starfsfólki

Þeir sem leita til slysadeildarinnar í Fossvogi geta þurft að bíða í allt að fjórar klukkustundir eftir þjónustu læknis. Yfirlæknir deildarinnar segir að mikið álag sé á starfsfólki, það fari örþreytt heim og sé ekki úthvílt þegar það mæti aftur til starfa.

Áströlum og Írökum hótað

Ástralíu og Ítalíu hafa borist hótanir um hryðjuverk frá samtökum, sem talin eru tengjast Al-Kaída, flytji löndin ekki heri sína heim frá Írak. Utanríkisráðherra Ástralíu segist taka hótunina alvarlega en ekki komi til greina að láta undan kröfum hryðjuverkamanna. 

Áfengisauglýsingar Moggans kærðar

Morgunblaðið auglýsir áfengi í tímariti um helgina þrátt fyrir blátt bann við slíkum auglýsingum í lögum. Hildur Hafstein hjá Lýðheilsustofnun segir að auglýsingarnar verði kærðar. Hún segir nauðsynlegt að gera lög um áfengisauglýsingar skýrari en þau séu margoft brotin. 

Pyntingatól í Írak

Pyntingartól sem Údei Hussein notaði til að refsa íþróttamönnum í stjórnartíð Saddams, föður hans, voru höfð til sýnis á þjóðarleikvangi Íraka í Bagdad í gær. Þetta var gert í tilefni Ólympíuleikanna sem haldnir verða í næsta mánuði til að minna á að ógnarstjórnin sé liðin undir lok. 

Draugabani á Ströndum

Á Ströndum læra menn að kveða niður drauga og ekki er vanþörf á því allt er morandi í draugum, segir Sigurður Atlason draugabani sem fréttastofan hitti í Hólmavík. Hann segist vera búinn að kveða niður þrjátíu drauga í sumar.

Vegagerð á Vestfjörðum á fullu

Unnið er hörðum höndum að því að bæta vegi á Vestfjörðum. Gangi framkvæmdir að óskum verða aðeins 35 kílómetrar án bundins slitlags í Ísafjarðardjúpi á næsta ári.

Geitungafaraldur í vændum

Í kjölfar mikilla hlýinda í sumar má búast við miklu magni geitunga og stórra geitungabúa í ágúst. "Stóru búin er orðin mörg hver vígaleg og erum við að búa okkur undir mikinn hasar í ágúst," segir Smári G. Sveinsson, meindýraeyðir og eigandi Varna og eftirlits

Fjórtán manns látast í lestarslysi

Fjórtán manns, þar af fimm börn, létust þegar lítil rúta og lest skullu saman á lestarteinum í vesturhluta Tyrklands í gær. Rútan var að aka yfir teinana og létust allir þeir sem voru í henni en sex manns í lestinni slösuðust.

Miklir skógareldar í Frakklandi

Um þrjú þúsund hektarar af skóglendi brunnu og um tvö þúsund manns þurftu að flýja heimili sín vegna mikilla skógarelda norður af Marseille í Frakklandi um helgina. Þrír slökkviliðsmenn slösuðust við vinnu sína þar af tveir þegar þeir fengu á sig vatn sem sleppt var úr flugvél.

Sjötíu þúsund mynduðu mótmælakeðju

Um sjötíu þúsund Ísraela tókust í hendur og mynduðu keðju fólks allt frá Gaza til Jerúsalem í gær. Með þessu var fólkið að mótmæla áformum Ariels Sharon forsætisráðherra um að eyðileggja nokkrar landtökubyggðir gyðinga og draga herliðið frá Gaza-svæðinu.

Láta ekki undan hótunum al-Kaída

Alexander Downer, utanríkisráðherra Ástralíu, segir að hótanir evrópudeildar al-Kaída hryðjuverkasamtakanna um hryðjuverk í landinu verði teknar alvarlega þó stjórnvöld þar í landi ætli sér ekki að láta undan þeim.

Hjálparsveitir snúa aftur

Eftir nokkura daga hlé á hjálparstarfi hafa hjálparstofnanir aftur komið upp matarbirgðum í tveimur búðum fyrir súdanska flóttamenn í nágrannaríkinu Tsjad. Á svæðinu hafast fjörutíu þúsund súdanskir flóttamenn við eftir að leiðtogar búðanna hétu því að tryggja öryggi þeirra en hjálparstarfi þar var hætt í nokkra daga vegna ofbeldis.

Ekki leitað um helgina

Engin skipuleg leit fór fram að Sri Rahmawati um helgina. Konunnar hefur verið saknað í réttar þrjár vikur. Fyrrverandi sambýlismaður hennar verður yfirheyrður í dag. Hann kærir ekki úrskurð um framlengingu á gæsluvarðhaldi.

Ólíklegt að Austurbær verði rifinn

Það eru ekki miklar líkur á því að niðurrif Austurbæjar verði heimilað," sagði Árni Þór Sigurðsson, borgarfulltrúi Reykjavíkurlistans og forseti borgarstjórnar, er Fréttablaðið leitaði eftir viðbrögðum hans vegna niðurstaðna úr skoðanakönnun.

Bólusett gegn fíkniefnum?

Breska ríkisstjórnin er að hugleiða róttæk áform um að bólusetja börn gegn því að ánetjast fíkniefnum þegar þau eldast, að því er breska dagblaðið The Independent on Sunday segir frá.

Blair ver umbreytingu flokksins

Tony Blair sætir vaxandi gagnrýni frá vinstri armi Verkamannaflokksins. Hann varði umbreytingu flokksins í ræðu um helgina og hét flokksmönnum sigri í þriðju þingkosningunum í röð. </font /></b />

Baráttan við smyglara

Fórnarlömb mansals trúa ekki sögum um örlögin sem bíða þeirra, segir sýslumaðurinn á Keflavíkurflugvelli. Hann telur árangur hafa náðst bæði í baráttunni gegn smygli á fólki og fíkniefnum. </font /></b />

Maðurinn fannst látinn

Eiríkur Örn Stefánsson, sem lögreglan lýsti eftir á fimmtudag og björgunarsveitir leituðu að, fannst látinn í gærkvöld skammt frá meðferðarheimilinu Vogi. Þar hafði síðast sést til hans 5. júlí. Ekki er talið að refsiverð háttsemi tengist láti hans. Eiríkur Örn var 48 ára að aldri.

Skaut 3 skotum úr veiðiriffli

Lögreglan á Akureyri handtók laust fyrir klukkan ellefu í gærkvöldi karlmann á þrítugsaldri. Maðurinn hafði veifað kraftmiklum veiðiriffli sem hann hafði tekið ófrjálsri hendi í heimahúsi fyrr um kvöldið og skotið þremur skotum út í loftið. 

Embættismanni rænt í Írak

Háttsettur embættismaður frá Egyptalandi er nú í haldi írakskra skæruliða ásamt sjö öðrum gíslum. Egyptinn, Momdoh Kotb að nafni, er einn af aðalerindrekum Egypta í Írak og segjast skæruliðarnir hafa tekið hann í gíslingu vegna tilboðs Egypta um að hjálpa til við öryggismál í landinu.

Bretar telja Blair óheiðarlegan

Meirihluti breskra kjósenda telur Tony Blair, forsætisráðherra Breta, óheiðarlegan samkvæmt nýrri skoðanakönnun. Í könnuninni, sem gerð var fyrir dagblaðið Daily Mail, segjast 59% aðspurðra telja að Blair hafi logið til um gereyðingarvopn í Írak.

Brúin endurreist eftir stríðið

Mostar-brúin í Bosníu og Hersegóvínu var opnuð á nýjan leik í gær við hátíðlega athöfn. Brúin, sem byggð var á 16.öld, var sprengd upp í stríðinu á Balkanskaga árið 1993 og þykir enduruppbygging hennar táknræn fyrir bætt samband múslima og Króata.

Alþjóðlegur laugardagur í miðbænum

Í dag er alþjóðlegur laugardagur í „Magnaðri miðborg“ þar sem alþjóðlegur hluti miðborgarinnar fær að njóta sín. „Mögnuð miðborg“ er yfirskrift skipulagðrar dagskrár í sumar í miðborg Reykjavíkur.

Boð Bandaríkjamanna falskt

Norður-Kóreumenn hafa hafnað beiðni Bandaríkjamanna um að þeir eyði öllum kjarnorkuvopnum sínum og láti af kjarnorkuáætlunum í skiptum fyrir aðstoð og viðurkenningu alþjóðasamfélagsins. Haft er eftir talsmanni norðurkóreska utanríkisráðuneytisins að boð Bandaríkjamanna sé falskt og ekki vert umhugsunar.

Lenti með hendi í sláttuvél

Kona í Garðabæ lenti með hendi í garðsláttuvél í vikunni og missti framan af þremur fingrum. Lögregla og sjúkralið voru kölluð á vettvang og var konan í kjölfarið flutt á slysadeild.

Fingralöng langamma

80 ára gömul langamma á Ítalíu hefur verið handtekin, grunuð um að hafa árum saman byrlað fólki lyf svo það líður út af og rænt fólkið í kjölfarið. Ítölsku lögreglunni tókst að hafa hendur í gráu hári þeirrar gömlu, Vittoriu Benetti að nafni, eftir að síðasta fórnarlamb hennar bar kennsl á hana á myndum lögreglunnar.

Ekið á fjölda kinda árlega

Ekið er á 20-25 kindur á ári í umdæmi lögreglunnar á Ísafirði og eru þá ótaldar þær sem ekki er tilkynnt um til lögreglunnar. Í fæstum tilvikum verða slys á fólki en tjón á bílum hins vegar umtalsvert.

Morðákæra á fyrrverandi forseta

Luis Echeverria, fyrrverandi forseti Mexíkó, hefur verið ákærður fyrir sinn þátt í morðum á stúdentum sem áttu sér stað fyrir 33 árum. Að minnsta kosti 25 stúdentar voru drepnir í friðsamlegri mótmælagöngu um Mexíkóborg árið 1971.

Markar ekki vatnaskil

Árni Mathiesen sjávarútvegsráðherra segir ráðstefnu Alþjóðahvalveiðiráðsins sem lauk á fimmtudag ekki marka nein vatnaskil í umræðunni um hvalveiðar í atvinnuskyni. Mikið starf sé enn fyrir höndum til að fá hvalveiðibanninu aflétt.

100 ára afmæli síldarvinnslu

Þess er nú minnst á Siglufirði að hundrað ár eru liðin frá því að síldarvinnsla hófst þar í bæ. Skemmtun gærkvöldins stóð langt fram á morgun og en bærinn fór aftur að vakna til lífsins þegar nær dró hádegi.

Á 176 km hraða á Reykjanesbraut

Um eittleytið í nótt stöðvaði lögreglan í Hafnarfirði karlmann á þrítugsaldri á 176 km hraða á Reykjanesbraut skammt frá Hafnarfirði, en þar er leyfilegur hámarkshraði 90 km á klukkustund. Maðurinn var að taka fram úr öðrum bíl þegar hann mældist á þessum hraða.

55 laxar á sex dögum

Finnskur hópur veiddi 55 laxa á sex dögum í Laugardalsá í Ísafjarðardjúpi en alls voru 230 fiskar komnir á land þegar þeir luku „hollinu“ í fyrradag. Fréttavefur Bæjarins besta hefur eftir Sigurjóni Samúelssyni veiðiverði að Laugardalsá sé orðin fengsælasta á landsins á hverja stöng og slægi þar með út Blöndu sem hafði efsta sætið áður.

Þrír menn ákærðir vegna slyssins

Tyrknesk yfirvöld hafa ákært þrjá menn vegna lestarslyssins sem varð 37 manns að bana á fimmtudaginn. Mennirnir eru ákærðir fyrir að hafa valdið dauða fleiri en eins manns með því að sýna vítavert kæruleysi.

Siglingaverndarlög kosta offjár

Ný lög um siglingavernd, sem tóku gildi 1. júlí sl., kosta þjóðarbúið hundruð milljóna króna. Þar af leggst margra milljóna kostnaður á hverja höfn vegna þáttar hafnarverndar í lögunum.

Stjórnmálaleiðtogi út úr skápnum

Leiðtogi Frjálslynda demókrataflokksins í Þýskalandi, Guido Westerwelle, kom út úr skápnum í viðtali við tímaritið Der Spiegel í dag. Westerwelle hefur tekið þátt í fjölda samkoma undanfarnar vikur þar sem hann hefur lagt áherslu á aukin réttindi samkynhneigðra para í þjóðfélaginu. 

Kross tálgaður af Þórbergi

Á morgun verður opnuð merkt gönguleið í Staðarfjalli í Suðursveit og afhjúpaður kross, sem Þórbergur Þórðarson rithöfundur tálgaði, í Garðhvammi við Klukkugil. </span />Stutt dagskrá verður við byrjun gönguleiðarinnar og síðan verður farið upp í Garðhvamm en þangað er um klukkustundar ganga.

Fimm konur með barn í fangelsi

Fanta Silla, sem fékk fimm ára dóm fyrir e-töflusmygl, gæti orðið sjötta konan sem tekur barn sitt með sér í fangelsi hér á landi síðan Kvennafangelsið í Kópavogi var tekið í notkun fyrir fimmtán árum. Börnin geta búið þar hjá mæðrum sínum til tveggja ára aldurs.

Bílastæði fyrir fatlaða víkja

Tryggingastofnun gerir alvarlegar athugasemdir við tillögur að breyttu skipulagi við Hlemmtorg. Samkvæmt tillögunni verða tvö bílastæði fyrir fatlaða tekin undir sérmerkta beygjuakgrein.

Embættismanni rænt í Írak

Skæruliðar í Írak tóku í dag háttsettan egypskan embættismann í gíslingu. Þetta er í fyrsta skipti sem erlendum embættismanni er rænt í Írak. 

Stútungasaga undir beru lofti

Þessa dagana standa yfir leiksýningar undir berum himni í Heiðmörkinni. Þar er á ferðinni Stútungasaga sem fjallar á drepfyndinn hátt um Sturlungaöldina og er gert stólpagrín að helstu hetjum þess tíma. Leikhópurinn segist hafa gert sérstakan samning við manninn á efri hæðinni um gott veður allan sýningartímann.

Egyptar hvattir til staðfestu

Forsætisráðherra Íraks, Iyad Allawi, hvatti Egypta til þess að standa fast á sínu og virða að vettugi hótanir íraskra vígamanna sem halda egypskum sendimanni í gíslingu.

Yfirbugaður með veiðiriffil

Engan sakaði þegar sérsveitarmenn og lögregla á Akureyri yfirbuguðu mann í gærkvöld sem braust inn í hús á staðnum vopnaður veiðiriffli. Maðurinn var undir áhrifum fíkniefna.

Fastar í neti skúrka

Stígamót þekkja dæmi um að starfsemi tengd nektardansi jaðri við að vera mansal og í sumum tilvikum telur Rúna Jónsdóttir, talskona Stígamóta, að um raunverulegt mansal hafi verið að ræða.

FÍB í mál við tryggingafélögin?

Ekki er útilokað að Félag íslenskra bifreiðaeigenda höfði dómsmál gegn tryggingafélögunum vegna ólögmæts samráðs. Áfrýjunarnefnd Samkeppnismála hafnaði kröfu félagsins um að ómerkja úrskurð Samkeppnisráðs þar sem tryggingafélögin sluppu við sektir. Framkvæmdastjóri FÍB segir vinnubrögð samkeppnisyfirvalda í málinu til háborinnar skammar.

Engar framfarir án öryggis

Efnahagslíf Íraka hefur ekki enn tekið við sér, fimmtán mánuðum eftir fall Saddams Hussein. Áhugi erlendra fjárfesta er til staðar en þeir halda að sér höndum vegna óaldar sem ríkir í landinu.